Ilis (已結業)

細個一個月來幾次山林道，老爸特別喜歡去太湖飲茶。舊地重遊，感覺熟悉，除了大大個太湖招牌，變化都幾大。爸臨時不來，跟媽二人世界，當然不去飲茶，改去對面的西餐廳。細細間，精緻，企理。午餐大概一百元，有多士、湯或沙律、甜品和飲品。先上前菜。以忌廉把蘑菇湯變成幅隨意的畫。湯滑潺潺，約隱吃到一粒粒的蘑菇碎，忌廉不濃，蘑菇味重而清新，都可以。沙律新鮮，不過太多日式芝麻醬，太重味，而且由頂至底都有，避無可避。香草牛油多士，牛油過份了，太鹹太濕，香草不突出，零蒜香令人覺得欠點甚麼的。柚子醬燒豬仔骨配飯或薯菜，還要再選黑椒汁或燒汁。豬仔骨份量足夠，肉夠腍，雖然肉味一般，但上面塗了一層柚子蜜，甜甜的，都可以。黑椒汁又稀又淡，而且畫蛇添足，跟甜味的柚子醬的撞個正著，毫無違和感。薯菜有一球乾又實的薯蓉，實得可以切成一粒粒，再用叉子叉起放入口。菜有翠玉瓜、茄子、蕃薯仔和粟米。最喜歡蕃薯，很甜。茄子則慣常地偏油。白汁𩶘魚柳原來是炸的。炸得還好，表面帶脆又不油膩。魚完全沒有調過味，淡得誇張，偶爾勉強吃到少少魚味。飯混了紅米，感覺健康，不過飯又乾又硬，欠飯香，口感和味道似冷飯，卻又夠熱，十分奇怪。白汁正常，吃得淡味的

朋友預早同我慶生安排左同我食西餐， 期待已久日子終於到啦！ 相約山林道集合，近中段位置地鋪落地大玻璃，內裡不算好大約廿幾個位，不過坐落都舒無壓迫感。原來朋友推介佢地二人晚餐超級抵食又豐富專登帶我黎食，價錢性價比高。比個Menu你地參考下先餐前小食水牛芝士伴紫蘇梅蕃茄凍 幾特別， 水牛芝士較淡口， 配埋紫蘇梅果凍， 梅味好出口感清新。前菜可二揀一， 我選左法式焗田螺，份量足有成半打，淨田螺肉味道調得好，田螺軟淋用上牛油蒜橄欖油加埋薯蓉焗。Salad亦可二選一 煙三文魚salad or巴馬火腿salad選了前者，又係唔少份量，每人一碗用上日式芝麻醬做汁，三文魚各一片，我個人喜歡芝麻醬多個醋，因為有時過酸令喉嚨唔舒服咁。食晒無剩 餐湯是日係磨菇湯味道唔係太濃 但食到自家打磨菇有微粒粒加上忌廉點墜又靚又好味 意粉或飯類溫泉蛋卡邦尼意粉賣相要讚下好靚，溫泉蛋刺穿流心即時流出金黃蛋黃漿將之同意粉撈埋，嘩，好Yummy呀！ 驚喜之作，意粉有咬口配濃濃卡邦尼汁，超好味。主菜慢煮美國牛柳配燒大蝦牛柳好嫩多汁牛味濃大蝦燒得乾身夠惹味跟生果蔬果 還有薯蓉兩個人食真係好滿足 甜品焦糖燉蛋面頭脆脆薄焦糖+嫩滑蛋

