影片
以上资料只供参考，请与餐厅确认详情
招牌菜
见成日行过呢间舖头，就试吓佢好唔好食啦。舖头位置唔系喺大街，所以未必咁多人经过见到会去试，但我想讲质素几高嫁！今次买咗几旧寿司，即叫即整，仲可以WhatsApp落单，好方便。鱼生我觉得几新鲜，饭嘅份量正常适中，唔会太少唔会过量，而且唔会好硬。推荐～
继续阅读
寻日经过见到呢间寿司店 停低望咗眼 发现寿司刺身颜色靓同好足料 就心思思入去试下入面可以立食 虽然空间感未够 但都企到6-8个人架 我就问老板有咩推介 又或者系张menu 单 ✔️下要食边d 再留意返价钱都好亲民 老板推介我三文鱼腩刺身 同拖罗刺身 同带子刺身 我再嗌咗寿司 一共4人份量 之后见到梅酒个样都唔错 叫埋😁返到屋企 即试咗拖罗 好惊喜 油脂分布平均 食落去超滑 足满鱼油香味 三文鱼腩 带子都好好味 超正 而寿司都足料新鲜 其他都质素高 炸薯仔饼 皮薄馅靓 梅酒好醇香甘甜 冇拣错我地成班一边欣赏睇世杯 一边享受呢个宵夜 又唔热气🍣 过两日会再来买来睇世界杯都唔错 配埋梅酒 大家都可以试下外卖返屋企睇世界杯啦
继续阅读
话说我之前都有帮衬过，都知个水平系高，但今次真心忍唔住要吐苦水，买左$208加拿大海胆，墨鱼刺身，带子刺身，寿司等等之前都试过加拿大海胆，系唔得既，相隔两三年，见仲未执笠，谂住有改进喇，点知仲衰过之前，苦既，买时色水都无咁深，已经买完即刻揸车反企食，相距十分钟都无，点知反到屋企，变黑左，完完全全无海胆味。带子刺身冋墨鱼刺身可以算系正常，但留意，系正常，唔会话特别好食。最最最令我顶唔顺，真系要打一篇食评出黎既，就系d寿司，饭可以系冻冰冰，真心唔知雪左几耐，紫菜可以系林啤啤，系林晒，但我系即场order，师傅即场猜，都可以咁无质素，真心个价钱唔算系平，起码贵过争鲜，但质素真系差争鲜九条街。
继续阅读
第一次系比佢$1x-$2x两件手卷所吸引，今次第二次决定叫埋三文鱼刺生食。今次食左：1） 鳗鱼手卷x2 = $16比完钱店员即刻走入去戴手套整比你，重点系张紫菜系脆嘅，好过d连锁店同放题比d又淋又冻嘅野你。d饭唔会死实，个鳗鱼都算大块。2）三文鱼刺身约7件 $55再8折 =$44我一开头谂住同女朋友试下伏，点知完全唔伏，打开个保鲜纸睇到d肉系有光泽，垫底纸无水就知应该都唔系放好耐，食完果阵鱼脂味仲仲留多一阵，以呢个价钱系绝对抵食。睇间店虽然旧旧地，店员都唔会讲“21314”，但绝对系间好食嘅寿司店。（食完心血来潮打食评所以无图&非打手）
继续阅读
年初二都开门，不过要加一，都正常啦，新年都开工。$20两件炸虾手卷，即叫即炸，饭暖，炸虾热辣辣，紫菜香脆👍👍，第一啖食到最后一啖都有虾，最重要系沙律酱份量恰到好处。便宜又惊喜，赞。
继续阅读