Infinity Workshop Cafe (已結業)

夜晚約左班好姐妹食飯，決定搵間舒服得黎，又可以坐得耐既cafe，搵到依間位於登打士廣場裡面既店舖。感覺新裝修，地方好大，位置間有空間感，唔會迫坐左張sofa位，有d太軟。唔知係未閒日關係，未算坐爆，更加適合傾計。姐妹一人叫左一碟意粉，都算大碟幾飽肚，不過現場見到幾個後生女負責成間cafe，包括煮同招呼落單，等候時間有少少長。蛋汁意粉，好多汁，有煙肉，三色椒，味道唔錯依碟朋友好快食晒，黑松露味一般，反而蒜味過重。忌廉明太子三文魚意粉，眼見都好多汁，但味道都唔錯三眼仔抹茶，畫得好可愛呀最後叫左個蜜糖雞翼，慢慢食住傾都唔錯架。

想約朋友係交通方便嘅旺角食飯, 但又想享受鬧市中難得嘅寧靜, 於是我搵左間幾多好評嘅樓上cafe, 果然冇令我失望。一上到去見到個環境已經幾舒服, 雖然唔係好大, 但枱與枱之間都有一定距離, 傾密計都唔怕俾其他人聽到。睇到menu其中一樣特色就係呢杯三眼仔green tea latte, 都幾得意。送飲品上黎嘅侍應姐姐話, 三眼仔唔開心呀因為要俾你飲左佢 lol, 我諗佢應該有好多表情。忌廉汁好rich, 明太子好多, 呢個意粉係幾好食, 賣相都靚, 有朵三文魚玫瑰。份量都唔算少, 同埋可能個汁好rich, 食完都幾飽。深海魚煎得剛剛好, 肉質唔會老, 但呢條魚本身唔係特別好食。個意粉我覺得都幾好食幾香, 但朋友就覺得三文魚意粉好食D。價錢唔算平, 都係一般樓上cafe價, 但地點夠方便, 環境舒服, 又可以唔限坐, 野食都好食, 所以性價比都幾高。

一班朋友聚會，預先訂了旺角一間Café，我們去到時已經很多人，我們一行差不多10人，但餐廳沒有預留大檯給我們，所以我們都等了好一會兒才有位餐廳有些特色飲料，三眼仔畫花的鮮奶抹茶最可愛，影相打卡一流，我點的是維尼小熊，是波蘿+熱情果+橙汁，甜甜酸酸的，頗為開胃我們各自點了好幾款不同的意粉，結果都大失所望！黑松露油炒鮮帶子虎蝦意粉，意粉比較偏油，可能是因為是油炒，但實在整碟意粉是沒有味道，聞上去是有黑松露的味道，但吃下去是完全沒有，帶子和蝦都是OK的，就是意粉完全像白烚再加油炒。白松露油香煎深海魚柳意粉，同樣是松露意粉，但比黑松露那些味道好點，有點鹹味，但松露味道反而不太重，魚柳也可以意式煙肉蛋汁意粉，朋友說這碟意粉質感偏硬，有點似是沒煮熟，味道不知道如何，結果吃了幾口就沒再吃濃香茄醬豚肉腸意粉，應該是這麼多款最好吃的意粉，味道正正常常，醬汁和意粉都OK結果我們純粹是來閑談而沒有享受美食，較為滿意的是飲品，各款味道和賣相是不錯的

踩完單車電話無曬電，所以想搵個舒服既地方休息下，食下野，幫電話充下電。一去到立刻借了充電器，外置差差得好慢，仲要條線壞壞地，所以換第2條，雖然換完差到，但真係差得好慢。呢到環境係唔錯，好有心機既佈置，上面盞吊燈好靚，成件事係好吸睛，不過坐得唔係好舒服，應該係因為座椅唔舒服。忌廉明太子三文魚意粉（$108）個汁唔太好味，明太子辣辣地，三文魚好細舊，意粉份量唔多，食完都唔飽，我覺得唔值呢個價，真係有點失望！黑魔后（$49）用左可樂，咖啡，曲奇，棉花糖整成既飲品，望落其實幾吸引，但飲落有d怪，咖啡同可樂唔太夾啦！個口感似沙冰又唔係沙冰，小小偏苦，唯一可以讚係棉花糖細細粒好得意，幾有咬口。

同朋友諗住搵間cafe飲下咖啡傾下計，見到openrice評價唔錯就試下啦cafe嘅位置好方便，最啱行完街去食個tea入到去餐廳感覺好舒服，因為枱同枱唔會痴到好埋，有d空間感，唔會好迫同好嘈。野食方面叫咗三文魚意粉同蜜糖雞翼味道幾好！但略嫌個意粉太多汁。雞翼好香，又夠脆咖啡就普普通通 無咩特別☕️