Ilis正正開喺山林道金鳳隔離，價錢上需要有一定的競爭性才可以一較高下。Ilis的二人晚餐$418已包餐前小食、前菜、沙律、餐湯、意粉或飯、主菜、甜品及餐飲，性比價十分高。Ilis裝修小店型格設計，寧靜的享用晚餐感覺不錯。餐前小食水牛芝士伴紫蘇梅蕃茄凍酸酸甜甜的紫蘇梅蕃茄凍味道十分清新，伴上質感軟滑煙韌的水牛芝士，作為餐前小食非常恰當。前菜芝士煙肉焗扇貝焗用芝士有兩種之多，上面的一焗即熔而下面的依然為條狀。條狀煙肉份量不少，不太肥帶有鹹香感。扇貝依然帶有鮮甜味，質感一絲絲的令人滿意。巴馬火腿沙律巴馬火腿用上一大塊，味道鹹香不俗，下面的沙律菜新鮮爽脆，有適量沙律醬調味。餐湯為磨菇湯，磨菇打成粒狀，很有口感，磨菇味亦見香濃。香煎青衣柳野米飯青衣柳腩位比較厚身肉質較嫩滑，魚尾部份煎得略為硬身。伴飯為白米再加少少紅米，煮得全熟較合大眾口味，伴飯芝士味香濃多食略飽，分食較為合適。慢煮美國牛柳配燒大蝦慢煮牛柳質感軟熟，牛味亦不俗，大蝦香煎肉質爽甜彈牙。伴菜很特別，有茄子、翠肉瓜、火龍果、蜜桃同日本手指蕃薯，顏色多樣繽紛又豐富，營養均衡。唯一缺點係牛柳下面的薯蓉染成血色，賣相有點不佳。甜品有兩款之多

It was a short lunch break for golden time for us few greats friends to gather. We haven't met for really long time and it was just happened we had the same free slot that we can eat together. I never been to Ilis but it is the middle spot of all of our working place, we found it quite nice to sit and chill there. Smoked Salmon SaladWe simply gave a "WOW" when the salmon salad has come. We all starve for salmon (don't know why? HK foodies taste?) It was great to share the salad, it was big one

喺尖沙咀食飯價錢一定唔會太平，尤其係山林道！今日行過竟然見到有間幾抵食嘅西餐廳！環境仲要幾唔錯添！2人套餐$418！平均一人兩百令，但就已經有齊餐前小食、前菜、沙律、意粉或飯、主菜、甜品同野飲！超多野食！餐前小食好得意！細細杯！叫做水牛芝士伴紫蘇梅蕃茄凍！底吓嘅蕃茄凍酸酸甜甜最特別，食完好開胃！餐湯係磨菇湯！磨菇打到好溶入口好滑，菇味好香濃 ！前菜可以揀焗田螺或芝士煙肉焗扇貝！無揀錯芝士煙肉焗扇貝！扇貝上面加咗好多煙肉！好大隻好足料！沙律可以揀巴馬火腿或者煙三文魚，巴馬火腿大大片，一樣咁吸引！飯意類每樣有兩款揀，我扡就揀咗溫泉蛋卡邦尼意粉～上面有隻溫泉蛋！將佢切開搞匀落意粉到！可以令卡邦尼嘅味道更加香濃！而且啲意粉仲幾有咬日添！主菜叫咗慢煮美國牛柳配燒大蝦！牛柳切到薄薄地，食唔會un仲幾香添！側邊仲有隻大蝦，大大隻爽口又彈牙！甜品有幾揀心太軟，仲有綠茶同原味揀添！我就揀咗原味，細細個唔會太漏，朱古力醬夠流心！又唔會甜得濟！綠茶又唔會有苦味！好食！

Book哩間餐廳前都係抱住試一試既心態，最喜歡周圍試新野😁 晚上約7:30黎到人客唔算多，寧靜既環境好適合我同朋友享受今晚哩一餐👍🏻見到有二人晚餐set 感到興趣，又唔洗諗咁耐 $418 加一 有齊餐前小食、前菜、沙律、意粉、主菜、飲品同甜品，咁多野食哩個價錢唔貴呀！哩款蕃茄凍酸酸甜甜勁開胃，食完完全開啟左我既食慾。沙律份量都唔少，每人有一大片煙三文魚😍沙律菜配胡麻醬係我最愛。前菜我地就揀左焗田螺。底部既薯蓉夾埋田螺一齊食好好味！餐湯跟南瓜蓉湯好甜幾creamy 😋意粉我地揀左帶子海鮮蕃茄意粉，有蜆、蝦、帶子等海鮮，配上蕃茄汁好開胃，意粉林度都岩岩好，幾彈牙！主菜就揀左慢煮黑毛豬扒。哩個味道真係值得一讚！首先，慢煮完後肉質好嫩，配埋菠蘿同其他蔬果一齊食好fresh又好味！俾個近鏡大家睇下黑毛豬煮得剛好，肉又唔會好油好肥，正呀！當全晚都食左咁多好野後，女士們就當然要食埋個甜品先滿足啦。我地各點左綠茶心太軟同焦糖燉蛋食。兩款甜品都好出色，朋友係綠茶控大讚心太軟好正！我食既燉蛋甜度都岩岩好，好味！今晚哩餐完全冇揀錯！之後有咩生日興祝都會同朋友再黎食先。

