Hands-On Coffee (已結業)

餐廳裝修好特別，掛喺場上面一嚿嚿嗰啲其實我唔知係咩，但睇落好似好有風格，呢度嗰住置喺正電訊公司樓上，唔講真係唔知原來有餐廳， 我都係盲舂舂上咗去😛介紹吓今日食嘅嘢先海鮮意粉：青口有兩隻，意粉啱啱好我哋兩個人share到，我先生食完都話好味！下次一定要再嚟✔️！其實佢好少讚人啲嘢好食㗎！大蝦帶子：本身其實係龍蝦嚟嘅！不過佢哋賣晒，變咗隻大蝦俾我哋，so far都唔錯！ 香口，惹味慢煮牛樓：我唔係食肉獸、 但係都比我食晒！因為佢煮得啱啱好！唔會鞋颯颯、味道又啱啱好，唔會偏鹹或者偏甜！價錢大眾化！最緊要味道嘢食環境全部都好好！👍🏻#HandsOn

琴日行開旺角，唔知食咩好既時候抬頭一望，見到係中移動鋪位樓上有間café，平時都冇為意到，就入去試一試佢!入到感覺同樓下既鬧市完全兩個世界，有種好悠然自得既感覺~見好多情侶一pair pair嘆咖啡傾計咁~覺得呢度真係好relax!坐低睇下menu，見burger餐會跟杯氮氣咖啡，見幾得意就叫左個黎試，另外仲叫左一個意粉、一份小食同唔少得既甜品~☕氮氣咖啡先黎個氮氣咖啡，呢個真係第一次聽第一次試~本身唔係好飲奶所以叫親咖啡都係要齋啡，齋啡係非常香濃而亦帶有苦味既缺點~但呢個氮氣咖啡令我好驚喜既係有好香濃既咖啡味!但完全冇平時飲既齋啡咁苦!真係岩哂我口味!未試過既話真係可以一試!🍔經典和牛漢堡配焗薯點左呢個和牛漢堡~估唔到個漢堡都幾大份!入面有和牛漢堡扒之餘，仲有煎蛋、芝士、生菜、煙肉同蕃茄!材料好豐富!咬落去煎蛋既蛋汁同芝士夾埋漢堡扒融合埋一齊，令成個包感覺好有層次，口感一流，漢堡扒保留到肉汁但又唔會滴到周圍都係，唔錯! 仲有d沙律菜同焗薯粒伴碟，夠哂營養!🍝羽衣甘藍扁意粉羽衣甘藍係superfood好多人都知，之前試過自己煮羽衣甘藍，發覺有陣草青味同有d苦味，但呢個羽衣甘藍扁意粉完全

呢間CAFÉ 其實都幾神奇下~ 因為佢竟然係位於中國移動旗艦店入面既3樓 (係咪比D人睇電話 睇到累就上黎食下野休息下呢XD) 然後 一入黎更加驚訝, 成個環境都係粉紅色呢 正中間係橢圓形的廚房+水吧area 配上金色閃閃既英文字母名 我覺得有D似百老匯劇院既風格啊~!!💃 好特別, 係香港未見過呢種風格的裝修! 牆壁同天花係一個又一個壓粉錘裝飾, 貫徹返佢地著重咖啡品質既宗旨☕ (無錯, 呢度係主打精品咖啡, 而睇開我食評既朋友應該都知.. 我唔係特別好咖啡架…😂) 然後, 窗邊係大大片落地玻璃, 餐枱就係一張張湖水藍/桃紅色小圓桌, 望落好sharp, 影相又靚💖 由於呢度係主打咖啡既關係.. .有好幾頁menu都係店家既精品咖啡呢~ 好彩都有咖啡以外既飲品~ 食物方面主要係幾款burger, 仲有唔少前菜/小食款, all day breakfast, pasta同幾款扒類 : ) 貼心地有籃比客人擺野: ) 有三款漢堡.. 🍔 我地揀左 經典和牛漢堡配焗薯 $118 (價錢連埋Nitro Coffee, 但因為我同朋友都唔飲咖啡.. 所以無要到) 幾鐘意

