Igatti (已結業)

終於都到星期五收工嘆返件甜品，甜一甜，呢間專做拿破崙，之前試過朱古力味都唔錯。而家做緊優惠18:30後第二件仲有半價，雖然淨返唔係好多選擇，但都有大熱芒果味同期間限定蜜柑味。就呢一於試兩隻味啦。😄蜜柑拿破崙$54蜜柑好甜好多汁，8月正值時令。中間係吉士醬，口感幼滑，有淡淡奶油香，唔會過甜，底層係海棉蛋糕，層層分明，酥皮焗得很鬆脆，帶少少牛油香，冇比水果弄濕酥皮。芒果拿破崙$54芒果🥭又係好新鮮，又甜又多汁，好香，酥皮薄脆，吉士忌廉好好味，滿足。位於屯門市廣場1樓Reception隔離的甜品櫃

估唔到喺屯門都食到咁高質既拿破崙，唔使再出城買啦🤣 @igatti_h 每季搜羅世界各地新鮮水果及日本原料，製成美味可口既拿破崙😋草莓拿破崙 $54/件芒果拿破崙 $54/件酥皮香脆既程度，用叉輕輕一切已經可以感受到，應聲即碎!! 酥皮脆得黎充滿牛油香，入口即化，酥皮間既層次分明又細密👍吉士好挺身，不甜不膩又充滿有蛋香🥚 蛋糕表面、吉士層中間既草莓、芒果，新鮮而且唔會酸，配合起來令成件拿破崙蛋糕加分💯 最低層係海綿蛋糕，口感綿密，同脆卜卜既酥皮超級夾😍 見到門市仲有得買原個拿破崙蛋糕，下次一定要買黎試下!!

人氣屯門拿破崙，終於經過可以嚟試下😍試咗兩款口味，必試皇牌草莓！😉🍓草莓拿破崙 $54酥皮非常香脆，🧁而且中間更加有吉士醬，食起身好香滑。除咗有原粒嘅新鮮士多啤梨之外，底下嗰層，更加有鬆軟嘅原味蛋糕❤一啖咬下，層次豐富。🍫黑朱古力拿破崙$60加入法國74度嘅黑朱古力，🥰所以口感幼滑，甜而不膩。朱古力醬好香👍🏻法國忌廉打得幼滑，採用高質日本麵粉同發酵牛油，呢款酥皮比草莓硬身少少，更加脆口。細細件，一人一款啱啱好，layers帶出唔同口感❣️

間唔中就想食甜品，一星期食幾次芋圓之後想轉下口味，市中心開多左拿破崙專門店，又靚又吸引。大鄉里出城，唯有請教店員推介款式，店員說以下兩款去貨最多。芒果拿破崙$54.00芒果係甜的，賣相精緻可愛，時令當造，酥皮和吉士醬簡直好吃得無話可說。草莓拿破崙$54.00酒店級的賣相，令人捨不得吃，最欣賞的是他們的酥皮分割容易，不會令人食到那手唔成世。期待有優惠推出😍😍下次想試吓其他味道。一個人都可以食到兩件。

行過屯市見到有拿破崙蛋糕賣都想試吓7點未夠 已經淨低唔多現貨了有得買切件好方便😋可以試吓唔同口味今次試鐵觀音同朱古力味先🍰鐵觀音拿破崙 $58（茶葉及吉士、草莓、特製千層、酥皮）新出咗鐵觀音味，唔係咁甜我就最鍾意😙我好鍾意茶葉做嘅甜品，有特別風味啲吉士醬好滑，整得好靚。可以單件買都幾好，食少少試吓唔同味。🍰巧克力拿破崙$58（法國朱古力、法國忌廉、日本發酵牛油、日本麵粉）係靚嘅朱古力，唔會太甜，好適合香港人口味。

