Hungry Korean (淘大商場1期)

营业中

休息中

以前喺銅鑼灣返工嘅時候，成日都會食呢間，冇喺銅鑼灣返工之後就好少食，都幾掛住呢間韓國快餐，所以就特登去咗淘大商場食肚餓韓國人喇🙌🏻🙌🏻🙌🏻甜雞肉飯係我首選，雞肉好嫩配埋甜甜嘅韓國醬汁非常之好送飯，以前一開始會送埋三碟小食，雖然而家要加錢先有得食，但我都會願意俾錢去食個三點小食都好好食其次就會食佢個泡菜豆腐豬肉飯，硬係會覺得佢個辣醬有少少唔同，係好食啲😂😂飲品方面，一定係抹茶鮮奶🥳🥳整體我會比85分呀💙💙

今日同大家分享一間主打平價韓料 超適合「獨食男女」嘅人氣韓式餐廳 📍Hungry Korean🍴【豆腐海鮮湯🍲】湯底用咗韓式辣醬熬煮，辣度溫和帶甜，仲有淡淡嘅海鮮甜味🦐豆腐滑到似布甸🍮一夾就散開，入口即化😍配料好足料，有彈牙蝦仁、鮮甜海虹、仲有半熟雞蛋🥚撈埋熱辣辣嘅湯飯一齊食，一人份啱啱好👌暖胃又滿足💖喺香港韓餐可以話「平靚正」嘅首選👍分店多、出餐快、味道穩陣，係打工仔同學生嘅福音📚

行過九龍灣想食d野揀左呢間韓國野食。咁岩下午茶時間，其實同平時個餐牌一樣，只係下午茶全部野減$10，飲品就減$3。叫左個吞拿魚飯卷食$34，佢都有好多款口味。雖然望落去個樣唔係好靚，但個味係好食既🤗飯卷既材料都豐富，一條有9舊。下午茶黎講都幾抵食👍👍

是日平日晚餐時間，周圍食肆都坐滿人，食肆林立，不同類型嘅食物都有，天氣凍還是想食熱辣辣嘅食物。🔸豆腐湯 配飯熱騰騰的，豆腐足料，仲有少少海鮮，味道層次較單一。🔸大醬湯 配飯味道偏咸。🔸辣豬肉鐵板燒 配飯賣相同份量吸引，而且開始頭幾口好有食慾，可惜越食越覺得甜味多左，反而容易膩。菜多肉少。🔸泡菜湯 配飯味道層次比起豆腐湯較豐富，由於有泡菜有少少辣味增加了吸引。🔸辣年糕公仔麵公仔麵唔會太腍，年糕🍥唔錯。不過不失嘅一餐。

喺淘大商場入邊，應該就只係得呢間主打韓國菜，仲要係走平民路線，堂食地方坐得唔係咁舒服個人覺得，環境太過光猛，位置都比較迫，但係其實又唔係咁多人，好少見到有人排隊，😅😅食物方面，石頭鍋飯表現正常，炒牛肉粉絲正常，飯卷正常，炒年糕正常，我覺得最值得走入去食嘅係佢嗰三款韓式前菜，首先第一樣係薯蓉，甜甜地同埋個口感咬下都會有啲薯仔粒，唔係一般薯粉溝出嚟，另外第二樣就係韓式年糕，雖然係凍嘅，但係辣辣地都好好食，第三樣當然係泡菜，辣嘅程度啱啱好係我嘅極限，通常叫一個一人餐加$15就可以有晒呢三款，我每次都會叫埋😁😁😁，希望遲啲淘大再開一間韓國菜，有競爭先有進步

牛肉石鍋飯的石鍋底部經過高溫燒烤，讓飯底有了一層金黃酥脆的焦糖，搭配著嫩滑多汁的牛肉片和蔬菜，每一口都充滿了濃郁的風味。泡菜湯。這碗湯的味道酸辣可口，泡菜的鮮爽和湯的濃郁完美結合。湯裡還加入了豆腐，增添了豐富的口感。雞肉炒辣年糕。這道料理以辣味和嫩滑的年糕為特色，配上鮮嫩的雞肉，味道鮮美而豐富。辣味和年糕的彈牙口感相得益彰，給人一種刺激和滿足的感覺。這道料理的風味獨特，絕對是辣味愛好者的絕佳選擇。

