Green Waffle Diner (嘉咸街) (已搬遷) 新店位置

在home office 了一段時間，今日早上要返公司取處理一些文件。 既然出咗嚟，就約了一同回公司又好耐冇見同事吃lunch ，想簡單輕鬆吃個午餐，也傾傾工作上及個人近況。 選了去green waffle ，喜歡它佈置舒適，lunch set 價錢唔貴，又包括了皇牌甜品窩夫，真的可以悠閑慢慢食。今日精選餐湯係南瓜濃湯，南瓜湯夠香濃又清甜。雜菜沙律加上火腿絲，再拌入黑醋橄欖油沙律汁，簡單味美。香辣番茄腸仔迷你薯粒鑊仔，一個熱鍋放上枱，看到熱溶芝士面，味道微辣烤雞凱撒沙律，雞皮煎到十分香脆，肉質仍保持嫩滑，沙律菜新鮮又爽脆跟餐甜品原味窩夫加朱古力醬，窩夫外層烘得夠脆，上面擠上朱古力醬，令到整個甜品也好有口感。

Smoked Salmon Benedict tasted okay. The blueberry smoothie tasted pretty good. The waffle tasted not bad as well. The hygiene awareness is pretty low. Some waiters did not wear masks when they are making coffee and delivering the dishes to the customers.

最近都十分之忙，一星期工作嘅過後，來Green Waffle 食個late lunch真係最好不過！起初嚟到以為啲窩夫一定係甜嘅，但反而呢一度係主打鹹點！ 本人對甜品冇特別喜好，最後我哋決定點左炸雞窩夫，avocado沙律作為我哋嘅午餐！😀先講個炸雞窩夫，炸雞非常之香口好有肉汁！如果窩夫都整得好乾同脆，加埋牛油同糖漿真係冇得頂兩條！但重點原來係啲薯仔粒，識落好過癮細細粒，其實係細粒嘅薯條版😎至於個沙律都非常之新鮮，估唔到原來配ham都幾夾，再嚟生果smoothie，完美late lunch😀有機會一定會再嚟！

食開西餐嘅朋友都應該知道前菜主菜同埋甜品都係必須嘅， 咁先至係一餐完美而且豐盛嘅西餐。今次去到中上環第一間唔係好顯眼嘅小店舖，眼見午餐時段好多餐都好吸引所以真係可以一試。主菜可以要沙律或者湯而今次我就要做湯，個湯係鮮製蘑菇湯，最起碼一定一定唔係罐頭湯而係親手自己切在整濃D，淡淡都係精華，蘑菇味成為左最大主角，裏面應該仲有啲忌廉汁喺度所以令到個湯更加滑主菜就叫咗軟殻蟹意大利飯，無論係日本食手卷又好定係西餐都好軟殼蟹都係我好鍾意嘅食物，真係點整到可以好好味特別係炸過。 先講下軟殼蟹嘅味道，驚喜位在於居然有唔少嘅膏，呢一點我真係冇諗到會有，肉量都唔少可以用叉輕鬆了出嚟，個軟殼軟得來仍然係脆卜卜，一啲都冇油膩感。至於個飯雖然份量唔多，但重質不重量，粒粒分明係最明顯嘅特色，食多幾啖就會發現蘑菇同埋洋蔥配合起嚟係令到口感濃郁之餘仍然帶一啲清新，洋蔥嘅份量都唔少但唔會令人抗拒飲品都可以一提我成日都提及嘅奶茶，本身以為西餐嘅奶茶係用英式紅茶，不過呢度似乎用嘅係錫蘭紅茶，飲落去有少少似港式奶茶但估計用嘅奶唔係黑白淡奶而且份量較多所以奶嘅味道都幾厚，都係自己喜愛嘅味道。所以整體來講價錢亦都唔貴一個人食平均

