Hashtag B

营业中

休息中

久聞 Hashtag B 的名物拿破崙焦糖千層撻, 每次路過, 就是售罄。是日不知那來的運氣, 竟給我吃到了。來到時約16:45, 見有人龍, 便看看是否有千層撻賣, 見數量不多, 抱著排一排便知有沒有, 便加入排隊行列。還有1人在前, 但不見有千層撻, 心感不妙, 怎知店員說 3 分鐘後出爐, 終於 ...... 終於緣份到了。雖然難得買到, 但只買了一個品嚐。由於天氣炎熱, 為免在街上吃到汗流, 便到就近商場, 一邊享受冷氣, 一邊享用美食。拿破崙焦糖千層撻 $18拿破崙焦糖千層撻剛出爐熱辣辣的, 有著時興的花邊, 焦脆香口, 齒夾留香, 唯有點過焦。蛋漿滑溜, 蛋香滿滿, 甜度剛好, 食用時撻皮沒有很碎, 吃得乾淨企理。

開心果控又多一個朝聖地喇🥳人氣面包店HashtagB 出左開心果撻，無可能唔試下🤩一如己往，撻皮好有層次，食到層層分明，十分脆口~開心果撻入面有勁多開心果餡 ，開心果味十分濃，而且內餡好creamy 又軟滑♥️另外一個好有驚喜就係歐陸煙肉酥～又係十分酥脆🔥煙肉味特濃郁仲有少少芝士鹹香味～做早餐可能會有少少heavy，但係當lunch食就岩曬💛太好食啦，如果唔使排隊會更加好哈哈哈哈✅✅✅✅✅✅🩵

每次經過都見到有人排隊，襯有時間排隊買新出的開心果撻。純粹樣貌已經很吸引，開心果味濃，撻皮鬆化香脆，最喜歡是撻面有開心果碎，加強整個撻的口感。除了開心果撻，其他的食品樣子都很吸引，於是買了朱古力酥、Apple Crumble和芋泥麻糬包。朱古力酥和Apple Crumble同樣外皮酥脆，朱古力餡充足且香濃，蘋果蓉香甜和粒粒Crumble互相輝映。至於芋泥麻糬包，芋泥香滑麻糬煙韌，加上外圍軟綿的麵包，滋味滿足。

咪走寶啦喂🤭排隊排到「打蛇餅」的極品開心果撻，可能你會話「使唔使呀？」當然排隊風氣見人見智，但開心果迷不排隊就一定走寶！不誇張，是貓太太食過數一數二美味的脆撻❤️❤️❤️，澳門的/ K家快餐的都比不上。買！買！買！🥧開心果撻是蛋撻底加入開心果奶漿，香濃不太甜滲出清香果仁味，撻面灑滿香脆開心果碎。撻底是千層酥皮，脆到掉渣卻又保留口感。🥹真是一邊食一邊愛不惜手，但一定要出爐趁熱食！！！🍩🥨🌭既然難得排了十分鐘隊，都隨意買幾個小店的麵包留作第二日的早午餐。分別是明太子紫菜奶油包、竹炭芝士香腸和紅莓堅果Bagel。麵包大致都是鬆軟但不會太空氣感，吃得出不是加化學劑彭脹，而是優質麵粉和天然酵母的味道👍🏽。

一直都好想試下到底有咩甘出名有咩甘好食xp突然有一日終於見到條龍唔係好長🤭用左5-10分鐘就比我買到啦=)一心係想黎買佢既開心果千層撻，當然都要買埋個原味黎試啦~首先唔知本身佢個千層撻係熱食定凍食，不過我收到既時候係凍既😔個人認為熱食會好味好多，原味反而比開心果味出色😂原味相對香d濃d，而開心果味就..食唔係好出有開心果味，不過佢都有小小果粒係入面既呢個價錢呢個排隊時間，我應該唔會再食多次😅

