影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
早前同朋友嚟食过, 觉得牛腩唔错, 今日外卖返屋企加𩠌越式咖喱牛腩饭蕃茄顺化牛腩饭牛腩 肥瘦适中, 肉质软淋, 筋膜都淋晒, 唔会韧, 而且份量足！咖喱 唔系好辣果种程度, 辣味较易入口，质感香滑浓稠, 系越食越开胃, 用来送饭一流, 薯仔唔会炆到烂溶溶, 系炆得软淋得嚟, 内里软绵, 索晒咖喱汁, 系绝配！而蕃茄底 系好 rich, 味道层次丰富, 甜甜酸酸令胃口大增！用来送饭都一流！里面仲有红萝卜同洋葱, 食落滋味又健康！(加配) 越式炸春卷 卖相唔错, 食落口唔会油腻, 里面馅料好多, 红萝卜丝, 木耳丝, 粉丝, 猪肉碎 等, 下次可以叫一碟热奶茶 嘅茶味都几浓热西洋菜蜜 唔会水汪汪, 有西洋菜蜜味座位几宽敞地方企理清洁灯光明亮职员工作效率高地点方便, 尖沙咀 exit H 出咗之后, 过对面马路就系啦!
继续阅读
位于尖沙咀重庆大厦地下新Food Court 「heath」的「Ha Noi 越南菜」是一间主打地道越南美食的餐厅。店内装潢简洁，充满越南风情，气氛轻松舒适，无论是朋友聚餐还是独自用餐都十分合适。餐厅的菜单选择丰富，而我就喺当中点咗三样，包括越南拼盘小食、极品牛三宝汤河同埋河内牛丸汤河。小食拼盘是这里的招牌之一，当中最令人惊喜的是春卷和炸鸡翼。春卷外皮炸得金黄酥脆，内馅新鲜饱满，入口即散发出蔬菜和肉类的香气，油而不腻，令人一试难忘。炸鸡翼则外层香脆，鸡肉嫩滑多汁，调味适中，每一口都带来层次分明的口感，是小食拼盘中的亮点。其他小食如越南拼盘，配搭新鲜蔬菜和特色酱汁，为味蕾带来丰富的享受。主菜部分，极品牛三宝汤河的汤底清甜，牛腩、牛筋和牛肚各有特色，牛腩软腍入味，牛筋弹牙，牛肚爽口，配上滑溜的河粉，令人回味无穷。河内牛丸汤河的牛丸弹性十足，肉味浓郁，汤底同样鲜美，适合喜爱牛肉的食客。饮品方面，我哋就点咗青柠梳打同热嘅蜜糖柠檬。青柠梳打带有清新柑橘香气，口感清爽，能有效解腻。热蜜糖柑桔则甜中带酸，暖胃又滋润，食完热气嘢是餐后的理想选择。总括而言，「Ha Noi 越南菜」无论在小食还是主食方面都表现出色。餐厅价钱合理，服务亲切，是尖沙咀区值得一试的越南餐厅。整体用餐体验非常愉快，从入座到点餐，店员都十分亲切有礼，令我感觉宾至如归。春卷和炸鸡翼的味道让我印象深刻，每一口都吃得出新鲜和用心。主食的汤底清甜，牛肉配料丰富，特别适合喜欢地道越南菜的朋友。饮品方面，青柠梳打和热蜜糖柑桔都很有特色，为整顿饭添上完美句号。如果要给分数，我会给「Ha Noi 越南菜」10分。价钱合理，食物质素高，服务又好，是我会再访的越南餐厅之一。
继续阅读
