HeSheEat (白布街) (已結業)

經過he she it 見到呢個Afternoon tea combo，覺得$268/2幾抵就試下啦！可惜佢只係星期一至五下晝先有呢個set, 而且都幾full, walk in未必有位。去既朋友要記得book位。同朋友坐低同佢地講返book左好快就上菜，同場全部都係女仔係度打卡，的確有埋D乾冰有曬煙咁幾靚。但我同朋友都為食，所以影左2張相就開始食。個餐既野食係set死左，但飲品可以轉。不過我地無轉。成個set比較驚喜既係蟹肉蟹籽酥皮盒，食得出係新鮮，酥皮好鬆化，真係幾好食。而甜品都唔太差，畢竟佢原本都係間甜品店，特別係佢最頂既奶凍，加左莓醬令到成個奶凍無咁膩。成個餐份量都好足，唔好以為全部細細件食唔飽。而我最滿意係外面好多tea set一定有個好大舊食到好飽既鬆餅等你食飽D。但果舊野我每次都唔食。飲品就不過不失。整體而言好抵食！食物質素絕對對得起個價錢，而且好過某D貴過佢既餐廳。有D餐廳為左打卡靚，通常唔係幾好食。

旺角HeSheEat開咗咁耐, 宵夜甜品都嚟過食幾次,正式晚餐印像中好似冇, 今日喺旺角閒逛，唔知食咩就諗起呢一間過， 過到嚟等位等咗十分鐘左右就上得去食。兩個人食叫咗個水牛城雞翼， 一個Rib加薯條， 辣肉腸墨魚汁意粉， 甜品點了我最愛的雲呢拿士多啤梨奶凍。鬆脆嘅炸雞翼配上水牛城火辣惹味的醬汁及蜜糖芥末醬， 單骨雞翼，唔使用手都食到，方便又好味。 燒豬肋骨加薯條， 醬汁香濃， 豬肋骨表面香脆內裏軟嫩， 保留充足肉汁， 本身係配薯蓉，加咗十蚊轉薯條， 薯條都冇令我失望， 香脆惹味。辣肉腸墨魚汁意粉， 腸切得太薄身，有點乾, 但個辣墨魚汁意粉又好惹未， 食食下已經食曬。最最出色都係甜品，雲呢拿士多啤梨奶凍，有 焦糖脆脆 夾士多啤梨碎，帶點酸甜的味道，口感幼滑中又有焦糖脆脆，非常美味，視覺及味覺享受。完美的甜品，完整的晚餐。

本來野食都好一般，同兩位朋友咁啱行丁附近見到呢間咁多like 以為唔錯但一入到去就知中左大伏一開始帶位帶左我上去二樓跟住要我坐背住樓梯嘅位，我問可唔可以調位去另一邊因為我唔慣食飯背住個樓梯坐無乜安全感，問佢可唔可以調過去另一邊嘅卡位，當時個服務員話俾人book左，咁我都算，但最離奇係到我地埋單走人，個位仲係空係度無人坐。叫左兩個主食加一個半骨雞翼，雞翼好一般，個炸皮炸到又硬又乾，佢勉強落啲汁整軟佢，10隻半雞翼姐係5隻全翼收$55，呢個$11單價都入得我心中貴價雞翼加難食頭幾位。個朋友叫左個炸豬扒滑蛋飯，舊豬扒難食到好似食緊舊有炸粉嘅紙皮咁… 個滑蛋仲衰過大快活嘅炒蛋，真係過分左少少。我叫左個dinner combo嘅牛扒，佢問我要幾成熟我以為比較厚，我就點左5成熟，黎到塊扒同係普通快餐店叫嘅薄牛扒厚少少，我都知衰嫁喇去呢啲cafe 點牛扒，點知佢可以上個9成有啲位係well done嘅俾我食。仲有最嬲嘅係咩，入門口嘅時候睇到佢乜都收，信用卡、八達通etc.，去到埋單同你講部卡機一時得一時唔得，要我地俾現金，我同佢講我咩支付方法都有，佢堅持要我俾現金，咁點解你唔一開始就係門口寫acce

