hoo韓國包車

营业中

休息中

好耐未食過韓國嘢朋友就搵咗呢間雖然係樓上舖但係滿滿街頭風味嘅餐廳去到果然冇令人失望完全滿足咗想一嚐韓式路邊攤風味但又想涼冷氣嘅享受.Menu 🟡 懷舊五花肉呢個五花肉真係不得了一上枱嗰陣時真係嘩一聲～好大兜應該有三至四人份量 一層肉一層脂肪～夾埋沙律菜可以解膩～岩岩好🥬🥓.🟡 火山熔岩辣牛肉湯鍋 M就咁望落去好似唔係好多咁但其實入邊有一大堆牛肉同埋菇菌類蔬菜湯汁滾起之後好惹味好想配返啲白飯一齊食😜.🟡 泡菜煎餅韓國嘢一定會叫嘅泡菜煎餅呢度嘅煎餅都好多料 食到有大蔥 粉漿整得都好薄 唔會食到好大嚿粉但係唔食得辣嘅朋友就覺得辣咗少少.🟡拉絲芝士韓式炒雞貨真價實～～係有芝士拉絲炒雞亦都非常惹味唯一係唔食洋蔥嘅朋友可能就要留意因為洋蔥嘅份量都幾多不過本人係洋蔥控，所以非常滿足.整體嚟講食物質素同性價比都唔錯, 環境有feel岩晒成班朋友吹水聚會啤一啤🍺🍺👨🏽‍🌾之後去厚福街搵食又多個選擇

如題。然後openrice出然缺席紀錄。不知所謂。現場環境一般，等好左三個字𨋢先上到去。冇取消訂位option. Open rice亦冇人跟進於apps訂位後到現場說沒位。

今次係我第二次嚟，上次嚟嘅印象唔錯，所以今次都帶朋友嚟呢間餐廳。我哋五個人叫咗七樣嘢，覺得有啲多😂阿豬媽炒年糕💜💜💜💜💜喺香港食韓國年糕唔係度度都好食，呢度口感算係幾出色，不過唔食辣嘅話就有啲可惜，因為佢個辣都非常惹味，後勁十足甜辣炸雞 原味炸雞💜💜💜💜甜辣炸雞冇年糕咁辣，就算唔係好食得辣嘅都可以試吓，炸雞都炸得唔錯，外脆內軟街頭魚糕串串💜💜💜平時我比較少食，呢一個魚糕都比到驚喜我，質感煙韌韌芝士泡菜煎蛋卷💜💜💜💜意外地，芝士泡菜同蛋捲擺埋一齊都夾，冇咩違和感招牌炒章魚💜💜💜冇圖，章魚都大隻、彈口，味道上就冇咩特別卜卜脆豬軟骨配拳頭飯💜咁多樣入邊呢個係最失望嘅。卜卜脆豬軟骨非常硬，大家都放棄食呢個，拳頭飯都係偏硬，非常實淨

鍾意食韓國嘢嘅朋友，又想體會韓國路邊餐廳嘅特色，就一定要黎尖沙咀呢間樓上鋪，地方環境唔算話好大，但就一直坐滿晒人🙌🏼➖➖➖傳說中的部隊鍋(全鍋) $208 評價:8/10成個部隊鍋入邊有超級多嘅午餐肉，腸仔同埋泡菜🤣湯底亦都好好味好濃郁😋仲加埋少少嘅茄汁豆，仲有兩個面，真係好飽！建議如果兩個人食嘅話其實嗌半鍋都係唔錯嘅選擇($148)➖➖➖一雞兩味（自選兩款口味）$228評價:7.5/10下酒菜分別有原味、甜辣、醬油三種炸雞，而我哋今次選擇嘅就係一雞兩味，可以自選兩款口味，甜辣炸雞辣到適中好juicy，醬油炸雞表面炸到金黃，而且都係啖啖肉，肉質唔會好嚡口😍➖➖➖芝士泡菜煎蛋卷 $122評價:7.5/10成個蛋卷芝士味好香！而且蛋香味都好重！🍳蛋入邊加埋泡菜令到食起嚟更有口感😍➖➖➖芝士炒年糕 $86環境: 6.5/10年糕嘅口感彈牙，芝士味亦都好香，微辣嘅醬汁包住每條年糕，令到食落去更加入味！➖➖➖米酒原味 $122食韓國嘢點可以唔配米酒呢？一樽米酒再配埋兩個金色嘅鐵兜！飲落去更有韓國風味風味。🍶😘➖➖➖服務: 9/10衛生:8/10地點：尖沙咀厚福街12-12A號籃馬商業大廈22樓

