影片
韩国餐厅比人嘅印象多数系贵同唔抵，尤其是部队锅嘅罐头食物，而呢间有外卖部同商品区嘅铺头，就提供咗唔少抵食选择🤩我最钟意血肠，因为平时喺餐厅都唔见，就算有都卖到好贵🥲而呢度$60就有成大盒，仲可以叫职员帮手加啲年糕汁，味道就更丰富更正🥰有啲人话惊有血锈味，但我唔钟意猪红都食唔出，而且入面包满冬粉，所以食落就系软淋淋嘅粉丝，一啖一粒好快就清晒😛不过1个人食真系会好饱，建议买下其他嘢再同人分享😆另一个抵食之选就系炸鸡，$38就有成大盒，入面至少有7、8旧鸡🤩虽然唔系即叫即炸，但表皮淋得嚟仲系好味，甚至有啲keep住脆，加埋甜辣酱汁真系好正😚我试过冻食同加热食，加热啲鸡肉会比较嫩、外皮会软身啲，相对上冇咁容易食滞🙈鸡蛋卷好厚好大块，不过咬落有啲硬，唔好预期系玉子烧𠮶种嫩滑🤣其实仲有唔少特式前菜同便当可以买，个人几推荐辣拌生八爪鱼，好爽脆好得意，入面都捞咗好多蒜头，口感味道一流🥳
继续阅读