中環仲有好多好嘢食㗎，依間嘅價錢都幾吸引，一個午餐套餐除咗有沙律嘢飲之外仲會送你甜品，係佢哋自家製嘅窩夫，我就係俾佢個窩夫吸引左啦！午餐套餐我揀咗C餐，紅酒燴牛肋條伴薯蓉，等候嘅時間一啲都唔耐，嗌午餐套餐之後，好快就已經有沙律啦！佢嘅沙律份量比我想像中多，沙律汁應該係黑醋汁，酸酸地好開胃，已經急不及待想試吓我嘅套餐！新鮮熱辣辣上菜，份量好多，賣相好靚，而且好吸引，我第一時間試咗佢啲薯蓉，好好味好幼滑而且仲有啲小粒薯仔，口感好好而且層次好豐富，令我愛上左佢嘅薯蓉！佢嘅牛肋條 分量十足，而且醬汁唔會太鹹又唔會太稀，做到啱啱好，牛既肉質juicy，唔會好乾，肉質嫩滑！佢嘅甜品就係自家製嘅窩夫，除餐附送嘅，呢個窩夫真係為成個套餐畫上一個完美嘅句號，佢嘅窩夫真係即製㗎，小小嘅朱古力醬加小小嘅糖粉，真係好好味！！

Green waffle diner 係幾年前剛剛出黎做野成日幫襯食lunch 既因為每次都好多人又分兩輪基本上都fix左時間之後就少去左了其實個lunch真係好抵食A-D 仲會包半份𝕨𝕒𝕗𝕗𝕝𝕖有時都會成唔晒，之前個𝕤𝕜𝕚𝕝𝕝𝕖𝕥仲要係𝕗𝕦𝕝𝕝 𝕤𝕚𝕫𝕖永遠都要打包雖然有好多出品都好味，但我都係鍾情鑊仔薯粒有濃厚既芝士、煙肉、仲有我最愛既𝕡𝕠𝕒𝕔𝕙 𝕖𝕘𝕘包餐飲同埋沙拉順便一提中環店店員服務好好𝕎𝕒𝕗𝕗𝕝𝕖食唔落所以冇要到了

香港人生活繁忙，尤其現在抗逆時艱，真係要注重飲食健康，健康就要食素，素食就等於綠色? 我覺得最重要係揀適合自己嘅食物！今日嚟咗 green waffle 下午茶，顧名思義最出名係窩夫，仲有全日早餐和健康食物。但我最欣賞係佢嘅餐牌，每樣菜式材料都詳細列明成份 Vegan、豬、牛、麩質等，唔使估有得揀！餐廳門外貼滿了中外雜誌飲食訪問剪報，食物質素應該吾錯，入裏面第一眼就見到一塊綠草牆，綠油油令人感覺好green、好清新！洋甘菊茶呷一口熱茶，身體即刻覺得溫暖和順。洋甘菊味清淡，要細意品嚐，有清熱解毒 明目功效。藍莓香蕉士多啤梨窩夫窩夫有原味、朱古力和班蘭味，班蘭味窩夫都係第一次食，估唔到配得咁好。班蘭味好香，窩夫上碟香脆熱辣辣，與雲呢拿雪糕和鮮果一齊食，酸甜、冷熱、脆軟， 一口就可以體驗曬！香辣蕃茄香腸薯仔粒鑊仔芝士烤焗切片香腸和薯仔粒 微微焦香 香口惹味 加上 水煮蛋 切開流心蛋黃 即刻 溢出， 要攪拌 令薯仔粒和香腸片 沾滿 蛋汁，口感滿足！臨走時見到餐廳做緊promotion，正價咖啡第二杯半價， 可惜今次冇點咖啡，留給我下次再來的藉口！