次次星期六日黎到見到條長長既人龍就放棄🥲今日難得平日中午出到黎，見只係得幾個人排隊，即刻衝過去啦！排左3 分鐘就買到-拿破崙焦焗千層撻即刻食啦😀係凍既😅都預左唔熱但都脆既👍🏻焦糖好正，有蛋香！唔怪得長期都咁受歡迎！如果熱食一定仲正😍

拿破崙焦糖千層撻 $18特別花狀嘅撻皮外型🌼口感酥脆，咬落去蛋漿超級嫩滑，蛋味非常濃郁👍🏻甜度不太甜，表面有少少焦糖，增加層次感💕趁熱食口感更多芋泥麻糬包 $18花花形狀嘅麻糬包口感彈性十足，內餡有芋泥和超級Q彈不黏牙嘅麻糬😍好飽滿，甜而不膩，味道濃郁香氣🫶🏻伯爵忌廉芝士貝果 $19大熱嘅伯爵茶口味🥯外脆內軟，貝果煙韌，烤得香脆，表面仲放有燕麥片，有增加到口感🤣伯爵茶香味淡淡，內餡有滿瀉嘅忌廉芝士🧀歐陸煙肉酥 $26大大個經典歐洲麵包🥐外觀比較普通，但有鬆脆嘅酥皮，不要以為只有表面鋪上的煙肉粒😆口落仲有煙肉，味道咸香👅📍Hashtag B（尖沙咀店）尖沙咀加拿芬道49號夏蕙樓地下C號舖

為咗試Hashtag B新出嘅開心果撻而嚟冇諗過烈日當空下都咁多人排隊好似天文台話齋係曬到立竿無影嗰種曬🥵✧ 開心果千層撻（$30）一路排嘅時候已經聞到超香燉蛋同牛油味果然食落好濃開心果味(*ෆ´ ˘ `ෆ*)♡面頭亦有好有開心果粒 一路食一路跌再講返酥皮 焗得好脆咬嘅聲好清脆雖然vission bakery嗰個好超班但呢個平一半 性價比好高des！✧ Butter Brioche Load（$39）呢個包外表邪惡到馬上要帶佢走(꒪ͦᴗ̵̍꒪ͦ )雖然外層望落好似好油 但其實有一層脆糖coating而入面排包都好有牛油香冇諗過會用外脆內軟嚟形容麵包😂✧ Pretzel（$17）細細食過細細粒脆餅嘅Pretzel今次見到有放大麵包版果斷叫嚟試下雖然質地係腍過餅乾版但味道竟然差唔多外層仲黐咗啲鹽咸咸地咁好好食！✧ Apple Crumble Danish（$25）冇諗過丹麥酥個酥皮係芝士味中間除咗有蘋果同餅碎仲有好似乳酪味嘅醬黏住啲碎整體甜甜咸咸～

Hashtag B每次經過，都見到長長的人龍排緊隊，今次終於有機會試到，味道果然很不錯！❤️拿破崙焦糖千層撻 外型係花狀，比一般蛋撻大，份量十足， 撻皮酥脆，蛋味濃郁而嫩滑，甜度適中，表面有少許焦糖，令味道層次感更加豐富，趁熱食一流，凍食一樣咁脆，好味！#Hashtagb #Hashtagbhk #tastebetter #香港探店 #香港必食 #香港烘焙 #將軍澳#將軍澳美食#打卡美食#尖沙咀美食

在星期日的下午, 竟然能夠買到拿破崙焦糖千層撻, 而且還有大量供應, 也許是天氣太熱, 連這個新興的香港手信名物也敵不過如此的天氣. 在品嚐之前, 見到這些千層撻已經預先入盒, 沒有放在烘焙架也沒有射燈, 當然預期這是預先焗起, 也不會是熱辣辣的. 不要緊, 家中有焗爐, 預熱180度再去焗四至五分鐘, 效果也相當不錯.說到這裏和Bakehouse的分別, 就要從餅皮和內餡分別說起, 這裏的餅皮呈花園型, 在視覺上比後者吸引, 看起來很香脆, 但其實也有一些韌性, 口感出奇地分別不大, 唯一可以分別的就是這裏吃起來還是比較實在, 後者吃起來比較有空氣感, 各有各好. 至於內餡方面, 蛋香分別不算太大, 但焦糖的焦香度後者會比較濃一點, 喜歡吃濃味的還是比較柔和的, 這就是見仁見智了.

