HARA

营业中

休息中

上網見到佐敦開咗呢間做西日fusion菜嘅餐廳，好似好吸引，放假特登去試吓。餐廳服務幾好，店員不時加茶，上菜亦每一道一道上，可以慢慢享受食物。燒原條喜之次$168竟然有喜之次食喎🤩，即刻要點嚟試試。以佢價錢，我唔會expect太多，喜之次細細條，燒得魚鰭部位脆卜卜，肉質都ok，加咗少少黑椒同鹽調味，食魚嘅原味。烤龍蝦海鮮拼盤$298好豐富😌，有3隻大大隻嘅托托蜆、1隻好厚身嘅蒜香蔥粒燒扇貝、半隻爽口彈牙龍蝦，隻蚶仲已經細心剝咗殼添，另外仲有一隻甘香炸軟殼蟹同埋一堆鮮嫩魷魚圈魷魚鬚。睡蟹意大利飯$208呢個我見人哋啲相好精緻，啲飯係釀落蟹蓋度😍，但係當日店員告知蟹嘅供應商出變，冇晒蟹蓋，打卡冇咁靚，有啲小失望🙈，但係我哋都照樣點呢個飯食。意大利飯有咬口，伴入南瓜蓉同埋一絲絲蟹肉，上面仲慷慨地鋪滿厚厚嘅蟹膏加蟹肉😋，加上鮮味嘅三文魚子，正。個份量應該比原先嘅釀蟹蓋仲要多呢！紅豆綠茶雪糕$58甜品我哋就揀咗個比較日式嘅，雪糕造型好得意，係一粒一粒正方體，綠茶味非常濃郁，雪糕非常滑，配埋粒粒紅豆蓉，好食。

HARA 整體食物質素高，環境舒適，對得起中位嘅價格~ 餐廳樓底高，枱之間有適當嘅距離，室內外都有得坐！紐西蘭托托蜆 ($138)紐西蘭托托蜆偏大同厚肉，隻隻都脹卜卜~ 佢嘅口感就好似蜆同生蠔嘅混合版咁！外圍爽爽哋，入面就好似生蠔咁creamy多汁！我哋揀咗椰奶香茅汁，所以食落更加滑同有泰國feel～睡蟹意大利飯 ($208)廚師將意大利飯釀入一個大蟹蓋入邊，飯入面有絲絲嘅蟹肉，上面仲舖左粒粒魚子，配埋碟上嘅蟹膏醬，味道濃郁又惹味～屠夫牛扒 ($328)Butcher’s steak一上枱，我哋已經俾牛肉嘅色澤同分量impressed～ 除咗外觀吸引之外，佢嘅牛味都好濃郁㗎。我哋一貫嗌咗medium rare，熟成度都算啱啱好，邊位有少少脆之餘，但同時內裏仲好嫩滑，平均嘅油脂分布亦令到每塊牛肉都好有油香味～ 煎芝士蛋糕配海鹽焦糖汁 ($68)煎芝士蛋糕好似好少見咁，所以我哋決定試下呢款甜品～ 佢嘅外層有一層香脆嘅酥皮，而內層嘅芝士蛋糕就仲保持到幾creamy嘅口感，重點係唔會太膩。不過如果真係怕膩嘅話，甜品旁邊都仲有少少生果同埋「寒天波波」解膩~