今次嚟到尖沙咀呢一間Hoo韓國包車，餐廳裝修行韓式街頭風，有型格鐵閘、霓虹燈、洗衣機等元素，好啱影Y2K嘅相😆街頭魚糕串串（M） $146見到基本上每枱都有嗌呢一個，相信係餐廳嘅招牌菜，咁我哋當然都唔執輸嗌返份試吓，M size嘅份量都唔少，有成五串魚糕、魚餅同白蘿蔔，魚糕好彈牙，湯底亦都好清甜，上枱嘅時候會有一兜醬汁可以點嚟食，轉換下口味。另外都好欣賞上枱嘅時候會連埋個爐，可以keep到熱辣辣😋醬油炸雞（半份） $158炸雞熱辣辣，外皮酥脆，內裏雞肉肉質嫩滑，調味亦都恰當好處，唔會太鹹弘大烤腸 $122感覺比較少地方可以食到韓式烤腸，呢度嘅大腸洗得好乾淨，冇異味，口感彈牙，加埋泡菜食一流吞拿魚拳頭飯 $78估唔到份量有咁多，有成八大粒，吞拿魚加紫菜呢個組合一定好味嘎啦，咁當然都唔少得韓式飯團必備嘅麻油香味😋

呢間餐廳嘅菜色真係值得推薦，首先飲品柚子牛奶樂已經好特別，柚子嘅清香同牛奶嘅濃郁配搭得啱啱好，酸酸甜甜嘅柚子味道同順滑嘅牛奶結合，口感非常特別。一啖飲落去，先有陣陣柚子嘅清香，跟住就係牛奶嘅柔和甜味，兩者互相平衡得非常好，特別啱喺食辣嘢之後嚟一杯，清新解膩。🍹拉絲芝士韓式炒雞就係一道絕對唔可以錯過嘅菜式。呢度嘅炒雞用咗豐富嘅韓式醬料，炒得入味，每一塊雞肉都嫩滑多汁，配埋香濃嘅拉絲芝士，真係令人口水直流。當熱辣辣嘅芝士覆蓋住啲雞肉，拉絲效果超級誇張，食落去芝士嘅香濃味同雞肉嘅辣味互相交織，味道層次豐富，口感更係一流。呢道菜既有視覺衝擊，又有味覺享受，真係令人一試難忘。🧀懷舊烤五花肉係一道非常經典嘅韓式燒烤菜式。五花肉經過烤爐炭火嘅洗禮，外皮烤得金黃香脆，內裡嘅油脂融化得啱啱好，食落去肥而不膩，肉味十足。將五花肉包住啲生菜，加上少少蒜片同辣椒醬，一齊入口，成個口感豐富多變。🥓芝士泡菜煎蛋卷係一道令人驚喜嘅創意菜式。呢個煎蛋卷入面包住咗大量嘅泡菜同融化咗嘅芝士，泡菜嘅酸辣味同芝士嘅濃郁香味完美結合。每一啖都係一種味覺嘅享受，酸辣同濃郁兩者平衡得非常好。蛋卷煎得外層金黃，內裡滑溜，配埋泡菜同芝

聽朋友介紹呢間位於尖沙咀樓上韓國嘢🇰🇷入到去昏暗嘅燈光加上韓式大排檔裝修 都幾有feel 同朋友聚會好地方 岩晒打卡📸🍲街頭魚糕串串鍋我地2個人嗌左半份 魚糕有4 5串 全部都大大嚿 口感彈牙 香甜🍥仲有啲魚餅係入面 鮮嫩多汁 蘿蔔吸左成個湯精華 煮得好淋好入味 🥓懷舊烤五花腩見餐牌寫住每日限量十份 見得返三份即刻嗌嚟試下😆煎香五花腩份量好多 仲會提供一碟菜 醬汁同蒜片 包住一齊食可以解膩🧀拉絲芝士韓式炒雞熱辣辣上枱 成碟都佈滿拉絲芝士 🤤雞肉同芝士食落好夾 仲有好多洋蔥係裏面 增加香味🧅🍹熱情果梳打-酸酸甜甜 開胃之選🍏夏日的風（青蘋果氣泡燒酒）-飲落好清新 青蘋果味甜甜地易入口 📍 hoo韓國包車 (尖沙咀)尖沙咀厚福街12-12A號藍馬商業大廈22樓

