HeSheEat (THE FOREST)

营业中

休息中

大概夜晚7.嚟到呢度可以直入，但係之後keep住有人係岀面等，人流不斷我哋嗌咗4樣嘢食加2杯飲品～1. 薯條配黑松露醬 $62薯條炸啲好脆，啱啱上枱都仲好熱，黑松露醬少少酸，所以唔會好食到好濟，忍唔住係咁食2.海鮮冬蔭忌廉燴扁意粉 $138成個醬都好creamy，冬蔭功味幾濃，越食個辣味越岀，幾好食，海鮮就有鮮魷、蝦、蜆、帶子，蝦幾彈牙，其他正常發揮另外嗌咗2個芭菲3.北海道5.0芭菲-宇治抺茶 $684.北海道5.0芭菲-藍莓芝士餅 $68個雪糕真係好有牛奶味，抹茶個個啲粉略嚴唔夠綠茶味，其他配料都正常，2個都有脆片藍莓多咗芝士蛋糕同cream cheese 但係食落真係好漏 相比之下會選擇抹茶個個飲品分別係1. 夏日水果紅茶 $40一上到嚟係用膠杯嘅觀感唔係咁好，味道都係普通2.提拉米蘇牛奶熱咖啡 $58賣相係幾靚，但係熱落咖啡味唔夠濃，啲朱古力粒成日會整到手，飲到有少少狼狽整體嚟講食物質素唔錯，但係上菜速度慢，叫起個芭菲都等咗20mins先有，而且有限90分鐘，想慢慢坐底食就唔係一個好選擇

Duck哥🦆今日等Duck嫂🦆OT後放工一齊去食晚飯🕖，佢話好累要搵一間坐得舒服又有甜品🍨食嘅餐廳，補充能量😊。於是帶我去一間cafe店“HeSheEat”。佢話平時都有和同事嚟呢度食lunch🤭，因為佢哋嘅pancake🥞好好食。店舖裝修以簡約風格為主，環境明亮整潔寬敞，坐位舒適闊落🥰。烤魷魚香辣墨汁扁意粉 $108魷魚🦑肉質軟腍，扁意粉🍝煮得啱啱好，軟硬適中，配菜香甜車里茄🍒，另有一塊檸檬🍋。加入檸檬汁後，味道微酸又滲出辣味，令整體味道更加提升😍。北海道龍蝦汁海鮮燴意大利飯 $158海鮮材料豐富，有大蝦🦐、帶子、蜆、魷魚🦑及巨型蟹柳🦀，全部食材都好好味，意大利飯🍛加入茄蓉🍅及龍蝦汁🦞，燴至入味，口感綿滑😋。Coconut Pandan Latte $48班蘭及椰子🥥味道非常平衡，味道清香又鮮明。凍香蕉朱古力咖啡 $48杯面有忌廉、一塊朱古力🍫及香蕉🍌，朱古力🍫味道香濃，滲出微微咖啡味☕️，口感順滑冰涼😋。原味梳乎厘班戟 $882️⃣件梳乎厘班戟質感鬆軟，非常有空氣感，蛋味🍳香濃，加埋楓糖漿🍯及非常香滑嘅忌廉一齊，更加好食😋。北海道5.0芭菲 - 宇治抹茶 $66北海道5.0牛

HeSheEat係旺角開左分店啦! 裝修環境走日系簡約路線，透過落地玻璃望入去木顏色令人感覺相當舒適，主食甜品都勁有人氣。餐廳樓底高、坐位好坐，枱與枱之間有空間感。單骨雞翼配配蜜糖芥末醬雞翼外皮烤至金黃酥脆，帶有微微的焦糖香氣，單骨食得方便，雞肉嫩滑新鮮熱辣十分香脆，尤其喜歡蜜糖芥末醬，蜜糖的香甜與芥末的辣度完美平衡，同雞翼好夾。香煎比目魚扒伴蜜糖芥末薯仔比目魚好高質，煎咗之後外脆內嫩，魚肉扎實，用咗，搭配蜜糖芥末薯仔，薯仔綿密，再用沙律菜作為點綴，色彩鮮豔口感多層次而且營養豐富。煙腩、白菌、溫泉蛋芝士汁燴意大利鮮蛋麵賣相靚，煙腩唔算肥，而且咸香惹味，白菌鮮味溶入鮮蛋麵，再撈埋溫泉蛋芝士汁，鮮蛋麵彈牙掛汁，非常推薦！hesheeat甜品不嬲非常有人氣，選擇都好多，其中梳乎厘班戟同特濃5.0牛乳軟雪糕芭菲最多人嗌。北海道5.0芭菲-宇治抹茶雪糕上面加咗好多宇治抹茶粉，牛乳雪糕軟滑甜蜜，下層有脆米，蕨餅，白玉，紅豆，層次豐富！肉桂蘋果拿破侖擺盤好靚，令人眼前一亮，拿破崙酥皮薄脆，杏仁碎香口，中間有肉桂蘋果蓉餡，非常特別。牛油果奶昔牛油果味突出，加入杏仁同牛油果肉，口感清新爽口又多層次。

