Hard Rock Cafe (已結業)

尖咀海傍,寒冷夜,勁食風,同bb睇完個大家都認為勁冇料到既laser show之後,就行去hard rock 食晚餐,因bb喜歡望街景,所以之前巳定了window table, 他們真為我安排到,開心。是日叫了個"The Rock Chop"煙燻炭燒豬扖,好香好重炭燒味,不過d肉就較為"實"左少少,把刀又鈍喎,切到我手都差d咬柴。個薯蓉同配菜好正,個配菜不是西式那種(生鈎鈎)個d, 是中式做法,炒的,但是served cold,好好味,入面分別有青豆、冬菇、紅蘿白仔、西蘭花...等等(請看相)因太好食所以再加追多一個Seasonal Viggie (其實就是個個配菜,只是散叫)。我飲了2個紅酒,bb叫了喜力,佢飲唔晒,我包底。帶著微醉的我和bb看到街上的人披著厚衣,寒風剌骨的情景,我倆在這裡更感溫暖。

女朋友生日, 同成班friend揀左hard rock cafe,6個人坐圓台, 大家個感覺好close Combo Jumbo一次過試晒咁多款好味既小食,仲有幾款sauce任你試,唯獨炸雞有少少鞋!Twisted Mac Chicken & Cheese味道上很好,但係覺得有d乾身,如果醬汁多少少,就比好更好!Fish & Chips炸魚炸得好香口,魚肉好滑!!BBQ Ribs同其他餐廳既味道差唔多,都算好味!Service方面, d waiters & waitress 好nice,捧個birthday cake出黎既時候,個screen會寫住壽星女個名,全場一齊唱生日歌,好熱鬧!有機會一定會再去!

We got $300 coupon because I put my business card in the lucky draw box.We order the Trio Combo and a pasta. It costed us nearly $400. I don't like this cafe because: - the music is too loud, very difficult. I had to speak loudly.- the seats are not comfortable at all.- the price is a little higherI compare Hard Rock Cafe with Dan Ryan. Personally, I like Dan Ryan more in terms of service, food quality, enviornment and price.I reckon I won't go to Hard Rock cafe again.I am glad that I have $30

第三次去hard rock 食野, 今次點了Potato skins - 好食, 配sour cream 唔錯唔錯House Salad - 配honey mustard , 無乜特別Blackened chicken pasta - 都ok, 但d雞點有少少o鞋飲品方面叫左Strawberry daiquiri - 好飲, 飲味唔重Sex on the beach - 一般甜品fudage brownie sundae - 好食, 不過份量好大, 無三四個人都唔好叫大致上食物方面都ok , 但sevice 就無乜, 第一, 個server 整天黑面, 無笑過, d 食完既碟好耐都無人清,基本上無乜service , 其實除左環境同食物重要之外, 服務都好重要!!!

正日生日係呢間訂左台..4個人~我地叫左:Jumbo Combo: 一個小食拼盤黎既.有炸雞柳,春卷,洋蔥圈,薯皮同辣雞翼..同4隻醬..其中有隻白色既醬唔知係咩黎既.冇嘜味咁.勁怪? 至於其他都ok..千島醬最穩陣!Hand Rock Nachos: 其實落單果陣唔知呢個係咩黎嫁.不過佢張相個樣ok.又係必試.所以就叫左.一黎到有3個好似涵餅咁既野..食落~E.又幾好味喎..我自己就最中意食呢個!!Twisted Mac,Chicken & Cheese扭扭粉: 呢個都幾好味.我家姐好鍾意食.不過好似前一個食評所講.雞肉有少少鞋身.至於個扭扭粉口感係偏硬既.當然本人亦中意硬身多過淋身啦..茄汁海鮮意粉(唔記得佢個英文名): 呢個一般啦.唔難食唔係好好食~唔特別囉.同平時出去食既差唔多..Hot Fudge Chocolate Brownie: 呢個大大杯.4個人分黎食就岩晒.佢係雪糕+ 霧絲+ 朱古力漿+ 朱古力果仁蛋糕整成.如果就咁食個朱古力蛋糕會覺得太甜.加埋雪糕一齊食.中和返就岩岩好.口感都幾得意嫁.一凍一熱~飲品叫左2杯果汁(@35),2杯酒精飲品(@70),落Order果陣

