Heart Bar & Restaurant (已結業)

今日行過廟街，見到以前一間咖啡店翻身咗做一間有埋主食 同吧枱嘅西餐廳，仲改咗名做Heart Bar & Restaurant，所以入咗去試佢哋個晚餐。見到有個聖誕節特別推廣嘅芝士火鍋二人套餐，好耐無食過芝士火鍋，所以就心郁郁嗌咗。奈套餐包咗一個芝士火鍋、一盤火鍋配料、一盆法包同兩杯飲品。芝士火鍋嘅芝士味道濃郁，質地濃稠度啱啱好可以令芝士掛係唔同嘅火鍋配料上面，有個蠟蠋係鍋底係到盆芝士keep住熱。火鍋配料全部都係熟嘅，有Parma ham、磨菇、肉丸、德國肉腸、青口、薯仔、粟米仔、西蘭花、沙律菜，兩個人食加埋芝士嘅膩，已經好飽！兩杯飲品可以嗌茶、咖啡或者酒，芝士火鍋配白酒都好夾！印象最深刻嘅喺餐廳老闆十分好客，主動問我哋啲食物啱唔啱食，同每台客人都會有互動，好有人情味。📍佐敦廟街285號地舖位置就腳：🍊🍊🍊🍊 餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

朋友話想食芝士火鍋一見到heat bar有即刻約埋佢一齊試吓餐廳新開無幾耐粉紅色牆身配鐳射光既枱勁少女心呀職員都好有heart做間餐廳我哋當然要感受下聖誕節🎄必食芝士火鍋啦聖誕節推廣瑞士芝士火鍋2 人套餐CHEESE FONDUE FOR 2/$438火鍋配料拼盤 / Fondue Platter德國雜錦腸仔（8 粒）意式肉丸(4粒）青口（8隻）意式火腿（4塊）迷你薯仔（8 粒）蘑菇（8粒西蘭花（8 粒）珍珠筍（8 粒）日法包(12 粒）睇到都覺得好豐富呀黎到大大盆睇到都開心🥳除咗西蘭花仲有少少沙律菜 都好均衡架法包軟棉棉好索汁，好好味芝士醬食到好濃芝士味 好重巴馬臣芝士同有白酒香味 好香又唔會太杰身調教得啱啱好呀意式肉丸勁大粒 食兩粒都已經好飽腸仔加埋芝士味勁邪惡呀磨菇有預先焗香 好好食青口同西蘭花本身同芝士勁夾我同朋友都唔飲酒 轉左兩杯熱飲一杯rose latte 一杯earl grey latte 伯爵茶超香 陣陣獨有既柑橘香氣好舒服 Rose latte既咖啡係我最愛既nutty香氣 伴隨淡淡玫瑰香氣 好飲下次再去試吓其他主菜先得Heart Bar & Restaurant (

下午茶時段可以$58 包一個toast 同任何咖啡。任何飲品除酒以外都唔駛加錢，我叫左mocha原價本身都要$50，而且服務員好好，又俾暖水我，據聞新開左無幾耐。以前幫襯過同一間地址，原來已經執咗，新開呢一間試吓，希望長做吧，算係同區較便宜又坐得舒服

星期五晚同兩個老友飯聚，諗起間好耐冇去嘅小店Heart，就走去試吓。去到發覺門面好似有啲唔同咗，入到去見到主廚Alex，傾開先知道原來餐廳轉左型，多咗新菜式同埋有酒飲。我哋叫咗支House Wine,只賣三百幾蚊但質素唔錯，有啲驚喜。頭盤叫咗個意大利雲吞，用咗白酒煮，非常好味。（頭盤唔記得咗影相，唔好意思）主菜有芝士焗薯，芝士表面焗到脆脆地，香口得來好好味。另外有澳洲肉眼扒及原條煎魚，肉眼扒相當有肉味，條魚亦煎得幾香，都係有水準之作。甜品係homemade carrot cake及生酮芝麻cheesecake,係主廚親自炮製，值得推薦。埋單每位四百零蚊，大家都非常滿意。

間餐廳位於佐敦廟街，龍堡酒店對面，環境十分乾淨，食物味道不錯，低糖健康，十分喜歡個意粉，有少少辣，個蛋糕的朱古力味非常濃🍰頭盤的雞柳就比較乾，但是加上雜菜的汁就剛剛好，平時同朋友過嚟坐下，飲杯嘢打下卡，下次會再嚟呀