Groovy

营业中

休息中

今日有朋友話請我食飯，帶咗我嚟呢一間餐廳，雖然餐廳位於唔當眼嘅大廈，仲以為伏伏地，點知食物有驚喜。我哋叫咗兩個dinner set，封門柳和明太子意粉。先上沙律，沙律配新鮮生果，食落感覺好fresh。明太子意粉，份量足夠，而且落足料，啖啖都有明太子。封門柳賣相吸引，我見每台食客都會點，多肉汁而且肉身夠淋，再配餐廳秘製醬汁，就更好味。值得一提嘅係配菜同薯條都夠出色。環境就細細間，但服務好好，每道菜感覺都是用心做出來的。

非一般既樓上cafe~ 雖然地點唔太易搵，但都有唔少人特登黎食!!❤️慢煮安格斯封門柳&溫泉蛋配香蒜橄欖油扁意粉 粉紅色既慢煮澳洲牛柳，質感軟嫩，再將温泉蛋既蛋汁同意粉拌勻，帶有少少蒜香同橄欖香味，加埋偏有口感既扁意粉，而且牛肉份量仲好蛋，唔錯唔錯～🧡煙花女海鮮扁意粉 大蝦蜆肉等等海鮮配料加埋惹味醬汁炒香，聞落香，食落味道豐富💛Tiramisu 咖啡味好濃郁，帶有微微酒香味，甜度岩岩好，質地軟軟綿綿好creamy~ 💚Macha Basque Cheese Cake 芝士香味之中帶抹茶香，質地順滑而且唔太heavy，邊飲咖啡邊慢慢嘆💙Mocha 中意呢種朱古力味濃郁又突出既Mocha，咖啡味香但又唔會若，nice!

【銅鑼灣隱世樓上cafe☕️Groovy】-今日要介紹嘅係呢間係銅鑼灣富明街嘅樓上Cafe😗佢係希慎廣場附近嘅舊樓非常隱世😯如果唔係朋友介紹真係唔會發掘到呢間寶藏餐廳🏆佢嘅封門柳同意粉全部都水準之上😋值得一試👍🏻-晚市有單點/Dinner Set，小編同朋友就叫咗套餐😝包沙律🥗、餐湯、飲品以及甜品🍮沙律嘅菜夠新鮮同爽脆幾開胃🤤是日餐湯係忌廉湯非常濃稠，至於飲品除咗基本嘅咖啡檸茶，仲可以加錢升級特飲🍶小編叫咗杯熱嘅Hojicha latte（+$10），味道香濃個拉花仲好靚🥰朋友就叫凍朱古力🍫（+$15）佢嘅主食同甜品都有驚喜🤩感受到廚師嘅用心製作❤️‍🔥-😋慢煮安格斯封門柳配阿根庭青醬&炸薯條🥩$299+1呢個真係必食‼️肉質非常粉嫩💓食落軟腍，但帶有啲嚼勁，每一口都充滿肉汁💦而佢嘅青醬微酸又帶點辣，為呢道菜增添咗嘅活力，同時中和咗肉嘅油膩感😝就連配菜嘅炸薯條都相當出色🤩金黃香脆🍟不知不覺就己經清盤😏好味指數：🌕🌕🌕🌕🌗-😋炙燒北海道帶子配蒜香明太子扁意粉🍝$202+1呢碟意粉都好有睇頭🤩因為佢係成條明太子任你撈😍所以啖啖意粉都係掛滿晒明太子🥳超正！而且佢嘅帶子亦都好太粒😝食落嫩滑又帶點炙燒

餐廳位置喺幢商廈入面 都幾隱蔽😆座位唔算多 但坐得幾舒服～而且靜靜哋幾啱同朋友傾計🫶係走小清新風格嘅cafe～仲有啲小物賣💞不過可能因為係小店 人手唔多 上菜速度稍嫌慢咗啲建議有耐心等待 慢慢享受美食～-👩🏻‍🍳Idiots翻兜之選❤️‍🔥慢煮安格斯封門柳 & 溫泉蛋配香蒜橄欖油扁意粉 $132封門柳5成熟 好嫩 唔韌😻好重牛味 而且份量好多～加埋隻溫泉蛋 好似日本蓋飯咁意粉軟硬適中 好食😋❤️‍🔥煙三文魚黑松露扁意粉 $118煙三文魚卷成一朵花咁🌹賣相好靚～份量都比一般cafe食嘅煙三文魚多🫶黑松露味都好出🤤Lunch set包埋是日餐湯 性價比都算高☺️Idiot當日係飲咗蘑菇湯～

