影片
营业时间
星期一至日
11:00 - 21:30
以上资料只供参考，请与餐厅确认详情
成日都周圍去飲珍珠奶茶，呢間鋪頭係喺一個節目上面介紹喺大埔。咁佢主打係有一個卡通人物公仔做主打同埋一銷售關於佢嘅產品再賣埋一啲飲品。咁第一次去都覺得幾吸引到小朋友因為都有幾多公仔🧸成個氛圍都係好多卡通人物圍繞同埋店內仲有一個🐻啤啤可以買完飲品同佢影張相打卡添！咁最重要都係講返佢嘅飲品。我就叫咗最普通嘅珍珠奶茶咁我覺得其實幾驚喜。因為都覺得如果單係靠公仔或者一啲外來因素都係唔足以站穩陣嘅。最重要既都係要飲辦好飲品基本先得。咁佢個茶味都幾好，味道適中珍珠都有咬口。至少唔會係有其他公仔或者產品吸引到人而飲品質素就得過且過。同埋而且份量都足夠。所以我都留下一個幾好嘅印象，而且價錢都算公道唔算貴！買完飲品記得喺出邊同啤啤熊影張相留念先走啊！
继续阅读
某天去開東鐵線去下大埔超級城搵野食先🤤竟然被我搵到間新開既飲品店😍一次過滿足哂兩個願望🤤又雪糕又雞蛋仔🤤即叫即製所以要等一陣但都好快有得食😍雞蛋仔幾有蛋香唔算好甜揀左香芋同朱古力味雪糕香芋真係無得輸😍雞蛋仔有啲脆有啲唔脆因為影完相都等左一陣先食但都係幾好食既😋食完真係巨飽😂同場加映好清新既鮮果茶😍味道唔算太甜以橙味為主有好多新鮮既生果🤤茶底幾濃但一啲都唔澀幾消暑幾正🤤果然一分錢一分貨🤓
继续阅读
估唔到喺香港都食到🏝沖繩の塩雪糕！😍呢間新開的飲品店係喺大埔超級城我唔係住附近，所以覺得位置唔容易搵😹要穿過行人天橋先去到💁🏻♀️好可愛呀裝修，以黃色為主題空間比一般飲品店大好多，而且等野飲時有冷氣嘆仲可以睇下d精品tim長期肚餓的我，當然唔會放過任何可以食野的機會呢道有雞蛋仔同格仔餅😚😚經典原味雞蛋仔配自選雙球雪糕 $31我選的是雲呢嗱和沖繩之塩味雞蛋仔唔太脆，可能因為同雪糕混合左😂不過賣相好可愛！原味格仔餅 $16格仔餅個皮略嫌有點過厚，同樣有唔夠脆的問題幸好入面醬料好足其實佢地飲品才是主打椰香惡魔波霸🥥 $27呢一杯個個都話必叫！但係我呢杯無哂黑糖掛杯😭😭所以影唔到好澎湃的感覺味道好重椰香味，反而黑糖味偏淡珍珠都好煙韌芝士奶蓋奶綠🍵 $28奶蓋好creamy！甜而不膩芝士味同奶綠好match呀
继续阅读
由一個本地環保設計品牌竟然做到連茶飲店都開埋真係好勁。不過重點係佢地尼隻設計既熊仔真係超可愛丫😍🍴椰香惡魔波霸平時飲黑糖鮮奶珍珠飲就飲得多，不過椰奶加黑糖珍珠都係第一次試。但估唔到原來呢個配搭比起黑糖鮮奶珍珠更加夾，椰奶嘅椰子味好香，雖然成杯都係椰奶，但係即使飲哂成杯都唔會覺得好飽。而且配埋啲黑糖珍珠一齊食就更加夾，椰奶味中夾雜著一絲黑糖味。不過小編就略嫌呢度嘅珍珠唔夠煙韌，偏向比較軟糯，但黑糖味都夠嘅。不過小編最欣賞嘅都係佢地D黑糖整到成隻杯都係影相一流呀😍🍴芝士奶蓋Happi鮮果茶［少甜］雖然係張圖上面小編只係畫左好少嘅生果出嚟，但其實佢裏面仲有其他生果㗎😂呢度嘅水果茶入口就比較重橙味，而且茶香味亦都好重。水果茶入面有蘋果、橙、菠蘿、柚子同青檸，不過水果既size就偏細。但整體既味道都唔錯嘅，好解喝。另外小編今次仲加左芝士奶蓋，本來目測以為個芝士奶蓋會好杰，仲以為同個茶底會好分離，但入口發現原來佢地融合得好好，芝士奶蓋既鹹香味都幾香唔會好油膩，而且打得都幾挺身下，唔會好快就溶哂。🍴經典原味雞蛋仔配沖繩の塩雪糕雖然佢係一間台式飲品店，但係雞蛋仔做得一啲都唔差，反而個人覺得仲幾有水準下添！雞蛋仔外脆內軟，而且尼到嘅味道都幾香，最重要嘅係裏面既蛋漿竟然有半粒雞蛋仔咁多。而且雞蛋仔即叫即整，攞到上手嗰陣仲係熱辣辣，配埋凍冰冰嘅雪糕一齊食嗰種冰火交融嘅感覺真係好正丫！至於雪糕方面小編今次就揀咗藍色嘅沖繩の塩雪糕，雪糕食落鹹鹹地咁都幾特別架！而且隻藍色真係好靚呀！
继续阅读
一路行見到人拎住杯勁靚既野飲，於是就跟住條路去搵，原來係天橋位開左間台式飲品店，全店都係黃色超搶眼。除左黃色設計之外，仲有大大個招牌公仔係出面，個公仔真係超可愛見到都肯定會停低望一望，仲拎住杯野飲好岩主題。有句口號係周圍都見到Enjoy Special Taste，行到入面都好多色彩，仲有個大畫係店入面見到招牌公仔飲野，成個設計都超有心思超可愛。除左野飲之外仲有好多精品可以買，除左平時見到既杯呀吊飾等等，仲有兒童學習卡喇滑版車都有，啲精品夠哂多元代。最多人食係Happi款有四種生果包括左柳丁柚子蘋果同菠蘿，不過今次就試左《紅葡萄柚鮮果茶》($32)，呢個就有幾大塊紅柚好足料，有落清香既水果味唔會太甜，上面仲有好可愛既熊仔架。另一杯推介既係《椰香惡魔波霸》($25)，一睇外面成個瀑布咁好吸引，珍珠咬落煙韌，一飲果陣椰香味真係好濃，仲有甜甜地黑糖味。叫左個小食《經典原味雞蛋仔》($15)，整既時候果陣蛋香味飄到全店都係，出黎個樣好整整齊齊，一出爐食落外面夠脆入面都鬆軟。店名：Happitea地址：大埔寶湖里3號大埔超級城E區2樓356B號舖餐牌:
继续阅读