Ha Noi 越南菜

营业中

休息中

晚飯同朋友去左重慶大廈隔離嘅 慶方食晚飯，地庫開左好多食店，好光猛。我地去左食越南野 Ha Noi越南菜，星期五6點時間好多客人，餐廳食物選擇都幾多。我地叫左 河內特色綜合河粉，有生牛肉，牛腩片，扎肉，雞絲，香葉卷份量二人份左右，好足料。湯底淡香，配上青檸，辣椒，再自行調配。生牛肉 浸湯一陣啱啱好，肉質唔錯，食落唔覺羶牛腩片 口感爽口扎肉 帶微微胡椒味，食落清香，都幾爽口雞絲 唔會乾身，雞絲配河粉啖啖嫰滑雞肉香葉卷，肉饀食落調味剛好，肉碎但保留到肉汁同咬口，味道唔錯。河粉爽口，而且湯夠多，食落唔覺太漲。另外叫左個河內小食拼盤 同 上湯灼生菜。河內小食拼盤地道越式炸春卷外皮炸得薄脆，饀料嘅肉碎，粉絲，蘿蔔等好夾，食落唔會太膩，味道幾特別。越式香茅雞翼，好香口，雞皮香脆順化炸手打蝦餅，朋友好推薦，外面酥脆，裏面係彈牙蝦餅，食落好有口感，配埋醬料更好食。安南鮮蝦米紙卷，超大件，米紙煙韌，配上酸蘿蔔，青瓜，蝦同粉絲，食落有層次，配搭清新。整體食物質素唔錯，餐廳坐得都舒服，地點都好方便

還記得重慶大廈地庫以前是一間大型波鞋鋪，現已重新裝修變身食坊，聚集各類食店。內地客認識的大概是蘭芳園，正正旁邊就是一間越南餐廳，價錢平，我們決定試過究竟。童年最愛的越南牛油雞翼買少見少，牛油雞翼包裹濃濃的牛油香，外皮香脆，雞肉飽滿多汁。最特別是雞翼超級巨型，所以一份四隻真的不小。越式牛肉炒金邊粉有點像是港式乾炒牛河，但油量少一點，牛肉就換為肥牛片，有鑊氣又有豉油香。金邊粉比河粉更柔軟，整體炒得恰到好處，口感彈牙，是一口接一口的美味。燒豬頸肉有幾個重點，要有肉汁，要有焦香，要有適量油份，這碟合格。另外一提如果跟飯麵餐的小食豬頸肉，份量只有數片，想大吃特吃的一定要叫全份小食。牛油果沙冰有意想不到的清爽感，雖然知道牛油果卡路里高 但同時是superfood可以幫助排毒。清涼沙冰用的牛油果夠熟，不怕有青草味。加入左少糖為整個飲品加分。沙嗲牛肉串燒份量又是很足，是厚厚的肉粒。面層有香茅醃料，配上鹹香的醬料，跟泰式串燒是另一份感覺。

去開尖沙咀食晚飯，晚餐時間唔需要等位，二人餐好似好抵食，$198有兩個粉面、一個小食、一碟菜、同兩杯飲品。叫咗一碗生牛肉湯河，嚟到好大碗，牛肉好淋，河粉好多，朋友都食唔晒，河粉質地正常，唔會話好嚡，亦唔會話好粉，又唔會煮得過龍，湯底味道正常，唔會話太鹹。另外叫一個香茅豬扒撈檬，豬扒正常size切咗五件，豬扒煎得好香，肉質好腍，咬落唔會太乾，另外仲有啲蘿蔔絲配菜，加上撈檬汁清新可口。小食我哋叫咗雞翼，雞翼有四隻，醃左燃後炸香的，唔會話太乾，亦唔會好Juicy，水準正常。送嘅一碟菜係生菜，甜甜地都係正常味道，整體嚟講都幾好食，亦都好抵食，因為實在食唔晒。飲品我哋叫咗一個紅豆冰，一個芒果西米露，嘢飲上到嚟係一大杯椰汁加冰，紅豆得少少，攪勻咗之後飲落冇乜紅豆味，而芒果西米露，得幾粒芒果同一啲西米，亦都係一整杯椰汁，飲落冇芒果味，有椰汁味同西米露嘅口感，所以飲品我哋都覺得麻麻地。整體感覺都好抵食，只要唔飲嘢汁冰類嘢我諗就好好多 。

