I am..Bakery

营业中

休息中

經過見新開兩日，人好多，見店面新鮮干淨，首試咖喱牛肉包，咬完一淡，心諗係咪錯版阿？空氣到呢個級數，好誇張。11蚊，味道正常啦，但個人唔會二刷了。見圖可自行判斷🤣

麵包好乾…唔鬆軟今日晏晝四點幾，經過呢間麵包舖，就決定買兩個包俾小朋友食，經過店舖外面，裝修都幾吸引，而且入面麵包款式都幾多！揀咗一輪之後，總共揀咗四個包，見佢大大個都幾吸引，點知返到屋企俾小朋友食，小朋友都話好x食！ 咁我就試吓，結果個麵包真係好乾，一啲都唔鬆軟，真係唔可以俾佢外表呃咗！但以前買過都唔係咁😔見佢舖頭其實都仲有甜品、蛋糕、蛋撻唔同種類嘅嘢，唔知其他嘢食會唔會好啲？ 定係只系我今次唔好彩？！ 下次俾多次機會呢間舖！

最近連續兩個星期有人請食下午茶，不約而同都係買左呢間I am bakery嘅蛋撻，兩次食都覺得keep 到高水準，證明質素好穩定。蛋撻入口仲係暖暖地，佢嘅size比平時大個，食完一個已經好飽。撻皮係我最愛嘅曲奇皮，咬落鬆化，而且富牛油香。中間嘅蛋液部分都好香滑，亦有蛋香。如果經過呢間餅店嘅話，真係不妨試下。

細個屋企人成日買蛋糕仔比我食，嗰陣超市仲有得買嘉頓蛋糕仔，印象中朱古力味同原味都好好食（出賣年齡系列），大個左發現呢款蛋糕仔買少見少，之前路過呢間麵包舖竟然見到有就買黎緬懷一下童年，但因為實在太驚嚇，想同大家分享下🫣🧡經典港式牛油小蛋糕（朱古力味）$19首先，包裝話有寫到期日子但我搵曬成包野都無見到，唔知係貼漏左貼紙定咩，建議店鋪上架前最好check清楚先😵‍💫味道方面呢我就完全食唔到朱古力味，仲懷疑到望返個包裝係咪真係寫朱古力味，淨係食到好甜，叫牛油蛋糕但牛油味又唔出㗎喎😂Texture方面先最驚嚇，好實，完全無蛋糕嗰種鬆軟既口感，有d似我自己之前整蛋糕失敗發唔起嗰舊“製成品” lol🫣🫣🫣🫣🫣唔知麵包蛋撻嗰d點啦，但呢個蛋糕仔個人完全唔建議，就算賣$9都唔值🥲味道：3/10性價比：2/10📍店鋪主要集中九龍東，當日去既係藍田分店➡️藍田啟田道50號啟田商場1樓116號舖📌人均消費: below $50

服務垃圾通知垃圾！ 今早買早餐買四個包，職員Rita 問係咪要分開袋，我已經答咗佢一齊，佢就去分開袋！！！ 已經同佢講咗放一袋， 問来有咩意思？？！！ 之後就話我太細聲個口罩，遮住聽唔到！！ 仲理直氣壯話客人！！ 買個麵包感受器！ 我話唔買玩返現金，佢仲叫我以後唔好幫襯佢！！！！ 而家咩世界！！！ 其他員工視若無睹。。。 千祈唔好幫襯呢間舖頭， 真係火都滾！ 其實有更好嘅選擇，只不過探佢方便， 諗住用少個膠袋點知換來成肚氣！！

上次去見人排隊今天就去買一個草莓roll蛋糕試試。回家放雪櫃， 下午茶配咖啡一起品嘗，估唔到味道真好，不會很甜，蛋糕鬆軟又大件，草莓的味道清新，讚！ 👍👍👍聽聞它的蛋撻也出色，還買三送一，下次再試試。

最近藍田開咗間新餅店，由開張而家都做緊買3送1，仲要可以隨便配搭唔同產品，價錢上真係幾抵玩，所以最近我哋都幫襯左幾次。.📍蛋撻（$6）呢度嘅蛋撻曲奇皮厚得嚟非常香脆，中間嘅蛋漿滑身但蛋味唔夠香，面層加咗層糖漿，相對口味上偏甜。不過個曲奇皮🍪真係完勝！如果你係曲奇皮派應該都會鍾意❤️😚。.📍薯容煙肉包（$12）麵包面放咗燕麥，中間夾住薯蓉同煙肉碎🥓，薯蓉幼滑🥔，麵包唔會乾硬🥯，澱粉控應該會鍾意食！.📍菠蘿紅豆包（ $9 ）麵包鬆軟菠蘿皮做得都夠香，中間嘅紅豆餡量多而且軟滑細膩，不過稍為偏甜，如果能夠降低甜度相信會更好。