男友生日,諗住黎慶祝,早前打去訂位,講錯左一個英文字,唔知點解我今日一去到就笑,i dun think it's a joke!!!!我唔想搞串個party,亦諗唔到呢個反應,所以跟佢坐低左...佢叫我ENJOY...can i???d音樂真係好大聲,特別我地對住喇叭...叫野食梗係要諗架啦,行黎行去望住哂...叫完野食,佢真係好快黎喎...onion ring 係唔錯,配bbq汁都幾好~twisted mac,chicken & cheese 既扭扭粉幾好味,但係d雞鞋左d...apple cobbler 一般,可能受唔到d肉桂味呢~juice方面,兩杯都係現成野...失望!!明顯地...對本地人既service同外國人有一段距離,serve 我地既waiter,咁耐都無笑過,但對住d外國人就猛笑,咩意思先???一係你就o係門口寫「foreigners only」啦...食野除左要味道外,service都好重要架...埋單埋左勁耐...「thank you」都無句...食美國野,我會去fat angelo,service同食物都好得多啦...一次過!!!

同朋友兩個人到這裏食晚飯1. chinese chicken salad 個汁好酸....味道ok 不過汁真的太多..完全蓋過生菜的味道...如果多點人食會好醒胃同開胃的...不過人少就唔好叫啦...2. legendary 10z burger好食....中間有一塊炸洋蔥好好味...連我唔鐘意食洋蔥的人都可以接受....總體真的好食...不過個漢堡扒有點失準...明明叫medium 但出來好似有點over cooked..3. Hot Fudge Chocolate Brownie個高大的杯好可愛！！！decoration 好吸引...味道真的超好食...我最喜歡佢個caramel ice cream 仲有個又熱又脆的brownie !!! 好夾好好食！！4. Ice TeaRefillable !! 不過如果想只叫一杯然後要佢refill 來share 飲就唔規矩....兩個人share 一杯係冇得refill 的...所以唔好order one drink but shared by two people la ! =)Service:好多外國人的都會來食飯....超過七成的cu

今晚跟同學聚下舊,8個人黎左Hard Rock, 由七點幾坐到成十一點..大家都似乎志不在吃..我地點了5款食物,其中個Ceasar Salad都幾好味,個ribs and chicken combo 竟然係成隻雞脾..ribs都好好味..整體食物質素滿意~今晚我地同朋友仔慶祝生日,買左蛋糕,等左個侍應好耐都未黎,真係有啲俾佢激死..但之後都有個驚喜:餐廳幫我地影左張即影即有相,即免費又有氣氛...Good! 約10點開始餐廳燈光轉暗,有live band唱下歌..本來應該幾好,但啲音樂實在太勁(名乎實Hard Rock),我地講野講得勁辛苦.如果諗住會講下野就唔好黎呢度..又或者食到咁上下轉過個場!

美人如醇酒。愛《浮士德》中那位為愛情而犧牲性命的瑪嘉烈特，卻不愛是夜的終極瑪嘉烈特…如要找處清靜的地方傾談，這裡應該不會是合適的地方。除了有慶祝壽辰的歡笑聲，飲食男女的喧鬧聲，還有現場樂隊的演奏聲，就連酒保也特別「生猛健談」，實在是有點兒熱閙過盛。一晚的活動，就在這裡展開。見有零下負二度的嘉士伯生啤，此品牌雖非自己慣常之選，也來一杯解解渴。連呷幾口，果真夠凍，冰涼順喉，精神也為之一振。其實，有時喝啤酒，無論牌子是啥，只要夠凍，巳嬴了大半﹝當然喜喝warm beer的另作別論﹞。生啤雖好，見酒牌的選擇也不少，也試試其他飲品。威士忌有十來種不同牌子，卻沒有喜歡的那支，退而要了酒保推介的Ultimate Margarita。可惜這個終極瑪格烈特，過份膩甜，再愛也未能將之喝完。莫非Ultimate的意思，是指其甜度?!坐了一會，為免喊破喉嚨，決定掉下那半杯瑪格烈特，速速轉場。結賬一百一十多元，為是夜爬梯之旅正式揭開序幕。

如想要熱鬧氣氛、想有置身america的感覺、想看live band show，又想吃到「非港化」的american style food，到hard rock 試試看吧！Apple Cobbler: 冰凍雪糕配火熱蘋果批，蘋果一片片切得薄薄的，nuts 超多的，配上hard rock cafe 的signature 雪糕。很好吃!!! apple pie fans 萬勿錯過~ 但，注意... it's really american portion!