今日同朋友嚟到hesheat食下午茶，首先一嚟到，個三層下午茶已經仙氣十足，而且都係以粉紅色為主，女仔一定好鍾意！首先鹹點有巴馬火腿伴蜜瓜，啲斑馬火腿好濃香，依個蜜瓜亦都好有心思，係扭扭形狀，好特別！意式番茄多士，外型好特別，蕃茄好鮮甜，多士好香！蟹肉蟹籽酥皮盒，蟹肉同蟹籽都好新鮮，易綱酥皮亦都好脆，咬落口都幾鬆化！海蝦黑蟹籽配自家製蕃茄汁，海蝦好新鮮，好爽口彈牙，蟹籽好鮮甜，加上酸酸甜甜嘅蕃茄汁，更加醒神開胃！跟住有甜點，海鹽藍妹奶凍芝士雪糕，食落口有少少鹹鹹地嘅味道，但係加上藍妹嘅甜味，配合得好好，而且個芝士雪糕好濃郁芝士味，所以食落口嘅感覺好有層次！迷你芝士餅，好香嘅芝士味，但係又唔會太甜，所以食落唔會濟！芒果拿破崙，芒果好甜果肉好滑，而個拿破崙好脆，所以兩者配合得好好！朱古力慕絲，好香濃嘅朱古力味，而且食落口好滑好軟綿綿，入口即溶嘅感覺！抹茶紅豆慕絲，好清新嘅抹茶味加上香甜嘅紅豆，真係絕配，而且一粒粒既紅豆，咬落口大粒得來又夠軟綿綿！跟住仲有兩杯飲品，其中一杯係士多啤梨莫希托，飲落口好清甜，而且仲有士多啤梨果肉，所以感覺更加清新，而且亦都唔會好甜！另外一杯飲品係熱情果菠蘿沙冰，

一向喜歡 HeSheEat這咖啡甜品店，最近它的旺角店推出了逢星期一至五下午三時至五時半供應，旺角店限定的 Afternoon Combo下午茶（$268），可供二人享用，平均每人一百五十元還不到，雖然這英式下午茶缺少了堪稱靈魂的 Scone，但以這價錢，便可吃到質素不差的雙層架英式下午茶，性價比確實不低。這下午茶由侍應端上來時，三層架上還飄逸著縷縷由乾冰製造出來的白煙，讓三層架上的各款鹹甜美點彷如騰雲駕霧一樣，十分吸睛。四款鹹點，包括「巴馬火腿伴蜜瓜」、「意式蕃茄多士」、「蟹肉蟹籽酥皮盒」和「海蝦黑蟹籽配自家製蕃茄汁」。各款鹹點都做得有板有眼，味道及格，並無令人失望。五款甜點，就有「海鹽藍莓奶凍配芝士雪糕」、「芒果拿破侖」、「迷你芝士餅」，「朱古力慕絲」和「綠茶紅豆慕絲」。同樣有一定的水準，當中的「海鹽藍莓奶凍配芝士雪糕」味道最好；「芒果拿破侖」酥脆可口，不過芒果就不夠甜；兩款「迷你芝士餅」的的骰骰的，味道和口感都算中規中矩；「朱古力慕絲」和「綠茶紅豆慕絲」相當香滑，味道也恰如其份。兩杯特飲，一杯是色澤粉紅的 Strawberry Mojito，另一杯是黃得亮眼的「熱情果菠蘿沙冰」，

2021年8月24日 星期二趁暑假仲有一個星期先完，一於同老婆玩盡d周圍行下，而今日我哋就出咗去旺角行下食下行到去白布街見到呢間餐廳，平時無論係旺角或者銅鑼灣呢間餐廳都好多人幫襯，聽講甜品好出名，而咁啱平日呢個時間唔算太多人，所以我哋就入咗去，順便慢慢抖返一陣一坐低之後就俾呢一個下午茶combo吸引咗，因為包咗好多款唔同嘅食物，鹹甜點都有，而且仲有飲品添，價錢唔算太貴，$268兩個人，所以諗咗一陣就點咗首先嚟到嘅係飲品，呢一杯係士多啤梨莫希托，裏面除咗有士多啤梨之外，仲有由蘋果片整成嘅玫瑰花瓣，賣相好突出，飲落去酒精味唔算太重，反而覺得酸酸甜甜幾冰涼老婆嗰杯就係熱情果菠蘿沙冰，佢話食落去好清新，每一啖都有濃郁嘅菠蘿味，而且沙冰唔會好快就溶晒等咗大約10分鐘左右，成個下午茶Tea set就送到，店員仲係上層加左乾冰，令到整體嘅賣相更加靚，十分適合打卡先講下層既鹹點，有巴馬火腿伴蜜瓜同蟹肉蟹籽酥皮盒，巴馬火腿既鹹味配上蜜瓜簡直係絕配，鹹甜味好適中，而酥皮盒好脆口，見得到裡面係一層層酥皮，仲有好多蟹肉添另外仲有意式蕃茄多士，脆卜卜既多士上面有好濃郁嘅意式番茄醬，加埋溶溶地既芝士，食落去好夾，