這段時間真的不敢出街食飯，同朋友行街主要揀人流比較少嘅地方～ 當日是星期五晚，而中環人流真的很疏，很多鋪頭提早閂門，很難想像食肆如何生存😖😖不過做好個人及環境衛生，出街記住戴口罩😷相信問題就不大～——————————🔹香辣薯茄香腸薯粒鑊仔 $112對上一次嚟中環食Green Waffle Diner已經係四年前嘅事，當時喜歡食西餐小食，但過咗咁多年重遊夠地，唔知味道係咪一樣咁好食～首先賣相一樣咁吸引，中間有個溫泉蛋😍聞起來好香口～薯仔切到一粒粒，外脆內軟，配上很多香腸和蕃茄粒，真的好match!! 最重要係用鑊仔上，可以保持熱度👍🏼🔸火焰肉桂香蕉窩夫 $86這個窩夫旁邊有香蕉和一球雲呢拿雪糕，未食已經聞到好香玉桂味，窩夫質感較實，食完很有飽肚感！ 雲呢拿雪糕則好快溶，不夠奶香味，但食落都幾香雲呢拿味~~

今日跟同事去中環辨點公事，由於工作到晚上，便相約同事一齊去吃晚餐啦。曾經去過Green Waffle的元朗分店，質素不錯又掋食，今晚便帶同事去中環分店食啦。中環分店跟元朗分店的晚市套餐餐牌不一樣，所以就算去過其他分店，也可以食到不一樣的菜式。中環的晚餐有三種選擇，有沙律丶羊膝和牛扒。香煎比目魚伴芒果米粒麵沙律 $198今日想健康點，就叫份米粒麵沙律。比目魚煎得很脆，魚肉很嫩滑很新鮮，不過有點腥味。米粒麵有點似米飯和意粉，好新奇呀。時日沙律係煙三文魚沙律，小小一份，做開胃菜不錯。蕃薯條好脆口，脆卜卜，基乎人人都會叫一份。甜品的窩夫可以配一球自選雪糕，套餐都不馬虎，所以值得試嫁。

鑊仔睇落簡單易做，味道非常驚喜！咁岩嚟咗希慎買嘢，到咗Tea time有啲口痕就搵到呢間Green Waffle Dinner。見到出名牛肉粒薯粒鑊仔就叫左一份大嘅for兩個人食。估唔到味道相當驚喜，芝士同埋薯仔嘅味道非常夾，仲有溫泉蛋喺上面，配埋牛肉粒，真係超邪惡！兩個人好快就食晒，唔好以為今世訓，其實食晒都幾飽㗎！除咗鹹點，仲試咗佢哋嘅芒果朱古力雪糕窩夫（因為太期待唔記得咗影相lol）。真係好好味，我其實都幾驚食好甜好漏嘅甜品，但係呢個waffle真係冇呢個問題！不過個人覺得朱古力同芒果唔係好夾，下次應該會揀草莓！下次試煙肉薯粒鑊仔！

中環區食晚餐嘅好處就係通常都有位，唔需要排隊！同朋友係中環放工，唔想去其他地方，就近近哋去Green Waffle Diner（唔係Dinner😆）嘅中環分店。平時食Waffle通常當甜品，今次我哋就當主食。我哋叫咗Sunshine Breakfast早晨全餐同Baby Country Brunch Skillet煙肉薯粒鑊仔。Waffle係頗鬆軟，但無話好味到一定要食嘅地步。煙肉有嘅overcooked嘅感覺。反而但Skillet有驚喜！可能無咩機會係香港食到，一食真係以前係英國交流會同朋友一齊食嘅Skillet嘅回憶翻唒離😛建議女仔唔大食都撰Baby Size，如果唔係都幾大機會浪費食唔唒！餐廳整體都舒服，店員亦好有禮貌，仲主動幫我哋加水😆

