Homy Cafe (已結業)

上水餐廳選擇唔多，想食得開心同有chill既環境，我暫時只係諗到Homy cafeHomy cafe 開左咁耐，漢堡質素有保證，餐廳行工業風既裝修，長期都有食客係外面輪候今次又係好在早幾個字到，就好快入到去。留意番，用餐時間得75分鐘，最好就諗定食咩再入去。漢堡質素有保証既，但真心就唔平，同埋lunch set 係得一款友人點左大啡菇牛肉漢堡同海鮮漢堡，我就點左lunch set 既蒜香蜆肉意粉唔知點解啡菇漢堡係冇薯條跟，不過都食唔晒就冇問啦！漢堡味道幾好幾大個意粉少少辣，彈牙，幾過癮

今日約咗朋友食晚餐，所以嚟到Homy Cafe。呢間餐廳喺區內都算出名，因為上水區都冇乜Cafe，而且呢間餐廳嘅食物不錯，可惜嘅係無論五時定係萬事都十分之多人，如果想要來食嘢嘅話，可能就要預多少少時間排隊啦。因為我唔想食咁飽，所以嗌左個沙律。沙律唔好睇佢分量咁少，但係其實都幾飽。朋友就嗌咗個豬扒意大利粉，肉汁鮮嫩唔un，份量都好多。我最後嗌多咗杯榛子朱古力，味道濃厚，不過呢個價錢咁普通一杯朱古力就略嫌有少少貴。

🍔經典芝士牛肉漢堡🍔當我第一次食，真係覺得驚為天人🤩因為個包面係外脆內軟，然後塊牛肉漢堡又好juicy🤤再加埋d醬汁，真係好味到一個點！🥘西班牙海鮮意大利飯🥘依個意大利飯有d辣味，同平時食開既意大利飯唔同🤔味道係幾特別既！海鮮都足料，特別果粒帶子，煎得好好味😋恰到好處！總結：Burger係出色！可以去完再去🤩

今次搵食搵到黎上水‼️ 蒜香辣椒扁意粉配香烤辣蝦 $98第一啖嘅印像係「嘩真係油過我塊面」，佢落左好重手嘅橄欖油，對我黎講有啲太油膩😫兩隻蝦都係細細隻冇咩肉食咁，成碟份量偏細，所以整體唔高分🤭 叫左個花生醬煉奶窩夫配雪糕(?)做甜品，哩個組合好難唔好食🥰不過略嫌甜得滯，同朋友分就啱啱好🙂哩個幾好食同性價比高🥳 總結哩間嘅食物質素中規中矩，唔係唔好食嘅但定價偏高😟dinner嗌一個burger要九十幾蚊但唔包薯條... 同埋服務真係麻麻地，員工掛住傾計、漏單同比錯野食嘅情況幾嚴重🤓食餐飯都催左兩三次野食🥺 

千島醬菠蘿芝士豬肉漢堡 (set with fries) 芝士大蘑菇牛肉漢堡 味道 7/10漢堡非常多配料同醬汁，千島醬菠蘿好大個，大啡菇都好足料，但係個芝麻包較硬同凍身，偏細，完全包唔住所有餡料，所以食既時候有D唔係太方便。如果轉用較軟身嘅包會更好，並且需要加熱！！！ 涷包真係大扣分呀！薯條份量偏小，只有set lunch附送，不太建議散叫額外加薯條賣相 7/10配料好多，個漢堡超高所以打卡一流，但冇沙律菜配菜，雖然包身很多蔬菜，但冇伴碟/裝飾就略嫌失色～配菜/套餐 6.5/10Lunch set最抵食，連薯條嘢飲，但得檸茶檸水選擇，其他正價飲品跟餐減半，價錢頗貴。散叫漢堡亦唔值。溫度 6/10餡料溫度適宜，但包身太凍令漢堡失色。環境 6.5/10環境頗為逼夾，假日lunch time都好多人，排隊也要等一等， 食既時候亦要自行斟水。整體/價錢 7/10若然加飲品價錢偏貴，本來平均值只有6.5， 漢堡味道還可以， 性價比上可能減了分，但見在用料不錯，例如大啡菇真的很大， 所以額外加了0.5分， 平日黎食值得推薦， 因為平日選擇特飲有免費升級優惠～