今次去尖沙咀试咗几款越南菜，好有惊喜呀😍！猪颈肉捞檬 ($68) 🐷🍜超香口，猪颈肉烧得焦香又唔油，檬粉爽口，加埋酸酸甜甜嘅酱汁真系好开胃～虾饼捞檬 ($70) 🦐一样咁出色，虾饼爽弹，成碟食落饱肚！法式牛油鸡翼（$56/4件）🍗🧈超香超多汁，外脆内嫩，食完真系想encore🔥饮品方面，鲜芒果西米露 (特饮加 $12)🥭🥤劲香甜滑溜，椰汁味超浓～椰汁三色冰 (特饮加 $12) 🥥🍧又靓又好饮，有啲似糖水咁，啱晒打卡！最后甜品椰浆芒果紫糯米饭 ($78) 🍚🥭，椰香浓郁，紫糯米烟烟韧韧，仲有半个芒果食，好满足～成餐又抵食又好味，特饮只系加$12好抵😙 越南风味满分，推介！推介指数：⭐️⭐️⭐️⭐️⭐️
继续阅读
今次深入尖沙咀重庆大厦 HEALTH 地库，发掘到呢间「Ha Noi 越南菜」！虽然位置隐蔽得嚟有啲神秘感，飘过嚟嘅香茅味已经令人饿到肚打鼓🔥 餐厅光猛干净，座位唔逼仄之余，每张枱之间仲有足够空间倾偈，上菜速度仲快过地铁迫闩门🚇 重点系——味道正宗到彷佛穿越到河内三十六古街，连墙身挂住嘅越南斗笠同手工灯笼都充满风情！ —————— 🍜 **香茅猪扒捞檬** ✨ 惊艳度：9.5/10 香茅猪扒即叫即煎，上枱𠮶阵仲听到「滋滋」声，香气攻势劲过香水喷雾🔥 外层焦香脆口得嚟唔会干柴，肉质松化，咬落去肉汁同香茅味一齐爆发！秘制鱼露酸甜度完美平衡，捞埋青瓜丝、萝卜丝、薄荷叶同炸到金黄嘅花生碎，口感似交响乐咁丰富🎻 檬粉冰凉弹牙，份量多到两个女仔share都够，夏天食真系「爽过冲冻水凉」💦 随餐附送嘅腌萝卜仲系隐藏版彩蛋，酸爽度爆灯💥 🥪 **河内猪颈肉三文治**✨ 邪恶度：💯% 视觉冲击：🍞💥 法包即叫即焗，脆到会刮损上颚嘅程度🤯 猪颈肉肥瘦黄金比例，蜜糖烧烤酱㶶边效果超惹味，每啖都食到炭火香！夹住嘅腌萝卜丝酸爽醒胃，芫荽嘅香气直冲天灵盖🌿 最犯规系涂咗厚厚一层猪肝酱——咸香浓郁到朋友大叫：「呢个根本系越南版和牛三文治啊！」🐷❤️ 面包内层仲偷偷藏住自制蛋黄酱，邪恶到要即刻做20个掌上压赎罪💪 🌯 **越式炸春卷（2件）** $38 ✨ 脆度：⚡️雷神级 内馅丰富度：🎆 春卷皮薄过蝉翼，师傅手势好到透光都唔穿窿👑 咬落「咔嚓」声清脆到传到隔离枱，馅料爆满芋头丝、木耳、猪肉碎同粉丝，层次多过俄罗斯套娃！蘸埋用青柠、鱼露调制嘅酸辣汁，油腻感瞬间蒸发☁️ 新鲜炸起热辣辣，食完手指都忍唔住啜干净🤤 建议追加多两件😋😋，因为真系会抢食！
继续阅读
有日嚟开TST睇完e生系返附近食dinner，TST区开饭想价钱合理，唔洗排队，又要干净，好食，同份量足，真系5只手指都数完，所以我几推荐会嚟返呢间食如果唔系因为我配开contact lens搬左嚟呢个商场，我都唔知呢个basement有得开饭，所以唔洗点排队，都唔知好事定坏事😗去到门口，阿姐就派$10 coupon比我地，2条友一定过百用得到今次我食生牛肉汤河$62. 份量好足，生牛肉浸一阵岩岩好，个汤都几好味，饮左少少唔觉味精男朋友食猪扒捞檬$67. 捞檬正正常常r今次我地冇特别叫野饮，因为一坐低就有茶饮，好似系荔枝茶？都几好味，阿姐又会过嚟加茶比我地，服务好好呢到冇收加一，最后有得现场用返-$10 coupon, 感觉好抵食
继续阅读