撈一撈，嘶吱作響嘅石鍋飯尋味之旅😋今日心血來潮闖入咗Hungry Korean，叫咗個石鍋豬肉飯，入口即刻，飯粒吱吱作響，勁香！豬肉碎醬略帶微辣，撈勻後每啖都有驚喜，石鍋嘅威力，令到底層飯焦香脆，啱晒食。😉🌶️跟住嚟個夠晒辣嘅辣雞，啖啖雞肉，辣得過癮，花生碎增加咗層次，食到我心水水，但真係辣到叫天唔應，記得備用飲料大隊！一個唔留神，辣到夠嗆，真係惹味到不得了。再嚟係呢個牛肉紫菜包飯，正！每一口都有飽滿嘅牛肉同清新紫菜香，配料分佈均勻，冇得頂嘅美味！系統嘅牛肉帶點齒頰留香，呢個組合真係冇得輸！添晒咁多款味蕾探險，肚子滿滿嘅同時，味道仲喺口腔中纏綿不去，真係一個簡單實在又顧到口福嘅晚餐。👌🍚🥢

Intro: 九龍灣嘅淘大商場都幾多野食選擇，呢日就去左hungry korean試下佢嘅地韓式菜，聽講佢地嘅價錢都幾平，質素就正正常常，始終都開左咁多年，應該都無問題～___________________🍽 Bi Bim Bap 石鍋飯 -豬肉💰 52 ⭐️7.5/10✍🏻 呢款石鍋飯有極多配料，有豬肉碎醬、茄子、芽菜、洋蔥同蛋等等；✍🏻 整體嘅肉類份量正常，用左碎醬嘅形式帶點辣又適合撈飯，仲有啲飯焦，味道唔錯；✍🏻 黎到嘅時候熱辣辣，不過就無好強jaja聲嘅效果。🍽 Gim Bap 牛肉韓式壽司💰 42 ⭐️7/10✍🏻 呢款係凍食，個人感覺熱食會更好；✍🏻 韓式壽司內肉類同其他配料嘅比例岩岩好，都食到唔同口感，整體味道為少鹹又帶點甜。🍽 辣年糕 - 原味💰 42 ⭐️7/10✍🏻 年糕嘅煙韌嘅口感唔錯，正常發揮；✍🏻 但原味嘅汁唔算特別，食完就好飽肚。___________________🏠 hungry korean📍 九龍灣牛頭角道77號淘大商場1期地下G113號舖⭐️ 7/10___________________

淘大呢邊有好多嘢食🍽️Hungry Korean呢間餐廳喺香港都開咗好幾年去過唔同分店食，水準都唔錯💰價錢又親民平平哋就可以食一餐韓國嘢🇰🇷香港有好多餐廳既set都係冇咩蔬菜🥗呢度嘅鐵板餐，又多蔬菜🥬又多肉所以我通常都係嗌呢度嘅鐵板餐⭐️韓式牛肉⭐️👉🏻牛肉同蔬菜嘅份量都多👉🏻牛肉醃得入味，牛肉好淋，冇咩筋👍🏻調味方便偏甜，同其他韓國餐一樣👉🏻蔬菜有椰菜，紅蘿蔔🥕，洋蔥🧅椰菜佔嘅比例最多👉🏻醬汁都有好多，用嚟撈飯啱啱好⭐️甜雞肉⭐️👉🏻雞肉放喺鐵板上，所以雞皮會有少少焦香🤤👉🏻雞肉好嫩濃，醃得入味👍🏻👉🏻 蔬菜同韓式牛肉set一樣如果出街食飯想食多啲蔬菜，呢間餐廳嘅鐵板餐係一個好選擇😀