🍰 IGATTI拿破崙 (件裝) 蛋糕基本主要由自家製吉士醬、新鮮水果肉、特製千層酥皮組成一共6層，酥皮 + 吉士醬 + 水果肉粒 + 酥皮 + 海棉蛋糕 + 酥皮自家製吉士醬，質感細滑濃稠，味道甜甜。特製千層酥皮，口感酥脆，無受吉士醬和水果肉粒影響而變濕變淋！而且與自家製吉士醬層疊夾埋食，味道剛好，唔過甜，味道好！海棉蛋糕，綿密。🥭 芒果拿破崙(件裝) $54芒果肉粒甜，完全唔酸！🍓 草莓拿破崙（件裝）$54草莓微酸的酸度，配合吉士醬同忌廉，中和甜味，開胃！_______________🌟由於店家新鮮製作，每天會供應幾款口味現貨，如想購買其他口味 (如: 季節限定口味)或原個拿破崙蛋糕的話，需提前2天預購～🌟店員提示購買拿破崙後，即時食用口感最好，如未能即時食用亦最好儘快於一小時內放到雪櫃保存。_______________Igatti (屯門)屯門屯順街1號屯門市廣場一期1樓Kiosk 6_______________

🐳可能大家不知道 “Igatti”這個品牌的蛋糕店，其實我也是最近才知道的。在屯門市廣場中央就有間人氣拿破崙外賣甜品店「Igatti」，這店舖主打用新鮮水果和日本原料製作拿破崙蛋糕，今次我想藉這機會讓更多人認識它們🍰。🐳草莓拿破崙💰54👈🏻人氣之選No.1 就在拿破崙中央上放了大大粒鮮紅色的草莓，顏色非常吸引，這是我買它的原因😅。再配上香脆的千層牛油酥皮、吉士醬和果肉做夾心，口感非常豐富。🐳雲呢拿拿破崙💰44在蛋糕上面已經有一層厚厚的忌廉做Topping ，很吸引🤤！牛油酥皮和吉士醬一層一層夾住，又鬆脆又軟滑，甜度和濃度十分適中，喜歡creamy 🫠 的人之選！🐳最重要的是每天6:30pm 後，第二件半價，不要錯過這個機會了！

我呢個拿破崙控要去食埋「Igatti」先得，喺屯門市廣場成日都經過見到呢間，佢有件裝細細件好精緻吸引，就揀咗兩隻味回家慢慢嘆～朱古力拿破崙 $58用料豐富，面層香濃朱古力+果仁，第二層千層酥皮，第三層朱古力蛋糕，第四層千層酥皮，第五層朱古力榛子醬cream，第六層千層酥皮。朱古力cream 算滑身，甜而不膩，口感豐富～草莓拿破崙 $54夾雜著自家製吉士cream, 吉士濃厚，甜度適中，再加上新鮮士多啤梨，層次豐富，分開三層食又得～

香港數一數二的拿破侖，位於屯門市廣場中庭的專櫃。店舖人氣極旺，出名的拿破侖好快就會售完！所以大家要盡早去買喔！最吸引我的既款式，青提子拿破侖、蜜柑拿破傭侖、鐵觀音拿破侖

之前難得有日去開屯門做野，一早就bookmark左 @igatti_hk拿破崙甜品店，終於可以順路試試啦🤗❤️我就揀左店內人氣最高嘅草莓拿破崙同芒果拿破崙😍🍓草莓拿破崙 $54 賣相好吸引，面頭有大大粒士多啤梨，士多啤梨都幾香甜，配上鬆脆嘅酥皮同香滑嘅吉士忌廉，中間亦夾住d士多啤梨果肉，底層仲有一層海綿蛋糕，層次好豐富🥰👍🏻！🥭芒果拿破崙 $54 芒果呢款我都幾鐘意，芒果唔酸仲好香甜，同樣有鬆脆嘅酥皮同香滑嘅吉士忌廉夾心，中間就夾住芒果粒，好清新，好啱夏天食🤗另外店員仲好貼心，附送埋冰袋，話keep到一個鐘，拎返屋企食都ok呀😉