誠意西餐@ILIS尖沙咀山林道13號地下A1-A2舖套餐界的擁躉，有時要挑選又要計預算很煩，套餐集了人氣食物，價錢比單點相宜哦，二話不說只要打個眼色就決定了。$418的2人套餐，有小食，前菜/沙律，主菜x2 和飲品/甜品。水牛芝士紫蘇蕃茄，一杯杯的起初以前上錯是甜點，紫蘇加梅做成jelly,第一啖已經勁重梅味，面就放了水牛芝士同乾紫蘇，成個都特別。前菜芝士煙肉焗扇貝，有薯蓉架，真係落了好多芝士同煙肉。煙三文魚沙律是日式胡麻醬調味，幾開胃。上蕃茄洋蔥湯，喝到鮮茄蓉，茄味十足酸咪咪哦。香煎帶子海鮮蕃茄意粉，帶子外仲有海量的蝦肉，加埋2隻青口，魷魚，魚塊，蜆，太太太豐盛多料吧!仲鐘意佢個汁係蕃茄熬出來，仲加了乾蕃茄把味道加強，所以個汁真係好天然。黑松露燒春雞,無雞不歡直到天涯海角也是吃雞。黑松露醬提香加上好弓戈香料醃架，只是聞到香氣已口水直流。方便大家食先把雞切開，肉好香都呀，伴碟是水果薯蓉。甜品挑了心太軟，抹茶味甜中帶點苦澀，剛剛好可以中和一下甜品。個心太軟蛋糕焗到脆脆地，愛死了。菜式同做法好有誠意唔會馬虎，每人只是二百多元就食好咁多野，超值推薦。

佐敦搵嘢食 本身諗住食光速餐忙到條人龍已經可以放棄 。是但搵間西餐廳 ，先黎香草牛油多士， 香脆可口 ，香草味香濃，童叟無欺，用料十足餐湯 蕃茄洋蔥湯， 有啲可惜嘅係個洋蔥冇打爛度，食落口仲會有一條條，但係佢都係用新鮮番茄，味道清新怡人。沙律 田園沙律， 作為健康新人類嘅我覺得唔錯，用料新鮮，最重要沙律菜清潔得好乾淨。法式油鴨肶配溫泉蛋跟薯菜及黑椒汁， 法式油鴨肶比較乾身， 但配菜十足。 黑椒汁更加煮得出色，辣味道啱啱好。紐西蘭肉眼扒配溫泉蛋跟薯菜及黑椒汁， 肉眼扒五成熟剛剛好，配菜一樣係咁多，完全唔會大細超。鮮奶綠茶同鮮奶朱古力， 外表睇落去就好普通，好彩飲落去味道都唔錯，鮮奶嘅香味依然存在。水蜜桃果涷及朱古力布丁， 味道其實都ok，不過就太細杯，如果可以加大個size，就perfect喇。不過幾十蚊一個lunch set，性價比真係幾強嘅。