呢一間人氣餅店，日日門口都排滿長龍，個個食完都讚不絕口，今日我終於有機會去試吓。店內環境雅致高雅，充滿復古歐陸氣息，每一處細節都透露著專業與品味。今次我特意慢慢品嚐了店內幾款招牌甜品，現在就為大家奉上專業分析。🥰**黃金肉鬆卷**內餡鬆散豐盈，鹹香味道恰到好處，與外層酥脆的餅皮形成強烈對比，口感層次分明。😆**伯爵忌廉芝士貝果**入口即感受到濃郁的伯爵茶香，與酥脆可口的貝果完美融合，口感柔滑清新。餡料的調配更是恰到好處，配搭一流。🥯

今日見前面得3個人，所以就排隊買嚟試下，前面個女仔買2個焦糖，職員將獨立2個小紙袋住個撻，再將2個小紙袋放入一個手挽紙袋比佢拎走。到我，我就跟佢買既一樣，點知職員只係比2個小紙袋裝起2個撻，就咁遞俾我。我呆一呆，諗緊點解佢比手挽紙前面個女仔，但我同佢買嘅嘢一模一樣，但係我就冇。仲諗唔通佢個小紙袋隔油好好，唔會滲油出嚟🤔點知，我行到去地鐵站，兩個小紙袋都有油滲出嚟😞。究竟可唔可以解釋下，前線員工以咩嚟作定義，點解唔可以一視同仁有手挽袋？ 有冇諗過喺條街好大塵又污糟，拎住兩個出油既小紙袋，食物質素有保證嗎？希望 貴店能夠見到呢個食評，可以加強對前線員工嘅培訓🙏🏻🙏🏻

終於食咗好出名、經常大排長龍嘅Hashtag B花花型千層撻！之前試過喺銅鑼灣心血來潮想去買個嚟食，點知去到一早賣晒😖 但有次竟然喺尖沙咀店行過見到無乜人排隊，仲要極多貨，可能因為嗰日落過大雨就少好多人，所以即刻買咗嚟試吓🤩•🥢拿破崙焦糖千層撻 $18花花型撻皮好靚，有別於普通嘅千層撻～ 呢個千層撻有焦糖面，中間有蛋漿，最底仲有一層焦糖醬，所以食落好甜，個人嚟講覺得有啲太甜，而且蛋味會被焦糖味蓋過咗🙊 千層撻好酥脆，厚薄適中，但都要當日盡快食/買返屋企焗返熱食，如果唔係撻皮會比較韌。🌟推薦度：7/10•🥢柚子千層撻 $24開頭都以為佢係蛋撻配咗柚子醬，但係原來係柚子芝士撻。柚子同芝士都幾夾，濃厚嘅芝士味都會有少少膩，但配埋柚子醬又可以balance返，整體都無焦糖蛋撻咁甜👍🏼🌟推薦度：7.5/10•🥢開心果酥 $28一撕開千層酥見到中間嘅開心果醬嘅份量都唔少，開心果味都幾濃又唔會太甜😋 而且千層酥都幾好食，不過略嫌太多砂糖，太甜，食落會有啲捩𠾍🥴🌟推薦度：7.5/10

次次經過都見大排長龍，今次竟然唔洗排隊，即刻買來試下柚子千層撻外型獨特呈花形，千層撻皮超酥脆，中間蛋漿軟滑，面層柚子醬酸酸甜甜，加埋柚子肉有咬口，內餡有濃郁忌廉芝士，整體食落有層次感，甜度適中唔會好油膩，感覺清新

某日反晏,上午11點幾落雨,於是去左碰運氣,俾我買到半打焦糖酥皮tart,好好食!個蛋好滑吾算好甜~第二朝放入焗爐仔焗反熱都仲好好味^^之前試過佢d面包都不錯~值得試下~牛角包好酥脆凡開心果都想試😂