終於去到傳說中嘅韓國「路邊攤」餐廳🍴入面個氛圍+設計都韓風🇰🇷還原度好高～有1秒去左繼續韓國既feel星期六日5:30去都坐爆8成😈建議大家book定位同朋友happy day😚📍傳說中的部隊鍋 M ($146)喺魚糕串同部隊鍋之間糾結咗好耐😫部隊鍋「勝出」原因係味道偏辣🌶️同埋有個辛辣麵食 哈哈哈哈哈😂小編加咗$20年糕 （可惜唔係長條形個種）腸仔、午餐肉、椰菜、洋蔥都好足～每食一啖麵都有餸咁滯 好鬼正👍🏻📍一雞兩味($228）炸雞可以揀2款味（甜辣、蜜糖牛油）餐廳全新推出蜜糖牛油口味🍯🧈即叫即炸 再加杏仁碎 個look係幾好～口感外脆內嫩🫶🏻炸粉真係唔算厚雞肉🍗未到juicy但個sauce搭救到！！整體有7-9件🐔2個人share都幾飽韓式炸雞嘅「靈魂伴侶」絕對係🍺啤酒🍺韓國啤酒Terra做緊買2送1🤍 沖啊～📍薯仔煎餅($82）呢個必須‼️推薦‼️小編食開海鮮、泡菜煎餅🫓竟然有薯仔煎餅成個煎餅煎到金黃色💛夾起會見到一絲絲薯仔🥔 好好食外脆內軟嘅口感 可以點汁食～📍炸流心芝士豬扒 ($72）嚟到一大塊炸豬扒 手掌size✋🏻一拎起已經見到拉絲 🧀口感仲要熱辣辣 的確係幾好食🔥——————

🥔薯仔煎餅 $52平時食開海鮮或者泡菜煎餅🫓今次試試薯仔煎餅😆邊邊位煎到好脆👍🏻同埋有個汁專點黎食，酸酸甜甜既汁，食落去無咁油膩🥓懷舊烤五花腩 $152五花腩份量多，配埋韓式醬+麻油+蔥+菜包住一齊食，大滿足😆男朋友大讚，係咁包黎食，加上平時唔食既菜 人，以依個配搭，反而食多左菜🤣食落解左五花腩既油膩，但保留左豬既香味🍥街頭魚糕串串 $146入面有唔同形狀嘅魚糕🍥吸收左滿滿既湯汁既魚糕配埋個汁好滿足☺️加上魚糕軟軟林林，又彈口，食完一串又一串🤤🍇粒粒提子汁 $20韓國餐廳必有既提子汁😆🍹荔枝梳打 $38荔枝梳打無提子汁咁甜，唔鍾意太甜又想飲凍飲，可以飲梳打😎🥢以80年代（應該係🤣）韓式裝修，令成年事好有記憶點👍🏻影相真係一流，加上有多首既K-pop，仲要重base ，令人不自覺咁哼歌🤣配埋昏暗既燈光，好岩小聚😆店員們好有禮，感覺親切，另外食物質素都好好👍🏻我同男朋友都大愛魚糕🍥推推

餐廳完美還原韓國地道路邊攤檔，尤其係紅色既膠櫈。餐廳用QR code落單，非常方便，但如果人手落單更加貼近真正路邊攤檔🤔上坐低就有免費小食包括芽菜同泡菜🥰- 醬油炸雞炸雞外脆內嫩，肉汁豐富，醬油味道香濃而不膩，100%還原韓式炸雞既風味👍🏻- 泡菜煎餅煎餅非常香脆，入面有好多泡菜，口感鬆軟。- 街頭魚糕串串我最鐘意既韓式街頭小食一定係魚糕，韓國旅行每日至少食兩串以上，今日可以一次過食十串！魚糕彈牙好入味，點埋秘製魚糕汁就perfect😍。魚糕湯好鮮甜帶微辣，飲左兩三碗都唔會覺得好口渴。除左魚糕，入面仲有蘿蔔同魚餅，全部都好大件，味道同樣好入味。總括而言，食物好大份，味道好有韓國風味，氣氛非常好，係聚會既好地方。

厚福街美食林立，呢間位於藍馬大廈的樓上鋪，裝修充滿特式，盡顯韓國街頭的味道🤩帶你回到70，80年代的韓國🇰🇷𝓜𝓪𝓲𝓷｜泡菜豬肉鍋就來滿瀉的泡菜豬肉鍋，份量很多這個也是韓國的經典鍋物，雖然加了泡菜，但也不太辣，豆腐嫩滑，五花肉也肥瘦分明😍｜拳頭飯韓式辣魷魚配拳頭飯，辣魷魚真的很辣，配上比較淡味的拳頭飯可以中和味道😆｜甜辣炸雞說到最經典一定是韓國的炸雞，炸雞甜甜辣辣，非常惹味😋😋😋𝓓𝓻𝓲𝓷𝓴韓國人的料理中不忘也配上啤酒，令整餐飯更有氣氛。｜hoo韓國包車 (尖沙咀)尖沙咀厚福街12-12A號藍馬商業大廈22樓