今天晚上來到這間位於旺角鬧市而又隱藏於電訊公司內的餐廳，初初以前會唔太多人，點知上到去餐廳就發現差不多滿座。餐廳座位不算很多，有些位置可以看到街上的景色，幾寫意。這間餐咖啡種類很多，所以整個空間都充斥著咖啡的味道。但由於我們這次是來食晚餐，所以未能嘗試太多的咖啡。看過餐牌後，點了一份漢堡餐、一個小食同埋一款意粉。漢堡配氮氣咖啡套餐，我們點了經典和牛漢堡配焗薯($118)，漢堡的包鬆軟香口，個包有稍稍焙過，漢堡的材料包括和牛漢堡扒、煙肉、芝士、蕃茄、生菜和雞蛋。感覺很fresh，漢堡的味道剛剛好，唔會太咸!氮氣咖啡，這個是套餐有的，雖然咖啡有氮氣，可上去都見到有氣泡，但飲落去就沒有有氣的感覺，咖啡味不算好濃!香腸拼盤($128)，一向喜歡食香腸的我，見到這裡有得點當然要試試。香腸共有4款，包括雞肉腸、芝士腸、辣腸和火腿腸，當中芝士腸食的時候要小心，會爆汁出黎。另外雞肉腸亦感覺冇咁油膩，不錯!松子羽衣甘藍扁意粉($88)，唔知幾時開始中意左食綠色醬的意粉，這個扁意粉夠哂清，沒有肉的。羽衣甘藍已磨碎拌入意粉中，意粉中還有紅黃綠青椒，色彩會較多些。意粉味道唔算好濃，岩哂想食清清地的我!冰雜莓花

落左成個星期雨，趁停左雨和朋友行旺角，點知無啦啦又落雨，行完成棟萬利都未停，就行左出去冒雨覓食，竟然係隔離間中移動入面發現有間餐廳！睇到評價都唔錯，就唔冒雨出去再睇其他啦餐廳係三樓，內裡裝潢好特別好有藝術感發現飲品選擇勁多，不過揀左食漢堡套餐包左杯咖啡，所以就少左份煩惱原本以為係細個迷你板，但竟然係大大個既漢堡飽！比一般漢堡飽再大個啲😆一層一層既配料！厚厚的漢堡🤤🤤芝士、蛋、和牛、bacon！食落每啖都係足料的滿足♥️和牛的份量好厚，肉味濃郁又juicy，比預想中要高分👍🏻👍🏻套餐中包左一杯 氮氣咖啡，計番價錢都算抵食，不過本人飲慣多奶的latte mocha ，所以感覺氮氣咖啡的奶味不會好濃 比較岩鍾意咖啡味濃啲既人 飲落會見到啲小泡泡向上飄 幾得意小食拼盤岩哂咩小食都想食下既人😆😆熱辣辣厚切薯條配上蛋黃醬！點落香濃好食雞翼有少少辣，但係係香口型的辣，好易入口👍🏻 炸蝦唔係用普通的炸粉，而是用麵包糠因為龍蝦冇貨的關係 轉左用虎蝦！勁大隻，霸左成大隻碟🤣🤣 感覺比較貼心的係 廚師係蝦背開左一刀，岩哂唔想用手剝殻的人，簡單咁用叉就可以唔洗店殻就獲得蝦肉😆✌🏻闊條麵的忌廉汁夠濃郁，而份量真係