I was running some errands at Yau Ma Tei and when i was done, it was already lunch time. Since i was at around Dundas Street, I decided to go to Infinity workshop for lunch as i enjoyed their food the last time i ate. It was located at Dundas Square, around 3 minutes walk from Yau Ma Tei MTR. They do not serve set lunch and only ala carte menu was available. As it was a cafe, they served a wide range of drinks and were popular for their pasta and desserts etc. Piglet - It was basically strawberr

今日難得來到旺角上堂，午餐一定要好好享受。由於有個半鐘午飯，本想掃街但也不能吃足個幾鐘，加上又唔想在街上流連，所以都係找cafe。置身熱鬧嘅旺角中，打開open rice搜索一下，也有不少上樓cafe，在登打士廣場原來也有不少選擇，那便找家食物賣相不錯兼多好評的吧。星期四12:30，店剛剛開似的，我是今天的第一位食客隨意找個位坐下只有一個人想吃的很多，肚子空間有限，研究良久才拿定主意，先來個沙律🥗和一杯名為灰姑娘的沙冰其想又想吃一點熱食，但份量看似不少，唯有打消念頭好了這兒飲品款式勁多，Espresso / Coffee已有十幾款；沙冰呢？沙冰類被名命為童話世界，叫得童話世界即係好七彩繽紛，款式有十幾款，每款也有個童話世界中的名字，如灰姑娘、維尼小熊、睡美人、黑魔后、小紅帽等等；另一吸睛的飲品必定是三眼仔熱鮮奶抹茶，可惜我唔好奶茶類，否則必點無疑！茶類也不少，有多款熱茶和冰茶。這杯是朱古力OREO嘅沙冰，賣相合格，不過以朱古力控嘅標準，略嫌朱古力淡尐囉⋯⋯食物方面有漢堡、all day breakfast、多種炸物拼盤、沙律、意粉、甜品。蝦好大隻，不過焦咗尐，唔係新鮮蝦令我想快尐走的原

☕☕☕☕☕☕☕☕☕☕☕☕☕☕☕☕☕☕☕Cafe必飲三眼仔抹茶😗好可愛❤一路都好鍾意d拉花，可惜佢地都係咖啡，利申唔飲咖啡。味道正常，都係叫黎俾相機食先🤣📸

平日約了朋友，想找個交通方便又可以坐得耐既Cafe 。睇過Op 哩道環境幾好就黎啦。大概一點半上到黎。成個店得大約兩枱客，環境係闊落我地揀左兩個意粉，意式煙肉蛋汁意粉同濃香茄醬豚肉意粉。( 本來想叫burger 但店員話冇) 仲叫左兩個三眼仔Latte 全店就得一個店員，佢一個人招呼晒幾枱客，又煮食又拉花都真係利害既。當然要體諒俾時間等下啦。latte 先來。正路，樣好味道不會太甜有綠茶味冇乜奶味。意粉賣相同粉量都合理。食落係好好濃，但個人認為係味精。所以兩碟都冇食晒。總括而言地方係可以坐好耐，傾足兩三個鐘都ok .（ 見到其他員工開始番工）但我食完就勁口渴，狂飲水左好耐都係好口渴。可能我對味精特別敏感掛，佢地真係重手左小小，可以改善。

已經係第二次黎上一次黎比呢度既食物吸引住所以今日再encoreencore之選分別係蛋卡邦尼意粉好多汁 個味道好好 juicy又creamy又唔油膩仲有蜜糖雞翼佢拆左骨 每件係單骨上次食焗薯同小食拼盤覺得麻麻今次試下第2樣炸魚薯條熱辣辣 炸魚唔會食到成口粉今次試埋呢個蝦意粉，賣相靚但味道一般般由於天氣凍所以飲熱飲 咖啡係唔錯既 但要注意係偏苦三眼仔抹茶鮮奶唔太甜 都重綠茶味$42一人埋單百幾蚊 價錢合理最緊要環境舒服，有沙發坐同朋友聚會傾計就岩哂

约左朋友lunch...就佢方便到了旺角，平常很少到這地方因為人太多， 但這裏嘅感覺就很舒適寧靜地方也很寬敞當然食物也非常好味， 三五知己吹水食飯嘅好選擇。 黑松露虎蝦帶子意粉味道好濃郁 ，海鮮又好新鮮，另一款忌廉明太子三文魚意粉 ……醬汁好香滑，兩款都好好味， 呢度啲嘢飲都好有水準， 我哋order咗一杯果茶好真材實料，另一杯蜜桃菠蘿特飲味道好fresh甜度剛剛好。食物質素和環境都好ok值得推介给朋友開心share!