早早已經bookmark 左呢間西餐廳！一定要預約否則未必有得食架！！！👍🏻炙燒北海道帶子配蒜香明太子意粉意粉濃稠，粒粒明太子清晰可見，入口硬度適中。火炙帶子鮮甜，蒜味唔會太嗆身。👍🏻慢煮安格斯封門柳配阿根廷青醬炸薯條封門柳肉味香濃，可能因為慢煮嘅烹調方法，所以咬落去真係相當之軟淋。肉身冇過分嘅調味，只簡單搭配青醬，驟眼睇可能肉身比較紅，但真係好好食～拌碟嘅薯條都值得一讚，外皮好脆，好有薯味！！👍🏻Macha latte、Iced Chocolate抹茶同牛奶嘅味道調配得剛剛好，漸層清晰可見；朱古力刻意地叫咗少冰，味道中規中矩💡晚市套餐已包括餐湯、素菜沙律、飲品、甜品當日餐湯為粟米湯，一飲就知係自家煮㗎，飲落去有超多粟米，配合埋淡奶勁正；素菜沙律有驚喜，搭配咗多款水果，香橙、車厘茄、藍莓、士多啤梨、青瓜，誠意爆棚，色彩繽紛！套餐已經可以配茶或美式咖啡，但係加$10就可以選擇其他嘅飲品（不包括咖啡及酒精）；✨餐廳只招待會員，位於銅鑼灣嘅樓上舖，想食記住預約啦！

/慢煮安格斯封門柳配阿根庭青醬及炸薯條$299/慢煮過後會保留封門柳嘅嫩度同juiciness🥩青醬好突出，酸酸辣辣嘅味道好醒神。薯條保持香脆，真係食唔停口呀🍟/炙燒北海道帶子蒜香明太子扁意粉$202/原條明太子直接放上意粉上面，簡直太奢侈了吧🍝撈埋意粉之後，食落相當濃味！至於北海道帶子-size也太巨大了吧，口感當然係一流～/素食雜果沙律/幾款唔同嘅水果，用爽脆蔬菜鋪墊，以清新開始呢個晚上🥗/是日餐湯/
今日份嘅椰菜花湯🥦，質感幾rich，而且係小金喜歡嘅味道，濃而不膩/意式奶凍佐雪糕/
微咖啡味嘅滑滑奶凍，加埋甜蜜雪糕，let’s end this long working day with something sweet💕/接骨木花檸檬梳打/
微甜獨特嘅接骨木花糖漿，配清爽檸檬梳打🍋零舍refreshing/Espresso Tonic/以冰球同酒杯方式呈現，別有一番享受☕️

@groovy_hk 被這間樓上cafe的窗戶所吸引用黑色線條簡約畫了餐廳的眾生相 燈光柔和如鬧市中的小清新 以黑白灰三種顏色為主調座位不多但人流不斷💛價錢相宜 食物有質素晚市套餐附送沙律 餐湯 甜品及飲料 CP值高⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯。APPETIZER🥗素食雜果沙律賣相有心思 牛油生菜食落清脆爽口 特別鮮嫩鋪上色彩繽紛的水果 加上酸甜醬汁 好開胃⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯。SOUP OF THE DAY 🍲是日濃湯將粟米粒用攪拌機打成蓉 creamy帶顆粒感每一道都即叫即整 用料十足 能感受其誠意⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯。MAIN🍖慢煮香料油封豬鞍配法式芥末醬&炸薯條豬鞍經過低溫過 肉汁豐富 肉質扎實有口感用油封表面 令油脂位帶甘香味 蘸點芥末醬配菜有甘筍 椰菜仔和炸薯條🍟非常豐盛·🍝炙燒北海道帶子配蒜香明太子扁意粉必點熱門菜式！炙燒的特大帶子好鮮甜嫩滑還有半條明太子係意粉上 食前可與意粉撈勻扁意粉軟硬適中🧄掛滿濃郁的蒜香醬汁 推薦⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯。DESSERT🍨意式奶凍佐雪糕Panna cotta 爽滑綿軟 介乎

近排碌社交平台見到呢間cafe幾吸引，就約埋同事一齊嚟食lunch~ 全部即叫即做，製作需時但都值得😂✨慢煮安格斯封門柳 & 温泉蛋配香蒜橄欖油扁意粉 - 咁啱坐嘅位望到廚房，見住廚師將熱辣辣嘅封門柳切開一片片，睇到都流晒口水！肉質幾軟腍易入口，意粉蒜味濃💯✨極濃海膽扁意粉 - 面頭大大塊海膽已經好吸睛，加上成個意粉都用左海膽醬極，質地濃稠，海膽味亦夠出😋✨煙花女海鮮扁意粉 - 意粉幾有口感，而個幾足料，好多蜆肉，仲有彈牙大蝦🦐✨Mocha - 口感細滑，飲到朱古力甜，但又唔會蓋過左咖啡甘✨Rose Latte - 賣相好靚，淡香玫瑰香同咖啡又幾夾🌹✨Passion Fruit Coffee Fizz - 果香味幾清新，酸甜開胃👍✨Basque Cheese Cake - 蛋糕幾軟滑，芝味滿滿🧀

