Hungry Korean (淘大商場1期)

营业中

休息中

終於都到星期五 間間餐廳都好多人等最後揀咗呢間三個人叫四樣食物食物份量都可以接受粉絲拌飯尤其大份仲有隨飯附送三條韓式年糕不過全部食物都可以用兩組形容詞黎conclude就係勁濃味同偏咸終於明白點解會有三條年糕因為如果唔用佢地黎隔一隔碟飯係唔會食得晒太咸了其他兩樣都係偏濃味但仲係可以接受嘅可能因為有d菜 想講一講嘅係條紫菜包飯雖然我明白無可能要餐廳晚市新鮮包比客不過條飯捲 完全唔可以接受d飯好乾而且塊紫菜散發出奇怪味又唔係油益味但你會知佢係包完放咗好耐🤷🏿‍♂️我知道比咁嘅價錢都唔可以要求太多只可以話如果食開濃味野 呢間餐廳應該會啱你

鐵板牛小排（$90）大約有六塊牛小排。所謂既牛小排應該就係我地所講既牛仔骨，每塊都帶住一大舊骨，肉既部份唔多。肉既部份多數係瘦既，一兩塊係有少少肥膏，肥瘦度可以接受。肉質方面真心不得了有啲韌到好難咬有啲就正常，不過唔會係嫩囉⋯牛小排本身既牛味、肉味被醃料、醬汁蓋過左，淨係食到鹹味同醬汁既味道年糕有六條。質感唔錯，煮既時間控制得啱啱好，食落軟糯煙韌之餘有嚼頭唔會淋到冇曬咬口。表面煎到有少少「窿」，脆脆地，增加左年糕既口感。唯一可改善之處係年糕係無味既，又冇醬汁，如果淋返啲汁上去，可以起畫龍點睛之效。跟餐白飯唔夠熱，同冇咩飯香。$90既牛小排睇相以為會有好多，可以啖啖肉咁食，但事實證明我諗多左⋯個餐雖然夠飽既，但滿足唔到食肉獸既慾望。加上味道、肉質都麻麻，絕對唔值$90！不用試！（留意返，本身係想比二粒星，但最後我評三粒星，有一粒係比年糕既～）鐵板甜雞肉（$55）有雞肉粒，椰菜、洋蔥、紅蘿蔔片。睇落好似好多料，但應該係啲菜整到咁高。雞肉粒唔算少，但好細粒，肉質好難食得出，唔知滑唔滑，但起碼唔韌。雞肉粒多數連皮。椰菜都多既，連埋汁咁送飯其實夠味。咬落亦算爽脆。洋蔥、紅蘿蔔都淋曬。因為有汁既關

想食平平地，又想食韓國菜，Hungry Korean係唔錯嘅選擇，九龍灣分店呢間幾光猛，但地方唔算好大。七點左右，唔洗點等位就入得去坐。平時必定食魷魚乾式壽司，今次就試下其它。兩個人叫左兩個飯，好夠飽，每人只需$50，真係抵食。魷魚石鍋飯 $46之前食過牛肉同豬肉石鍋飯都覺得唔錯，但今次魷魚就真係麻麻，分量同料都算多，但成個飯無咩味道，只係靠個韓式辣醬去調味。牛肉粉絲伴飯 $48 相反粉絲呢個真係好得，分量又係好多，好香口，味道夠又入味，粉絲乾身，唔係好油好淋，仲有幾舊年糕一齊炒。

今次午飯又黎呢度，其實食過一次但個時停咗寫食評，呢輪又寫翻。。。所以今次有影相，寫下佢😅都係叫翻石鍋飯，我要雞，女友要牛。 因唔想食生蛋，但店員話幫你放邊啦，因為個鍋夠熱，到咗先用飯堆佢都熟到。食物賣相都唔錯，味道正常，唔可以講好味🙈 亦唔可以話係好正統嘅韓式食物，而個雞肉就我本人就麻麻地。 下次唔會叫，$49蚊無加一，食個晏係可以嘅，飯唔少，都好飽肚😝p.s. 見佢有會員積分計劃，就裝咗個程式，點知俾錢時話佢部機整唔到，話寫低我個會員號碼之後人手入，點知。。。6號到依家都未見有入到🙄🙄