🌼🌼🌼🌼🌼🌼🌼🌼🌼🌼影完野黃菊花肚餓出返去上水食野車既班次唔密記得check好時間影到夠先啦地點可以留意ig呢到唔多講啦🌼🌼🌼🌼🌼🌼🌼🌼🌼🌼千島菠蘿芝士豬肉漢堡加薯條千島醬加埋酸瓜粒超開胃🤩作為牛魔王都係中意牛漢堡🙈會香d但呢個豬漢堡唔會乾都唔錯個包有烘過脆口架☺️如果有得選擇揀牛定豬就更好啦黑松露磨菇雜菌意大利飯D黑松露好多😋 拎埋來已經超香個飯唔會太濕👍🏿 仲有勁多菇覺得個飯比個burger更好味仲好夠份量🤰🏻🤰🏻🤰🏻🤰🏻

經朋友介紹，係上水搵到呢間睇落唔錯既cafe。夜晚食飯驚訓唔著，無叫咖啡，只叫左個burger 同小食。▧ 煙肉芝士牛肉漢堡正常水準，絶對唔差，芝士溶晒再夾住牛肉，惹味。不過未算係一試難忘個隻。下面仲有d 菜(生菜? 唔識) 同埋好厚既蕃茄，煙肉，一口係咬唔晒. 我就切開一舊舊咁食，無計，口唔夠大。▧ 吉列魷魚圈 (配蛋黃醬)驚喜，份量又多，炸粉又唔厚，新鮮炸起，真係必試。平時見開可能係魷魚絲，但呢度係魷魚圈，少見又好食。

係上水搵到呢間幾好多好評既cafe，好彩唔洗等位就入得。叫左個burger 同小食試下。▧ 煙肉芝士牛肉漢堡每一個配料都做得幾好，煙肉香口，牛肉唔會乾，上面塊芝士完全溶化係牛肉上面，生菜同蕃茄睇得出新鮮。仲要讚佢既包係有烘過，外脆內軟，令整體味道更出色。▧ 吉列魷魚圈 (配蛋黃醬)意外地唔錯，份量多，炸粉夠薄夠脆，點上滿滿蛋黃醬，滿足！Burger可以另外配沙律同薯條，因為我哋唔太餓，下次想試下佢嘅意粉同意大利飯。

北區食burger一定會諗起Homy Cafe。我最常叫佢地既經典芝士漢堡同玫瑰鮮奶咖啡。📌玫瑰鮮奶咖啡（$36）每一啖咖啡都有淡淡玫瑰香，唔會搶做主角，而係同鮮奶咖啡互相配合。由欣賞拉花、花香再品嚐一啖咖啡，個人即刻好放鬆。嗰刻好想同自己講，This precious relaxing moment, I deserve it!📌經典芝士漢堡（$75）漢堡中間夾住芝士、150g牛肉漢堡、醃青瓜、蕃茄、洋蔥、生菜。蔬菜好新鮮，可惜牛肉漢堡太乾，只能說退步了...

之前食過呢到既burger好出色，就帶朋友黎試下上水呢間出名既漢堡店🥰 首先上既係厚豬鞍配薯菜，呢到既薯菜係粗薯條，入面食得出好轉薯仔👍 好味豬鞍亦都好嫩滑好juicy 唔會好乾。唯一麻麻既係個黑椒汁同個豬鞍唔係好襯 如果有d特別d既調味會好d跟住就嗌左煙三文魚雜菌意粉，味道正常 食落唔會太膩，可以一試最後登場既就係出名既大啡菇牛肉漢堡，無論係大啡菇定係牛肉都十分juicy! 漢堡包烘過黎，好好味 ! 雖一美中不足既係 成個漢堡太大個 會食到成面都係有d麻煩。加上大啡菇出好多汁，食果時要準備定紙巾啦😅總括黎講環境 ⭐️⭐️⭐️⭐️味道 ⭐️⭐️⭐️⭐️舒適 ⭐️⭐️⭐️⭐️優閒 ⭐️⭐️⭐️⭐️回頭 ⭐️⭐️⭐️⭐️

今日因為行山嘅關係 去左好少去嘅上水搵嘢食搵左陣就搵到呢間西餐💛店~~Lunch set價錢都係around $60-$80我同frd就嗌左兩個打左星星嘅lunch set1) 千島菠蘿芝士豬肉漢堡配薯條 ($72)2) 香煎厚切豬扒伴薯條 ($78)先講漢堡新鮮熱辣辣好好味😋成個漢堡好高身所以其實好難一啖咬到底菠蘿有輕輕燒過芝士就溶晒落塊漢堡到漢堡可能係豬肉嘅關係 我覺得無平時咁香不過肉都好厚同冧 唔會覺得乾加埋蕃茄生菜同個醬 整體唔錯！豬扒唔記左影相🙈不過真係好厚切 唔韌唔乾又好香好好味有驚喜！配埋薯條食完好飽😌如果大家嚟開上水絕對可以嚟試下🥳