這一天我們嚟到Hoo韓國包車 地點係尖沙嘴一棟大廈嘅樓上鋪裝修佈置得有特色，很有韓風 泡菜芽菜水準唔錯我哋兩個人點咗幾樣韓國嘢食部隊鍋材料豐富，大滿足！最鍾意食部隊鍋嘅午餐肉，份外惹味部隊鍋係火爐上邊加熱，但餐廳冷氣好充足，唔會太熱裏邊仲有大量嘅洋蔥，超香甜最後加埋韓國拉麵，吸晒湯底嘅精華，正芝士泡菜煎蛋卷芝士超香！蛋卷勁有蛋香味，加埋泡菜更有口感半份原味炸雞炸雞外皮香脆，冇油淋淋嘅感覺，肉質都很不錯配合埋爽口嘅醃蘿蔔，味道好夾，清新開胃又再可以食多一嚿估唔到半份嘅炸雞數量都幾多柚子梳打清甜涼快之選😂 配搭炸雞翼都好適合餐廳嘅佈置同埋枱凳都好有韓國氣氛，食物質素唔錯，適合三五朋友約埋一齊傾偈飲酒食嘢😊

今日尖沙咀收工就去咗附近搵有乜好食，見到有間燈光好神秘又係食韓國嘢就衝咗入去試🤭前兩個月去咗韓國啲街邊餐廳設計同呢個差唔多，好似置身喺韓國咁🥰一嚟就上咗個部隊鍋，本身湯底夠濃縮另外我哋加埋芝士落去，食落口感好豐富👍部隊鍋要用嘅材料好簡單，但係呢個正正就係韓國嘢嘅精髓再嚟叫咗個薯仔煎餅，呢個口感好煙靭第一次食好似食緊薄罉咁，不過佢就加咗薯仔絲喺入邊，再加埋配咗啲魚露汁食落唔咁膩👌呢個菜包豬腩肉係有限量，好彩都試到😚首先嚟到就俾佢嘅份量驚艷到😂好大份！豬腩肉就偏向有咬感，配埋魚露汁同辣椒醬加落去菜入邊一齊食，征服我口腔😮‍💨好欣賞佢加咗啲京蔥喺上面，包埋落菜入邊爽口啲今次叫咗兩杯酒，配合返韓國街頭食物嘅配搭😙柚子啤酒必叫👍match到一個點

同事話哩間韓國菜唔錯，週末休息跟朋友過來一起食，招牌炒章魚炒到好香，食起來唔會好談比較好入味章魚肉多不愧是招牌，醬油蟹個蟹夠新鮮唔腥，好肥又多膏喔，芝士蟹膏蟹肉蛋卷好嫩滑，火候掌握的剛剛好，值得一食。

尖沙咀樓上氣氛一流韓國餐廳🫶🏻-成日都見到有人食呢間韓國菜，環境真係好似地道嘅韓國布帳馬車咁，所以就上去試吓~-🍢街頭魚糕串串 ($146)有唔同款式嘅魚糕，而且仲有大大塊好入味嘅蘿蔔，好足料😋另外仲要係有明爐熱住上菜，真係好有韓國路邊食魚糕嘅嗰種氣氛🤣🍜傳說中的部隊鍋 ($146)湯頭係餐廳自己煮，裏面仲加咗肉碎、洋蔥、泡菜、青楊辣椒，所以唔會死鹹，但係又有部隊鍋嘅味道👅配料都係熟悉嘅腸仔、韓國午餐肉同埋韓國麵，好處係麵餅可以自己落，可以自己控制面嘅口感~🐓半份醬油炸雞 ($158)醬油味幾日味，炸雞嘅皮都夠脆，不過如果雞肉再多汁啲同埋滑嫩啲就更好啦🥳💚青蘋果梳打 ($38)甜度適中，青蘋果味亦都唔會飲落好假，幾啱夏天飲!餐廳嘅環境真係好有地道嘅韓國氣氛，座位都算多，食物同飲品嘅選擇都多，亦都有佢哋自家製嘅調酒，而且餐廳好有人氣，大家如果想同三五知己上去感受吓韓國酒攤熱鬧嘅氣氛，記住要提早訂位！味道 7.5/10服務 8/10環境 8.5/10回頭率8/10總評 8/10😋🤍人均消費 $270💰-📍 hoo韓國包車 尖沙咀厚福街12-12A號藍馬商業大廈22樓#米食尖沙咀 #米食韓國