有日經過 He She Eat，原來已由昔日嘅糖水舖變成西餐廳，可能甜品唔夠做，依家只有少量甜品供應，主要供應西餐。門面裝修分別不大。每次必點單骨水牛城雞翼，呢度做得幾出色。主要係味道夠辣，雞翼仲有少少脆皮。睇圖片啲蝦都幾大隻，就點咗蒜香辣椒蕃茄大蝦配蒜蓉多士。現實雖然有少少分別，但係都爽口彈牙。蒜蓉多士又焗得香脆，同番茄大蝦好夾。因為食唔得辣，本身都怕呢個意粉會唔會太辣。虎蝦火辣墨魚汁意粉，冇想像中咁辣，怕辣嘅絕對可以食得到。Carbonara都幾好食，汁夠多，但又冇出面食到嘅咁滯。意粉煮到彈牙，吸收晒白汁，一啖啜入個口，好滿足。叫埋兩杯飲品，燕麥乳酪奶昔、柚子沙冰配抹茶雪糕，好似食埋甜品咁。好飽！下次再試其他！

今天提早下班後，跟同事一行二人想找一間cafe聊天說地，就想起了位於旺角白布街的「HeSheEat」，位置旺中帶静，餐廳有兩層高，上層環境很適合談天！裝修風格帶點粉紅色系主題，餐桌是雲石面，是個打咭拍照的好地方！餐牌選擇很多，馬上點了「牛油果蟹肉凱撒沙律」，蟹肉份量很多，配上煙肉、麵包粒、芝士片、牛油果粒、醬汁等配料，味道不會過鹹，十分清新開胃！小食是「單骨蜜糖芥末雞翼 」，雞翼炸得金黃香脆，肉嫩多汁，賣相吸引，醬汁帶甜味，糖芥末味道香濃，單骨雞翼十分方便進食，新鮮熱辣辣，推介！「火辣墨魚汁意粉配鮮魷魚」，口味帶點微辣，意粉沾滿黑漆墨汁十分入味，意粉爽口彈牙，魷魚有咬口，十分惹味！份量夠大碟！「海鮮紅花意大利飯」，舖滿了海鮮， 有青口，帶子、魷魚、鮮蝦等， 材料豐富！意大利飯不會太硬，口感煮得軟稔，不錯！餐廳有很多不同的特色飲品，今次試了奶昔及果茶，「夏日水果茶」點了少甜，甜度剛好，新鮮的水果滿滿，青蘋果片，西柚片，士多啤梨片等，配搭一流十分清新！「燕麥乳酪奶昔」意想不到乳酪奶昔加上燕麥會是出奇地好味道！奶昔甜度適中，忌廉份量多，香滑又健康，燕麥令奶昔更滑口，味道帶點乳酪酸甜道清新，燕

旺角行完街，經過呢間餐廳，見未食過，又唔想行咁遠就入去喇，原來要上一層，上面幾多位😎叫左一客牛油果凱撒沙律、炸豚肉蛋包飯。沙律味道偏酸，醬料比較重、鹹，好在有淡淡地既牛油果配搭。😄炸豬扒乾左啲，飯有蛋香，唔洗落照燒汁都夠味😊

本身想去食ATUM嘅青花, 點知去到先知裝修, 所以就是但喺旺角附近搵下嘢食~ 幾年前, 曾經去過銅鑼灣分店食, overall嘅感覺都不錯, 咁啱經過又唔駛等位, 所以就再次試試~ 一如以往, 水平都係唔錯, 算係最近食過比較滿意嘅餐廳! .餐湯 - 蘑菇湯好好飲, 都好大碗, 好香濃嘅蘑菇味, 隱隱約約仲好似有少少黑松露味添~ .烤雞肉黑松露意大利飯配溫泉蛋 - lunch set (包餐湯同飲品)呢個飯真係超級超級好食!! 一聞落去, 已經係好香嘅黑松露味~ 個意大利飯唔會話太淋, 又唔會話太硬, 一切都啱啱好! 而加上溫泉蛋同啲黑松露汁, 令到成碟嘢好creamy! 而烤雞嘅調味又好好~ 味道偏咸, 配埋啲飯味道啱啱好! 而雞肉又唔會話烤得太乾, 仲有少少脆邊!! 好好食!!仲有3-4舊~.P.S. 佢哋嘅afternoon tea set 好似兩個人都係$298? 好抵食! 見到其他人叫, 賣相都好似好吸引!! 下次有機會都想再去試試! 如果大家經過附近, 又諗唔到想食咩, 而又想坐得舒服啲, 不妨嚟HeSheEat~