一間隱藏喺旺角鬧市3樓嘅咖啡室~ 單品咖啡~手沖咖啡~陶瓷咖啡~ 仲有冰滴咖啡各式各樣~ 喜愛飲咖啡人是一個非常好的去處~環境清幽舒適! 食物好味還有素食餐單甜品~ 第二次嚟呢間咖啡室~今晚母節親walk in上去 居然唔需要訂位。就有得舒舒服服的享受一杯咖啡~ 食物有水準~意大利粉煮得好味~ 雖然食過飯但也忍不住再食多次! 4樓是教學咖啡的地方~ 這裏有著他們的咖啡品味!由於門口比較隱蔽~所以不是太多人知! 這裏真係一個享受咖啡的好地方一定會再幫襯

旺角cafe多不勝數，更有一整幢大廈cafe林立，但總覺得餐廳氣氛離不開旺角那繁華的影子，看著餐廳門外人山人海地等候座位，服務員馬不停蹄地工作，連坐著用餐的我也會感到一刻喘不過氣。但仍會相約朋友到旺角用餐，全因它是地鐵站的中心點，方便大家見面，所以朋友與我從沒有放棄在旺角尋覓一間既寧靜又可以詳談的cafe，今次我倆覺得這算是其中一間可脫離煩囂的cafe餐廳位於中國移動旗艦店3樓，面積雖小，但設計獨特吸引，一出𨋢便看到一整塊落地玻璃，餐廳還刻意將枱泊著玻璃，椅子朝向窗外，可以一邊用餐一邊眺望西洋菜街街境。雖然鋪址正在鬧市中，但因人流不多而且隔音不俗，保持到cafe的寧靜氛圍餐廳正中央為水吧及開放式廚房，最特別莫過於四周牆以至天花板都佈滿了咖啡填壓器，雖然要靠少許幻想才能猜度到，但其概念更特出該餐廳以精品咖啡為主的cafe貼題之如又特別！海鮮有3隻蝦、1個帶子及2個青口，蝦質感爽脆帶蒜味，帶子表面兩邊煎至脆皮，內裡帶子肉嫩滑呈半生熟而且帶有牛油香，青口醃料味不明顯更特出青口鮮味同時質感彈牙，總括所有海鮮都頗新鮮而且烹調及醃製方法適中入味。蕃茄醬汁份量緊緊撈勻所以麵條，但掛麵程度尚可，略嫌蕃

平時人來人往既旺角都行得多，而樓上舖更見唔少，但點都估唔到，電訊公司中國移動旗艦店共有五層，除有電子產品出售，三樓竟然有一間cafe (Hands-On Coffee)。而且剛巧他們推出了新漢堡套餐，就上去試試啦～而一搭Lift上到3樓一出Lift 門，就會見到Reception 位置，真係別具特色（一個新的小天地，與旺角下面的繁華都市有很大的差別。)而他們都用了很特別的裝飾襯托這小天樂 （且有售賣不少咖啡豆）。而Hands-on office 與本土咖啡店品牌合作，製作了不小不同款式的外地咖啡。經查問後，才發現店舖剛推出新漢堡：未來純素漢堡，經典和牛漢堡及西班牙黑毛豬漢堡漢堡外都還有意粉，主菜（三文魚扒，慢煮牛，龍蝦帶子魚扒）等等...而他們的甜品都非常吸引（提拉米蘇窩夫，咖啡撞雪糕，布朗尼伴雪糕等等）他們新製作的氮氣咖啡，還有發花瘋...的廣告牌都令人非常吸引，好想試杯氮氣咖啡 - 單價$46/ 跟漢堡免費（fee)原來單叫氮氣咖啡要$46，現在食漢堡係免費配埋氮氣咖啡，氮氣咖啡有齋啡嘅顔色，另有其獨特的苦澀味，但濃淡適中，飲左淡，我個靈魂番番離啦（回魂啡）西班牙黑毛豬漢堡配焗薯

