Holam Bakery

营业中

休息中

唉！價格嘛，如果好食的話真的不貴！但味道真係好好好一般，用料少唔在講，榴蓮千層實在是我食甘多家最差的一次，那個伯爵茶味的更係食左幾淡就🈚食了，我本身都唔中意浪費的，實在是罪過了！又一次被社交平台欺騙了！🙄其實我都唔係甘中意寫評論的，但我想講，如果要賺錢的話還是要努力用心，不能隨便，由於是年輕人創業，我還是支持的，但我覺得應該更要用心先可以，不過要讚👍🏻的是產品的樣都還是不錯的，味道是實物最重要的，希望可以再改進一下，加油！

老公生日～好想買個千層蛋糕同距慶祝下上網搵咗好多間呢一間可以送貨， 睇咗勁多網評諗住一定唔錯， 仲要提早15日訂貨，尋日打開蛋糕試食,個蛋糕入邊有啲冰未溶曬我真心未食過蛋糕入邊會有冰，唯一我諗到嘅就係個蛋糕係早咗一日整好， 放咗喺冰櫃， 等運送過程溶曬d冰～非常非常非常之差我絕對認為大部份好評都係打手🤬🤬🤬一個甘高興日子，實在令我太掃興 仲有個蛋糕咁甜度係負分 好似完全冇落過糖咁...真心想問？係咪唔記得咗落糖呢？

星期六有事需要黎觀塘follow 呢間ig 好耐啦今次終於可以試下呢個網紅好耐既千層蛋糕 ，去到差唔多下午三點幾 原本諗住同個fd 一個食黑糖奶蓋一個食伯爵茶點知去到得翻 招牌伯爵茶 不過都要試下 所以要左兩份 食落真係乜得值得曬首先有淡淡地伯爵茶 ➕ 濃濃既奶香味中間啲cream滑而唔膩 而且每一層餅皮都好薄可以咁講 一口即化啊～我一個女仔 認真認真認真可以食兩件咁多！！真心好食 下次真係需要早少少去到 咁先可以試埋其他味 搞到依家好想食啊！

本身好少去開觀塘個頭，早排見到好多網友去左觀塘#懲罰黃店，yαɴɴy就決定黎個黃店懲罰日‼️.第一站🚩幫襯既呢間💛小店主打千層蛋糕，店主由IG shop起家做到係觀塘工廈開實體店，網絡上都可以搵到唔少有關呢間小店同店主既報導.小店中午12點開門，1點去到已經有唔少客人等拎/訂蛋糕🎂同埋現場買散件🍰 店內有5-6個後生仔女各自分工，收錢既唔會掂蛋糕，夠晒安全衛生👍🏻幫襯當日餅櫃內有7款口味可供選擇，由於仲有好多站要去覓食，對比其他客人6件咁起跳，當下覺得自己只買一件都幾寒酸😂******************************✨伯爵茶千層蛋糕🍰 ($38)呢款口味算係人氣之選，買之前掙扎左一陣到底試佢定係烏龍茶，最後都係揀左佢🙉本身都幾期待烏龍茶既味道應該會幾濃，可惜食落偏淡無乜茶香 ，蛋皮亦食唔出蛋🥚香味😓蛋皮未算做到好薄，至於層與層之間既忌廉甜度ok，店主應該有減糖去整，可惜質地未夠幼滑，整體口感只屬一般，食完反而覺得口淡淡😂.今次既消費金額雖然唔多，但個人幾欣賞店主追求自己夢想☁️既決心同努力，畢竟興趣vs事業👨‍🍳係兩回事，將興趣變成事業要有好大勇氣先可以面對食客既各種聲音💬

伯爵茶千層蛋糕有18層香滑又厚薄均勻嘅班戟皮，cream份量適中，食落唔會好甜，有淡淡伯爵茶香同奶香味，而且價錢差不多係L嘅一半，好抵食嫁❤*只限自取不設堂食，每款外賣蛋糕均有獨立包裝，非常衞生。

