GoodDay (朗豪坊)

营业中

休息中

朗豪坊行街行到攰嚟咗呢間小店，採用木系色調，帶點小文青風，主打All Day Breakfast、意粉飯、Waffle、拉花咖啡等西式Cafe料理。餐廳環境唔大但座落舒適，適合約會。Burger有四款選擇，要咗個烤芝士珍寶蘑菇牛油果黑松露醬漢堡，Size比想像中大，口感豐富，麵包鬆軟，醬汁足夠，值得一讚係旁邊嘅粗身薯條，炸至酥脆可口，熱辣辣，好好味😋Pasta叫咗菠菜蘑菇百里香草忌廉汁薯仔粉，出面比較少見，薯仔粉QQ哋，帶點咬口，醬汁Creamy但唔膩，菠菜同蘑菇沾滿忌廉，可以試試。甜品有芒果班爛椰汁糯米窩夫配雪糕，係餐廳嘅招牌菜之一，Waffle外脆內軟，入面有少量糯米可增添口感，估唔到班爛椰汁完全唔甜，配上冰涼雪糕都幾夾～ 另外私心推介芝士蛋糕，呢款好有驚喜，唔好睇個樣平平無奇咁，濃郁奶香味，入口即化，不過個人就更喜歡放咗一陣先好食，視乎大家鍾意厚實定係軟啲嘅質感啦！

呢間cafe好多人推介✨餐廳裝潢簡約 座位闊落舒服 食物質素高 店員亦好nice🫶🏻.📌盛日早餐 $138賣相夠晒colourful🌈綠茶多士自家廠製 坊間少見夠特別 烘得香脆唔乾 茶甘味好濃🍞🍵日本牛乳炒蛋好嫩滑 冇落太多牛油忌廉 相對輕盈淡口🥚煙三文魚份量較少得兩細片🍣蜜烤芝心珍寶腸好脆身 咬開超多鹹香芝士 惹味但偏鹹🧀🥓日本紫薯餅熱辣辣 外脆內軟綿香滑🍠烤大啡菇幾香口 厚肉多汁🍄‍🟫香草扒茄好juicy 酸甜開胃🍅哈蜜瓜夠香甜🍈水耕菜沙律新鮮爽甜🥗.📌海鮮盛宴(10吋) $148Pizza超正 已經想encore🧡Pizza dough選用bakehouse麵團 外脆內軟又煙韌 充滿麵粉香🍕配搭明太子, 沙律醬同拉絲Mozzarella 鹹香惹味🐟🧀醬汁份量適中 批底濕潤唔過腍👍🏻內餡海鮮豐富 有大蝦, 魷魚仔同蜆肉🦐🦑加埋面頭鋪滿嘅紫菜絲 口感味道更豐富 推薦啊💯.📌焦糖蘋果伯爵茶白玉丸子窩夫配雪糕(半份) +$78 凡惠顧任何主食類 可以優惠價換購✨窩夫烘得外脆內鬆軟 雞蛋香味濃郁 但伯爵茶香唔出🧇🥚夾心竟然有軟糯煙韌白玉 好驚喜🤍焦糖蘋果口感爽腍🍎杏仁脆片好香脆🍪另配搭左濃

✨原來商場內都有間「小清新」Cafe☕️✨在附近做完嘢想搵個悠閒舒適嘅地方享受下。。行入商場見到門面及餐牌也不錯便入座享受一個人嘅寧靜時光🧡餐廳環境舒適，四周以植物怖置裝飾，彷彿傳來陣陣田園氣息的味道🪴🌟炙燒慢煮美國封門柳香蔥牛丼，日本溫泉蛋蓋飯套餐包（燒甘薯、漬物、沙律話梅漬蕃茄仔）睇賣相已經相當吸引，擺款細心又精美，一塊塊封門柳逐塊逐塊圍住溫泉蛋，外層灑上蔥花及海苔，層次豐富，配以慢煮方式做法就是這樣肉質粉嫩多汁，口感非常好吃。整個套餐以商場位置來說，價錢都很合理，下次會再試試甜品吧！l