位於中環的Green waffle Diner，是一間主打窩夫、班戟和全日早餐的餐廳。所有的餐單勻是由土生土長的加拿大老闆設計，窩夫、醬汁和果醬勻是自家製造，保證在其他地方也吃不到哦。今晚跟朋友來吃晚飯，試試它的晚市套餐。晚市套餐很掋食呢，價格由$198起，越多同行者一齊吃，價格會更加便宜哦。是日餐湯是蘑菇湯，蘑菇打至超碎，菇味濃郁，非常好喝。蕃薯粒是餐廳招牌之一，蕃薯很香甜，質感軟腍，好好吃呀。紅酒燴羊膝 +20羊膝很大一隻，肉量超多，足夠兩人分享啦。半膝煮至腍軟，味道不夠濃，醬汁不夠多，若濃味一點更好吃哦。最後更可選半份班戟或窩夫，是非常飽足的一餐呀。

上次見朋友係ig post左個熱鍋芝士薯粒牛肉粒，好似好吸引，但就剩係記得餐廳名，一直未有機會試，今日晚上係附近見完客，原來中上環中間有Green Waffle Dinner，所以入左黎。原來呢度有set，不過因為我想食既野set無包，所以我就散叫，逢星期三仲係BBQ Ribs Night ，叫半份有一份，可惜今日星期四！咁所以我就緊係食呢個吸引左我黎既菜式啦，再叫多個雜果waffle，呢度個名叫得waffle，緊係要試下啦～賣相吸引，仲要有我最鐘意既温泉蛋！！薯粒食落感覺似將粗切既薯條切粒，都幾特別，因為無試過食呢個size既薯粒，牛肉粒影唔到，但都幾足料，都有幾多，牛肉都整得惹味，一啖不落去有薯粒、軟滑既菇同牛肉粒，口感豐富。Waffle黎啦，賣相好靚！呢種係比較軟身既Waffle，唔係脆脆地果種，店員話佢地用加拿大自家美式傳統recipe，全部醬汁、果醬、窩夫都係自家製！生果好足料，朱古力醬同香蕉係絕配！綠茶雪糕放係度反而唔算好夾，比我再揀會揀朱古力味～好飽既一餐～味道不錯～

今晚約左係上環返工既fd食晚飯，佢帶左我去佢平時lunch成日去食既餐廳，叫Green Waffle Dinner，環境唔錯，簡簡單單，靜靜地～我食左一個dinner set，都幾抵食，200左右有沙律/湯，有前菜，有個main，仲有甜品同加錢有特飲！好豐富😍沙律係酸醋南瓜沙律，比平時食既無咁甜，朋友好鐘意食酸野，佢話好岩佢口味～飲品，勁驚喜呢度有Baileys 朱古力飲！超鐘意呢種朱古力，飲落好似飲酒心朱古力咁，好香❤️Ps 呢款朱古力係跟餐要加錢，唔包free coffee/tea入面仲有原來單買原價咖啡，同一位客人第二杯半價，咁都幾抵，唔怪得我個fd成日黎hea啦～前菜叫左菇，好多牛油味既菇，好香滑好惹味😋主菜我揀左羊膝，一上黎已經好香羊味，好大舊好多肉，而且啲肉好嫩滑，好易切，食起上黎羊味出得黎唔會過火，啱啱好，醬汁都好夾，薯蓉都幾滑～甜品，我揀左pancake，係一人份量既雜果pancake，食落有驚喜，本來對pancake無咩奇望，但佢呢塊又始鬆軟，而且個雪糕球好靚，成個雪球咁好可愛～水果我都鐘意食～好飽好滿足既一餐

除左每次都會食嘅薯仔粒，今次黎Green Waffle Dinners 試下佢個dinner set. $198 有齊頭盤，伴菜，主食，甜品🍮同飲品。頭盤叫+$15要雞翼，加左蜜糖嘅雞翼係特別好味😋，仲有成3隻咁多。伴菜薯仔粒，好香口同份量好多。主菜就+$20要紅酒🍷羊膝，好焾，仲有好creamy 嘅薯仔蓉。甜品🍮仲有得食Pancake 加雪糕🍦😋 食到甜品已經覺得好飽飽，飲返杯熱檬茶先消滯先！ Overall 呢到絕對5至係1個人嘅份量！ $198食咁多野真係好抵食啦😋