行久沒有吃韓國菜了，來到淘大，估唔到hungry korean 有分店，當然入去幫襯啦！今次點點了豬肉紫菜包飯，泡菜有點辣，但份量和味道剛好！熱玉竹茶，不知是什麼，但頗好喝，上網一查發現原來功效幾多，喝對了🤣

點餐形式為先點餐，後入座形式，有D類似快餐店。石窩飯同韓國壽司卷, 好味! 不過覺得條壽司份量唔多, 三十幾蚊相對黎講有點貴，水準比較唔穩定, 有時會太"林" ，製作時間要15分鐘左右! 相信愛吃的人都和我一樣, 最享受把豐富材料混合在一起的時候, 白飯很快便被雞蛋、牛肉、 蘿蔔絲 、香菇、豆芽、芝麻及辣醬添上色香味，菜速度還是挺快的，分量雖然比較小，但係味道OK。【牛肉石鍋飯】HKD46，味道不錯，石鍋飯不太油膩而且價錢不貴。

試過將軍澳分店但冇影相，冇寫食評， 今日再試淘大分店， 兩款食物味道都ok， 各有特式。飲品叫左以下兩款：1. 凍荔枝柚子茶， 柚子味濃但蓋過了荔枝味2. 凍麥芽發酵米茶， 夠甜， 食完辣野飲佢就最正！

之前來試過甜雞肉。。唔ok, 個汁真心難食。今次來食返d韓式味濃的野，都可以，算是韓式快餐，抵食！牛肉石鍋飯——成個飯無乜味，肉都冇乜味，又唔覺特別香，夠熱夠大碗吧！加韓式辣醬，味道還是不錯的，料的份量也十足！韓式豬肉壽司——一條大概有9件，其實都係石頭鍋配菜嗰d料，但幾惹味，不用沾醬，我比較喜歡吃這個~一條三十幾元，價錢合理~~坐低時張枱未抹干淨，侍應隨後拿了menu來，見到枱上有粒飯，她就咁徒手拿走粒飯就算，之後都冇來抹枱。。。

淘大商場對我來說是一個熟悉的商場，回想起讀書時既我，時常都會到這個商場逛逛，現今商場已面目全非，小店不見了，剩下的店舖全都是大品牌呢！當我感覺失落時，我看見一間不太起眼的韓國食肆，我提議進去一試，大家都贊成！我們進入店舖，本以為是快餐式要先購票再取食物，誰不知原來是有員工會替你落單，這令我有些意想不到，因為餐廳裝潢令我有此錯覺呢！本想點小小東西而已，又可歇歇腳呢！但當我們坐下時再看餐牌，實在覺得十分抵食，所以我們都點了很多菜式，有雞肉石鍋飯、牛肉壽司、韓式部隊鍋湯、韓式鐵板燒牛仔骨及豆腐湯！我最欣賞的是牛肉壽司及燒牛仔骨呢！牛仔骨非常入味及嫩滑 ，而牛肉壽司味道剛剛好，好好味！其他都算可以，不太出色！還有的是，我就略嫌飲品太甜了，無得調教甜度呢！雖然只是跟餐加10元，但飲品卻是令我有些失望！

今日想食辣嘢！！食韓國菜吧！！但因為趕時間！！想揾地方坐下快快食完！！去淘大商場嗰間Hungry Korean 先！！因為比較少D人！！容易揾到位子坐！！但缺點係好多學生哥鍾意去嗰度食嘢, 所以會比較嘈吵！！我坐低叫左個辣年糕！！嘩！！碟年糕嚟到我呆左！！超細碟！！似街頭小吃多D！！都要$36, 有韓式年糕十條到, 數塊韓式魚旦, 一隻蛋, 有少許葱, 洋葱同白芝麻, 勝在夠多汁, 加番D分數！！ 年糕有嚼勁, 醬汁勁辣, 原來蛋配合埋韓式辣醬係咁好食！！不過隻蛋有D乾BB, 如果係溏心蛋就正啦！！

