Gram Cafe & Pancakes

营业中

休息中

Pancake專門店、日式Pancake疏乎厘、有出名紫薯火山流漿班㦸、最好味都係chocolate rocky road口感豐富完全唔覺得膩好match,加埋一抔愛心咖啡、畫上一個完美嘅句號。大家可以來試吓😄

大阪心齋橋過江龍幾年前嚟咗尖沙咀嘅THE ONE開店，而店舖主打係premium pancake 疏乎厘，不過每日數量有限，記得打去店舖問清楚，避免白走一趟premium pancake 🤌🏻第一啖唔係真係好空氣感，鬆軟感會覺得似海綿蛋糕，可能有人會唔鍾意呢種感覺，但我就非常喜歡，似乎個人喜好。而牛油比較偏硬似雪糕，蜜糖有小小花香味不錯，朋友覺得味道偏淡，個人覺得合適。最重要店內用嘅食材都係日本直送，班戟粉漿全部係日本製作，頓時覺得有所提升🇯🇵清酒士多啤梨火山流漿班戟🤌🏻第一眼就覺得外表非常吸引，仲可以拉起張膠片自己打卡，不過睇個人技巧，聲稱可以做到拉花。但粉紅色嘅賣相已經夠吸睛，唯一分別係士多啤梨漿好甜但不算膩，仲渗透住清淡嘅清酒香味🚩 Gram cafe & pancakes (尖沙咀)尖沙咀彌敦道100號The ONE 4樓L408舖#addifoodie #addifoodie尖沙咀#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdr

Smile pancake tastes of 3 days old refrigerated cake. The bottom piece which has a raw yolk in it didn't match the sweet taste of the other two pieces. Even the middle piece which is a straightforward whipped cream filling with a thin piece of chocolate was disappointing due to the low quality chocolate that was like plastic and didn't melt easily in my mouth. Overall disaster dish!!!!

gram pancake 同平日食到既質地有D唔同。雜果朱古力班戟 ($108)，色彩繽紛令人有喜悅感，有橙🍊奇異果🥝士多啤梨🍓藍莓🫐擺盤，感覺比較fresh，個忌廉打得好細緻唔會膩，佢望落似熱香餅，但食落係鬆軟。意大利芝士蛋糕班戟($118)，全隻碟都鋪滿哂濃濃既朱古力同咖啡粉，有陣飄香味，班戟有三層高，中間就夾住好rich既雲呢拿吉士醬，如果塊pancake 再厚身D就好啦，宜家會覺得吉士醬有點太多，但出奇地又唔算好甜。估唔到餐廳有同cuson合作，招牌同環境都不錯幾舒適。 如果冇咁鍾意食空氣感既pancake，呢間應該岩晒你!

頭先呢間喺尖沙咀好容易搵得到大大間喺The One 商場佢哋嘅主打係日本班cake 真係幾好食因為佢哋係鬆鬆軟軟 我哋今日食咗兩個甜品一個係Tiramisu 口味另一個係水果口味配上cream唔會太過膩 亦都唔會好甜 水果上面亦都配上奇異果片同埋橙 口味好清新 好好食亦都配上幾層班cake 食完都飽嘅可以配上果茶佢哋嘅價錢適中適合大眾口味佢哋亦都唔需要等咁耐即叫即整啱晒嚟緊夏天如果有興趣嘅話就可以親臨呢一間舖頭嘗試感受一下日本風味

燒蘋果配紅茶忌廉班戟 ($118)• 賣相頗為吸引，配料堆砌成圓形。班戟、蘋果肉粒、紅茶忌廉圍繞著雪糕球，十分豐富。• 蘋果分成了切件和粒狀的形態，兩者同樣充滿蘋果獨有的香味、帶點微酸，切件的燒蘋果更多了一層煙韌感。• 紅茶忌廉口感非常香滑柔順，味道突出而且自然。• 班戟香軟、帶點空氣感，保持微暖的狀態。夾著蘋果、忌廉和雪糕一起放入口，味道和口感都極之豐富。• 整體甜度來自於蘋果粒，怕太甜的話建議果肉的比例少一點。

甜品係用另一個胃消化，口句說話真係冇錯，本身食完晚飯已經飽到上心口，但行過Gram既時候又好想繼續食，但堂食既人都唔少，於是就決定買兩個返屋企慢慢嘆。意大利芝士蛋糕班戟有Tiramisu蛋糕既香味，就算經過一斷時間先拎到返屋企，但Pancake都依然軟熟，但又唔會散開哂，可可粉及咖啡粉比例適中，外賣都做到呢個質素真心讚。鮮雜果班戟我個人非常鍾意，食班戟梗係食原味，好有日本既味道，連鮮果都好鮮甜，一啲都唔馬虎。

Pancake控表示偶爾就會想食🥞就諗起每次去The One都會經過呢間pancake店!是大阪的過江龍 主打梳乎厘pancake但要碰巧遇到出爐時間耶～夏天還推出了雪花冰新品🍧裝潢跟日本店相若 同樣以木系和綠色植物🌿佈置..▫雜果朱古力pancake $108分別用(橙🍊奇異果🥝士多啤梨🍓藍莓🫐)擺盤 好多款生果 看起來好colourful～pancake屬於薄身 有點偏熱香餅質感除左朱古力醬還有cream作配搭喔!.▫石板街pancake $118灑滿可可粉攞盤 疊成一個蛋糕 好igable 口感實在 一口吃有偏蛋糕的質感帶淡淡的古古力味 每層再夾雜cream 口感更豐富