呢間野在上水區都開左好耐，主打漢堡其次意粉之類，最重要係黃店。可以話北區唯一叫做好食既漢堡店1️⃣芝士大蘑菇漢堡即叫即整，蘑菇好juicy，唔油膩，漢堡有牛味，但唔太濃，肉汁都有，不過唔多2️⃣薯條超粗薯條，熱辣辣，夠脆，食到薯仔肉3️⃣焦糖香蕉窩夫窩夫外脆內軟，配焦糖香蕉一齊唔錯，如果配雪糕會更好。好味指數👍：3.5/5以上反映當日質素總括黎講唔錯，推薦下午茶去抵食d，下次會試佢意粉同risotto

Homy Cafe香煎厚切豬扒伴薯角黑松露忌廉雜菌意大利飯價錢💲: $78/ $68好味程度😋: 4/5服務🍴: 3.8/5環境🗾: 3.8/5 性價比🥢: 4/5回頭率😚: 3.6/5-上水要搵黃店真係唔易，原來除左成日食的鳳鳴居，仲有呢間西餐，晏奏都幾抵食😚 多入食得來，味道都ok!😬-我地叫左一個香煎厚切豬扒伴薯角😝 呢舊豬扒超大塊，大過手掌的size，仲要係好厚，所以食落啖啖肉。入面都好juicy，唔乾。切出來仲出晒煙，證明真係新鮮煎，抵讚☺️ 咬落調味都夠味。呢塊扒煎得好脆，有小小焦，香口得來好好食。如果怕膩，可以點下底下的橙汁，就冇咁油膩😜 不過配菜的薯角就小得可憐🥺得around 4舊😂雖然我明白豬扒已經好大，但咁小薯角我真係呆左🤨 不過係脆的薯角來既。-另一個係黑松露忌廉雜菌意大利飯。呢個都一樣，來到噴晒煙，勁新鮮👍🏻有好多雜菇，海鮮菇、雞脾菇同冬菇呢啲都有。黑松露算比得多，個醬係沾滿每一粒飯😌 飯的軟硬度又好，好飽滿。加埋咁cream一齊煮就一定好食😋所以呢間比我想像中好食，住個邊絕對可以一戰😙-

呢日喺上水做完嘢，同朋友search上水有咩食，就揀咗呢間cafe仔，地點都算方便喺上水站附近。Lunch Set 有8款，意粉、意大利飯、漢堡都有。我就揀咗個是日精選🔸Homy自家喇沙意大利飯都係第一次見呢個配搭！將啲喇沙嘅汁糖出落去煮意大利飯，真係幾特別，佢嘅喇沙汁比較難，所以我越食越辣，好彩有杯凍飲🤣不過食得好過癮！佢係椰香味嘅喇沙，仲有兩隻吉列蝦添，好脆口。整體都覺得幾好食😋朋友就叫咗個🔸千島菠蘿芝士豬肉漢堡配薯條睇落都幾大個就，漢堡唔算話好厚，佢話味道都OK。🔸岩鹽焦糖鮮奶咖啡飲到有焦糖味，比較甜，咖啡味可以再濃啲。令一杯係凍飲不過濛左🙈凍飲上面會有層忌廉，所以會更加甜🙈

呢日同男朋友專程黎食，喺門口見佢2130關門，我哋2030嚟到問佢仲入唔入得，女侍應都好好禮貌咁邀請我哋入去。餐廳不大，當日有大概三四枱客左右，餐廳裝修以灰白黑為主，簡約小巧。因為見到隔離枱漢堡實在太吸引，於是同男朋友一人叫一份漢堡套餐。-我叫左份芝士大啡菇漢堡($90)加配薯條($10)，大啡菇同芝士非常夾，配料新鮮，個包就大個左啲。薯條炸得香脆juicy，超級推。-男朋友就叫左份美式烤醬漢堡($78)加配沙律及薯條($18)，一樣超大個漢堡，沙律係日式麻醬，用料新鮮。-另外叫左兩杯飲品，Americano($30)同Matcha Latte($40)。當時問女侍應Matcha Latte可唔可以走糖，女侍應好細心咁提醒完全走糖既話會變得好澀好杰，所以都係要返少少糖好啲當晚仲發生左個小意外，同男朋友唔小心倒瀉左咖啡，員工即刻過嚟抹枱拖地比紙巾，不停叫我哋唔使介意，慢慢坐唔急。嚟之前有係OpenRice睇到佢哋嘅食評，唔知係改善左定係唔同員工返工，當日晚餐體驗很好，無論係食物定服務