影片
中环美食广场 Graham St Food Hall 供应环球美食，搜罗5间唔同餐厅🥡其中呢间主打高级日式丼饭，食客先拣选主菜，然后自行选配日本蛋同酱汁🍛💗手打汉堡扒丼饭($88)以牛肉同USDA猪肉制成汉堡扒，口感肉厚结实，肉味浓郁，不过略为煎得过熟🐂配搭炒滑蛋🥚、日本珍珠米饭🍚同时令蔬菜🥦。加入浓茄汁，味道有d似罗宋汤个种酸甜🍅💗手打鸡汉堡扒丼饭 ($78)鸡肉汉堡扒外层煎至微焦，内里肉厚松软🐓配搭煎蛋🍳、日本珍珠米饭🍚同时令蔬菜🥦。加入蘑菇忌廉汁，奶香十足之余仲有少量菇菌🍄💗蟹肉可乐饼($28)外层炸至松脆，内𥚃忌廉馅幼滑软绵，不过冇乜蟹肉🦀蘸上是拉差沙律酱🌶💗日式炸鸡球 ($28)鸡球炸至香脆，肉质都算嫩滑，不过唔算好多肉汁🐥
继续阅读