Harbourside Cafe (已結業)

今日交通非常暢順，早左到公司樓下，於是行左去公司樓下既餐廳，嘆翻個醒晨早餐再返公司啦。餐廳裝修有d似連鎖快餐店既裝修，落單需要到收銀櫃枱排隊落單，朝早人流唔算太多，好快就點好餐啦。。。我點左個餐肉腸仔、餐包、蕃茄牛尾湯通粉配熱奶茶：蕃茄牛尾湯超正，蕃茄味好濃旭，湯底熱辣辣，非常醒胃。餐肉腸仔係我既至愛。餐包溫熱軟熟，再配埋牛油，口感鬆軟。。。最後飲埋杯醒晨奶茶，即時動力十足，精神應該可以維持到中午。哈哈。。。

因為要攞份文件比客人，經過兒童醫院對開既海旁，遠遠見到有橦商廈，抱住去八掛下既心態行左過去，見到有間餐廳，裝修好有熟悉既感覺，好似某大連鎖快餐店，於是買了個油占多士配熱奶茶返公司食。油占多士既牛油同果醬好足夠，多士軟硬度適中，熱奶茶夠熱，茶同奶既比例配搭得幾好，唔錯。

喺近兒童醫院附近返工真係好麻煩，地點太偏僻，真係唔知食乜嘢好，難得有一間快餐開喺地下唔使諗一定貪就腳幫襯佢，落雨嘅天氣或者太凍都會喺呢度食，餐牌其實同大家樂嘅一樣，味道都係一樣，但係價錢就貴咗少少，仲要淨係可以用八達通，希望可以增加其他付款方法

轉咗工咁耐都係第一次幫襯呢間，今日落大雨所以出唔到去食，就求其喺公司樓下食算啦，呢間成個款都係大家樂但係個名又唔一樣，價錢俾大家樂貴，但係呢間嘅味道就好似麻麻哋， 40幾蚊冇嘢飲，味道麻麻地，如果唔係落雨都唔會再食👎🏻