Ice Puff

营业中

休息中

呢間雞蛋仔相信成日喺旺角嘅朋友都唔會陌生，喺旺中日日大排長龍非常之多人幫襯。有好多特別嘅味道，而且價錢都唔會太離地。📍 ice puff旺角中心第一座 F ShopF51, 65 Argyle St, Mong Kok🤤黑朱古力雞蛋仔 $28首先一拎起好重手，感覺都幾足料。搣開咬落入邊鬆軟得來都好實在，每一粒都有餡，非常滿足。每一粒都有好濃嘅朱古力味，鍾意食朱古力嘅人都應該會幾鍾意呢個雞蛋仔，但係就略嫌比朱古力蓋過咗，少咗啲雞蛋味啦。但係總括而言都係一個好令人滿足實至名歸嘅朱古力雞蛋仔！值得一試！好食指數💗💗💗💗性價比指數💗💗💗💕回頭指數💗💗💗💗推薦指數💗💗💗💗

行行下街又有少少肚餓，所以就黎左旺中一樓的Ice puff 食雞蛋仔，叫左比利時70%朱古力味，好在唔使等太耐，大概都係等左15分鐘，今日個雞蛋仔有少少唔係好夠脆，如果再脆啲應該好食好多，同埋好似唔係好夠熱，但個朱古力味幾濃，個味又唔會死甜，唔錯。

我之前曾經嘗試過這家店的食物，第一次的體驗並不令人滿意。然而，後來我在YouTube Channel上看到有人介紹了這家店，於是我決定給它多次機會。這一次，我選擇了他們的70%黑朱古力味雞蛋仔，但結果讓我感到失望。我等了很長時間才拿到雞蛋仔，但當我取貨時，它們已經變成凍結的狀態，不脆且軟腍腍的口感。而且，黑朱古力的味道並不突出。雖然他們的泰式奶茶味道很正宗，但是正宗的泰式奶茶通常需要加入大量冰塊才能更好地享用。然而，他們竟然將奶茶凍結起來，而沒有添加冰塊。這樣做使得奶茶變得太甜，且奶茶的味道也不夠突出。這真的讓人感到非常失望。總的來說，這次的體驗並沒有改變我對這家店的看法。或許他們需要改進他們的食物製作和服務，以提供更好的用餐體驗。雞蛋仔等候多時，但取貨時以變凍雞蛋仔，不脆很軟腍腍的狀態，黑朱古力味也不突出；泰式奶茶味道正宗，但係正宗的泰式奶茶需要多冰才好飲，佢哋竟然將奶茶雪凍並沒有加冰，咁樣就會顯得太甜令奶茶味亦不夠突出，實在令人10分失望 。

旺中最多人排既雞蛋仔非ICE PUFF 莫屬。試過撞正星期日黎買…最後等左一個鐘..今日見平日人少少，就叫左個雞蛋仔過口癮～ICE PUFF有好多特別口味既雞蛋仔同格仔餅可供選擇。我今次都係叫左伯爵茶雞蛋仔！雞蛋仔即叫即做，所以等候既時間要長少少，每次大約等15分鐘至20分鐘。落完ORDER 可以周圍行下再返黎攞，時間就會岩岩好～雞蛋仔未食就會聞到有好香既伯爵茶味！雞蛋仔脆身但又唔會好少面粉。做到外脆內軟！每一顆雞蛋仔都佈滿伯爵茶，絕對係真材實料！

雞蛋仔同格仔餅🤍行過都會有好香蛋味 食落又會有蛋味🍳🥚次次食外皮都脆脆的 入面都係軟軟的好煙靭 適量空氣感🕊️味道選擇多元化 價錢又合理🤝🏻原味係$21 同出面嘅舖頭仔差唔多但如果有唔同味都只係$28-34所以都幾抵72%比利時朱古力🍫非常濃味👍🏻👍🏻👍🏻建議再加麻薯 更有層次格仔餅🧇都厚身🤔食一底真係會即刻飽咗🤣🤣🤣店舖仲會有印花計劃 每次買都會有個印花滿10個印花仲可以當$20用真係好抵😍

態度超差！！！！落order咄咄逼人，俾錢counter仲要chok我「你d錢放哩度我點嗱啊？」 即係要雙手擺佢面前，恭恭敬敬雙手奉上，唔可以猶豫，唔可以遲疑，先可以有基本的服務質素真係好惡⋯⋯完全冇晒食野心情💢同埋後廚不停嗌交，夠無語😓講番食物：比利時70%黑朱古力雞蛋仔，朱古力夠晒香&苦，好濃郁。有朱古力嘅香，夾埋雞蛋仔本身脆香蛋奶味，好吃嘅！！兩個味道好襯～希望唔好讓態度埋沒左咁好嘅食物啦🥹