聽朋友講佐敦開咗幾間環境有格調嘅餐廳，今次食呢間係日式西餐crossover，喺週末嘅下午嚟到，環境都仍然寧靜，感覺有幾分文青、文藝氣息。餐廳附送左開胃前菜，係用明太子汁塗上既薄脆片，分量輕巧，係貼心嘅安排。油甘魚刺身、北海道珍寶帶子刺身 (⭐⭐⭐⭐💢)呢兩款刺身雖然係分開兩款菜，但係一併上。先講帶子刺身，帶子不嬲都係我嘅最愛，帶子鮮甜新鮮，有光澤，至於油甘魚刺身，油甘魚大概有四五片，都幾厚身肥美。生牛肉薄片沙律 (⭐⭐⭐⭐⭐)呢條菜份量都幾大，生牛肉放喺底，切成簿簿一片，上面就佈滿沙律。喜歡食嘅時候撈埋一碟先至食，感覺好似味道層次多一啲。堅魚湯燉煮野菜 (⭐⭐⭐⭐💢)因為想食得健康，所以叫咗碟野菜。成份都唔少，有蒟蒻、秋葵、芋絲、蘿蔔塊同埋娃娃菜，清清地，個湯有佢嘅香味。西京燒黑鱈魚(⭐⭐⭐⭐⭐)重點推介鱈魚。魚幾滑身，有啲魚汁，食落香濃，一啲都唔腥。雖然平時我唔多食魚，但係今次都覺得值得一試。Vodka option (⭐⭐⭐⭐⭐)嘢飲方面，選擇都唔少。點左雞尾酒。呢款顏色幾特別，鍾意酒精類嘅都可以點呢一個。T&S (⭐⭐⭐⭐⭐)呢款就係有菠蘿汁，仲有vodka，甜甜地易入口，適合

朋友想吃西餐而我想吃日餐, 想了一下便選了這家對大家交通都較為便利的這家西日Fusion餐廳. 可能是疫情的關係, 附近的人流比之前要較少. 疫情下餐廳保持設置膠板, 我跟朋友在疫情下則較喜歡到這類型門口開放的餐廳, 空氣比較流通. 桌面上看到的日式餐具很精緻. 先上的前菜小吃, 素翅海蜇, 素翅的彈牙口感比得上真正魚翅. 調味上較清淡, 很適合作為開胃前菜. 這裡的T&S用上SAKE做基底, 酒精感會變得稍輕盈, 配上菠蘿, 橙汁及橙皮酒, 是一杯酸甜得宜的開胃酒.  先點了2款刺身, 其中的這個拖羅下單前先問一問店員, $88竟有5件. 上桌看到的拖羅不算薄身, 質量自然不是大拖羅級. 但入口鮮甜即溶, 質量極高. 差點想再點一碟. 剛好今日沒有燒皮鰹魚刺身, 點了另一款牡丹蝦刺身, 上桌又有一番驚喜. $78的價格是蝦身刺身, 而蝦頭則拿去油炸. 刺身的鮮甜在預料之內, 充滿蝦膏的蝦頭油炸過十分甘香. 鹽燒魚鮫燒得肉質滿口油香, 魚皮香酥, 燒得很好吃. 與朋友商量過, 想點一款肉食及意粉作主菜. 肉則點了屠夫牛扒, 原來用的竟是較少見的護心肉. 護心肉其實亦叫橫膈膜肉, 肉味特

嚟到佐敦見呢間日本餐廳是走簡約風格，裝修得好靚，同附近餐廳顯得有點格格不入，於是我同朋友入去試試。餐牌種類選擇不算多，主要是刺身、串燒、和飯麵類，還有甜品。先叫了北海道珍寶帶子刺身和吞拿魚腩刺身。帶子鮮甜，吞拿魚腩油脂分布平均！日式麵豉燒茄子燒茄子好考師傅功架，好易過油或過乾，而呢款日式做法茄子面頭鋪上麵豉醬，麵豉醬微甜同茄子好夾，唔油之餘仲覺得好juicy!!睡蟹意大利飯意大利飯啖啖蟹肉，魚子爽口新鮮，鋪在麵包蟹殼上，伴碟精美，打卡一流。椰皇焦糖燉蛋燉蛋放在椰子上蒸，滲有微微椰子香，有驚喜！