旺角分店推出軟雪糕芭菲 賣相精緻又美味 成為咗店舖嘅主打雪糕口感軟滑 入口即溶 而且灑上朱古力粉令朱古力味更突出 入面仲有整塊Oreo 榛子果仁 可可米 同埋朱古力醬 每一層都有唔同口感 賣相豐富

今日和朋友去旺角食飯，經過見到餐廳裝修得幾雅緻，再睇吓佢餐牌，都好似好吸引咁，突然對佢好似有d期望，就入去試吓喇。 我地兩個人，首先上咗牛油果大蝦沙律，大蝦新鮮彈牙，牛油果非常新鮮，加埋d醬汁好好味。 雞肉冬蔭忌廉燴扁意粉，佢嘅冬蔭忌廉少少酸辣，雞肉嫩滑，食落好醒胃。 宇治抹茶士多啤梨鮮奶配抹茶雪糕，好濃嘅抹茶同鮮奶，混和埋士多啤梨，雪糕唔係好甜非常好飲。 Homemade Strawberry Mojito 青檸水加士多啤梨醬，有幾片香葉，賣相好吸引，混合之後，覺得都好好飲。 最後係一個甜品，白桃乳酪梳乎厘班戟 ，蛋香味超濃郁，軟綿綿嘅班戟配埋個白桃汁，回味無窮。😋😋

旺角hesheeat 搬了新舖，今天特意前來吃晚餐。新店舖比以前的位置較方便，裝修以木系為主，讓人感到很舒適，比舊舖也坐得舒適。我們點了一份小食、兩份主菜、兩客甜品及一杯特飲。🍽️炸魷魚鬚 $68這道小食以新鮮的魷魚鬚製作而成，外層炸得酥脆，內裡保持著魷魚鬚的嫩滑口感。配上蛋黃醬，增添了風味的層次感，不過價格稍高。🍽️龍蝦汁海鮮燴意大利飯 $158這道主菜以新鮮的海鮮和龍蝦汁燴製而成，意大利飯軟糯入味，與龍蝦汁的濃郁口感完美結合。海鮮份量也不少，有蝦、帶子、蜆、魷魚及蟹柳，大量的海鮮讓這道菜更加豐富。🍽️雞肉冬蔭忌廉燴扁意粉 $118扁意粉煮得剛好，口感彈牙，而雞肉味道辛辣，口感嫩滑。冬蔭讓這道意粉味道濃郁而豐富。🥞士多啤梨麻糬梳乎厘配士多啤梨雪糕 $128梳乎厘外層是麻糬，內層是士多啤梨雪糕，入口吃到濃濃的蛋香味，鬆軟無比，甜度也適中。🍧宇治抹茶紅豆白玉北海道特濃5.0牛乳軟雪糕芭菲 $68這道甜品以宇治抹茶、紅豆和白玉北海道特濃5.0牛乳軟雪糕為主要材料。宇治抹茶的香氣濃郁，紅豆有著香甜的口感，而牛乳軟雪糕則帶來了濃厚的奶香味道。這道芭菲甜品結合了多種口感。🍹Baby blue milk

之前肚腩仔係泰國都食過呢款牛角包雪糕，嗰時候覺得好好食，呢排竟然喺香港度有類似嘅牛角包，所以我哋都即刻去咗試😍🍽️酥鬆牛角包 x 特濃軟雪糕 $52雪糕有牛奶同朱古力揀🥛🍫 我哋就揀咗牛乳味！牛奶味好重，味道好似壽司郎嗰款牛奶雪糕咁，質感都好滑🤤而下面嘅牛角包未到好酥脆🤔不過到手嘅時候都係暖暖地嘅，所以加埋雪糕食都會有冰火交融嘅感覺❄️🔥但係小肚腩覺得牛角包入面嘅雪糕可以多少少，因為宜家大部份雪糕都係牛角包上面，所以基本上進食嘅時候就好難一次過食，會有啲兩樣嘢分開食嘅感覺😢不過整體嚟講幾好食，經過嘅話都值得一試😋味道😋 8/10性價比💰 7/10環境🔎 6/10服務🫶🏻 7/10打卡指數📸 8/10٩(˃̶͈̀௰˂̶͈́)و 推薦指數🥰 7/10