行街見到銅鑼灣樓上Cafe ，地方細細但環境企理舒服，坐位都闊落～就去食個lunch椰菜花湯(隨餐附送是日濃湯)看落平平無奇，點知一飲有驚喜！有椰菜花口感有層次，味道濃香～慢煮安格斯封門柳 & 溫泉蛋配香蒜橄欖油扁意粉（可轉沙律）$132安格斯封門柳用慢煮方法煮到好腍，色澤粉嫩，好食又吸晴！扁意粉🍝好煙韌同彈牙，好有蒜香🧄極濃海膽扁意粉 ＄168紫蘇葉配上極濃海膽汁，海膽迷不能錯過，真係超級濃汁！煙花女海鮮扁意粉 $104名字好不趣😝扁意粉 配上大蝦🍤～蜆肉～橄欖🫒，感覺不太肥同健康~Mocha都幾好味，唔太甜，但係又唔太苦澀，口感幾滑～Rose Latte賣相好吸晴🥰好岩春天飲同打卡！Passion fruit coffee Fizz好特別，好少cafe 有Passion fruit 的coffee ，感覺好新奇同清新！Cake 蛋糕既質地厚實，口感香滑，感覺係少甜。🥘🍱Groovy (銅鑼灣)📍📌銅鑼灣富明街2-6號寶明大廈3樓C室

眾所週知香港寸金尺土，因此有不少餐廳都選擇於工廠或商業大廈開設。除了觀塘區之外其實銅鑼灣的樓上餐廳同樣比比皆是，免除高昂地舖舖租的沉重負擔，自然能夠提供更實惠的價格同時更能專注於食物品質上，而隱藏於寶明大廈中的GROOVY則是近年最令我驚喜的餐廳之一。食物選擇雖不算繁多，但卻名副其實是「貴精不貴多」。慢煮安格斯封門柳配阿根廷青醬&炸薯條 ($237)封門柳即牛橫隔膜肌肉，向來以肉味香濃見稱，經慢煮烹調後更加軟嫩多汁，再以火槍炙燒表面更添一份焦香，配上阿根廷青醬香草香氣馥郁並帶微酸可謂錦上添花。配菜薯條即點即炸乾爽鬆脆，連烤大蒜、甘筍及抱子甘藍都一絲不苟，調味適中並烤至香甜軟腍。極濃海膽扁意粉 ($168)扁意粉質感恰到好處、柔韌有致，海膽醬名副其實極其濃稠，再拌入面層多瓣新鮮海膽豐腴醇厚，相輔相成進一步突顯鮮甜，齒頰留香並不帶絲毫腥澀，稱得上為城中首屈一指的海膽意粉。炙燒北海道帶子配蒜香明太子扁意粉 ($140)北海道帶子略經炙燒保持鮮嫩，有別於坊間一般明太子意粉單純拌以明太子忌廉汁，真材實料放上整條明太子，而忌廉汁本身明太子鹹香相對溫和，拉上補下正正恰如其分。

之前朋友黎試過話好好食，今次一於同朋友黎食lunch，餐廳環境走白色裝潢，加上大型玻璃透光度十足! 牛油南瓜雞肉意大利飯 90意大利飯粒粒分明，加入南瓜雞肉香甜有咬口，清清地好岩女仔食慢煮蕃茄手撕牛溫泉蛋意粉 85手撕牛入味，慢煮蕃茄醬汁酸酸甜甜好開胃，加入溫泉蛋更惹味，意粉煮得岩岩好是日濃湯濃湯係栗米湯，粒粒栗米好好味，值得一試AmericanoHojicha latteAmericano口感清爽，有助解膩，焙茶果杯好高質，焙茶味香濃，入口順滑大滿足

炙燒北海道帶子配蒜香明太子扁意粉💰202原塊明太子上碟令大鄉里既我地都哇出聲🤩所以大家想意粉有幾濃味香口可以自行調配個明太子😜整體好食到平時小鳥胃既朋友默默清盤呢🤭慢煮安格斯封門柳配阿根廷青醬加炸薯條💰299首先上枱見到份量十足已經開始擔心會唔會食唔曬🥹封門柳顏色粉嫩🤤但因為本人食開三成熟所以其實擔心過會唔會太熟😳但果然‼️有時係要相信餐廳既眼光～食落口感係岩岩好🤣🤣🤣🤣青醬同蒜頭為封門柳既味道錦上添花，十分推薦💯因為係點dinner set既原因💁🏻‍♀️餐廳會配埋餐湯、前菜、餐茶同甜品餐湯當晚係蘑菇湯🍄蘑菇打得非常綿滑，配上點點黑松露油點綴，🤤朋友飲完一啖已經忍唔住要讚嘆聲好飲喎🤭前菜係正常既蔬果沙律💁🏻‍♀️但我地加咗35蚊要咗煙三文魚他他一款比我大讚既他他～不過強烈店主將佢加大化可以比我單點‼️真係好中意呢🥹甜品當晚係earl grey panna cotta，茶味奶香岩岩好，甜度唔高好岩女生～仲有一球雪糕呢😍餐廳係大廈內，位於時代廣場同希慎中間，整體格調米白色為主😙比人一種非常cozy舒適既感覺，而且店員都好可愛🤪價格相宜，絕對會encore🥳