是晚同舊同事聚舊，有個系尖沙咀番工既同事又鍾意周圍搵好野食，佢建議來呢個食，話環境舒適食物質素又幾好，我地大家梗系同意啦。。。我地4人決定點2set 2人餐，因為呢度既套餐都有吾少選擇，而且好多野食，同價錢呢個價錢系尖沙咀食西餐來講，真系好抵😍餐前小食水牛芝士伴紫蘇梅蕃茄凍賣相好精緻，味道酸酸甜甜配上新鮮蕃，好醒胃。沙律菜比我預期的大份好多😳都有两款揀，有煙三文魚同火腿我揀左三文魚，菜新鮮同爽口，配上我愛既麻醬。前菜法式局田螺田螺已去壳，非常細心南瓜湯熱熱的南瓜湯，南瓜味夠濃，食完個胃暖囇😂焗扇貝帶子好大粒啊，焗完都仲有汁同幾爽口面頭仲配上煙肉同芝士去焗，呢個配搭吾錯。來到主菜啦香煎帶子海鮮蕃茄意粉海鮮配料都幾多款，醬汁好足夠，每條意粉都掛到汁。松露什菌燴飯松露味夠重，口感比較Creamy香草烤羊架賣相擺盤好特別，睇得出非常用心👍🏻羊架有4枝，份量算多，肉質吾um，吾so，吾錯慢煮美國牛柳配燒大蝦食落肉質夠軟腍，有牛味，仲有幾款蔬果做配菜，算幾健康😆同事話心太軟幾好，夠流心👍🏻我食蕉糖布甸做到面脆內滑，而且夠蛋香😋成餐飯我地慢慢嘆，慢慢傾計，食左2個幾鐘😂店員服務都幾好，加水都加得密👍

今晚同朋友兩個去咗尖沙咀一間西餐廳撐枱腳餐廳雖然唔算好大，不過座位舒服，燈光暗暗地幾有情調我哋叫咗個二人套餐，價錢$428+1 包左好多嘢食，價錢唔算貴，整體來講質素非常好，亦都好有自己嘅特色，最值得一讚係服務非常好，職員非常親切，而且有效率餐前小食：水牛芝士伴紫蘇梅蕃茄凍上面車厘茄非常新鮮，中間嘅水牛芝士味道比較淡，而最底層嘅果凍味道有啲似山楂餅，食完之後好開胃前菜：法式焗田螺田螺都幾大隻，而且有好多粒，加埋下面有一個焗薯蓉，外面焗到非常之香有少少鬆脆嘅感覺，非常美味煙三文魚沙律南瓜忌廉湯香煎帶子番茄海鮮意粉終於開始主菜有好多海鮮e.g青口.蜆.帶子.蝦食材全部都非常新鮮，尤其是係蝦同帶子非常爽口蕃茄嘅味道亦都好濃，份量超級多慢煮美國牛柳配大蝦牛柳非常嫩滑，好香牛味大蝦亦好新鮮，而且好貼心地一開二方便食，配菜方面除咗有瓜菜之外亦都有水果最後衝每人有一個甜品同埋一杯野飲呢度嘅甜品冇得輸，心太軟嘅朱古力唔會過甜，外面非常軟綿綿焦糖燉蛋亦都唔會太甜，上面笑得非常香脆，燉蛋亦好滑身

今晚同老公約左佢兩個係加拿大返黎香港玩嘅表哥去尖沙咀山林道食飯，收工後我地係佐敦集合後就直接去餐廳。老公揀左呢間Ilis，因為之前係Openrice睇人地對佢個二人餐都好高評價。我地7點已經到餐廳，餐廳好細間，裝修幾有格調，當中最令我印象深刻嘅係牆上面電單車裝飾，好有型格。😁我地四個人點左兩份二人餐，二人餐真係好豐富，連埋餐飲共有八品，除此之外，我地仲點左老公好鍾意食嘅水牛城雞翼。上前菜之前會先上水牛芝士伴紫蘇梅蕃茄凍被大家清清口腔，味道清新，食完感覺好似開胃左。😆前菜同沙律我地揀哂四款，份量都唔少，餐廳上菜同其他高級餐廳一樣，會逐一菜式上枱，我地四個人每樣都Share邊傾邊慢慢食，非常享受。😄法式焗田螺份量都幾多，田螺已經起肉，食得好方便。芝士煙肉焗扇貝材料好豐富而且隻扇貝好大隻，鮮甜彈牙，一人半隻都好滿足。😙沙律幾新鮮爽脆，配上味道濃郁嘅巴馬火腿同煙三文魚食，嘅惹味又醒胃。南瓜濃湯好Creamy，甜度適中。水牛城雞翼都幾辣，餐廳將雞翼整成單骨上，可以食得好斯文。意粉同飯類我地揀左香煎帶子海鮮蕃茄意粉同松露什菌燴飯，份量一樣係好多，我地都開始驚要打包主菜走。😂 香草烤羊架有四枝，賣相