千層蛋糕控出沒😈 抹茶流心Rating: 8.5/10HK$ 38濃濃的抹茶味，仲有流心🤪又香又濃又滑☺️抺茶控必食之選香芋mix牛乳Rating: 8/10HK$ 34第一啖食落去比抹茶味更幼滑,估計因為有大量牛奶. 🐮不過一開始覺得牛奶味比較重, 要食到差不多最尾先感覺多D芋頭味.🍠之前聽聞呢間蛋糕舖好出名, 今次真係好好彩, 咁啱喺佢12:00開舖嘅時候去到, 都已經排第三個😇大家食嘅話要盡早去排隊囉

🎈Holam Bakery呢間千層蛋糕想試好耐 今次終於試到啦😇因為傍晚黎到剩低幾隻口味就揀咗焦糖咖啡同巨蜂提子千層 兩款千層蛋糕嘅餅㦸皮都好薄 食落好滑 唔會太多cream太膩 而性價比都好高🥳🥳焦糖咖啡($36)☕️食落慢慢滲透出淡淡嘅咖啡味唔會太甜 對於唔太好咖啡味嘅朋友都可以嘗試 而本人系咖啡控來講 如果咖啡味再出少少就更加好啦😋巨蜂提子味($36)🍇因為市面上比較少有巨蜂提子千層蛋糕 就試下啦 提子味自然 唔係嗰種好藥水嘅味道但係相對起咖啡味更淡味 就較為遜色🙊

🤩Holam Bakery 係ig 真係好受歡迎，🥺易賣曬（📍所以最好預早訂啦，現場都有好多口味既切餅賣既，不過都係早啲去買啦😉），價錢又平民，CP值高。🎂今次跟朋友慶生，朋友推介就幫襯下，食完大家評價都好好💯.而家街邊比較難揾到黃既餅鋪所以真係推介呢間💛黃店Holam Bakery 伯爵茶 6吋 $230🍵茶味夠，所以唔太甜，幾清新，絕對唔會甜到膩。千層皮多又薄，跟cream既份量適中，🤤真的不錯.🔅伯爵茶係咁多款中價錢較高既，但都只係二百幾，其他口味更低至百幾蚊就買到😊

呢間鋪有好耐之前喺IG shop嘅時候已經有幫襯🤣想當年嗰陣好少人整千層蛋糕間舖仲未轉名叫hoho🤣🤣仲要係地鐵站交收😂😂😂開咗鋪之後食過一次原味嗰陣覺得麻麻所以冇再幫襯🙈男朋友見佢係深黃支持手足之餘又唔招待警察🐶即刻覺得要支持下🤣🤣今次食咗Oreo流心千層蛋糕🍰切出黎唔算係好靚 層次唔分明🙈餡亦都唔流心 唔知係咪太凍😂但oreo味好濃同奶味平衡得好好👍🏻👍🏻👍🏻餅皮有存在感得黎唔會太薄重點係唔會好甜🤣因為呢個味最細要叫5寸男朋友唔係好食甜野但都可以連續食兩舊❤️❤️覺得進步好大👍🏻👍🏻同埋呢間真係叫做最平又好食嘅千層蛋糕❤️會再encore‼️

今日特登去觀塘駱駝漆，一心就係想買千層蛋糕，呢度切餅已經冇晒得返伯爵茶味完個蛋糕，都係剩返兩個，即刻搶買咗先。呢度嘅蛋糕真係太受歡迎啦。番屋企食，一致讚好。每一層皮做得好薄， cream亦好滑，做到好多層，以呢個價錢來講，性價比好高。下次試埋其他味先，佢好似有好多味可以揀。特別一提呢個蛋糕唔會太甜，啱啲唔係好鍾意好甜嘅人。

Holam Bakery 💛-人氣千層蛋糕 🍰💛 仲要係黃到金💛 係一向鍾意食開嘅店🤪 不過提提大家如果去門市買嘅話，記得早啲去或者預訂啊！-🔎 八味盒 $219想試呢個八味盒好耐啦！表示今次終於買到了😍八味盒係限時購買～ 留意番佢IG @holam_bakery 會於前一天開po然後wtsapp預訂就買到㗎啦～每一次八款千層蛋糕配搭嘅味都會有少少唔同～ 可以睇返配搭嘅味，然後購買，但冇得話指定要邊八隻味～千層蛋糕方面就唔多講啦～ 千層皮夠晒薄，而且亦都夠多層，Cream嘅份量亦都啱啱好✅ 食落去creamy得來唔會太漏，而且價錢亦都好實惠😍 雖然未去到最好食嘅，但絕對係性價比高嘅千層蛋糕😋 如果問我嘅話，個人私心推介伯爵茶味😋 可能平時都鍾意食伯爵茶味嘅蛋糕，而且佢伯爵茶味亦都濃度啱啱好！推介！-食物質素：8/10環境氣氛：/回頭指數：8/10-📍 Holam Bakery (觀塘)觀塘開源道60號駱駝漆大廈3座4樓I室