旺角搬左新舖去The Forest地下，夜晚去食都要排隊，好彩兩位唔駛等太耐，廿分鐘就有得入👍🏻餐廳坐位都有啲迫，食物方面叫左蕃茄大蝦意粉，幾香幾好味，啲蝦都好爽口🦐食完main叫咗個甜品，雪糕個味道好濃牛奶味🐄🤤口感不錯回頭率：👅👅👅性價比：👅👅打卡值：👅👅👅👅👅

在旺角搵晚餐食從來不難，但這晚行完波鞋街後，在附近見到間餐廳門外排滿人，但竟然是等外賣喎🍦堂座亦坐無虚席🌟疫情後應該不用捱飯盒吧，再細心留意才知道他們是等甜品的💜這就令我和朋友好奇入去試試，原來他們有幾款招牌甜品的，我們既然堂食，就試款宇治抹茶士多啤梨雪糕特飲🍓及北海道特濃5.0士多啤梨芝士餅芭菲和原味梳乎厘班戟🥞主菜就我和朋友都喜歡食魚🐟所以叫了三文魚明太子忌廉意粉，雖然沒濃厚的明太子味，但忌廉汁算幼滑，配三文魚很滑嫩，擺盤亦很精美🩷而朋友點的香煎比目魚蜜糖芥末薯仔🥔則很香口，尤其芥末味清新而不攻鼻比目魚亦juicy😋之後食的焦糖漿+原味梳乎厘🥧很鬆軟綿密，不過未算突出，反而芭菲很多人也點了不同味道，見到旁邊的朱古力味好像幾正，雖然我點的芝士味也不錯呢😜。而🍵宇治抹茶雪糕飲品亦做到濃而不甜，不會怕膩但亦好飽了，下次要再來試埋其他甜品呢🎀💜

見最近好多零售舖頭都有做優惠，一於去湊熱鬧，血拼完當然要食返d好野慰勞自己，呢間出名甜品又有熱食既餐廳就啱晒心意啦。安格斯牛肉芝士漢堡配薯條（⭐⭐⭐⭐⭐）漢堡絕對係香港係受歡迎食品之一，貴既平既大既細既任君選擇。呢間餐廳既漢堡就令筆者十分欣賞，先講重點既牛肉漢堡，超香濃既牛肉味，而且咬落仲有滿滿肉汁，配埋上面既芝士，味覺超昇華。夾埋包入面同伴碟既清新蔬菜，滿足得來又平衡。另外要提一提薯條，絕不是快餐店貨色，外面十分香脆，內裡薯肉滿滿。香煎三文魚明太子忌廉燴扁意粉（⭐⭐⭐⭐⭐）平時食開既三文魚意粉多數都係得幾塊薄薄既煙三文魚係面，但餐廳既三文魚意粉係一大份三文魚柳，唔講味道，都覺得超抵食。味道方面，更有驚喜，外面煎得香脆剛熟，內裡仍然保持十分嫩滑既魚肉質地，配搭唔會太鹹既明太子醬同脆卜卜魚籽，食到唔夠喉。北海道5.0芭菲朱古力（⭐⭐⭐⭐⭐）餐廳出名甜品，唔試返幾款當然唔算黎過。見到枱枱都叫既芭菲，筆者都點了一份。雪糕方面十分軟滑，而且仲有香濃既牛奶甜味。芭菲入面仲有oreo餅、果仁同卜卜米，同軟滑雪糕一同放入口，牛奶味、果仁香、朱古力醬混和，味覺觸感都好滿足。士多啤梨麻糬梳乎厘班戟配士多

有日喺社交媒體網站見到廣告，見到有好多好靚嘅甜品同飲品，於是決定一試！叫左龍蝦汁扁意粉、七成熟牛扒配薯條、前菜沙律、飲品：凍檸茶、香蕉咖啡朱古奶！食物質素方面，龍蝦汁扁意粉略嫌有少少鹹，但整體麪質都不錯，不會過軟。麪有三四隻蝦，但應該不是新鮮蝦🦐。而牛排配薯條，牛扒有驚喜，不會過熟，又有肉味👏🏻沙律菜有黑醋，佢鍾意食酸嘅朋友應該會好鍾意😻至於飲品方面都不過不失～餐廳服務方面，餐廳服務不錯，食完嘅碟好快都會被收走👍餐廳整體環境都十分乾淨，見到好多人都喺度約會🤫