呢晚同老公食西餐，因為係佐敦附近幾就腳餐廳座位唔算多，但都坐得幾舒服，一入黎已感受到侍應好有禮貌同笑容睇過餐牌後，都係覺得二人餐抵食得多，落order時，侍應仲問我地要唔要加d小食，但應該食唔哂架喎，因為二人set都超豐富，有餐前小食，前菜，沙律，意粉或飯，主菜，餐湯，甜品，飲品首先餐前小食係 水牛芝士伴紫蘇梅蕃茄凍，用小酒杯裝起，用紫蘇梅黎做果凍，梅味濃郁，幾特別幾醒胃芝士煙肉焗扇貝，賣相吸引，除左表面一層厚芝士外，入面亦有混合芝士，煙肉同薯蓉，雙重芝味Parma ham 沙律，ham夠鹹香，沙律菜亦夠fresh餐湯，係自家製磨菇湯，飲到粒粒磨菇，口感唔錯香煎帶子海鮮蕃茄意粉蕃茄汁濃郁，意粉軟硬適中帶子幾大粒，海鮮類的確唔錯，食到淡淡酒香慢煮美國牛柳配燒大蝦牛柳軟腍，每啖食到肉汁，做到慢煮既精粹燒大蝦味道不過不失，但燒得啱啱好，唔會太乾旁邊仲有好多蔬菜水果，健康之餘，亦可減肉類既油膩甜品要左朱古力心太軟& 焦糖燉蛋心太軟，暖暖既流心朱古力漿， 見到都覺得正焦糖燉蛋，香脆糖衣，燉蛋creamy，質感幼滑餐飲熱檸茶& 青檸梳打，梳打酸酸甜甜亦要提讚下呢到服務好好，侍應見到我地食完一樣先上

和表姐相約佐敦午飯，在表姐推介下，一齊前往Ilis。用餐環境不大，但配有有特式裝修，落地玻璃，一展非凡氣派。午市特設午餐，100元左右，可享用前菜，主菜，甜品及飲品，經濟實惠。香草牛油多士多士脆口，牛油味濃。伴以餐湯進食，味道一流。蘑菇湯用一粒粒蘑菇攪碎而成，很香濃的菇香味。香草烤春雞配薯菜春雞烤得卜卜脆，雞味濃郁，好味道。烤黑椒肉眼扒配飯牛扒肉質鬆化，黑椒汁撈飯更開胃。牛奶奶凍奶味突出，很滑口。柚子蜜梳打不太酸也不太甜，味道剛剛好。

今日公司有training at jordon, 完左之後去左附近見好友, 佢帶我帶 Ilis 食西餐~ 我地坐低睇睇menu 都幾多野食, 完全唔想諗之下, 揀左個套餐, dinner for 2, 咩都有d =]先有個小食- 水牛芝士伴紫蘇梅蕃茄凍~ 甜甜既紫蘇梅蕃茄 jelly 質地加上香濃既水牛芝士, 唔錯!前菜揀左芝士煙牛扇貝, 料足, 口感豐富!沙律方面揀左parma ham salad, 塊parma ham 都幾大塊, 而且d 麻醬mix 落菜度好食!main 果度揀左 carbonara 同 慢煮西班牙黑毛豬. carbonara 非常creamy 加上溫泉蛋都正, 但好彩份量唔係好多, 唔會好heavy ~而慢煮西班牙黑毛豬高度推介, 肉質嫩滑, 而且好juicy 又唔肥wor, 一定都試!甜品揀左creme burlee and 朱古力心太軟~朱古力心太軟好熱, 即焗咖, 入面d 朱古力流心流出黎, 好食!臨尾仲點左2杯飲品, chocholate latte 同 capuccino. Overall 埋單, 環境、服務都好好, 價錢又唔貴, 下次有機會再來!