今晚同朋友食飯！揀咗係尖沙咀重慶大廈的food court!! 落到嚟行到最入就揾到HA NOI😆佢都好多野食揀，嗌咗個豬頸肉法包🫡好大份！包好脆身，而且入面都幾多粒，食落充滿越式風情😆👀 另外唔少得叫青木瓜沙律🥗 大大份同有d蝦係上面☝️ 都幾refresh!!! 少不了叫個生菜包食！佢好大一碟，豬肉勁多，幾夠干身，少少辣啦！多少少酸味就更開胃了🥰🥰飲品大推牛油果smoothie ~ 足料好好味🤤

Ha Noi 越南菜 (尖沙咀)📍尖沙咀彌敦道36-44號重慶大廈heath慶方地庫S21號舖今日要買外賣，屋企人話想食越式嘢。我諗起之前食過嘅，Ha Noi 越南菜 (尖沙咀)。真係唔會失望。份量充足之外，價錢又非常抵，又美味。Yummy 😋😋😋今次我叫了以下食物：1. 河內生熟牛河湯河粉 這碗湯河粉絕對讓人驚艷！生牛肉鮮嫩，熟牛肉肉質極佳，搭配滾燙湯汁，清爽幼滑，絕對是味蕾的享受！🍜🥩🔥2. 越式香茅雞翼撈檬 這道香茅雞翼充滿香氣，外脆內嫩，搭配檸檬的酸甜風味，簡直是完美組合！🍗🍋😋3. 越式春卷（兩件) 越式春卷外皮脆口，內餡鮮美，搭配特製醬汁，帶來一口滿足的美味體驗！🌯🥢🤤4. 越式手打炸蝦餅（細） 手打炸蝦餅外酥內嫩，每一口都散發出新鮮的海鮮風味，絕對是海鮮愛好者的最愛！🦐🔥😍5. 越式豬扒包 又係成個潛艇咁大，真材實料。這個豬扒包層次分明，豬扒烤得香脆，口感豐富，加上店家用心的調味，每一口都讓人愛不釋手！🥪🐷👌6. 香茅牛肉三文治 成個潛艇咁大，舉起手指公，正👍🏻👍🏻👍🏻感受越南風味的香茅牛肉三文治，牛肉鮮嫩多汁，香草香氣撲鼻而來，絕對是一份美味的選擇！🥪

呢間餐廳係新開嘅heath商場入邊，座位好闊落1. **生熟牛肉河**：這道河粉結合了鮮嫩的生牛肉與熟牛肉，牛肉份量好多！搭配清甜牛的湯底，口感滑嘅河粉份量都好多搭配春卷超級大而且唔算好油膩好多餡皮又薄！🫶🏻🫶🏻❤️2. **牛柳粒紅飯**：牛柳粒在香氣四溢的紅飯上，肉質鮮嫩，飯粒酸酸地好開胃，仲有紅椒青椒點綴顏色之餘又夠健康！3. **越南牛油雞翼**：這道雞翼外皮酥脆，內裡多汁，牛油的香氣和香料的調味交織，讓人一口接一口，停不下來。4. **青檸冰**：清新的青檸冰品，酸甜適中，冰涼爽口，特別適合在炎熱的日子裡消暑，瞬間提神。5. **芒果西米露冰**：香甜的芒果搭配細膩的西米露，啲芒果真係新鮮嘅唔係罐頭，甜而不膩，讓人回味無窮，是夏日的完美甜品。

今次嚟到重慶大廈地庫嘅「河內越南菜」，環境好舒服，裝修新淨企理，冷氣又夠，真係鬧市中嘅綠洲🌴我哋叫咗個「濱海伴豬頸肉串燒」，豬頸肉燒得啱啱好，外脆內嫩，肉汁豐富，配埋個濱海醬汁，真係一流！「軟殼蟹米紙卷」就更加唔使講，軟殼蟹炸得香脆可口，配埋新鮮嘅蔬菜同米紙，口感豐富，清新又開胃！🤤 「招牌越式三文治」嘅麵包外脆內軟，餡料豐富，豬扒醃得入味，加埋啲酸蘿蔔，真係好正宗嘅越南風味！👍 「上湯灼田園蔬」就啱晒我呢啲注重健康嘅人，蔬菜新鮮爽脆，上湯清甜，食完咁多嘢之後，飲返杯清熱嘅「杞子龍眼茶」，真係透心涼！😌總括嚟講，「河內越南菜」真係一間高質素嘅越南餐廳，食物新鮮，味道正宗，價錢又唔貴，服務態度又好，絕對值得推薦！💯 下次同朋友聚會，一定會再嚟！💖#河內越南菜 #越南菜 #尖沙咀美食 #重慶大廈 #香港美食 #相機食先 #吃貨 #foodie #hkfoodie #美味しい #越南料理 #必食 #推薦 #抵食 #好味 #yummy #OpenRice #香港好去處 #假日好去處 #朋友聚會 #家庭聚餐