一直都好想試呢間Cafe，咁啱約咗朋友喺旺角食飯，佢又好想打卡影相，咁就決定試吓呢間Cafe。我哋嗰日大概7:00去到Cafe差唔多坐滿晒人，好彩都仲有兩個位，店員安排我哋坐喺門口附近，環境好靚好舒適，坐足一日都冇問題。🔸海鮮盛宴pizza 有成10吋大嘅pizza ，三至四個人都夠食，明太子味道好香，有魷魚又有蝦，材料豐富，餅底夠脆。🔸炙燒日本北海道黃花赤魚一夜干定食魚肉好嫩，一啲都唔鞋唔乾，仲燒得好香，即使我唔係特別好食魚，我都覺得好好食🔸焦糖蘋果伯爵茶白玉丸子窩夫配雪糕（半份）呢個甜品必叫，窩夫外脆內軟，同伯爵茶個醬好夾，窩夫裏面仲好似有少少麻糬喺裏面，口感好好。🔸朱古力玄米茶卷蛋🔸 73%伯爵茶朱古力好濃朱古力味，一啲都唔漏，唔會好甜。🔸芒椰奶真露有奶蓋喺上面，打卡一流。

我點左個蘑菇雙層芝士漢堡包餐，點左唔夠兩分鐘就到啦，薯條OK,夠厚夠熱，沙津菜有d 苦，都算，但最重要係個包一攞上手凍既...我心唸GG la,入面d 芝士又未溶，塊漢堡出黎係7成左右，無得揀幾多成熟就出左個有d 生既，不過我都食開5~7成熟既，但咬落去一d 汁都無...做定都唔好咁核突...M 記好食過佢，最重要係我食完打完我老婆個餐都未黎...吹都無用，我都終於明白點解咁少人，d 服務又慢...廚房出餐又飄忽...點再食呀

是日十五，素食Day🥒原來而家唔係淨係素食餐廳，先有得食素㗎！現時好多餐廳都有提供素食類，方便有唔同飲食喜好嘅朋友，但係通常款式都較少~不過呢間Cafe就非常之體貼啦，每個類別都有一款素食,例如Pizza，Pasta ,all day Breakfast,burger 每一個類別, 都有一款係素食, 一定有啱心水！💚菠菜蘑菇百里香草忌廉汁薯仔粉 $128醬汁香濃清新，唔會太稀，每一粒薯仔粉都沾滿醬汁，不過薯仔粉好濟，食咗一半已經食唔落😆💚素日早餐 $138呢款all day Breakfast有好香脆嘅日本紫薯餅,新鮮嘅水耕菜,哈密瓜,蕃茄,同牛油果!配有芒果果粒同麥片嘅希臘乳酪滑捋捋牛奶炒蛋,夾埋脆卜卜嘅綠茶多士，fit到漏

相信大家對goodday cafe都唔陌生之前啟德店已經好想試 不過地點有啲唔就腳🫣依家旺角都開左 方便好多！！無論係約fd食飯定me time都一樣ok!!.啟德店係以水泥風為主🩶旺角店就係warm tone大地色🤎🤎.平日夜晚6點幾黎到時間尚早所以冇乜人🤣唔想次次去cafe都係食意粉burger見到佢有定食set就叫左試試🤩🥩炙燒慢煮美國封門柳香蔥牛丼 日本溫泉蛋蓋飯 $148定食set入面仲有包沙律小食🥗呢個大推！！牛嘅份量都算多 有8-9舊一啲都唔韌 好易咬口一啖牛 再加蛋汁配飯大滿足🤩🤩連平時夜晚唔食太多飯嘅我都接近全清🤣🍰經典芝士蛋糕 跟餐$38加配食完飯 甜品胃是必須的！有幾款蛋糕揀 價錢由$38-48不等芝士蛋糕入口唔會太甜 邪惡感唔算好重🤭🍹蜜桃菠蘿桂花特級滇紅茶 $49個名好長 其實就係水果茶😂都算開胃不過整體有少少偏酸🤏🏻🫣今日食得勁飽下次再黎嘅話想試下佢哋嘅窩夫🧇睇相都好似好正咁🫶🏻🫶🏻期待下次

約左朋友出黎傾旅行行程，佢推薦呢間餐廳，因為唔算多人，而且冇限時。去到嘅時候餐廳啱啱開門，staff畀左張角落4人檯畀我地。嗌左個明太子pizza，好大個，低估左佢嘅份量。餅底好脆，味道都唔錯，女仔黎講，份量有d多。朋友嗌左班尼迪蛋，蛋係流心嘅，熱香餅都係鬆軟。仲點左一杯flat White，咖啡黎講就唔係太出色，可以試下佢其他特飲。但係拉花好靚，好有心機。仲追加左半份pancake，唔會太甜，同埋係脆口嘅。

