影片
宝林站附近的面包店平日都见好多街坊帮衬今次顺便介绍下有西式,传统点心面包例如沙律肠仔包,咖哩牛肉包,红豆包,椰丝奶油,芝士火腿/椰丝卷,蒜蓉包等软心朱古力包朱古力牛角包,肉松包大部份单价大约$8-10,牛角包都系$13总比食连锁品牌既空心包抵食个人心水推介朱古力牛角包够酥脆,够香口,仲有朱古力粒另外仲有方包,小蛋糕,曲奇饼等选择,店内有焗炉,都系新鲜即日出品水准几好另外 6点后全店货品买2送1变相更加抵食冻柜有芝士蛋糕,各种甜品,生日蛋糕价钱亦比连锁店便宜一点甜品卖相好美,味道也不错
继续阅读
今日4:30pm去买面包，见到收银旁边玻璃柜Ｄ蛋挞新鲜出炉，要咗５只，用盒装。点知收银婶婶暗地里俾Ｄ蛋挞中间位置已下陷给我，好明显系早上嘅货。好声好气请她换过Ｄ肉眼见到新鲜出炉。佢话一样啫，都系热㗎！最后好不情愿咁换咗两只新鲜嘅，盒内下层三只都是旧货，回家打开见到，只觉水鱼只会做一次！生意唔系咁做嘅！收埋差质素唔俾人见，暗地俾Ｄ衰嘢给客人，以后再帮衬？好难了！租金贵，更加要识得留客，三个不新鲜蛋挞加上超衰态度，换来劣评，值吗？老板好辛苦去经营，一个差嘅员工累死全间舖
继续阅读
一直以来都有帮衬开，质素都唔错既但系今日都几失望本来夜晚买二送一，老板娘话买三送一好啦，以为佢改左。点知比完钱，门口仍然系写住买二送一，然后我铺头外面望左眼老板娘，佢居然仲掘住我十蚊个包唔系贵，但做生意老实D比较好而质素方面，有明显下降，包食落既质感唔同左，似美心松泡泡既感觉，之前系好有弹性，好干身。卷蛋以前都好重手，而家又系轻飘飘。里面既cream比以前甜，食左一件，成个口都好漏。好失望估唔到一阵子冇帮衬，包既质素同生意手法都差咁多
继续阅读
曾经何时，我每周两次到宝琳都会黎帮衬 I'm bakery. 因为觉得佢地面包做得比连锁面包店用心。化呢度已经帮衬过佢嘅面包、曲奇、生果迷你蛋挞、生日蛋糕等。真系越做越难食！迷你生果挞，12蚊一个，得一啖既份量。但系上面嘅生果又酸又难食，尤其是蓝莓。一个生日蛋糕，一磅装一百二十同连锁面包店相差无几，但系味道麻麻。要佢写个生日牌要加10蚊，无下次。最近买咗佢哋＄13嘅排包仲恐怖，一咬，所有面粉好似擦子胶咁碎到一枱都系，以前都话晒面包唔差，而家质地好似海绵蛋糕咁。第一次买以为佢用错面粉，但系买咗两次排包，两次都非常难食。最后转左呢只提子包，总算似番个面包。宝琳嘅面包店有好多，以后宁愿比多几蚊食好啲。
继续阅读
想不到的惊喜, 本人好钟意士多啤梨, 但又好唔钟意太甜既食物, 朋友就买左哩个蛋糕比我, 食落口估唔到佢唔甜得黎又好重既玫瑰香, 玫瑰味既cream 加酸酸地既士多啤梨真系好夹, 就连唔食甜同士多啤梨既朋友都话好好食,仲话要住到几远都要买黎食, 好过好多出名既大牌子蛋糕, 真心无限地赞整哩个蛋糕既师父
继续阅读