今日行過中國移動門口，好奇怪，竟然會推介漢堡包既poster ，先發現原來呢度有幾層，仲開埋餐廳添！！幾特別。上到去，環境幾好幾舒服喎，仲可以選擇望住條大街坐添😆😆呢度既食物飲品都幾多選擇，餐廳仲推出左氮氣咖啡☕️可惜咁夜飲驚訓唔著覺，所以下次先再試先。我地就叫左份 和牛漢堡 🍔套餐，加錢轉左手工生啤。呢杯手工啤 麥味都幾香，仲有陣果香味，都唔錯。和牛漢堡都幾大份，好高🤭除左有和牛之外仲有蛋，芝士，煙肉，菜茄，生菜，酸瓜，好豐富！厚厚既和牛漢堡，一口好多肉汁流出，幾juicy.連埋其他配菜一齊食，夠哂滋味。唔會話好鹹好膩。仲配埋炸薯仔同黑醋沙律，好開胃。Carbonate Spaghetti 🍝佢既醬汁食落特別濃郁既芝士忌廉味，再撈均個溫泉蛋，食落意粉好creamy呀！仲有啲煙肉加埋，更有口感。蜜餞鴨胸👍平時都好少吃鴨胸，驚好鹹。佢就用左蜜汁好中和一下，咁就無咁鹹。而且鴨胸好厚肉，食落仲好嫩滑添。估唔到又幾好味喎！朱古力好濃郁

同朋友仔坐低食飯傾計影相 緊係要啲靚cafe呢間可以話地點又靚 野食又好食佢地個bar嘅裝修好靚 感覺簡單但有特色除左有咖啡 仲有唔同嘅手工啤 滿足唔同人需要有啲座位可以望街 坐低飲杯咖啡望下街傾下計都好舒適而我地就喺度食晚餐 3個人都叫左幾多野食卡邦尼意粉佢個芝士脆片非常吸引眼球 烤得好平均 而且金黃色食落香脆惹味 配上香濃意粉汁 美味非常黑松露薯條我又點會唔食我嘅至愛 幾乎只要有佢 我都會叫松露醬味道適中 配上熱辣辣薯條 配埋啤酒好好味芝士泡菜炸雞薯條呢個薯條又係另一番風味 微辣泡菜配上溶左嘅芝士 淋喺薯條上面惹味又吸引三文魚扒配忌廉刁草檸檬汁煎至香脆嘅三文魚 配上清新醬汁帶小小酸味 開胃非常慢煮牛柳呢個牛柳肉質鮮嫩 食落juicy 佢個醬汁配埋一齊別有一般風味Coffees Honey香濃咖啡加入左蜂蜜 咖啡甘香帶有少少飲落香滑順口 

真的不是看到食評也不知道原來旺角西洋菜南街的中國移動旗艦店內有間型格Cafe。步進Hands-On Coffee就會見到這個酒吧，實際是咖啡吧。因為這裡的咖啡多類，最好就是讓職員介紹。餐廳近期新推出《漢堡配氮氣咖啡套餐》有3款漢堡選擇，我們點了一個《西班牙黑毛豬漢堡配焗薯 $118》。但剛巧今日沒有氮氣咖啡，所以店員推介了其在畫花咖啡，例如熱Mocha。Mocha很香濃巧克力味之餘不失咖啡香，而且大杯可慢嚐。漢堡包皮煎香過微脆可口。黑毛豬厚身汁潤、重豬肉香，漢堡同時夾有泡菜、原片菠蘿、生菜、煙肉和芝士片，味道豐富又有口感增次。《忌廉黑松露野菌意粉 $88》好香黑松露味，意粉又拌有很多菇片和三色椒，視為豐盛，味道亦香濃不膩。《朱古力泡沫甜蛋 $90》一直很期待這個泡沫甜蛋，幸好沒令人失望。泡沫甜蛋鬆軟、空氣感很足很Q彈，味道亦富蛋香。伴碟還有熱烘的brownie chocolate 和雲尼拿雪糕。整體感覺不錯，是在旺角鬧市中難得有格調又價錢合價的cafe。

