How To Live Well (希慎廣場)

营业中

休息中

早幾個月嚟過，當時all day breakfast食物質素唔錯，所以再去品嚐。今次一家三口叫all day breakfast，兩份早落單先上，碟上全部食物overcook,全部又乾又微燶，唔明香腸雞扒都可以煮到乾 薯餅烘到over左第三份後上，正常唔乾，不過比較早幾個月， 食物質素明顯下降，用料差， 茶餐廳all day都好過佢, 完全唔值$15x嘅質素臨走前同侍應反映， 侍應淡淡地應了一句就算。希望佢哋有心做生意，會改善質素啦。

📍How to live well#5🫶🏻係最高環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-Buffalo Mozzarella + Seafood Pizza -$176+28水牛芝士配番茄 食落好fresh 而且咸咸甜甜好開胃 食完都唔會覺得好滯海鮮pizza嘅海鮮份量好多 每片pizza都食到魷魚圈 三文魚等 All day Breakfast -$168+30份量超多 薯餅好脆 而且唔會油淋淋 又唔會好咸 估唔到all day breakfast 有咁多選擇 scones好食 好脆 配埋jam岩岩好Sunny Palm -$58甜度適中 而且天氣熱 飲落好舒服Peach Fruit Tea -$68係蜜桃乾 未飲已經聞到有蜜桃香 飲落有好微微甜味

All Day Breakfast - Grilled Steak🥩厚香煎牛扒 scone 薯餅 蘑菇粒 煙肉 太陽蛋等等牛扒煎得很香 牛肉味濃 肉色粉嫩☺️Scone 外脆內軟 配有cream cheese 單食或配搭都正好吃又豐富的配搭 正😋.Six Cheese Pizza🍕由六款芝士混合而成的薄餅餅底薄 批邊口感香脆芝士味香濃 口感綿密🧀還有滿滿芝士拉絲的效果🥳.Chocolate🍫有少甜少冰選項供選擇可可朱古力味濃味道自然 非死甜的味道 很不錯🫶🏻.Matcha Latte🍵/木系風格環境 雅致舒服✅

今次已經係第二次去呢間餐廳食飯，同樣都係坐梳化位，其實梳化位並唔係特別舒服，只不過係咁啱安排咗喺沙發位。至於食物方面，我哋兩個人分別係嗌咗意粉同埋一個海鮮pizza，意粉係正常發揮，而海鮮pizza雖然上面嘅沙律醬稍為多咗少少，但係Pizza個底好脆，所以都幾好食， Pizza並唔係厚pizza而係薄脆，上面鋪滿左海鮮，係一個唔錯嘅選擇。而飲品方面就嗌咗一杯咖啡，佢有得揀比較Nutty或者係fruity嘅咖啡，但係我覺得咖啡味就唔係特別出。但係有一方面，職員唔係咁主動去幫你斟水，我建議係唔係每一台都可以擺一樽比較大嘅水等客人自己斟，呢個係我去過呢間餐廳兩次都係有咁樣嘅感覺。

唔怪之得個個都話係香港食野係搵笨，今日終於深深感受到🤣🤣今日行行下頸渴就係呢間餐廳買左杯Iced Matcha Latte，外賣既，一拎上手嚇左一跳，少到咁？真心建議餐廳不如用啲細隻啲既杯黎裝會好啲😂😂起碼都美觀啲睇落冇咁市儈，只能講會覺得好唔抵，以為買杯野飲裝滿/滿9成會係基本，係我太天真了。味道的話就普普通通，不過不失，都冇乜服務可言架啦。大家係呢間飲野都係堂食會好啲，外賣就完全唔建議了。

野食真係越來越差，100幾200蚊一個人，個all day breakfast無野食得既，個scone食唔出咩味，塊雞扒乾到紙皮咁，塊薯餅好大陣油味，唔知同埋啲乜野一齊炸，充滿住魚同其他味…….唔建議

置身於木質元素的半開放咖啡廳，柔和的燈光影射著深色的木餐桌，彷彿藏身於森林🌳，既溫暖，又不會感到過於寂靜。ALL DAY BREAKFAST系列(1) 烤雞扒 Grilled Chicken(2) 炸比目魚扒 Deep Fried Halibut Fillet相比之下，比目魚扒罕見於ALL DAY MENU之中。炸完仍保留魚肉細膩的特性，而且無骨，非常友好。Grandma’s Scones微微帶硬的外皮，隨之而來是柔軟內餡，甜度恰到好處，鬆軟的質感慢慢展開。其他的配料都中規中矩，唯獨蕃茄欠缺了烤的成分。(3) Americano帶烘焙的煙熏感。(4) Cold Brew Coffee冷萃出來的酸度會較低。雖然口感順滑，但個人認為偏苦。（我吃不了苦( ･᷄ὢ･᷅ ) How to Live Well…就等於A fish how to swim 🐡

約咗老友記晚上去銅鑼灣茶樓，因為未夠鐘，我地就黎到希慎睇下有冇咖啡店坐一陣。本身唔識呢間店，純粹見到幾就腳就問下有冇位，點知原來堂飲最低消費都係每人叫一杯同加一，而且仲有好舒服嘅位坐同傾計。QR點單，可以自己選埋要邊種豆，非常方便。我地要咗三杯野飲，cucumber latte, caramel macchiato同mocha，老友記非常滿意青瓜口味，幾得意幾清新，我地仲以為杯野會青色。店員服務態度好友善，又斟水又唔會到咗90分鐘即刻黑面趕你走，抵讚～佢地真係幫我地how to live well