平時去食韓式餐廳就食得多，今次係第一次去韓式快餐店食韓式食品。 舖頭地方唔算好大，亦都唔會太多位，但都好彩唔使等位就入到去喇。韓式肥牛片因為見到其他食客叫，睇落好似幾吸引咁， 咁就叫嚟試下。 分量都唔少，有幾多肥牛，亦都有唔少配菜，例如芽菜同埋蘿蔔絲。牛肉都夠林，汁嘅味道都幾好味。石鍋雞肉飯 係傳統嘅石鍋飯呀！一嚟到個兜仲係非常熱，隻蛋撈兩撈都熟曬喇，加埋個韓式辣醬一齊食， 味道都唔錯。雞肉亦都夠嫩滑， 亦都有幾多配菜。

Hungry Korean 主要都係一啲常見既韓國菜，選擇都算多，例如豆腐湯、海鮮湯配白飯。味覺尚可，份量個人認為非常足夠，好飽肚。環境大坐得幾舒服，侍應服務態度唔會話好差。今次叫左個辣豬肉配白飯，用鐵板上，味道方面同傳統韓國菜一樣，甜味重過辣味。加上椰菜同洋蔥，更加入味。份量適中，唔會太少，肉同菜比例都差唔多，唔會話菜多過肉好多。男友叫左個辣雞肉，雞肉唔會好老，整體上尚可。下次都會再幫襯，價錢也能接受。

因報了夜校課程關係，所以放了學必定約同學仔食晚飯。由九龍灣地鐵站行去大約十分鐘到便到Amoy Plaza Phase 1。好耐都無來了⋯⋯依區未變身前同後都改變得好大。今日去試Hungry Korean ，晚上十點都未收鋪問過店員原來收十一點堂食都做我生意各人分別點了石鍋牛肉飯同辛辣醬拉麵配凍梅賓茶，製作時間用了五到十分鐘到就有得食。做石鍋牛肉送到黎好有賣點⋯⋯石鍋熱著飯底～沙沙聲同學都即時連蛋同牛肉一同攪拌食。又係我喜歡食的麵又到啦～好香的湯底外再加了辛辣醬，食麵甜得黎有小小辣，而麵內有好多菜，魚片同葱等配料好豐富，杯梅賓茶酸酸甜甜都好開胃一定會再來

本抱住興奮的心情來試一試韓國快餐 結果大跌眼鏡 點了一個鐵板辣豬肉飯 一食落口 發現中伏 甜到難以下飯 食了一半已食唔落 再食了一口凍麦芽發酵米茶 除了過甜 我已食唔出什麼味道 本想要一杯熱開水 結果職員说不提供水 再一次失望 連水都無點叫做韓國餐 朋友則叫了一個豆瓣酱拉麵 結果等大半小時 還未上 询問之下才知因為有外賣餐要做 所以我們的要延後 我心想 不是跟先後次序出單的嗎 這样的服務質數真係不行不過員工的態度都算唔錯 只我們等太久 還主動給予碗筷share 值得一讚

平時想食下韓國野，hungry korean系唔錯嘅選擇，但淘大呢間分店系我食過咁多次最難食嘅一次。豆腐湯飯啲湯又稀又唔辣又冇味，煮到好水咁好難食。啲飯都一pat野咁，係見唔到一粒粒飯，而系一舊舊林林地嘅。野食差，員工又差。收銀不停玩手機，完全無理過客人有有需要。係樓面整野食啲員工又係，一路包紫菜飯卷，一路用普通話傾計。個個員工高談闊論，但系無帶口罩，見到啲飯卷都唔想食，總覺得無帶口罩咁傾法啲口水噴晒落去。