之前出發去旅行前，出咗一轉旺角換錢～ 搞掂之後，見距離工作仲有一段時間，去咗朗豪坊行，見到有間Café啱啱做緊下午茶時段，價錢ok就入咗去試試 😁🧇 (半份) 芒果班蘭椰汁糯米窩夫 配 雪糕 😋😋😋😋😋除咗面頭有椰絲🥥糯米之外，窩夫夾層裡面都有少少，名副其實嘅外脆內軟！用調校過嘅班蘭醬點窩夫嚟食，甜甜地得嚟又散發住陣陣班蘭香味 ☺️ 芒果粒🥭好香甜，一啲都唔生！雲呢拿雪糕🍦又甜又滑，整體配合得好好！👍🏻🍹 檸檬蜂蜜 (凍) 😋😋😋😋下午茶甜品餐跟一杯指定免費餐飲 (三選一) 😊 檸檬🍋夠酸，夾蜂蜜🍯嘅甜，夠醒胃！下午茶 💵💵 約港幣$90/人💁🏻‍♀️ 甜品下午茶開始供應時間為下午2:00，都算係好早，唔使等到3點後 👍🏻 而作為喺商場內嘅Café，$90內食到個味道唔錯嘅甜品連埋嘢飲，好👌🏻㗎啦！

好耐之前係啟德食過質素不錯,旺角店同樣都keep到🙌🏻而環境都好大仲有一啲打卡位置😚🔸好日經典手打牛肉芝士漢堡 $138漢堡扒牛肉味偏重一點,質感很厚實幾足料🍔而醬汁係黑松露醬配漢堡很夾!!漢堡配料有蕃茄,生菜和車打芝士🧀旁邊有沙律和粗薯條,薯條炸得好脆再加上有調味,好正🍟🔸吉列牛舌肉配自家製濃香牛肉燒汁意粉 $138呢個真心有驚喜🤭吉列牛舌有5大塊,肉質好嫩亦唔會太重牛味再加有燒肉汁調味十分好🐮鐘意食牛舌可以一試!!而意粉比較淡味少少,紅蘿蔔味重一點🥕還有牛腩粒係入面,好足料❣️🤤好味度 : 8/10🔙回頭率 : 8/10

同朋友一齊Discover旺角美食呀! 朗豪坊Good Day Cafe嘅lunch set超抵呢 😋意粉/飯類/主菜都係$78起跳～Shopping之前食個lunch啦～ 每人點了一個set~Carbonara唔算太出色,但麵條煮得al dente,餡料都算多,加埋溫泉蛋更加美味呢! 👍不過朋友點嘅日式雞排飯就較為普通,有啲似精緻版嘅吉野家咁。不過咖啡真係超讚㗎!Flate White 奶泡又順滑,朋友嘅dirty 啡味濃郁,好飲呀!Good Day Cafe性價比真係好高呢,無論係午餐set定係咖啡,都值得推介㖭! 旺角打卡好去處啊! 💯

𝔾𝕠𝕠𝕕 𝔻𝕒𝕪之前去過啟德店，今次去旺角店試試。店內裝修屬於簡約風，木系傢俬給人日系的感覺。環境當然是有日光的啟德店比較好。點了鹽燒鯖魚定食（珍珠米）。套餐包括燒甘薯🍠、漬物、沙律🥗和話梅漬番茄仔。味道不錯，頗健康的感覺。今次沒有飲咖啡，點了熱檸蜜。