呢間位於佐敦嘅西日餐廳幾有格調，食物都唔錯環境方面，餐廳有三種檯可以揀：門前，普通低位，同埋高檯，嗰日我地就揀低檯，發覺佢幅牆嘅裝飾都幾有特色，適合打卡飲品就點咗杯rose ladies，主要酸酸甜甜，好開胃，入口仲有玫瑰花香，賣相同味道都唔錯食物方便我地毫不猶豫揀咗三成熟嘅屠夫牛扒，根據網上講法，之所以叫“屠夫牛扒”，係因為呢部分嘅肉好正，以前嘅屠夫會偷偷收埋自己品嚐。我地叫嘅呢份牛扒色澤超級靚，內裡係好有光澤嘅紅色，擺盤就比較隨意😂唔似其他食評入面咁圍圈擺。味道方面，焦香味比較重，調味好少，連鹽巴味都唔太覺，所以滿口都係濃郁嘅牛肉味，口感好嫩滑，隔離嘅蒜油都好好食，搭埋牛扒，味道更豐富，可以消除一直食牛肉嘅味覺疲勞呢個睡蟹意大利飯真係驚喜，原本睇圖以為好細份所以唔想點，但因為出鏡率好高，所以都係忍唔住點。不失所望，其實分量唔細，蟹蓋其實有一個男人手掌咁大，所以放心係會食得飽。味道好出色！蟹膏香味mix埋上面薄薄嘅芝士，非常match，碟上嘅醬係蟹膏醬黎，撈埋飯食，香到不得了，米粒我地好滿意，原本都有d驚意大利飯會太硬，但呢款係恰當好處，食落口感好舒服。呢個真係強烈推薦，講真大家日後

食肆靚靚嘅門面裝璜，往往能吸引人客入內嘅原因！同朋友係佐敦嘅官涌街附近行街時, 經過餐廳門口, 被佢門口嘅舒適環境吸引, 剛好想歇息一下呢😏~本着happy hour 飲杯嘢, 食下小食, 點知....😜從wine list 找尋飲品嘅時候, 從Bar枱見到一杯好吸睛的飲品, 一問之下, 原來係 T & S, 再望餐牌, 原來係:菠蘿, 橙色, 檸檬+Sake 嘅cocktail, 味道清清甜甜, Sake不太多, 好啱女士們。叫咗個照燒雞泡魚干來佐酒,這個魚干好香口, 不太乾, 一流👍🏻跟住再點個不會飽肚嘅刺身併盤(細), 好少見有貝蜆類放在刺身併盤, 比較特別, 我覺得似醬油漬貝蜆, 這做法可以保留蜆嘅鮮甜味, 正!另兩款魚生也新鮮, 上枱仍有光澤呢😍但一人得一隻蜆, 好吊胃啊, 見到餐牌有紐西蘭托托蜆, 好奇之下叫了一客sake sauce來煮, 原來隻隻都好大隻, 好似蝴蝶一樣, 份量亦多了, 用酒煮海鮮才能突出海鮮嘅鮮甜, 一定要試啊坐下坐下6點多, 大家覺得反正都要搵地方食晚飯, 倒不如繼續試其他款菜式。我好鍾意食羊, 先嚟個烤紐西蘭原排嫩羊鞍, 佢地既然話係嫩羊鞍, 就來

嚟到佐敦嘅HARA令我有種去咗日本嘅感覺水泥牆身、皮凳、乾花💐擺設環境雅致又有氣氛而且空間感十足喺度食飯嘅感覺好好、好愉快而呢度嘅fusion日本菜亦令我大快朵頤😋食物味道好、價錢合理絕對推介大家嚟試吓呀！.🔸刺身拼盤（$298）擺盤好靚又精緻，刺身有磯煮大蜆、帶子、吞拿魚、鯛魚、醋漬鯖魚刺身，一共5款。食落好新鮮、甘甜。特別係帶子刺身，好鮮濃，好好味！.🔸鰹魚湯燉煮野菜（$68）👍🏻湯式好清澈、鰹魚味香，蔬菜好豐富，還有芋絲同蒟蒻，全部燉煮得好入味但又保留到爽脆口感，好好味！連湯都飲哂！😁.🔸紐西蘭托托蜆▪️香茅椰汁（$138）👍🏻托托蜆好大隻呀！大過隻湯匙！非常肥美飽滿又鮮甜！我哋揀咗南亞風味嘅香茅椰汁口味，好香、個汁好creamy、好滑，可以帶出到錢蜆嘅鮮味。另外仲可以揀清酒或蒜蓉嚟煮。.🔸燒原條喜之次（$168）❤️大愛！燒過嘅Kinki外皮好香、好香！食入口係香、軟、滑！魚味濃帶油香，簡單用鹽同埋檸檬嚟調味已經好好食！