服務態度可以接受，以香港人既標準，則係冇態度，食物黎得極快，意粉都熱熱地還可以，甜品係好差，夾餅好脆好硬，完全唔鬆軟，同牛扒果d薯條都係一樣的，乾硬。食一次就夠啦😅😅傾計飲杯都可以，但食物真係好麻麻

好震驚嗌左無花果沙律， 點知入面有張廚房紙巾….雙拼pizza，火箭菜中有蛞蝓。雖然兩道菜都重新煮過，但係搞到餐飯要好小心咁食。廚房真係要小心處理…..希望下次唔好再發生。整體服務態度係好嘅，咖啡都好飲。

禮拜日中午用膳。全場大把位，員工係要帶我地坐廚房外面位置。呢個價錢，成餐飯聽住佢哋出餐喺度”All Day 雞” “All Day 嘔(牛)”，我差啲想叫佢：「喂，嚟多個通粉。杯凍啡走甜少冰吖呀哥！」叫咗$298一份牛，$178pizza，$178 Prawn Linguine，員工亦以港式茶記服務態度放低你個order。仲有好多位，又冇人等，你又未完，佢哋嚟收野，仲要整跌你隻有汁嘅叉落去你個身度。曾經喺度嘆過唔錯嘅咖啡，但質素跌得咁緊要，仲要銅鑼灣競爭更大，我諗呢間野都好快唔做。

行希慎成日經過依間充滿文青氣息嘅西餐廳🥴 今次終於的起心肝，同🐧🐧 朋友仔去試下佢🤭 餐廳主要以暖和嘅木系色調作裝修，加上柔和舒適嘅燈光，和家庭風格嘅設計，給人感覺好放鬆🤭🫶 首先㨂咗🐧🐧 朋友仔最愛嘅明太子忌廉汁煙肉意粉👍 軟硬適中嘅意粉上，掛滿濃稠馥香嘅忌廉汁，點點明太子令意粉鹹香帶辣，惹味非常😋 另選了一個極豐富嘅雜錦小食拼盤😍 內有炸薯角、南蠻漬糖醋炸雞、芝麻雞翼、豬肉香腸以及炸芝士圈🤤 全部新鮮製起好香噴噴😋 🐧 最喜歡芝麻雞翼，咬落外酥內嫩，芝麻嘅香令雞翼更添惹味🥴 選了雲呢拿雪糕、窩夫、一口心太軟作甜品🤤 窩夫口感實身有嚼感，添上煉奶味道更佳👍 一口心太軟好特別😍 朱古力波嘅造型，食落外層軟糯綿密，內餡流心朱古力甜美無比，好值得一試❣️ 飲品選了Bouncing Bee 特飲，同埋蘋果薑果粒茶❤️ Bouncing Bee 由蜂蜜、檸檬汁、凍啫喱、桃味烏龍茶加上梳打水調製而成，飲落清新又爽口，解膩一流😘 蘋果茶原壺送上，打開茶蓋可見用料十足，清香嘅薑味滿溢✅ 飲落好順口😍 暖胃一流🥴

今日來到這間餐廳，地方闊落，有不同形的式座位，供不同類型客人選擇，環境舒適，空間感足。鍾意食明太子嘅我一定必點這個明太子忌廉汁煙肉意粉。明太子調味比較豐富忌廉口感濃郁。忌廉汁非常濃郁，夠鹹香而不漏，意粉夠煙韌，軟硬適中，亦帶點西式和日式的混合味道，輕鬆做到掛汁入味的效果，大蝦香口，蝦肉爽脆結實，整體調味恰到好處。碟意粉夠大碟，明太子和忌廉的份量都相當多，令到口感更加豐富，食到最後很飽。滿口明太子忌廉，配料有煙肉、蟹籽、洋蔥、木魚，紫菜等，熱辣辣的口感不錯。整體都好好食，值得一試。這裡的甜酒雪糕杯超好味，另外一個芒果雪糕凍湯反而比較酸，但份量夠多，只需$88，性價比高，值得一試。

其實都已經食過數次，次次都冇乜失望，今日四點幾第一餐飯，當食埋夜晚，唔想搵就此間，因為好鐘意佢杯 ice mocha, 真係唔錯⋯⋯叫左個seafood pizza, 日式芥辣炸雞，海葡萄沙律🥗2 杯ice mocha ⋯⋯seafood pizza 有啲冇味少淡，食落口味少麻麻哋。日式炸雞反宜ok woo, 炸得易入口，不油，點芥辣好好食，沙律亦唔錯… 好耐冇食海葡萄吖⋯⋯飽唒⋯⋯如果有時Cwb 行得攰入去淨飲杯咖啡食個小食都好選擇，望住個urban park 睇人玩滑板幾得意，$500 幾埋單.

ℍ𝕠𝕨 𝕥𝕠 𝕃𝕚v𝕖 𝕎𝕖𝕝𝕝之前已想去尖沙咀店飲咖啡，不過記得好像那次剛巧店舖有活動，所以沒機會。今次試了銅鑼灣店的latte，拉花很美，咖啡夠濃，奶的比例也好。不過覺得店員的態度一般。