慢煮安格斯封門柳配阿根庭青醬＆炸薯條 ＄299封門柳份量好多🤩熟度剛剛好，好質好嫩滑食落肉味超濃，油脂較少配上青醬提鮮😗炙燒北海道帶子配蒜香明太子扁意粉 ＄202幾欣賞北海道帶子👍非常鮮甜而且厚切有微微嘅焦香明太子醬汁較多，味道creamy飲品可升級至任何熱飲($10)或 凍飲($15)抹茶拿鐵🍵造型超靚💚💚💚抹茶味濃，仲有少少抹茶嘅顆粒感奶味唔算好重焙茶拿鐵☕️比較少餐廳有呢個選擇😗焙茶香氣味道濃奶同茶嘅比例剛剛好👍而且唔會太甜😁意式奶凍佐雪糕奶凍係伯爵茶味同樣茶味好濃😍😍不過份量就比較少大杯啲就好喇 真係唔夠喉😋😋Groovy (銅鑼灣)銅鑼灣富明街2-6號寶明大廈3樓C室

喺銅鑼灣，親民又好用心經營而屹立不到嘅小店真係寥寥可數，好彩前幾日又搵到多一間💛叫咗兩個dinner set💁🏽‍♀️🍴前菜➿素食雜果沙律 好耐冇食過跟餐嘅沙律🥗 有咁多款嘅水果，有好時令嘅柑🍊 士多啤梨🍓 亦都有藍莓🫐 青瓜🥒 fresh! ➿是日濃湯當日餐湯係粟米湯🌽 啖啖都係粟米蓉，飲得出係自家製嘅～ 🍴主菜➿慢煮安格斯封門柳配阿根廷青醬＆炸薯條 ($299)封門柳係相連橫膈膜嘅肌肉，因為較少活動，所以肉質柔軟🥩 而用慢煮嘅方式處理，保留到肉質軟腍嘅特性👍🏼 本身肉味濃厚嘅封門柳，配上青醬嘅草香同微酸調和，又令味道上有啲變化～➿炙燒北海道帶子配蒜香明太子扁意粉 ($202)🐟：十分有驚喜嘅一道菜，大大粒帆立貝食起嚟好鮮～ 平時食意粉最怕煮得太生，或者太淋，呢度啱啱好，配上啖啖明太子，真係好舒服～(佢話呢個係連登仔嘅術語🤣)🍴甜品➿意式奶凍佐雪糕 本身對於跟車嘅甜品冇咩特別期望😛 覺得佢係一個好重奶味嘅甜品🍮 點知食落發現佢係一個勁香Earl Grey味嘅奶凍，實在唔可以錯過☺️➿ 𝑩𝒂𝒔𝒒𝒖𝒆 𝑪𝒉𝒆𝒆𝒔𝒆𝒄𝒂𝒌𝒆 (+$20)睇色澤就知道佢係非一般嘅巴斯克蛋糕🍰 原來店長仲加咗焦糖

【銅鑼灣 ⋄全新高質樓上Cafe】 🍽 Groovy📍銅鑼灣富明街2-6號寶明大廈3樓C室銅鑼灣鬧市隱藏高手 是小編最近吃過最有驚喜的Cafe✨新開的「Groovy」主打西式料理、咖啡和自家製甜品🍰室內採用簡約北歐設計 柔和燈光給人一種溫暖舒適的感覺私心推薦炙燒北海道帶子蒜香明太子扁意粉 賣相精緻😍北海道帶子輕輕炙燒後更香口 加入原條明太子 十分足料另外慢煮安格斯封門柳有驚喜 配上阿根庭青醬很惹味👍🏻Dinner Set包括前菜、餐湯、甜品和飲品 性價比很高！建議大家+$20升級甜品 Basque Cheesecake 充滿焦香飲品水準也很高 點了Hojicha Latte和Americano也不錯真是一間隱世高質小店 每道菜都能感受到廚師的心思🫶🏻⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ✄ ⋄ ⋄ ⋄ ⋄ ✄ ❝我地食咗咩? ت ❞ ☞ Mentaiko Garlic Linguine w/ Hokkaido Scallops (Set) $202☞ Angus Hanging Tender w/ Chimichurei Sauce & Fries $237☞ S