hōmu by favilla (已結業)

hōmu by favilla主打西式同日式料理。上網睇hōmu原來係日文到有「家」既意思，黎到呢度既感覺真係好舒服，有大大張既沙發，燈光、裝修等等都好舒服，絕對做到屋企果種令人放鬆既感覺😌午市定食幾多野食，有餐湯、沙律、飲品同甜品，仲可以免加一。野食既質素都好好。1⃣️美國有機吉列豬梅扒定食（$128）餐湯係南瓜忌廉湯，南瓜味唔算好濃郁，應該忌廉同奶落得多啲，所以飲落有種好creamy既口感，都唔錯。另外仲有一碟仔沙律🥗好fresh。豬扒既份量比我想像中多，而且好厚，食落夠鬆脆，而且肉質好有口感夠嫩，絕對唔係落左好多鬆肉粉既感覺，一啲都唔韌仲帶微微粉紅色😋點埋沙律醬或者豬扒醬食都好好味。  另外定食有得揀跟日本茶或者黑咖啡。日本茶係玄米茶，清清地幾好👍  2⃣️壽喜燒牛肉溫泉蛋稻庭烏冬鍋（$79）一樣都有南瓜湯，烏冬幾滑幾彈牙，壽喜燒湯底清清甜甜，加埋面頭既溫泉蛋，蛋汁撈埋啲烏冬食好正🤤不過啲肥牛就有少少筋😢相對另外叫既兩款定食呢款就比較普通。  另外呢款午餐都有跟個甜品，係個紫薯薯蓉黎，好有驚喜呢個紫薯薯蓉🤩食落有紫薯天然既淡淡地既甜味，加埋有少少柚子既清爽味道，一啲都唔會膩！  3⃣️日式咖

今次有啲失望，拎位個時門口位職員第一句就話冇位，跟住就冇話叫我地繼續等，個下個得好怪，其實我哋係會等位。之後我地下左一句，佢入面仲有一個職員聽到又話有位……我地個order了2個下午茶餐包飲品，侍應已經放低咗兩杯飲品先，跟住隔離張枱咁岩同個侍應講，佢哋有兩杯嘢飲都未嚟，佢地叫既飲品好似同我哋一樣；跟住個侍應就想係我哋個位度，冇問過我哋既情況下將2杯飲品比隔離枱（但係冇問過我哋有冇叫到）之後我哋話杯飲品係我哋都有叫，佢先放番底……..連隔離枱都覺得好奇怪….下午茶無論味道同埋外觀都一般……最唔開心係估唔到呢個服務，真係冇下次啦！

見到荃灣開咗間新餐廳，朋友有極力推薦，今晚就專程去試吓。可能早到的關係，所以不用排隊直入。而且坐到梳化位，都幾開揚而且舒服。揀定左食嘢嘅款式，但係舉左手好耐都落唔到單，或者係因為唔夠人手？！最後嗌咗封門柳以及豬手。封門柳味道不錯👍🏻，不過真係得好薄嘅幾片，性價比唔夠高。豬手就普普通通，個皮一啲都唔脆，係好硬的。啲肉就幾好食。另外嗌咗一客甜蛋，都係不過不失。坦白講，見到食評咁多正面嘅評價，我都覺得有啲意外。或者下次嚟試吓下午茶及甜品，希望可以俾多次機會佢。

之前有食過呢間分店，亦都有食過其他分店，一直都對呢間餐廳印象唔錯，雖然唔叫平但幾好食，所以今晚諗唔到食咩就去左呢間餐廳。晚市套餐有湯同沙律加茶或咖啡，$100-$200都有今次無飲咖啡飲左玄米茶，其實就係兩杯熱茶，無特別既跟餐既蘑菇湯，蘑菇味唔算濃，而且質地比較稀仲有個紫薯沙律，印象中之前既紫薯沙律香d，呢個無乜味點左一個雪花蟹肉蟹羔扁意粉，食到有蟹肉，但無蟹羔既香味，意粉都比較淋身，而且上菜既時候係暖暖地，感覺好似整左好耐再整番熱咁。。另一個點左太子貝鮮蘆薈意大利飯，呢個味道好d，不過帶子都有d overcooked比較韌，而且個risotto都濕左d。。麻麻地。。 野食比之前食差左，而且明明有好多位但都係俾張細細既二人枱，細到連兩個tray都唔夠位放。。短期內未必會再黎了

