Harrow Cafe (已結業)

有日過黎紅綿道呢邊做嘢，呢度簡直係沙漠嚟😂😂唔好話美食，餐廳都冇間😂😂最近嘅選擇已經係Murray😅但我呢啲打工仔唔通餐餐豪食咩🥲同事就介紹左一間隱世到爆嘅餐廳🤣🤣仲叫我一定要寫🤣餐廳喺壁球中心入面，開頭以為係頹飯，點知都唔係好頹…無論菜式定價錢嚟講🤣❣️雜扒飯($72)凍飲加$4同枱全部人都揀雜扒飯😂😂有一塊大大豬扒‼️一塊餐廳出名嘅脆皮雞扒一條腸仔、一塊火腿，仲有煎雙蛋🥚加少少菜，其實都幾豐富😸味道就正正常常，雞扒果然係特別好食，可惜有啲細塊😹豬扒少少乾，但都可接受可以配意粉、飯、薯條、沙律或者雜菜，再配黑椒汁或者蒜蓉汁👻都有幾多選擇，不過我啲汁唔係好夠撈意粉，但同佢講都可以再添😸值得一提係佢個蒜蓉汁有炸蒜喺入面😹幾有誠意👍🏻凍飲就正常啦～加4蚊小貴食完真係超級飽🤡雖然唔係有咩特別但絕對係呢個格涉位當中一點清泉🥶

香港壁球中心地下（Harrow Cafe）2點鐘，食左個下午茶👍🏻👍🏻環境乾淨，有電視📺睇中環半山搵食艱難，搵唔到地方食野既時候俾我搵到呢度🤩🤩正呀真係好好彩呀！食物質素同味道都好好👍🏻炸雞髀配炸薯條👍🏻薯條香脆，炸髀皮脆內軟，即叫即炸！欣賞👍🏻太陽蛋蔥油雞扒飯😎😎👏🏻👏🏻賣相好好！凍奶茶茶味好濃呀！呢區嚟講價錢方面唔算貴，而且份量大。下次嚟會試下午餐，好似都唔錯👍🏻

香港公園做完運動超肚餓，正在喺度諗去邊度食嘢好，行下見到壁球中心有一間小店突然眼前 出現， 不由分說即刻入去叫餐， 呢個都拍唔返幾線營養均衡，有湯有飲品有沙律，沙律罐頭雜果做咗啲新鮮蘋果等等。所以如果去香港公園壁球中心做運動 又肚餓，呢個係最就腳嘅選擇！

係百佳買個麵包都要十幾蚊嘅金鐘，想六十蚊食個飯？由金鐘地鐵去香港公園，愈上得高，愈感覺到物價上漲的壓力。走到公園的盡頭，正當心灰意冷時，柳暗花明又一村，壁球中心入面正正有呢間家庭式小店。冇招牌，冇廣告，裝潢清簡，我唔係係呢道做運動都唔會知道呢道有間茶記。價格相宜（包湯包餐飲，冇加一），服務周到（真心一流，家的感覺）。食物質素不俗（唔覺有味精），份量充足（我都唔細食㗎）。係我方圓20分鐘步行路程的指定餐廳，做完運動買外賣的指定動作。$55 冇加一，有服務薄牛扒意粉：牛扒夠薄，好有茶記feel蒜蓉汁：唔太咸，另外上便可以自己食幾多落幾多紅湯：勁熱，少少辣，足料奶茶：茶記奶茶，夠熱

今日去咗香港公園附近嘅壁球中心，咁啱未食lunch，見到呢間Harrow cafe，於是一試餐廳環境有點似一間canteen，座位不多，見到不少打工仔都係嚟買外賣飯盒。餐廳門口有個飲品雪櫃，凍飲都用膠杯預先盛好存放那裡～餐牌飲物款式不多，我揀咗A餐雞扒飯 另加凍奶茶要加$10，都唔平賣相普通，不過件雞扒都幾滑，味道以canteen水平來說都算不錯整體而言，呢間餐廳都係主打附近上班族生意，留意外賣會平$3

終於等到壁球中心間Cafe裝修完，就同附近返工嘅友人試試。lunch有意粉餐同商務午餐，叫咗個商務午餐B：鴨胸配意粉，冇另外加錢要野飲。先黎意粉再黎湯，咁唯有講咗意粉先啦意粉用蕃茄醬煮，幾好味，不過份量太少喇鴨胸有四大件，厚切，冇雪藏味但醬汁偏鹹，食完好口渴。西蘭花有少少牛油味，唔會白烚咁寡。湯係足料既西式薯仔蕃茄湯，薯仔蕃茄都打晒蓉，幾好味但如果食意粉餐要另加$10先有，略嫌貴。餐飲都有段故既。話說想問個講英文嘅店員呢度咖啡係咪即磨，佢答呢度冇咖啡，得奶茶…咁點解餐牌有咖啡嘅……冇咖啡飲，就想叫店員俾杯水，佢問係咪要汽水，我地話暖水啦，點知佢上完湯就算，成餐飯冇水飲……又食唔飽又口渴，最後要去附近咖啡店買咖啡返公司……總結：呢度食物質素尚可，但份量、選擇同服務方面有待改善。