一般來Hungry Korean，我都係食辣豆腐湯飯，今日先知原來Hungry Korean係有雞翼食架，仲要有3款口味任你揀！作為雞翼控嘅我表示：點解我會唔知！香蒜蜜糖味雞翼蒜末超多，每隻雞翼掛滿蜜糖醬同蒜末，味道濃郁，食到停唔到口。

前排同朋友行過淘大，見到hungry Korean 餐廳，突然真係hungry 起上黎。以前公司附近有分店， 一hungry既時候就會諗起呢間餐廳。餐廳係先付款order食物，然後搵個位坐低，之後店員會把食物送到枱上的。今次我地點左韓式牛肉 & 泡菜辣醬豬頸肉鐵板燒。泡菜辣醬豬頸肉鐵板燒既辣味唔算突出，肉質唔算鞋，都可以接受。韓式牛肉鐵板燒既調味比較清甜，應該係椰菜帶出咗鮮甜味出嚟，牛肉肉質幾好。整體食物可接受，但個人比較欣賞佢地嘅石鍋飯多D。

近年開左多間分店嘅韓式快餐店，位置係商場入面非常容易搵到。雖然係快餐，但係出品唔係求求其其馬虎了事，鐵板系列嘅每一款都幾足料下，亦都係夠惹味，只係總體來講口味偏重口，某些菜式偏甜。

🥔「cp值頗高嘅平民韓食」有時想簡單食啲唔貴嘅野食，又唔想食普通粉麵茶記，咁我諗呢間平民韓國菜餐廳都可以係一個選擇。呢間係香港有好多間分店，今次試嘅係九龍灣店，價錢唔過百但我覺得味道好ok 喎！值得一試😋🌖 人蔘雞湯麵（半隻雞）上到嚟份量好足，除左雞肉仲有啲魚腐呀果啲，個底仲有糯米，人蔘味唔係好出但整體味道好好，冬天配個白飯一齊食好暖胃👍🏻🌖 韓式燉排骨份量一樣好足！有好多排骨之餘仲有粉絲同年糕等等，好夠飽！啲排骨好林，夠入味👍🏻不得不提佢配黎嘅3個開胃小菜望落一般但都真真好鬼好食😂📍 Hungry Korean九龍灣牛頭角道77號淘大商場一期地下G113號鋪🧧人均消費$110#hea4foodhk @hea4_food

有d肚餓又想食韓國野，呢間開咗喺淘大都好耐，一直想試未試過，今日見得閒有時間經過就入去試吓啦。初初睇食評都有d期待，覺得都應該唔會太差既，我叫咗一個鐵板炒牛肉， 15分鐘左右就有得食，黎到個陣已經覺得個賣相麻麻地，諗住唔緊要啦，好味都OK，但係點知一食落口..係好甜，甜到不得了，有一刻係懷疑我到底叫左d乜野。而且牛肉好碎，甘大碟野菜佔左7-8成食咗未夠一半已經食唔落。雖然價錢唔算貴，但都應該唔會再食

睇完韓國食播就會特別想食韓國野 唔知大家有冇同感🤣 Hungry Korean🇰🇷都算係高CP值嘅韓國餐廳 食返餐過下隱🥳✿ 辣雞肉 ✿ [$62]用鐵板裝住可以keep到個溫度🔥 驚喜地雞肉🐥係嫩同彈嘅 絕對對得住個價錢 仲有好多椰菜同紅蘿蔔絲 配埋啲醬汁送飯一流👍🏻✿ 泡菜湯 ✿ [$52]泡菜湯+9蚊有韓國粉絲🇰🇷 粉絲份量好多 泡菜湯味道偏淡 同埋肉可以多啲 泡菜味可以出啲😵‍💫 唔推薦✿ Ban Chan ✿ [+$18]任何套餐可以加$18有三款小食 分別係泡菜魚糕、薯仔沙律 ★好食指數★：6/10★服務態度★：6/10 ★CP值★：8/10★🈚️加一★