以前係荃灣做野 都冇咁多餐廳💁🏼‍♀️💁🏼‍♀️依家多左好多 淨係Cafe都多不勝數但今次我就揀左係 荃灣愉景新城係以北歐及日系簡約做主題 🏠仲有榻榻米可以坐添架💃🏼不過人太多 我地冇機會揀位🤭🦀蟹肉意粉🦀 意粉軟硬適中 味道唔會太濃 最適合淡口味既我 有少量蔬菜🍅🍄 不過蟹肉就比較少😖整體加埋係可以的 ✅🐂吉列牛🐂出奇地唔覺得佢油膩 淨係覺得重牛味🤣煎兩煎入口即溶個人覺得 唔洗調味都已經好食 因為擺左落口 令到成個口腔都有牛油香的味道🐮真係忍唔住再食多幾舊🤤🌹Rose Caffee Latte🌹見到呢杯咖啡既第一眼就覺得個咖啡師手勢好好！！因為啲泡打得好密 要好仔細🔍先至會見到佢啲波波同埋係飲到玫瑰味 唔係少少🤏🏻係多多個隻🤣🍱每個set都會跟一碗麵豉湯🍲同紫薯蓉🍠對於番薯 我係0抵抗力架😚😚😚

🤎Hōmu by favilla🤎Hōmu by favilla位於荃灣的愉景新城，呢個親子商場真係令我大開眼界，入邊有兒童戲院、！商場內而家做緊3,500呎的「兒童探索期間限定博物館」，有好多設施比小朋友玩。剛巧荃灣分店以「家」為主題，內有榻榻米房間，適合家庭聚會。今次同朋友黎食下午茶，套餐免加一同附送熱日本茶或熱黑咖啡，而且可用半價升級餐牌飲品🤎🤍慢煮封門牛柳紫菜Panini $69本身都驚緊有紫菜嘅Panini會唔會好奇怪，不過食落原來都幾夾。佢嘅慢煮封門牛柳係幾出名，封門牛柳係指控制橫膈膜嘅肌肉，每隻牛只有2塊。Favilla用慢煮方法烹調，keep到好多肉汁，唔會好鞋。🤍吉列大蝦配鰻魚飯團 $58佢哋吉列大蝦唔錯，炸粉唔會太厚，炸得幾好食。不過鰻魚飯團就唔係太特別，只係識到鰻魚汁嘅味，入邊冇乜鰻魚。🤍Mocha $42呢杯mocha真係超級難忘，Favilla採用85%越南精品黑朱古力，會飲到少少咖啡果酸，但都好香堅果香味，而黑朱古力唔會太苦，呢杯野真係幾有層次，真心推介🤪🤎🤍Matcha Latte $42食下午茶以半價換飲品真係幾抵，佢拉花一啲都唔hea。同呢杯match

𝒲𝑒𝓈𝓉𝑒𝓇𝓃 𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃呢間Cafe呢係走文青路線，主打米同埋雞蛋都係來自日本嘅。店內呢有好多木紋嘅裝飾，令人哋嘅感覺好放鬆。今日lunch時間黎到，好彩店內都有好多座位，等咗大概15分鐘就入得啦🌟壽喜燒牛肉温泉蛋稻庭烏冬鍋 好耐冇食壽喜燒啦，勁鍾意食一啲熱辣辣嘅嘢，呢個壽喜燒呢係用傳統嘅鐵鍋裝住，上面有好多料包括牛肉、溫泉蛋、鳴門卷……可能因為冇落味精嘅關係，佢嘅湯同平時嘅有啲唔一樣，本人就覺得一般啦。值得一讚嘅係佢嘅烏冬呢非常彈牙同埋份量都幾多😜跟餐飲品就係黑咖啡，杯咖啡特登用個木盒嚟裝住，用嚟打卡就啱晒啦。🥳📍 𝗵ō𝗺𝘂 𝗯𝘆 𝗳𝗮𝘃𝗶𝗹𝗹𝗮𝘚𝘩𝘰𝘱 2013, 2/𝘍, 𝘋𝘪𝘴𝘤𝘰𝘷𝘦𝘳𝘺 𝘗𝘢𝘳𝘬, 398 𝘊𝘢𝘴𝘵𝘭𝘦 𝘗𝘦𝘢𝘬 𝘙𝘰𝘢𝘥, 𝘛𝘴𝘶𝘦𝘯 𝘞𝘢𝘯