第一次經過呢一間舖頭係比好多Mirror仔仔吸引到🤣試過之後，而家每次過親去旺中~都會幫襯呢一間高質雞蛋仔✨ice puff 呢度有好多唔同款嘅雞蛋仔同格仔餅而且都好特別其他鋪未必有我就揀咗阿華田脆脆雞蛋仔$31~因為雞蛋仔即叫即做，所以我都周圍行住街等🏃🏻‍♀️晚上時間一般都會較多人大約等10分鐘至15分鐘吧~雞蛋仔熱辣辣到手，雞蛋仔好脆，一搣開就碎~食到阿華田味，但係就食唔到脆脆~比較可惜甜度微甜~食多啲都唔怕🤣算係香港較高質的雞蛋仔

旺中好味雞蛋仔呢間次次經過都見到好多人排隊，咁啱今日同朋友經過旺中就想再試吓個雞蛋仔之前係呢間食過格仔餅味道都好香好味如果鍾意食花生嘅朋友應該都會好鍾意呢個味道今日經過竟然冇人排隊即刻order揀咗個阿華田雞蛋仔食估唔到普普通通嘅雞蛋仔都可以有咁嘅味道出邊食落去脆脆地入邊有軟腍同埋有濃郁嘅阿華田食落都好味識落唔會話好漏嗰種感覺下次我經過都會同朋友再試一次，呢個係其中一間雞蛋仔鋪我下次會再黎味道很濃郁又好吃

遠處就已經聞到香香的雞蛋仔、格仔餅味💕明明快要吃飯 但香味也太誘人了吧 誰能抵擋得住這誘惑🤣比利時70%黑朱古力🍫＄28是近期最喜歡💕的朱古力🍫雞蛋仔~外外面脆脆 裡面有適當空氣 稍微的軟綿 朱古力🍫香氣香濃～真的快要每一顆裡面都有朱古力碎碎哈哈😆難怪這家會是大家的首選 還要在中心點沒有不吃的理由 下次去旺角時也來一底試試看唄～（排隊時突然聞到一陣超香的鹹香 是起司🧀️加黑松露！！

這裏的雞蛋仔即叫即做，每次大約等15分鐘至20分鐘不等，在等待的期間可以在附近的商店逛逛，所以即使要等15至20分鐘也是沒有問題的！😊雖然店舖提供多種口味選擇，不過我每次來到，都是獨孤一味，都是選擇芝士黑松露味雞蛋仔，畢竟我只有一個人，也吃不了兩個。🥹因為即叫即做，所以到手的一刻雞蛋仔非常熱。打卡了一段時間，雞蛋仔微暖，外脆內軟。味道方面，黑松露味飄出，黑松露和芝士配合，滿口鹹香，黑松露味充滿口腔。每一顆雞蛋仔入邊都充滿黑松露和芝士，誠意十足，絕不敷衍。

-偶爾經過又突然之間想食雞蛋仔見到真係好吸引 因為聲稱100%用日本麵粉做嘗試食物通常我會試原味。原味雞蛋仔一入口超級脆卜卜，食到唔停得口，yummy。味道嚟講，蛋味略嫌不足，如果濃郁少少更加好，另外甜度只係微甜，唔會甜到漏，所以都啱我口味。份量以呢個價錢嚟講收貨。-

好耐冇食過雞蛋仔，因為1底都幾heavy，食完通常都好「漏」。旺中的ice puff我喺YouTube睇過好多次，次次睇到啲真實食評都流口水🤤🤤咁滯，今日經過旺角，加上有2個人，就一齊買嚟試下😋。嚟到時顧客唔多，等一陣就可以落單，俾咗錢等5-10分鐘就有得食。我哋點咗70%比利時朱古力口味🍫。餐牌上有多款特別口味，好似黑松露、鹹蛋黃等都好吸引。我聽到前面落單的人都係點朱古力，仲額外+$7加麻糬。70%比利時朱古力雞蛋仔🍫：上手微暖，唔算熱。整體size同一般雞蛋仔差唔多，但佢明顯細粒啲，如果逐粒搣🤏🏻嚟食都幾㩒食😆。到手時有幾粒雞蛋仔的邊位有朱古力爆漿，睇見都已經對佢充滿信心😍。佢啲邊位幾脆，每粒雞蛋仔入面都有朱古力漿🍫（唔係流質，而係有少少朱古力麵糊的質地），朱古力味夠濃又唔甜，超好食😭😭😭，絕對滿足到鍾意食朱古力甜品的人🥇。2個人share嚟食，我食到2/3左右開始覺得有啲飽同漏，但食到尾都冇食厭👍🏻。排隊人士有唔少會點格仔餅🧇，估計都係呢度的名物之一。另外有人點鹹蛋黃雞蛋仔，我見到有勁多鹹蛋黃碎鋪面，極邪惡，勁吸引❗有機會一定要再試下其他口味😋😋😋~~