無意中發現佐敦有間環境唔錯既西餐一直想試好耐今日有事來佐敦 終於可以一試我晏晝5pm黎避開繁忙時間非常寧靜舒服既環境我同朋友兩個人叫三樣菜式火炙魚生薄片沙律烤紐西蘭原排嫩羊鞍睡蟹意大利飯火炙魚生薄片沙律魚生份量比想像中多好多非常欣賞佢處理魚生好細心真係一邊生一邊熟控制得好好烤紐西蘭原排嫩羊鞍有4 件 中間保持到極粉嫩店員提議5成熟冇介紹錯 肉質好軟好淋身睡蟹意大利飯賣相好吸引！用個蟹殼 盛載住飯粒好creamy好入味菜式擺盤有心意 食物質素高Cocktails亦調校得好味道值得再黎

近排健身室開返，我就諗住去King’s fitness度做下運動，咁岩比我發現到對面有一間西日fusion餐廳，於是就決定運動完之後獎勵一下自己食餐好嘅。首先出場嘅係吞拿魚腩刺身同鰹魚刺身，吞拿魚鰹魚刺身各有四塊，吞拿魚腩肉質肥厚，而鰹魚肉質就白滑彈牙，非常高質。炸白蝦味道有少少似中菜嘅椒鹽白飯魚，香脆加微鹹嘅小食用黎佐酒一流。睡蟹意大利飯係採用麵包蟹蟹膏去煮成嘅rissotto，而rissotto入邊仲有蟹籽同蟹肉，粒粒分明嘅飯粒充滿了蟹膏嘅味道，而且咬落去唔會太淋，我個人幾鐘意呢種質感，rissotto上面仲有大大粒嘅三文魚子，用黎打卡影相一流。波士頓龍蝦包外層麵包鬆軟，吸收左龍蝦汁之後勁入味，可惜嘅係龍蝦份量不多，不過作為小食黎講就岩岩好。甜品椰皇焦糖燉蛋每一啖都食得出陣陣椰子味，入口香甜滑溜而且甜度適中，作為晚餐嘅結尾非常好。

想來很久，這個星期日特地來吃午餐慶祝朋友生日。我們叫了一個午餐套餐，生薑牛肉炒飯$88+$28配前菜、麵豉湯和飲品。炒飯很多牛肉，炒得粒粒分明，份量足夠，非常好吃😋牡丹蝦和帶子刺身非常新鮮，牡丹蝦肉味道鮮甜，蝦頭還會幫你炸香。生牛肉味道非常清新，配上沙律、橄欖油、鹽、芝士已經非常好吃。清酒煮托托蜆，非常新鮮的蜆肉，加了清酒能提升鮮的鮮味，好吃到連清酒都渴到一口不剩。蒜香八爪魚，放了很多蒜蓉，稍為多了一點鹽，有點鹹，不過味道也不錯。炸芝士蛋糕，有濃郁的芝士味，加上香脆的酥皮，味道一流！

呢間餐廳環境舒服，入到去服務都相當好。打開餐牌主打日西料理，食物多元化。由於下午時間我哋都係叫啲前輕食為主。▶️生蠔兩隻 $58/pcs 🦪生蠔非常新鮮，配搭新穎～面上邊有菠蘿沙冰🍍酸酸地夠冰涼，生蠔肉質飽滿鮮甜▶️北海道珍寶帶子刺身 $68帶子切咗一片片，味道鮮甜～面上仲有三文魚子▶️珍寶牡丹蝦刺身 $78/pcs牡丹蝦夠爽口大隻，真係好甜好食😋面上仲有少少青檸皮吊味～佢仲會燒埋個蝦頭，卜卜脆～▶️香烤鴨肝配燒菠蘿$88鴨肝好香☺️ 下面有燒菠蘿，酸酸甜甜～▶️紐西蘭托托蜆$138蜆好大隻，非常鮮甜，配有牛油汁夠香▶️椰皇焦糖燉蛋$68焦糖燉蛋用椰皇盛上，食新落有椰皇香味。焦糖卜卜脆又甜～▶️炸香蕉🍌蘸肉桂糖伴雪糕🍦$68鍾意炸香蕉面上有肉桂糖，食埋雪糕，多重味蕾～餐廳食物質素高，整得又靚又好味～