由甜品起家的HeSheEat，開到來波鞋街The Forest，他們新店推出了新產品，北海道特濃5.0牛乳雪糕，現在咁方便就可以來到，真係點可以錯過！店內以木系裝修為主，充滿簡約的日系溫柔休閑風。提拉米蘇牛奶咖啡入口口感滑順，帶有濃郁的奶香和咖啡香，它的口感滑順，甜度適中，甚有驚喜。安格斯牛肉芝士漢堡配薯條安格斯牛肉具有豐富的肉汁，口感鮮嫩，配上芝士在漢堡包和牛肉上，增添了濃郁的咸香味令漢堡更有層次感。而薯條炸至金黃酥脆，口感鬆脆。烤羊西冷扒配芥末薯蓉烤羊西冷扒呈現嫩粉紅色，外層微微焦香，肉汁豐富濃郁，再有芥末薯蓉的順滑口感，令人越食越滋味。特濃5.0牛乳軟雪糕芭菲(宇治抹茶、紅豆和白玉)一場來到必試的芭菲雪糕，今日我選了宇治抹茶口味，入口牛乳非常濃郁，口感柔滑綿密，更帶有抹茶的茶香風味，再下層有甜美的紅豆、嚼勁的白玉，多重口感，一食愛上。肉桂蘋果拿破崙酥皮露露的包着玉桂蘋果蓉，輕輕切開，口感酥脆，內裡的肉桂蘋果則保持軟綿多汁，香甜無比。

今晚約了朋友旺角食飯～原來The forest呢度又開左間HeSheEat…呢間餐廳好多分店，而且好鍾意餐廳既甜品，又多款又好好食，所以捉左朋友陪我食返餐。呢間分店裝修得好靚，有格調，坐得舒適又舒服，打卡都一流。我跟朋友跟了數款美食一齊開心share..呢款小食都相當出色，炸蝦天婦羅配青檸蛋黃醬。一件件脆卜卜既金黃色炸蝦天婦羅，賣相好靚又香脆，拎起後沾上獨有既青檸蛋黃醬，青檸蛋黃醬比一般蛋黃醬稀少少，更易令天婦羅外皮沾上了醬汁。而且醬汁帶點點清新微酸，好好味呀，而且仲有濃濃蛋黃醬味，好惹味。外皮炸得又薄身又脆，中間的蝦肉彈牙爽口啖啖肉，十分滋味，口感豐富。另外點了一款賣相都是相當出色的扁意粉，這款香煎帶子黑松露忌廉燴扁意粉相當香氣撲鼻，濃濃的黑松露味十分惹味吸引，而且賣相仲好精緻，上面放了又大又圓又厚切的帶子粒，仲有三文魚籽，相當豐富。仲有藍色食用花、菇類等等，整個賣相都相當靚，其實都唔捨得拌勻，哈哈。味道都好creamy好好味，黑松露味強烈、帶子肉厚彈牙，完美。之後當然唔少得食返幾款甜品啦。同朋友試了呢款特濃5.0牛乳雪糕芭菲-藍莓芝士餅口味。芭菲杯都有四款口味，但我們就點了藍莓芝士

我真係非常鍾意食雪糕同牛角包🥐當初網上一見到呢間餐廳有雪糕牛角包嘅時候真係心心眼架😍前兩日一心專登去試仲以為可以堂食，可惜呢個雪糕牛角包只限外賣😑其實出邊氣溫30幾度個雪糕溶得勁快，加上要滴住汗咁要勁快食……..真係完全享受唔到! 幾好味都死啦🥵建議等天氣涼返啲先好去食😅

以前經常食HeSheEat，最記得佢哋甜品係主打而家好似唔同咗好多，多咗好多main course，甜品一樣好多款🍔安格斯牛肉芝士漢堡配薯條$132薯條勁勁脆，超好食，食唔停口；burger就大件靚仔，食落都尚算juicy，芝士正🐏烤羊西冷扒配芥末薯蓉$158羊排不羶，切薄咗易咬，有炭烤香味🍦特濃5.0牛乳軟雪糕芭菲 - 朱古力 Oreo $64牛乳雪糕真係好滑好香！冇奶騷味，不算太甜，好好食，加咗朱古力粉更突出，中間有cream, Oreo等🍎肉桂蘋果拿破崙$66賣相精緻，好夠脆，同埋甜品嚟講都算大件抵食，唔會太甜，啱我食💚宇治抹茶士多啤梨鮮奶配抹茶雪糕$56呢杯特飲都好想靚，仲好多層次，先有抹茶雪糕，中間係鮮奶，底層有士多啤梨醬，溝埋一齊都出奇地夾🌼珍珠茉莉花茶$40淡淡清香，食完甜品飲啱晒🚩HeSheEat (THE FOREST) (旺角)📍旺角奶路臣街17號THE FOREST地下G6號舖