這是一家越南菜餐廳。這家餐廳提供各種越南傳統小吃,例如芝麻骨、米紙卷、牛肉串燒等,價格也很親民。總金額為272元,看起來是一次性用餐的價格。這家餐廳看上去環境不錯,味道可以，氛圍不錯,適合在這裡享受地道的越南美味。總的來說,這家越南餐廳提供物有所值的越式風味小吃,是一個不錯的選擇。順帶一提這裏是不需要加收服務費！

好耐無去重慶大廈，原來樓下已經全部變哂做餐廳😮今次就揀左食呢間越南菜😋性價比幾高！🍤越式炸蝦餅每次食越南、泰菜都必點炸蝦餅😝鍾意佢夠香口，加埋酸甜醬好開胃!🦀軟殼蟹米紙卷新鮮蔬菜配上軟殼蟹，口感一流! 值得一讚係米紙卷包得好實，食嘅時候唔怕散！🐮生牛肉湯河粉生牛肉上枱時仲紅紅地、肉質嫩滑，湯底亦都幾鮮甜，加咗少少辣椒粒，味道更突出!🍍越式菠蘿炒飯份量十足嘅菠蘿炒飯，有大蝦🦐、魷魚🦑、提子乾等，炒得又幾有鑊氣，性價比非常高👍🏻🍽️Ha Noi 越南菜🌎尖沙咀彌敦道36-44號重慶大廈heath慶方地庫S21號舖

Ha Noi 越南菜 位於尖沙咀重慶大廈地庫的 Ha Noi 越南菜餐廳，為今晚帶來了滿足的一餐。🌸 生熟牛肉湯河 - 生牛肉鮮嫩多汁,湯頭清澈透亮, 配上柔滑的河粉, 正👍🏻🌸 極品牛三寶湯河 - 嚴選了3種牛肉部位- 牛丸、牛𦟌和生牛肉,在湯頭的襯托下,每一種牛肉都發揮了自己的特色,層次豐富👍🏻 🌸炸蝦餅- 外酥內軟的蝦肉,配上特製的沾醬,讓人忍不住一口接一口🌸 香茅沙嗲豬頸肉串燒也是一大亮點,肉質鮮嫩，薰香的香茅滋味與微辣的沙嗲醬完美融合👍🏻🌸 清涼甜美的芒果西米露及熱情果梳打，芒果鮮嫩多汁,與西米露完美搭配,清新爽口；熱情果梳打完美結合,是餐後的最佳飲品。又是一頓大滿足的晚餐啊！

重慶大廈有間Ha Noi越南菜，放工經過仲可以外賣走，番到屋企仲係咁好食！極品牛三寶湯河粉，可以分湯外賣，太好喇！牛三寶包括有生牛肉、牛展同牛丸!生牛肉都大塊，牛丸彈牙，牛味重～牛展有大約2-3塊，都OK~湯底似係用左牛骨熬製，味道濃郁。加錢仲可以有時蔬，唔油膩，保持了良好的平衡感。想輕食叫埋個招牌越南三文治三文治包身比較脆口，有好多扎肉配埋青瓜口味比較清新！方便食的話，仲可以叫大廚切開2份，唔會散開，好好食wor!