早排同朋友喺商場行吓街嘅時候發現有間文青Cafe相當特別，喺商場入面好似自成一角咁樣。入面嘅環境好寬敞，種滿咗好多綠色植物，一入到去已經令人覺得好舒服，好適合同朋友坐低喺度休息吓傾吓偈。🥰**士多啤梨，牛油果，車厘茄，秘製烤雞腿扒，柚子醋水耕菜沙律**呢個沙律做得好精緻，每個材料都色香味俱全！我好欣賞佢哋嘅沙律全部係來自本地嘅水耕蔬菜，一食落口已經覺得好Fresh唔會有泥味。加上秘製的烤雞腿扒，肉質好嫩滑，成個配搭都好好，令人覺得好開胃。🍓🥬**吉列牛舌肉配自家製燉牛肉燒汁意粉**牛舌肉烹調火候啱啱好，外層金黃色好趣，切開之後竟然咁鮮嫩juicy！佢哋連意粉湯底都係好用心機用牛尾牛骨去熬製，配埋濃郁燒汁，成個意粉組合組合簡直就係絕配。🍝**芒果斑蘭椰汁糯米窩夫配雪糕**呢個甜品窩夫十分鬆軟，最特別係腳喺入面加埋糯米飯，成個口感同味道同普通窩夫好唔同。加埋芒果同斑蘭椰汁，味道會清新芳香，果甜味十足。🧇**鮮奶咖啡**** 芒椰奶真露**Latte咖啡香濃醇厚，加埋好香濃嘅鮮奶，真係令人好提神，更加唔好講佢哋嘅拉花技術係好似藝術品一樣咁靚！另一杯就用了新鮮芒果肉同椰子水製成，感覺好清新好夏

同朋友收工之後，去咗商場行吓街睇吓嘢🛍️，行到咁上下，見到依間餐廳幾吸引，個裝修都好靚，有種Relax嘅感覺🌱。店員都好nice，原本坐係近門口嘅枱，後尾另一張枱有位，都會安排我同朋友轉枱。食物質素都好唔錯👍🏻，價錢又唔算貴，都幾推薦依間餐廳！我哋叫咗個Happy Share 二人餐($428)🤭。-🍴小食拼盤 (薯條、水牛城脆炸雞棒2件、沙律)薯條🍟食到係新鮮即炸，因為真係熱到辣口！水牛城雞棒🍗已經拆起咗舊肉，非常方便食用，加上水牛城汁，好開胃！-🍴特濃香烤芝士忌廉雜菌雞肉意粉🍝(微微微辣)芝士忌廉汁好濃，捲起意粉會見到芝士絲🧀，意粉口感啱啱好，雞肉同雜菌都有炒過，所以有少少焦香味😚，叫咗小辣都完全唔辣，怕辣嘅人可以叫走辣，不過會相對膩啲。-🍴海鮮盛宴 Seafood Umami (明太子、沙律醬、蟹籽、大蝦🍤、蜆肉、魷魚仔🦑、馬蘇拉里芝士、紫菜絲)Pizza🍕好大個，嚟嘅時候都有少少嚇親，批底都係薄身，批邊有啲似餅乾🤣，中間海鮮好足料，每一啖都有好多芝士同明太子沙律醬，好好味！不過食嘅第一啖，有少少日式風味🇯🇵，可能因為有沙律醬同紫菜，去到最後真係飽到食唔曬。-🍴是日蛋糕🍰 (特濃朱

位於啟德的 GoodDay Solar 近日於朗豪坊開設分店 Good Day，餐廳位於朗豪坊11樓，這日時間不趕便慢慢繞上來。品嚐甜品之前先享用充滿心思的主食與特飲！Good Day主打各式手沖咖啡與飲品特調。覺得有點渴，所以選擇了 Summer Punch，一款菠蘿、香橙與檸檬的特調。談到餐廳不可不嚐的滋味，店員特別推介這裡菜單常備菜式秘製雞腿扒飯。秘製雞腿扒飯採用無骨雞腿扒，透過特別的處理方法，令雞皮更煙韌香口，外脆內嫩。在剛煎起時呈上，令雞肉滲出的油脂肉汁剛好慢慢流入珍珠米中，讓白飯盡收雞油精華，讓人回味。據說用以調味雞扒的甜酸開胃醬汁配料多達11種，所以吃起來甜酸香度平衡得極佳，味道也更獨一無二！之後甜品上場！朗豪坊店近日更推出升級版芒果斑蘭椰汁糯米窩夫，以熱帶風情美食帶大家感受夏日的來臨。之前已經在啟德店食過芝麻味的原版糯米窩夫，加咗煙靭糯米入脆卜卜的窩夫之後口感更豐富，味道無咁寡，大大份都唔會滯（不過好飽！）。甜脆窩夫沾上斑蘭汁，透出夏日的甜甜滋味，一口同時吃下水果清甜、糯米煙靱與雪糕的冰涼滋味感受！甜品份量相當巨型，三至四個人分享也足夠！