今日下午又係近期大愛嘅hands on。去到樓下見到轉咗新嘅menu。上到樓上仲見到有部新的氮氣咖啡機。作為咖啡鐵粉即刻叫左一set。咖啡高質，淡淡嘅花香配上朱古力嘅風味，果然係一杯消暑佳品。試咗個新嘅burger，即叫即整，包上到枱仲非常脆口，值得一讚。甜品，依然係女士最愛嘅梳乎哩。hands on 經常研發新的food menu，更重要係經常引入唔同地方嘅咖啡豆同新嘅炒豆方法，和口味配搭。每次都有新嘅驚喜。值得翻check

係旺角旺區見到中國移動舖頭嘅門外，俾一個burger廣告吸引，發現中國移動舖內有lift上呢間勁隱蔽嘅食肆，就上左去！舖內細細有好多張小圓枱，裝修骨子有格調！經典和牛漢堡配焗薯 ($118)漢堡係我地必叫，好豐富喔！個包有用心煎過，有煎蛋、兩大塊煙肉、和牛，芝士、蕃茄等！和牛juicy，兩個人share食，一啲都唔肥膩！而漢堡係配埋氮氣咖啡，睇真啲，原來氮氣咖啡要$46，突然覺得個餐好抵！氮氣咖啡有齋啡嘅顔色同濃度，特別在佢成個杯滿滿氣泡，好香濃！卡邦尼意粉配溫泉蛋($92)呢個幾好食幾creamy，有隻溫泉蛋係面，搞均更濃郁！佢特別嘅地方係有一塊脆脆嘅炸物係面，整碎撈勻更有口感！松露醬薯條 ($68)薯條炸得過火少少，所以乾身少少！不過個松露醬令佢加返唔少分！另外叫左杯Mocha，$50有少少貴，但佢任坐嘅地方，傾計都係有杯嘢飲爽啲！

五、一假期，其實唔關我事😬，不過星期六、日一樣有假放，約左朋友去旺角Shopping，佢話係樓上Cafe 等🤗離遠望上去，已經覺得幾好，居高臨下，一定唔錯，旁邊有專用電梯搭上去，好方便👍🏻十一點幾已經咁多人，窗口位比人霸哂，有啲失望😞無計啦，始終係先到先得😅中間位置有一個圓形的酒吧區，亦是廚房，供應食物和咖啡☕️的地方，有很多圓型的圖案佈滿天花和牆壁🤗Menu圖文並茂好清楚，店員介紹最近推出呢個漢堡🍔配氮氣咖啡套餐，我揀左經典和牛漢堡配焗薯$118，再要多個全日早餐$128😬氮氣咖啡，咖啡味道突出，帶出咖啡獨有的苦澀味，濃淡適中，另外和牛漢堡，配料除了厚厚的和牛漢保之外，還有芝士、煎蛋🍳煙肉、生菜等等，非常豐富，旁邊還有沙律菜和薯蓉，分量十足，非常滋味😋全日早餐更加豐富，牛油果🥑生熟程度非常理想，有益又健康，茄汁豆 、黑松露炒蛋，煙三文魚，全部都是我的至愛，好味道👍🏻旺角區嘅黃金地段，可以Hea下抖下，觀賞下樓下嘅行人來來往往，確是一個寫意嘅理想聚腳地😍

一入到cafe, 裝修好靚，好多打卡位，岩哂港女影相🥰嗌左一個忌廉龍蝦闊條麵，原隻龍蝦上碟，蝦肉好新鮮，忌廉汁好creamy, d味入晒啲意粉度。廚師好細心敲碎左龍蝦啲殼，所以食落好方便唔會整污糟隻手。另外再帶多個慢煮牛柳，慢煮牛肉質好幼嫩，配菜都好味。當然唔少得嗌杯手工咖啡，職員好細心咁解釋唔同咖啡既沖法。味道少少苦帶甘，對新手試嘗手工咖啡既朋友都算易入口，同埋可以認識到唔同既沖煮方法，食野之餘仲學到野，抵哂！