某日黎到屯門市廣場1樓一間西餅店,見到有好多特式西餅放於玻璃櫃內,而比較吸睛的地方係士多啤梨味同芒果味拿破崙,不過小篇比較鐘意食朱古力,所以就買左兩件回家,一件係士多啤梨,酸酸甜甜咁,拿破崙酥皮香脆加埋自家制吉士cream,唔會好甜同好膩,每層口感香脆同士多啤梨好夾,另一件朱古力拿破崙口感好香滑既朱古力加埋榛子醬既甜味道係朱古力同花生加埋都好軟滑。店鋪仲有其他多款口味同蛋糕可以訂購,夜晚時段更會有第二件半價優惠。

切件拿破崙可以淺嘗一下免了整個吃不完的煩惱又可以食到不同配搭口味件件都層次分別最後揀咗：〰️ 草莓拿破崙〰️依次包含：新鮮草莓&cream+千層酥皮+吉士醬&草莓+千層酥皮+薄蛋糕+千層酥皮草莓微甜不酸，吉士醬亦不會過甜，配搭一齊感覺幾清，不太嗜甜的我都食到☺️〰️ 巧克力拿破崙〰️依次包含：黑朱古力薄脆&果仁+千層酥皮+ 薄朱古力蛋糕+朱古力cream+千層酥皮比一般70%黑朱古力味略微甜不會有甘苦味，朱古力cream 算滑身，整個配搭一齊都幾濃朱古力味。

食完晚飯想買個甜品返屋企歎，經過Igatti見到有我鍾意的拿破崙蛋糕賣，第二件仲有半價優惠，雖然淨返唔係好多選擇，但係我想食的芒果&蜜瓜仲有幾件，各買一件返屋企。芒果拿破崙($54)以芒果、自家製吉士及千層酥皮制成，低層仲有海棉蛋糕，食落多重層次，千層酥皮食落好有層次又鬆化，芒果很新鮮。日本蜜瓜拿破崙($60)以日本蜜瓜、自家製吉士及千層酥皮制成，蜜瓜好甜，吉士醬很豐富，口感滿滿的，很滋味。Igatti主打拿破崙蛋糕，見到Menu有多款不同口味的個裝拿破崙蛋糕，下次朋友生日慶祝都可以買返個喎。

生活總需一點甜。放假兩天，湊囡兩天，今早起床真係周身骨痛。幸好今日工作不繁忙，早早完成後給自己一個me time。吃完下午茶血拼一小時後意猶未盡，臨回家前到igatti買定甜點今晚享用。Igatti 拿破崙餅嚴選食材，每日新鮮現做，有件裝及原個售賣，我今日就揀咗兩件皇牌拿破崙。💎 草莓拿破崙 $54💎 芒果拿破崙 $54拿破崙餅底配上海綿蛋糕再加自家吉士，拿破崙餅鬆脆可口，海綿蛋糕鬆軟，吉士甜度適中，水果鮮甜，吃後滋味無窮，回味十足。人均消費💰 ： ＄ 54總結✍ ： 甜品控必吃，非常滿足。

之前吃過Neko Puff🍰蛋糕店，今次試一試它的鄰居。位置：在八月堂店那一條走廊，其中一間小店。服務：包裝得很好，買兩件小🍰蛋糕也送了小冰袋保持冷藏👍🏻，職員提醒只要在一小時內把蛋糕放進雪櫃就行了，很貼心。環境：門面以啡色木為主，左右兩邊一個玻璃櫃，其一個是放置當日件裝或原裝拿破崙蛋糕，四處都擺滿了其餐牌，一目了然。下午茶：我和朋友一人一件。草莓🍓拿破崙🍰$54這是招牌蛋糕，有夾芯兩層，一層是夾蛋糕，另一層是夾了厚吉士和🍓草莓，最上層則是白色忌廉配原粒🍓草莓，灑有糖霜，外形是精美，酥皮口感薄脆，入口即碎，🥰最重要是吃到厚實的吉士忌廉，本人很喜歡吉士😝，特別是底層是用了海綿蛋糕，提升了層次！鐵觀音拿破崙🍰$58這款是新口味，外形跟草莓不同，是反轉了兩層夾芯，並同樣是用鐵觀音的吉士，這款茶味較清淡，吉士味比重較多，但不會過甜，不錯👍🏻