Happy Ours Cafe

如果想食多啲蔬菜、健康啲，可以考慮下呢一間餐廳！佢嘅食物都係素菜。我哋嗌咗A&C餐。顏色好靚，而且味道都唔錯！是日餐湯係西洋菜羅漢果粟米湯，足料靚湯！Vanilla cafe記得留意番佢嘅營業時間：佢淨係開星期一至六上晝9:30至下晝5:30。…查看更多

補返琴日既午餐先。隨便係op揾開餐廳，眼見地址要上樓上，個格局又似cafe，諗住細鋪應該冇乜人，hea下都唔錯。所以。位置都比較難揾，因為呢間野係喺私樓商場入面。3樓基本上得兩間餐廳，只要直行就到。間餐廳原來喺一個角落嘅open area。睇餐牌好多都係素食😂唯有簡個 香菇忌廉雜菌扁意粉。餐飲：cafe 梗係飲咖啡啦，見到有侍應用咖啡機即沖，應該唔差嘅。所以，一杯latte。環境：雖然喺商場入面，但其實好少人，由於接近角落，冇乜景觀可言。但的確比較寧靜，同感覺好舒服。等咗唔耐，就上餐。賣相：簡單，但唔係求其。忌廉冇水浸，配料同香草擺位都有心思。香味：有陣淡淡既香味，如果坐隔離應該已經聞唔到。味道：由於冇水浸，食落唔膩之餘仲可以食到忌廉味。火腿粒並唔係廚師腸既垃圾，加上應該有再翻炒過，應有既香同味都有。香菇冇草青味，但冇調味過，其他同樣。成碟意粉雖然簡單，但完全唔單調。飲品：Latte （本人對咖啡認識甚少，用字可能直覺啲）現場並冇即炒咖啡豆，所以冇個陣驚死你唔知有咖啡飲既味道。但送到上嚟嘅時候，都聞到咖啡個陣燶味。仲有個拉花添。落咗半包糖，比較入口，過一秒後，咖啡嘅苦澀味開始湧出嚟，但唔強烈。飲完之後，由於杯Latte 唔係勁濃郁，味道嘅停留時間好少，大一個鐘左右（有飲水）就幾乎冇咗。個人嚟講感覺唔錯，對於我呢啲唔太鐘情咖啡嘅人都覺得好飲。…查看更多

早前於報張看到一間在北角雋悦內的餐廳，名叫Happy Ours Cafe, 聽說中午蠻多人光顧，今天剛好途經該處，便決定一試！地址在雋悦三樓，採自助形式，先選餐付賬，等候即點即做！雖然是素食餐廳，但每天的午餐也有三種選擇，飲品更多樣化，包括手工咖啡茶，Latte Art, 一間值得推介，服務員親切有禮, 誠意可嘉的餐廳點了鮮淮山日本南瓜醬油炒飯配泡沫咖啡，炒飯夠香又唔油，咖啡做得岀色，朋友試的南非國寶茶也值得一試！…查看更多

Happy Ours 的午餐是素食, 即叫即做。試過素炒飯、什菜蔴醬伴刀削麵，很好吃又健康，包咖啡或南非茶，環景舒適，誠意超值！還試他们自製乾果、果汁，都是用鮮果做，充满陽光。牛油蛋糕仔配咖啡最好，因細細件，食了也唔會内疚！…查看更多