I didn’t realise this restaurant does desserts but oh my they actually do a good number of them and really well. My friend took me there and introduced me to their Kakigori ($52) and Hotcakes ($58). We went  for the peach shaved ice with strawberry sauce and strawberry yogurt hotcake with strawberry ice cream. We didn’t expect the ice to be paired with a sauce so we were amazed when the sauce arrived. The milky and peachy ice was perfect for one person and we loved the pairing of milk with straw

今日難得同班中同一齊出嚟食飯，梗係要盡興啲食埋糖水啦，以前中學嗰陣時成日都一班人打完波一齊食糖水。最後咪揀咗一間係餐廳附近嘅HeSheEat😋😋叫咗一個朱古力花生醬焦糖pancake，花生醬好香，同朱古力味好夾👍🏼👍🏼👍🏼

旺角afternoon tea 最近吃了這裏的afternoon tea , $268/2位，CP值很高鹹點有：巴馬火腿伴蜜瓜：蜜瓜鮮甜，份量很多意式番茄多士：味道清新的開胃小食蟹肉蟹籽酥皮盒：酥皮撻口感香脆，配上蟹肉蟹籽，食材高質海蝦黑蟹籽配自家製番茄汁：海蝦鮮甜，番茄汁嘅酸味令鮮味提升甜點有：海鹽藍莓奶凍配芝士雪糕：配搭很出色的甜品，藍莓奶凍香滑而不死甜，芝士雪糕增加口感迷你芝士餅：味道偏淡，感覺健康芒果拿破崙：拿破崙脆而不鬆散，芒果鮮甜朱古力慕絲：朱古力味香濃而不太甜抹茶紅豆慕絲：抹茶嘅苦澀味同紅豆嘅甜味平衡得宜飲品：士多啤梨莫希托：士多啤梨嘅甜味減淡了mojito 嘅苦味，如果汁般易入口熱情果菠蘿沙冰：甜甜嘅沙冰最啱夏日炎炎飲用

我個data base成日聽人講he she eat既甜品好好味道，但係食dinner既話又o唔ok呢？一於去試下he she eat，鐘意就keep 唔鐘意就delete🤣旺角出晒名又嘈又多人，但係一入門口成個格調唔同晒！😳佈滿文青氣息既工業風格，有別於嘈雜既旺角，簡直就好似係城市中既綠洲一樣！店員有禮貌帶我地上2樓安排座位，見到個牌寫住“sorry, no wifi here! talk to each other”哩句特別有意思，我同男朋友都不自覺地放下手機，一齊享受寧靜旺角既晚餐啦😋 牛油果蟹肉凱撒沙律作為牛油果控既我大滿足！個凱撒沙律啖啖都有牛油果肉，加上蟹肉鮮甜又大條！完全係一道滿分前菜！清甜既沙律菜配上薄片芝士碎，味道一d都唔膩！加上細細粒脆脆多士同埋煙肉碎，配埋凱撒沙律醬好好味！我同男朋友都食到舔舔脷😋yammy必食推薦！ 薯餅波波配車打芝士汁,脆煙肉男朋友係薯餅控，但係佢竟然未食過薯餅波波🤣點知佢一食，就成桶食晒😳！我特別鐘意個車打芝士汁，唔太咸又有濃濃既芝士味，我覺得好味過平時點既茄汁配搭! 推薦！ 意式蕃茄水牛芝士意粉 - 煎三文魚扒蕃茄意粉個蕃茄味好突出，唔係一

女孩子都愛high tea, 今次來到旺角的 HeSheEat 享受一個精緻的下午茶teaset.🥰呢個Afternoon Tea Set 包含咸點、甜點和精美飲品，只需 $268/2位 就可以享用到，性價比高。😍兩層架盛載著: 巴馬火腿拌蜜瓜、意式蕃茄多士、蟹肉蟹籽酥皮盒、海蝦黑蟹籽配自家製蕃茄汁、海鹽藍莓奶凍配芝士蛋糕、迷你芝士餅、芒果拿破崙、朱古力慕絲、抹茶紅豆慕絲😍層架出場時有乾冰製造氣氛，十分吸引！另外咸甜點應有盡有，非常豐富，而且味道一流。😋飲品就係士多啤梨莫希托和熱情果菠蘿沙冰，賣相極美，打卡一流。📸下午茶 set 係星期一至五，3pm 至 5:30pm 供應，揾埋朋友開心share!