影片
餐厅位于深水埗，邻近地铁站地理上十分方便快捷，餐厅最主打的当然就是清真美食，而我这天也有好好品尝一下，食物方面我点选了，有pizza ，Kaaba ，还有炸薯条。Kaaba 绝对是令人有意外惊喜，没想到味道丰富，最重要性价比极高，价钱合理大众化，新鲜即叫即做的味道就是不一样。Pizza 外表看起来十分普通，但我最喜爱的也就是人手制作，即叫即制，他的pizza饼底做得很出色，入口带点香麦味。最后当然就是炸薯条，一个价钱享用到两种不同的感觉，完全超越了快餐店。
继续阅读
深水埗绝对系一个可以发掘平价人间美食嘅地方🤤，今次俾我揾到呢间真心又平又好吃😋。有两间分店，一间位于汝州街，另一间位于北河大厦，我今次拣北河大厦𠮶间，但强烈建议到汝州街𠮶间！因为北河大厦间分店剩系得铺位，基本上咩都冇🙄而北河大厦嗌既所有食物都系要由汝州街𠮶间分店整好再送到，所以计埋制作时间加人手运输时间系要等好耐🤦🏻♀️。如果星期日或公众假期更加可怕，外佣既聚集地就系北河大厦，人多到会吓死你，行都行唔郁😰。呢间餐厅要落order最好用电话或外卖app，注意系冇堂食！！！因为我系用外卖app落单，app落单个阵写明有附赠饮品，但冇显示有薯条，所以送到上嚟个阵见到原来仲会配有一大盒薯条真系有啲惊喜😂。讲返食物上，唔讲笑拎上手有返咁上下重量，份量真心又大又多😍。卷饼size比我前臂更长🙀，超过20cm长。味道上，一啲都唔差👏🏻。我嗌既系Chicken Shawarma($58)，因为冇中文翻译，我上网查过系旋转烤鸡肉。老实讲，味道上系咪旋转我都食唔出😂食得出系微辣既印度咖哩。鸡肉肉质ok 蔬菜新鲜爽口 再配上沙律酱，呢个组合味道冇得输👍🏻一卷咁大条 系男系女绝对食完都饱上脑😵，仲要有一大盒薯条🍟，可惜薯条用发泡胶盒装，焗住晒有水蒸气搞到薯条淋晒☹️。而且店家冇俾番茄酱😑😑唔知系漏咗俾？薯条份量起码系m记L size既两三倍，多到夸张😨我食极都食唔晒。除咗薯条仲有送一罐饮品。呢个价钱嚟讲 卷饼质素真系唔差 性价比高！👍🏻下次应该会再帮衬试吓其他款式。等食物个阵，睇铺既店员好好倾😆，疯狂同我介绍有咩好食，食物全部系新鲜整，叫我下次嗌Pizza。【二访】同屋企人疯狂讲呢卷Chicken Shawarma有几好食，所以又再帮衬买番卷俾屋企人试下，证明我冇讲大话😂。呢次一样系用外卖app落单，拣咗外卖自取，去咗汝州街分店一楼，其实就系唐楼嚟，仲要门牌显示唔系呢间店既店名☹️，系另一个名？？？🙄🧐我估呢间店就类似私房经营模式，而且因为即叫即整关系，等待时间都要几耐下，到咗要揿钟门口等。其次，个人认为私房经营卫生方面就冇咩保障，但价钱真心平！要自行衡量啦！呢次就唔想再食薯条，一大盒真系要食到2046😂，所以落单个阵备注可唔可以转Salad，竟然又真系帮我转咗😂😂👍🏻，转咗系水果沙律，有提子、香蕉、苹果、提子干，味道一般般，份量呢就冇薯条咁夸张，系正常一人份量。
继续阅读