位於重慶大廈入口隔離嘅地庫商場👀行到最盡角落頭有間越南菜，平時嚟通常都係食門口間poke bowl🙂‍↕️今次就就嚟發掘吓其他，呢間Menu選擇多之餘，晚市都有set😮價錢都非常公道✨軟殼蟹米紙卷 $73份量十足嘅軟殼蟹👍🏻加埋蘿蔔絲生菜等材料，同埋大量嘅魚露，食落好refreshing，個人最鍾意嘅夏天越南菜必備菜品！✨越式豬頸肉 $33燒豬頸肉最怕係皮乾肉硬，今次個份量啱啱好之餘火喉都啱啱好！咬落油脂比例啱啱好😋✨highlight絕對係佢嘅份量，本身以為自己叫咗個大嘅size，但食食吓睇返張單先發現原來呢個係細嘅size😮 $33嚟講性價比真係好高✨西貢咖喱牛腩配法包 $80✨蒜蓉法包好出色！烘熱咗但仍然唔硬，外皮脆而個包仲好鬆軟，加埋都好腍而且入味嘅咖喱牛腩👍🏻🙂‍↕️出色✨椰汁珍多冰 $30✨鮮芒果沙冰 $36鮮甜嘅芒果沙冰，用新鮮芒果整，份量十足✨總括嚟講食物好食🤤價錢一啲都唔貴，因為唔係太滿場，所以坐得都幾舒服👀又可以加多間餐廳入去尖沙咀日常food choice👍🏻

今日朋友帶我嚟到尖沙咀重慶大廈隔離地庫食越南菜 Hà Nội 越南菜 原來而家地庫裝修到咁大咁靚😍 入到去坐低就睇睇餐牌 喜歡食嘅越南菜呢度都有～ 好快就落咗單 越式豬頸肉撈檬 $67估唔到呢個價錢有咁大碟 仲有咁多塊豬頸肉😍 撈埋檬汁食 酸酸甜甜勁開胃 好適合夏天🤤 生熟牛肉湯河粉 $69生牛肉薄身 嫩滑 加埋熱辣辣嘅湯 好好味！熟牛肉大塊又唔柴 分量十足 河粉幼滑 好正🙌🏻 越式豬扒包 $54食越南菜必點嘅包包😍 豬扒調味啱啱好 切咗細件方便入口 店員仲好細心叫我哋食咗呢個包包先 包包烤過表面暖暖脆脆 加埋入面嘅配菜 超好食😍 大推！ 我哋仲追加咗兩個小食 香茅雞翼 +$23炸得酥脆香口 香茅味十足！ 越式炸蝦餅 $33蝦餅炸得彈牙唔油膩 點埋酸甜醬 好好味！ 牛油果沙冰 $36必點！牛油果味濃郁 杯頂仲有幾粒牛油果肉 真材實料🤩 甜度啱啱好 夏天飲真係好正😍 冰鎮凍奶茶 +$10奶茶香滑濃郁 加埋冰鎮 唔會溝淡咗奶茶嘅味道 讚👍🏻 整體嚟講 呢間Ha Noi 越南菜 環境舒適 店員服務態度好 食物質素不錯 特別係個越式包包 一定會再嚟食佢😋

今次同朋友嚟咗呢間越南餐廳用餐，主食就叫左香茅豬扒撈檬，搭配的小食是鮮蝦紙米卷。香茅豬扒的肉質都算嫩滑，豬扒外層煎得十分鬆脆。撈檬再配搭酸甜汁非常之清新同突出！！！至於小食鮮蝦紙米卷，外皮十分薄真係同紙一樣，裡面包住鮮嫩的蝦仁和新鮮的蔬菜，口感清脆爽口再配搭埋酸甜的醬汁，令我十分開胃！！！整體嚟講，越南嘅菜式我本身都十分喜歡，今次叫咗嘅菜式唔係好多，但份量十分之足夠，下次會同朋友再嚟多次同埋推薦畀其他朋友試下呢間餐廳 唔錯！！！

今晚想食越南河粉，來到尖沙咀重慶大廈旁邊嘅慶坊商場，原來而家慶坊商場地下，有好多唔同嘅餐廳，我哋就來到呢間<Ha Noi>食越南嘢。<越式牛腩片河粉>越式河粉湯底有多種香料嘅味道，配有芽菜和洋蔥等。薄身牛腩片煮得好軟身，而且吾會好肥，河粉細滑好食。<燒牛肉越式法包>燒牛肉份量好多，配有生菜同埋有沙律醬做底，最鍾意就係個法包外面仲保持到微脆。<蕃茄牛腩配蒜蓉法包>番茄牛腩份量非常之多，而且牛腩亦都炆得非常之入味，番茄汁亦夠香濃好味。另外加$18要了杯越南滴漏咖啡，呢個咖啡真係非常之香濃，咖啡味道非常出色。餐廳環境其實都乾淨企理，環境有點像高格調嘅茶餐廳，呢度嘅嘢食質素唔錯，而且價錢唔貴，最值得推薦嘅就係佢哋嘅越南河粉，絕對係必食之選，而且唔收加一，個人覺得非常抵食。