𝒲𝑒𝓈𝓉𝑒𝓇𝓃 𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃荃灣出名多野食，今日熱辣辣🥵☀️好想揾間𝘤𝘢𝘧𝘦 坐下，係商場中行過呢間餐廳好似日本𝘮𝘶𝘫𝘪 𝘧𝘦𝘦𝘭好𝘤𝘰𝘻𝘺 咁，於是就排隊試下。中午時間等左約十分鐘入得，餐廳都算幾大，所以𝘵𝘶𝘳𝘯 𝘰𝘷𝘦𝘳 𝘳𝘢𝘵𝘦 都高。入面既裝修係日本和風，以木色為主，天花加入左大量木條子元素，牆上掛左好多畫同植物黎增加空間感，令人感覺好放鬆😌星期六日都有𝘭𝘶𝘯𝘤𝘩 𝘴𝘦𝘵，連湯同日本茶/ 熱黑咖啡，亦都可以加錢轉其他飲品。🌟𝑺𝒖𝒌𝒊𝒚𝒂𝒌𝒊 𝑩𝒆𝒆𝒇 𝒘𝒊𝒕𝒉 𝑯𝒐𝒕 𝑺𝒑𝒓𝒊𝒏𝒈 𝑬𝒈𝒈 𝑼𝒅𝒐 𝑯𝒐𝒕 𝑷𝒐𝒕 🍲壽喜燒牛肉温泉蛋稻庭烏冬鍋 ($82)我好鐘意食壽喜燒，因為好鐘意熱辣辣咁飲住湯既感覺。呢道壽喜燒既牛肉比較薄身，似打邊爐果種肥牛，亦都𝘋 脂肪，係我鐘意食既。鍋內有四季豆、鳴門卷同温泉蛋。呢間餐廳主打用日本米同埋日本雞蛋🥚，另外加温泉蛋要加$15。加入蛋液之後我大大口咁飲左啖湯，味道有𝘋 偏咸，唔似一般咁甜甜既味道，有少少失望。但好彩𝘋烏冬好煙韌，算係合格。🌟𝑱𝒂𝒑𝒂𝒏𝒆𝒔𝒆 𝑪𝒖𝒓𝒓𝒚 𝒘𝒊𝒕𝒉 𝑪𝒖𝒕𝒍𝒆𝒕 𝑷

呢間係我係愉景新城最常食既餐廳！環境好舒服，好適合同朋友見面傾計Cafe環境好日式，令人感覺好輕鬆自在平日lunch hour 12點嚟到，冇乜人，直接入Menu食物選擇唔算多，但一定揀到想食既野！反而飲品如果唔飲咖啡，就相對少啲選擇～見到壽喜燒價錢唔貴，一set咁上好豐富一個套餐有湯+沙律（紫薯泥）+熱日本茶/熱咖啡成個鍋份量好足夠女仔食，烏冬滑嘟嘟，我想食烏冬多過食啲牛😂😂😂 牛都好香甜～隻水煮蛋都十分正，雖然係個好熱既鍋度，但係佢都凍凍地😙12:45前離座仲有8折添～

早前係荃灣愉景新城商場行得攰打算坐下，見到呢間餐廳客人不多無人，於是抱坐不等位的嘗試心情進內。加上眼見網上介紹此餐廳食物好似頗吸引的。誰知行到門口門問待應有關餐牌事宜，態度絶對係唔想做野咁，超級散慢，又話要睇下仲有無食物，又話呢段時間唔知有無，可能未必有。咁既然係咁係咪應該確認一下係有定無呢？而不是要客人提點待應可否確認一下。應變能力真的很弱。待應如此態度絶對需要改善，完全是趕客態度，對餐牌食物不清楚之餘，要客人提點待應去廚房查問。不求笑容滿面招待，但絶對沒有親切態度，黑口黑面趕客樣。環境再好，食物再吸引也不會推介。

呢日黎到愉景新城試下日式cafe既<hōmu by favilla> 。成間cafe都幾大，坐位都好寬敞，入面仲有日式塌塌米位~呢日叫左<蒲燒鰻魚味噌炒蛋定食>，個餐跟左蘑菇湯同紫薯沙律。食日式料理跟蘑菇湯都係第一次試，個湯仲好足料，食到好多蘑菇粒~ 至於主食方面，個鰻魚燒得好香，送飯好啱。而炒蛋好滑，仲keep住有啲生，因為加左味噌炒既關係，食落多左啲層次🤤本身個餐都有飲品，不過我就加左錢要個<鮮奶咖啡☕️>最後我要多左件<宇治抹茶芝士蛋糕 🍰>抹茶同芝士既平衡做得幾好，抹茶味唔會苦澀~