諗住食個晚後甜品啫 ，一入門口已經講到明 每人最少叫一樣嘢 咁我都明嘅 你哋要做生意 咁我咪跟佢所講一人叫一樣嘢囉！我哋總共叫咗兩個甜品加兩杯嘢飲sharing ,咁咪問侍應姐姐拎啲杯同碟 ，可能我真係超級少出嚟食嘢卦 ，居然話一杯嘢飲只跟一個杯😦唔可以拎多隻😦 碟就俾埋啲污糟碟俾我哋 其實你間嘢都唔係叫平 開得係the one 啲服務態度可唔可以好少少呢？未食已經一肚火😑ps :食後感 啲嘢完全唔叫好食 又未去到難食 😑但服務態度又咁差 唔會有下一次

興友人相約向尖沙咀區行街 high tea, 一早就向 openrice 度睇度呢間, 咪去試試。分別 order 左最出名既原味 pan cake, Tiamishu 味 pan cake.見講原味，分別有三層。第一層, 口感較硬,但有蛋香,唔難食,第二層, 口感可以,內有 cream, 比較滯口，第三層,可以叫做最鬆軟, 傳說中既流心...似未熟多d.再試 Tiamishu, 只可以講同一般大衆向街買到的,分別不大.飲品方便，叫左柸香芋沙冰小甜，同檸檬梳打. 各 ＄45蚊, 香芋沙冰味香,但飲落係冰粒唔係沙冰, 7-11既仙樂冰可能仲沙冰過佢。檸檬 梳化一般唔特別。總結, 食品質量見人見智, 但如果為打卡而食, 就可以試試。

食完飯去找甜品食，想搵啲可以打卡影相既pancake店，即刻諗起哩間經典人氣pancake店！甜品店來說喺商場內好方便，環境十分舒適，啱哂同朋友慢慢打卡傾計！叫了石板街班㦸($118), 賣相超吸引！食落朱古力味頗濃，有一層吉士，第二層是忌廉，夾住三層pancake好有口感，creamy又rich! 同朋友點哂啲朱古力醬黎食，因為個醬調得剛剛好，不會膩，同pancake好match!另外叫了一個雜果朱古力班㦸($108), 生果好豐富，有奇異果，橙，士多啤梨，藍莓，好健康，又唔會太甜！

_____好味指數：🌟🌟🌟🌟抵食指數：🤑🤑🤑🤑呢間就係之前好有人氣嘅甜品店，佢哋招牌嘅梳乎厘班戟係每日限量供應添！而佢哋嘅最強賣點一定係外觀同gimmick，例如最近出嘅紫薯火山流漿班戟就將醬倒落上面再用膠膜包圍，一撕開層膜啲醬就會傾瀉落嚟非常適合打卡✅雜果朱古力班戟因為去到啲招牌啱啱賣晒就點咗呢個，見到好多款式不同嘅水果鋪喺班戟上面賣相吸引，班戟口感軟綿，配埋酸爽嘅水果兩者非常搭配，旁邊仲有朱古力醬同特製忌廉可以配埋一齊食添

這是一個寒冷的下午，我想找一個安靜的地方聊天，所以我們選擇了這個不錯的地方。它提供從鹹味到甜味的各種煎餅🌟所以都是關於煎餅和煎餅的！ 我們點了焦糖香蕉（98 美元）和巧克力岩石路（118 美元）。菜單的好處是它會說明煎餅是否會在冷/熱時供應。他們的煎餅都很柔軟，超級蓬鬆！香蕉上有一些脆焦糖，我很喜歡！香蕉煎餅很簡單，更像是基本款，適合想嚐嚐原味雞蛋味的人！ 對於像我這樣瘋狂的巧克力愛好者來說，巧克力搖滾之路是我的一杯茶！奶酪和奶油凍很滑，和巧克力混合得很好。整體的搭配並沒有讓我覺得油膩，吃完這盤就很滿足了！

以前有得去旅行嘅時候, 日本已經嚐過佢嘅美味, 已經差不多三年冇去旅行, 今日決定嚟到溫食返間由日本猛龍過江過嚟嘅pancake舖。門口就放咗佢嘅招牌poster今次我哋是以上呢款分別有三個唔同口味係一碟甜品入面。話就話甜品咋喎食完係飽㗎一上枱就見到個招牌式的三層高當到啲honey落去嘅時候聞到好香嘅honey味第一層又係雜果第二層有兩片脆脆朱古力最底嗰層樓入面有流心嘅蛋黃好特別第二個我哋選擇咗法式吐司, 由於都已經飽飽哋嘅關係我哋已經冇加topping啦啲cream又滑又香配搭埋個吐司真係冇得頂

於繁忙的鬧市中，座落於商場四樓，充滿綠色植物的環境和暖木色系的座位，便是這家日本甜品店的一貫招牌。石板街班㦸 乍看非常有氣氛，心想這是否聖誕節精選？😂一共有五層的石板街夾心班戟，最吸引是面頭大大粒士多啤梨🍓，以及伴碟的幾粒酒心車厘子🍒及朱古力醬。再看餐牌，原來點綴的杏仁、棉花糖都是日本直送，誠意十足；班戟鬆化，雖然不是入口即融，卻是實實在在的傳統口味，女士分享應該覺得分外滿足。烤蘋果配紅茶忌廉班戟 班㦸上充滿糖漿的蘋果粒和烤蘋果已經是兩種味道和口感，配合比較厚實的吉士醬和忌廉，味道吸引。雲呢拿雪糕更是畫龍點睛，夏天涼快之餘，更能平衡甜品的味道。餐牌上的smoothies有不同口味，每款生果以及甜度都可以剔除及自選，真正體現日本人的細心及多元選擇。可惜今天已經太飽，否則下次定要試一試。