今日難得天氣幾好 行經佐敦見到呢一間好有文青感覺嘅餐廳 望一望餐牌 先至係主打日本fusion菜 啱晒我哋胃口 就一於試試佢啦天氣熱熱地冇乜胃口 就叫咗個日式雜菜沙律做頭盤好少見沙律會用秋葵同冰菜原來配上黑醋汁係咁夾嘅食完頭盤胃口大開所以就叫咗一份海鮮拼盤同一份屠夫牛扒海鮮拼盤有龍蝦帶子軟殻蟹魷魚同珍珠蚌簡單嘅調味配上檸檬汁已經可以食到海鮮嘅鮮味見到差唔多每一台都會叫屠夫牛扒 咁我哋就一定唔執輸啦 叫咗五成熟真係燒得啱啱好肉質好好之餘仲會有煙燻嘅香味

夜晚嚟到 九龍站附近 行下睇下有邊間餐廳 好 座. 見到呢一間hara 地方報告都幾精緻, 就坐低 食番餐好嘅.坐低客戶服務員遞上menu, 首先我哋嗌咗個伊比利亞豬肋骨, 豬肋骨 好冧 用蒜蓉燒好入味 豬肉味濃郁.之後叫咗個日式麵豉燒茄子, 原條茄子燒 面試好入味 外剛內軟 淋淋地 新鮮茄子 的味道.紐西蘭托托蜆好大粒, 好肥美 配上忌廉汁 分外惹味 把托托蜆 的 鮮味 帶出嚟.西京燒鱈魚, 非常之 新鮮 完全冇雪味 魚肉紮實 一啖咬落去 魚肉非常鮮嫩, 燒得黑黨好處.睡蟹意大利飯, 用上蟹膏伴碟 意大利飯 每日去 蟹殼 非常惹味 配上幾粒蟹子 擔擔 鮮甜可口.每樣 菜式都很精心製作

餐廳好特別 裝修不但有小店風情 易融合了型格的元素餐廳半戶外用餐區 種植了一大片的植物牆 以及不同大小形形色色的仿真盆栽及花卉 充滿小店文藝氣息 門外的簡約清新氣息與店內形成強烈對比 店內牆上用鋼管打造燈飾 感覺剛強時尚 是一間剛柔並重的餐廳餐廳走fusion菜路線 從餐具上已經看到日式及西式的線索 傳統的日式木筷子 石匙羹 代表日式 鐵具刀叉 代表西式 挺有意思的刺身拼盤$298 概念採用了廚師發板形式 採用當天最新鮮的食材製作這個拼盤 今天刺身包括：春魚 ，吞拿魚 ，油甘魚 ，帆立貝法國生蠔海·洋女神3號no·2菜色就像藝術品般漂亮 加入了鮮花，蔥花為點綴 顏色豐富 魚肉刺身款款厚切 厚切程度比一般日本刺身級的還要厚 因此食落相當有質感 而且冇根 細味咀嚼之下魚油味滲出帆立貝刺身是xl級別的 非常巨型 入口細嫩鮮甜 非常高質素生蠔配果味沙冰這個配搭新奇 感覺清新又特別 使我留下深刻印象牛油燒北海道扇貝$88 食得又睇得 簡直係一場火焰show 值回票價 用火槍即場燃點 熱力使牛油溶化 香味釋出 令人垂涎三尺帆立貝生熟程度剛剛好 緊緊熟 一啲都唔鞋口 裙邊帶有趙口 彈牙非常紐西蘭托托