觀塘駱駝漆真係好多隱世高手其中一間好出名嘅千層蛋糕店當然係Holam Bakery!我試過兩次都覺得蛋糕非常出色👏🏻👏🏻身邊好多朋友都會整蛋糕唯獨千層蛋糕要花嘅心機特別多 唔係咁容易自己整到所以最近朋友們生日都首選呢間💛而且我個人好中意千層蛋糕覺得呢間絕對可以同Lady M一較高下☺️-蛋糕口味為左就返香港人 偏向少甜阿華田好好味 味道勁出每一層cream都平均係每片crepe上面平時食Lady M食到最後一定會散晒但呢間絕不會吝嗇 用一層薄cream包住成個蛋糕所以個蛋糕型亦保持得好靚食過一次只會更加想試其他味道仲有瘋狂介紹俾朋友🥰-曲奇流心真流心架🍪性價比高 價錢合宜 會繼續多多支持!!!💛-ps個香港人加油牌仔買原個蛋糕加10蚊就有仲可以環保用係唔同蛋糕上面👏🏻

Holam呢間不嬲都知好出名，今日約朋友去駱駝漆食嘢順便又去買返兩件試下～雖然只限自取沒有堂食，但係閒日都好多人排曬隊攞貨同即場買（我就係其中一個，但原來好快賣晒，建議下次都係早啲預留！）之前食過好多間千層蛋糕都有啲失望，今日就買咗海鹽檸檬同埋伯爵茶味，估唔到口感真係一流！唔會太甜，甜度恰到好處，層次分明！食到最尾都唔會變到一pat cream咁唔會漏😋😋終於搵到一間可以媲美Lady x！超正本土小店真係要多多支持！😍😍🍰👍🏽👍🏽

家人今天出開街，專程繞到觀塘買了這店的千層蛋糕，天氣有點熱，由觀塘拿回新界區，回到家蛋糕已有點溶，幸好仍不失它的美味。甜品之中我並非最喜歡千層蛋糕，所以只試吃過幾次，以往幾次都不覺得特別好吃，這店的千層蛋糕是我吃過的最好味。層層細分分得很薄，用叉拮落去既鬆且軟，吃進嘴裏又香又滑，甜度適中味道濃沃。我吃的那款焦糖咖啡味，咖啡味濃郁，卻沒有蓋過了焦糖味的香甜，非常讚其他如伯爵茶味、阿華田流心、曲奇流心都是十分香濃美味。大家掛住吃，都忘了拍照，只拍了一張如下

難得出觀塘，即刻猴住holambakery ig post預約千層蛋糕💓每日新鮮製造千層蛋糕當日有近16款口味供預約最少訂3件，而我就訂咗海鹽檸檬、抹茶牛乳、阿華田流心環境鋪位唔大，只供提取及購買千層蛋糕，冇座位可以坐低歎。如小店日後有足夠資金可以換大鋪位+座位就好啦🤤大家快d幫襯壯大佢！！千層蛋糕千層蛋糕大概有17層，皮唔會過厚，但食落口有好明顯嘅千層感覺蛋糕感覺相對軟身，唔係好似ladyX咁企身。一件30幾係ladyX一半！質素好到冇嘢講，性價比超級高💛💛💛海鹽檸檬嘅檸檬味好重，反而食唔出太多海鹽嘅味道，小小失望，如海鹽味能更突出就好啦🥺🥺抹茶牛乳抹茶控必試！本人都係一位抹茶控🤩🤩覺得呢個味道係三個中最好食🤤🤤抹茶味相對濃而且唔會死甜，搭配牛乳嘅味，真係好夾好正🥰阿華田流心，友人好鍾意，覺得阿華田味道好濃，鍾意阿華田嘅朋友仔不妨一試，但流心效果唔係爆曬漿嘅類型，唔會過漏2個人食3件我地覺得好飽😂大家可以搵多幾個朋友一齊share食