影片
差不多每个月头公司都会搞一次团队饭，因为上头口味关系成日都会食中菜，今次终于顺应民意搞返次BBQ，成班同事都系一定要叹冷气食饭，所以场地必须有冷气。另外呢D饭聚其实醉翁之意不在食，赌鬼们搏杀先系重点。有张大台，有麻雀机再加埋有得唱K。最后就揾左呢间HEBO BBQ私人派对场地我地一行都20几人，间野package 15人起计包场，分别有A，B，C餐食物都系跟价钱执我地食B餐为返人头＄500蚊再加＠＄20包有人烧埋（超懒纯等食plan）B餐海鲜会多D，龙虾，扇贝，大海虾，仓鱼，蟹，安格斯牛粒，羊架等等 冇入镜重有肠仔鱼蛋丸基本BBQ必有食物。位置就好方便元朗尚悦对出，由元朗西铁站行过去都系十几分钟左右， 如果有去过隐世山庄BBQ就会知道，因为佢其实系同一个门口入唔好地方系因为佢方便所以就不设免费泊车，如果要泊就旁边有烂地停车场。呢个门口入左手边就系。（其实系咪隐世山庄同一个老板架?）后记：因为我地系懒人Plan有人帮我地烧埋，其实都烧得几慢，要隔好耐好耐先食到下一样野。同埋佢会将一种食物分两次烧。个感觉就好似去饮宴咁，等到你超饿先开席然后出完一个菜又要影个相等好耐再下一个菜个个都饿到要抢跟住到最后果几个菜D人又饱晒剩左响度。因为我好少见班呀太同事会抢野食XD。BTW，海鲜类系几好几新鲜。
继续阅读
生平第一次参加私人烧烤party,通常都是租炉，但今次这个party是我屋企人带我去，听闻足够15人已经可以包场；这𥚃有很大的厅空间相当大，有点兴奋，心想如果自己屋企有咁大就好，这里有两部电视机一部用来唱K，我当然唔放过啦，哈哈！仲有一部电动麻雀枱auntie 们可以在枱上联谊一下喇！小朋友都唔闷有一部滑梯须然简单咗一D但小朋友有得玩就唔计较！食物方面真系包罗万有：龙虾、大虾、蟹、带子、羊架、鱼、义烧、花螺、和牛串烧，烧春鸡脾，各种丸类和蔬菜等等，好多好多食物！饮品每人有6罐都足够耶！所有食材都好新鲜，香港地地方细能够几家人聚在一起聊天，食吓，唱吓，打下麻雀好好享受一日真开心又方便！这个塲所相当唔错，我好钟意我会推介畀我朋友！
继续阅读
今年个friend生日想搞个聚餐，上纲揾到元朗这间，于是一大班朋友开开心心的去玩。门口唔算起眼行入去环境唔错几干净，我的是包场所以唔使自己烧，有专人服务哈哈。见到已经准备左好多野食，海鲜、羊架、串烧......蒜茸烧带子带子唔算太大，都好新鲜，烧到刚刚好，好juice，加上蒜茸的香味，唔错。烧海虾海虾好大只，加上上少少海盐带出海虾的鲜甜味。佢的份量都预备的好充足，差唔多每个人都有2，3只虾食。食完虾重头戏龙虾到了。龙虾都好肥，专人烧真是唔同，时间刚刚好，龙虾肉爽口弹牙。烧羊架羊架冇骚味，但淹得唔够入味，自己加的香草就十分好味啦。烧茄子烧的十分腍身唔干，加少少盐，好食。烧蟹现在是蟹当季，所以的蟹十分肥美，蟹肉鲜甜多汁，用少少海盐就带出蟹的鲜味。烧菠萝最后再来个烧菠萝，酸酸甜甜的菠萝烧过之后更多汁，又解左口中肥腻的感觉。食完野又可以在旁边娱乐下，唱下k，打下麻雀，就这样一个开心的聚会结束了。
继续阅读
今日黎HEBO搅私人狗狗Party!哩度搅私人派对BBQ一流呀！15人可包场！好多野食 又多海鲜！材料超多! 预人数预份量!佢地既SEAFOOD多种类又新鲜! 虾、蟹、蚬、鱼、扇贝、鲍鱼、螺等等等...肉类一样多! 鸡肶呀, 羊架呀,,,串烧呀! 加$20仲可以叫员工帮手烧 唔洗自己郁手！食物新鲜 员工帮手烧果时又会落埋调味料！烧得好靓~ 自己烧一定唔可以有咁既效果,,,哈哈!影相影唔哂! 食物美味而且新鲜! LIKE呀! 每位HKD$350 人数定份量（五小时）室内有麻雀打 有K唱😁我觉得值得一试!
继续阅读