今日仲放緊假, 同朋友行旺角, 行到攰攰哋去食lunch。呢間cafe都幾大, 空間好闊落, 座位舒適, 最怕位與位之間太密同朋友傾唔到計，呢度絕對唔會，同埋個環境都幾適合包場開party。少少肚餓 ，叫咗炒意粉"囊"下個肚 。黑松露炒鮮帶子虎蝦意粉($108), 呢個爆like, like在啲意粉炒得好乾爽好好食好彈牙，啲意粉炒到索曬啲黑松露同香料嘅味，隻虎蝦好大隻啖啖肉，帶子都好厚身，仲有好多雜菌。招牌漢堡配薯條($138)，個漢堡包真係高到有成隻手板咁大，配料有洋蔥，蕃茄，沙律菜，大咖啡菇，煙肉，免治牛肉，配個蜜糖芥末汁，佢個麵包本身烘過脆脆地，咖啡菇同牛肉係juicy多汁嘅, 牛肉本身肉質比較鮮嫩, 同埋因為本身係由免治牛肉壓成一塊漢堡形狀，咬落去塊漢堡牛肉比較鬆散，口感係較易咬開嘅，佢肉汁juicy係甜甜地㖭, 我覺得最好食都係配埋佢個蜜糖芥末汁, 呢個汁好開胃。炸薯條係粗身，分量都幾多，食幾條都好飽肚。海鹽焦糖牛奶咖啡($39)－下圖左，平時好怕叫焦糖嘅飲品, 因為怕好甜, 但呢杯海鹽焦糖牛奶咖啡又ok喎, 焦糖同牛奶咖啡取得平衡, 唔會太多焦糖味或者太多牛奶味而飲唔到咖啡

在旺角一帶逛完街, 便和朋友在登打士廣場的一間cafe嘆個下午茶, 飲杯熱飲暖下身。之前來過這間cafe吃晚餐, 我覺得這裏的食物和飲品質素也不錯, 所以今次再重來這裏。這一次, 我還是點了上次那杯三眼仔熱鮮奶抹茶, 我朋友則點了一杯名為'長髮公主樂佩'的凍飲, 這個名字很特別。可能是星期一的關係, 很多人也要上班和上學, 所以我們來到的時候人不多。大概等了十五分鐘, 我的三眼仔抹茶鮮奶便送到上來, 我朋友看到也覺得非常吸引, 她也忍不住喝了一口。這是一杯睇得又飲得的抹茶鮮奶, 影完這張相後, 它的3隻眼就即刻被我毀滅了。Matcha latte的抹茶味幾rich, 帶點回甘, 是我喜愛的抹茶粉味。 第一 啖喝下去感覺較杰身, 令喉嚨感到有少少乾, 但之後入口順滑。另外, 我再點了一杯熱菊花茶來喝, 這裏的茶是用上Teapigs的茶包。我很喜歡這個牌子的茶, 因為味道夠濃, 把茶包在熱水裏泡一陣, 味道便慢慢滲出來。

The place is cosy and spacious.Not so many people were here so was good. But the service needs some improvements: they spilled the coffee out of the cup and they didn’t clean. Service really slow to bring us food... waited 40 minutes when there were only few people in the restaurant...

朋友生日食咩簡直就係世紀難題😂如果諗唔到食咩嘅話都可以諗下位於旺角嘅登打士廣場，有好多唔同嘅Cafe☕️ 今次一於試吓呢間餐廳啦！先黎一個溫泉蛋蟹柳沙律🥗不過不失嘅味道，不過份量都非常足夠！黑松露油帶子虎蝦意粉🍤隻蝦都好大隻，用黑松露油炒過之後特別香，意粉亦唔會因為炒嘅關係變得乾爭爭，呢個係值得一試！番茄意大利腸意粉🍅味道比較酸，腸仔份量都非常多。白汁三文魚意粉🍝食落都幾Creamy，但三文魚嘅份量真係非常少，真係得個朵花嘅份量😂😂炸物拼盤，有炸蝦、炸薯條、炸洋蔥圈、薯圈等等。配有兩個醬汁可以選擇，上碟時因為係剛剛炸起好香，特別喜歡佢嘅洋蔥圈，食落香口，點沙律醬食好好味！😋😋最後有呢一個青蘋果忌廉窩夫🍏🍨用青蘋果配合窩夫嘅組合其實都幾奇怪，因為唔係好夾，而且出面果味道比較酸，加埋一齊食落都唔知自己食緊啲乜。😂🙈抹茶Latte🍵拉花拉得好靚，朋友話抹茶味唔算好濃，適中。*總括而言，價錢來講佢都唔算話好平，意粉嘅份量唔算多，一班朋友一齊食嘅話，大概就要好似我地咁叫多個意粉食😂😂除咗嗰個虎蝦意粉值得一試外，其他都叫做ok啦！