旺中呢幾年一二樓都有好多各式各樣小店開張 呢間係聽得朋友講最多嘅好食雞蛋仔～幾年前食第一次覺得真係好唔錯 但之後再食就有少少失望了（可能人大咗要求高咗😂） 今次都唔例外 仍然覺得冇進步但係都仲有唔少人幫襯的 我當日去係夜晚六點 都等咗10分鐘先拎倒💫∝阿華田脆脆雞蛋仔+麻糬✨ $38之前食過一次伯爵茶覺得唔夠香所以之後一直都食返呢一個 阿華田味係有嘅 加麻糬亦都做到粒粒有麻糬粒👍🏻 可惜嘅係阿華田味可以再重啲 麻糬亦都唔煙韌 食落口感覺就係一pat嘢 唔太食到麻糬口感只會食倒比起雞蛋仔甜少少🤏🏻 不過麻糬咁樣heat法保持唔到口感可以接受嘅雞蛋仔新鮮出爐遞比我即刻食永遠只有個圍邊夠脆 呢個價錢嚟講我唔係好接受到寧願食返傳統炭燒雞蛋仔🥲因為我本身就已經好鍾意食雞蛋仔 可能要求比較高 覺得要外脆內軟 做到半餡半空心 夠香夠脆先係一底好食嘅雞蛋仔🫶🏻∝🪟Ice Puff (旺角)旺角彌敦道688號旺角中心一期1樓F51號舖🏷️#chubby_mongkok

旺角中心（旺中）近年除了是外傭姐姐的集中地，也是極力開始有「葵涌廣場2.0」的影子，小食店越來越多，而且不少是卧虎藏龍的人氣小店！其實自己真的沒有太多來到旺中買小吃的經驗，這次就小試其中一間非常受歡迎的小店吃雞蛋仔 黃金鹹蛋黃雞蛋仔 $34款式多得眼花撩亂，鹹的甜的意想不到的口味，最後選了自己比較喜歡吃的鹹蛋黃～ 雞蛋仔下單即製，需時較長要耐心等候；上手發現份量很多，散發著鹹蛋的鹹香讓人很想吃一口！雞蛋仔粒粒飽滿，上手偏乾沒半點油膩感，這款是偏脆口的口感，入口外脆內軟，中間部份很厚又扎實，重蛋香同時又帶濃郁的鹹蛋黃味道，還有那種沙沙的感覺證明鹹蛋黃用量充足！不過自己是「軟糯派」雞蛋仔的追隨者，這款雞蛋仔對我來說是有點落差也不算太滿足；但假若你是喜歡較脆口的想必店家這款一定是三甲之內吧～愛吃雞蛋仔的朋友相信對這店不會陌生，全因這是其中一家在FB「雞蛋仔關注組」內受追棒的店舖，她的名字早已在雞蛋仔界成為上流店！這次光顧是周五的晚飯時段，來光顧的朋友其實從未間斷，由於是下單即製的關係所以有很多客人都是先下單再四處逛靜候美食到來～ 除了五花八門的雞蛋仔外，也有另一款「國民級」美食：格仔餅、及進

一場黎到旺中，點可以唔揀呢個出名嘅雞蛋仔試下？現場見到好多後生仔女排隊買，真係打卡able喎，好彩買完都係等15分鐘左右就有得食。原味格仔餅 4/5好厚既格仔餅🧇，搽上牛油、煉奶、砂糖，一啖都咬唔曬，要咀仔夠大先得🤣🤣。外脆內軟，入面都幾鬆化，唔會又厚實又頂胃，同人share黎食就啱啱好🥳。阿華田脆脆雞蛋仔 3.5/5無乜特別之處，係有阿華田味嘅雞蛋仔，如果有topping會仲好，加曬係雞蛋仔入面唔夠打卡able😟😟。地點: 旺中1樓舖，星期六行街好多人行，要時間慢慢行慢慢前進😂。環境:小食舖，店面裝修都幾用心。價錢:2樣都係$28，可接受。服務: 只收現金。