餐廳環境好好，坐得好舒服，裝修行木系感覺😎 由落地鐵一直行到入餐廳都洗落地/淋雨，岩哂呢排成日落大雨嘅天氣！😙果日晚市去到叫咗個定食～逐樣講下🤣📍麵豉湯：菜，不同種類嘅菇，口感豐富，味道適中，唔會太鹹..📍伯爵茶柚子梳打：一入口係柚子味，入口唔會太甜，岩哂我呢啲少甜人士🤣可惜茶味唔太濃，淨係去到尾尾有少少茶香味～我本來以為會有好似凍檸茶果隻茶味🤣..📍吉列豬梅排定食 （連麵豉湯、沙律、茶或咖啡）：吉列豬扒外脆內軟，超正😍箍緊牙都可以輕輕用門牙咬開，唔會有咬唔開果種掙擰情況出現！🤣 豬排超級大塊，我已經叫咗少飯，諗住留肚食豬排，但都食唔哂🤣 沙律啲菜都新鮮，冇苦味。

收藏已久既cafe😍-店內環境好大，而且吾算多人，仲有1個必打卡既位，有2枱既榻榻米備客人食飯😋最衰當時已經備客人坐左，但係呢個位置都好好，可以睇哂成間舖頭既內部位置-佢地既🦀肉扁意粉個人認為味道較淡，而且比較普通，但係分量都頗多，套餐仲會配送佢地既homu湯😂仲有細細舊既紫薯添😂都幾特別架-另外，封門牛柳真係必食😍好下飯之餘，肉質好嫩吾會韌，三至四成熟已經好足夠！見到粉紅粉紅好吸引，小編朋友都忍吾住要偷食幾舊😂-佢地既咖啡都整得好有心機，除左好飲之外咖啡杯會有個木製既座裝住杯咖啡，又可以備我地影靚相啦👍😜

點樣食推介✨💛良心日式西餐💛💛荃灣黃店💛hōmu by favilla 地址：愉景新城2樓2013號舖🍖壽喜燒牛肉溫泉蛋稻庭烏冬鍋 $88 (7.5/10)我一見到有壽喜燒就毫無抵抗力🤣，平時最鍾意打邊爐嗌壽喜燒湯底🤤，又甜又鹹嘅combo最正👍🏻👍🏻 favilla個壽喜燒湯都唔差，係鹹左少少，如果加多d糖balance返就會好正🤣，有冇人都係食到暖笠笠嘅鍋物就會覺得好幸福🤤個鍋有牛肉、四季豆、溫泉蛋、鳴門卷同埋扁烏冬，牛肉份量好足料👍🏻，滿滿咁舖係鍋面，可惜牛肉有少少韌，不過屬於可以接受範圍內，而佢有四季豆令我覺得有d新奇🤣，又幾甜幾好食，烏冬口感都好煙韌，唔錯👍🏻🍖蒲燒鰻魚滑蛋定食 $138 (7.7/10)個滑蛋真係超級嫩滑，一入口好似食緊棉花咁🤣，真係冇誇張，佢仲用左味增去調味，成個滑蛋都好出色👍🏻，鰻魚都唔錯，唔腥夠滑，食得出佢嘅來貨唔差，如果份量多少少會更加開心🤣鰻魚隔離仲有d沙律拌碟，店家好細心咁有淋上芝麻醬調味👍🏻🍖日本茶 隨餐附送 $0 (7/10)茶香偏淡，但免費送嘅唔會要求咁多🙈🍖伯爵茶柚子梳打 $31 (7/10)原價$46，跟餐可以減$15🤣，我會話伯爵茶同

網上訂了位, 早到了也即時有位，叫了2個午餐，加了雪糕。食物質素算不錯，環境感覺清潔光亮，服務員是沒有尾音那種，不是殷勤友善那類。最重要是當食雪糕的時候，食到了一片膠片，好彩是小塊，而吃雪糕時不是咀嚼，所以沒有滿口血，即時通知了一位女服務員，當時她再通知了一位比較年長的男服務員，男服務員態度很好，即時見他進內了解，最後回來解釋是雪糕盒的膠片，不小心放進了雪糕，他也說了不好意思，當時見沒有損傷，再三提醒他們要小心，也算了。他亦free了我們原先要加$18的雪糕。但因此事，我就不敢再光顧了。