影片
食记 (23)
与友人在太子寻食，发现这间餐厅的餐牌在地下，感觉不错便上去试试。去到门口发现写著「只招待会员」，但都行了三四层楼梯心有不甘，决定按钟试试。入到里面，一个人都没有，而且环境较阴暗，又有一股烟味，已经心知不妙。但既然来到就抱著尽管一试的心态，拿著菜单点了个肉酱意粉，心想应该这么简单的菜色不会太差吧。友人点了千岛酱鸡肉意粉和一碟烟肉薯条，另外都叫了杯薄荷朱古力饮。另外要注意的是，餐厅是会所式经营，要求我们先入会，费用全免，但要填写个人资料作纪录。首先上左杯朱古力，没有奶味，朱古力味淡，不知是否用水冲的。到肉酱意粉，卖相觉得还可以，但吃了一啖，感觉肉酱味奇怪，比较酸，食了几口便不想再食了。薯条还可以接受，没有落很多盐，烟肉很少，但已经算是最好食的了。
继续阅读
到已经好耐冇上来写食评，估唔到有惊喜，又有新野食。e一间楼上Cafe对上一次应该系上年来过，装修无变，但食物种类唔同了，环境一流，有大玻璃窗，可以欣赏旺角街景。
继续阅读
入去𠮶吓已经畀个环境吓亲，好多杂物，有阵怪味黑妈妈灯都唔开多盏，成间嘢得一个员工（侍应做埋厨师𠮶份），态度好麻麻，一坐低就一定要你写张入会卡，又唔解释系做乜，心谂都入咗嚟就算啦，试吓佢啲嘢食点，点知......真系宁愿喺7仔买个包食好过
继续阅读
每人最低消费45，一个60另一个42都唔得。咖哩鸡柳长通粉，咖哩汁好杰好似薯容咁, 长通粉好似条胶咁硬。环境差，地下痴立立。Tea time时间, 全店一个人都无, 想坐梳化位(大枱)都话唔比。
继续阅读
同朋友想揾间楼上cafe倾吓计食吓嘢。已经冇咩特别要求，出到太子好多间都话爆哂。行吓行吓去到H&B.就甘走左上去。打开门果吓比个环境吓一吓。但都算唔计较。只想坐低静静地倾吓计。睇左个餐牌好耐都知道已经意识到食物唔会好食。我同朋友叫左个一样嘅餐芥末香煎猪扒。佢配意粉。然后佢话加多15蚊可以有鸡翼2只。沙律。餐汤同饮品。是但啦。加啦…。等左阵。汤黎啦。佢一放低果吓。个汤望上去似鱼缸入面有海藻果啲污水甘。我即刻问佢系咩汤。佢话系粟米紫菜汤。我地两个都唔够胆饮。跟住沙律来了。佢啲菜。大部份都系霉。但佢放左大量沙律酱去cover发霉嘅菜。实在系。。。。算唔食啰。。鸡翼。我要老实说。这是今晚唯一能放入口的食物。我唔挑剔。已经感觉到系佢间cafe最好食嘅嘢。猪扒来了。佢个芥末酱多到将整件猪扒完全覆盖。而佢个酱系杰到好似攞黎焗油嘅cream甘。我同我朋友，系食左2啖之后好齐心甘一齐讲左句好咸。唔系办法成晚只系食左2只鸡翼。于是同佢待应讲。好咸要换。我话我地是但换碗出前一丁得啦。佢话唔可以。一定要同价钱。我话我地照比猪扒餐钱。佢先话甘就得。但系佢收走我地碟猪扒期间。佢将沾满芥末酱嘅刀叉放番系枱比我地用。我同佢讲可唔可以换过。佢话唔可以。于是乎。我即刻起身同朋友讲比钱走。因为好大机会佢唔知会比咩我食。我比钱嘅时候个女人同我讲个面煮紧架啦㖞。我话唔好啦。你连个叉悭。我点好意思再食你个面呢～成惠$160。每人食两只鸡翼。还好饮左佢半杯柠檬茶。呢间嘢。真系可以食到嘢嘅人类都唔应该去。
继续阅读