這次係我第一次食硬石..這次我地一共四個朋友去食…當我地order好曬d 食物…就問個waitress 叫佢俾四杯水我地..個waitress 話d 水吾suitable for drink, 聽到我地O曬咀…甘即係點…即係話果d 係生水,,,,吾飲得既….甘邊d 係飲得既呢…個waitress 話要$15 (Watson’s distilled　water)..oh!.....好吾明點解...甘大間café….人地入來食野….連一杯水都吾可以provide俾客人….要自己買…..d水好貴既咩..???仲有呀所有野食左8成左右．．就問你要吾要．．．有ｄ煩但係d食物都算係好食既, 而且好大碟.豬仔骨好’林’, 佢伴碟個d薯條都好好食

陪人走“笛”半日，朋友建議來這裡lunch,。第一次到此店。可能是兩點幾的關係，比較寧靜，環境都算舒適。仍有lunch set叫，都ok，一set有每日餐湯/沙律，主菜(好大碟)，飲品(可無限添，汽水不用加錢，咖啡加$5)同甜品(仲要係Ha記雪糕)。真係抵!我叫的是墨西哥辣肉醬長通粉，朋友散叫的牛肉三文治也好好味，好多肉汁。凍咖啡無味，呢個係全個餐最唔得的。食物好好，服務就可以啦。其實個沙律我都只係食好少，因為好多生菜，點知我撩過晒後，個外國朋友幫我清晒佢，唔係話他們唔鍾意食人口水尾，唔得衛生的嗎？

星期六farewell舊同事,訂位唔知點解一定要講英文?我去Ruby Tuesday都可以講英文,如果我唔識講英文係唔係唔駛響佢度消費?叫左四樣o野,都係不過不失。Jumbo Combo份量唔夠Rubyo既大份同好味。三色雞翼得個辣字,原全冇味。豬仔骨都算係全晚最好味o既一道餸。祈望o既炸洋葱圈夠哂大圈,但係擺響下面o既洋葱圈就燶哂!叫左refill水,到走隻杯都係吉o既,可以我地係香港人啦,比我地坐響台o既附近,要響佢live band之前就要走。幫襯Ruby好過!!!

去尖咀買完聖誕節禮物後，想食西餐，近近地過o黎食。有四、五年無o黎過，一打開menu竟然有海南雞飯、喇沙，當然唔會叫啦，o黎呢度當然食大大份美式「大餐」。唔肚餓闗係，而且仲要留肚食甜品，所以只叫得兩款。House salad-是一般的雜菜沙律，但切得太碎，夾起來不太方便。西冷扒士多-份量好大，牛扒要了medium rare，整得過熟，唔夠嫩，又沒有牛肉味，墊底的蒜蓉士多，可惜已腍晒，不脆。反而是配碟的粗身薯條最好食，我同老公食清晒，一條都冇剩。我的主菜甜品要了碎朱古力餅配雪榚，碎朱古力是微暖，配以冰凍的雪榚效果不錯。餅質地鬆化，由於只是有碎朱古力，不是整塊都是朱古力，所以朱古力味道不是太濃。價錢相對其他美式餐廳差不多，不過老公話這裡的啤酒比一般貴。

和樓友慶祝生日．地鋪入口不大，沒想到樓上的餐廳那麼寬敞．四周掛著結他裝飾，播著西方搖滾樂曲，Rock味甚濃．我們叫了Jumbo Combo，Apple Cobbler，Legendary Burger和sirloin．每碟都分量十足．頭盤Jumbo有炸雞柳，春卷，洋蔥圈，薯皮和辣雞翼，蘸上醬汁很好味，但也很熱氣．主菜Legendary Burger和sirloin，Legendary Burger的肉有點乾涸，sirloin肉質鮮嫩．我最喜歡甜品Apple Cobbler，冰凍雪糕配火熱蘋果批，蘋果一片片切得薄薄的，配上雪糕煞是好吃．