Goobne Chicken (荃新天地)

营业中

休息中

大前日(7-4-2019 Sun)老公受電影”炸雞特攻隊”影響話要食炸雞.唉!喺4-4-2019(Thur)先喺Jollibee食完(嗰個食評: https://www.openrice.com/zh/hongkong/review/%E6%8A%AC%E9%AB%98%E5%83%B9%E9%8C%A2-e3357243),咁快又食.佢上嚟search,搵到一間炸雞專門店,一間就係呢間烤雞,佢覺得烤雞健康啲,於是揀呢間.我哋嚟到冇乜人,而限食時間係90分鐘,一坐低,我就睇到呢套電影海報嘅餐紙,再仔細啲睇,話憑呢套戲嘅票尾嚟食,即有9折優惠.哎呀!兩張票尾留喺屋企呀,冇得即刻用.我哋最後決定要新出$185.00嘅蜜糖香滑烤雞冇骨,同$58.00嘅芒果沙冰.落完單8分鐘後,芒果沙冰到嚟,都堆到幾高,味道濃又唔太甜,唔錯.然後係咁等係咁等,等成17分鐘,冇骨蜜糖香滑烤雞至到嚟,唔通學電影講,啲雞未養大?大大碟烤雞香氣四溢,配以醃蘿蔔同蜜糖芥末同上.先唔蘸蜜糖芥末食,蜜糖已經好夠味,口感軟滑同juicy;蘸蜜糖芥末食味道就更豐富濃郁,確係唔錯,不過食完都開始覺得熱氣.酸酸地嘅醃蘿蔔可以解膩,

我地7:11分入座當我地7:18分叫野食，7:45分都未黎，問個女侍應，呢個問個個，問黎問去跟住有個女侍應拎住張單問我地：「頭先係咪我幫你落單？」，我點知係咪你，係咪你自己幫我地落你都應該問下自己呀？跟住佢好夠薑咁同我地講：「唔好意思我無幫你地落到單」，嘩，等左半個鐘同我地講無落單，我地問咁要等幾耐？佢仲夠膽答20分鐘，跟住我地就即刻執野走，佢都無講其他野，咩補償都無，我地都無直斥其非，好肚餓餓到費事同你嘈。我想講，荃灣呢間次次都要等20分鐘先有野食，人又唔係多，好應該有出菜時間policy，離譜！仲敢收百幾蚊一道菜。

今日和老婆在荃灣行街，行到有點餓又不想食茶記，這間韓國烤雞之前食過好好味，今日又來幫襯原來這間烤雞店有得過獎，証明有一定實力，有一定口碑進入店內，店員很有禮貎地招呼我們座下，這裏環境令人感到舒服，空間感十足細看一下餐牌，多了一些新食物，我當然要試一試這個午餐經濟又好味六十幾元，可以試到韓國菜，又有質素，甜辣雞件，肉嫩多汁，十分野味蜜糖香滑烤雞，值得一讚，剛剛烤好的雞，一口咬落去，表面香甜，中間雞肉嫩滑多汁，廚房要記一功這個海鮮煎餅也不錯，表面滿滿的海鮮，加上表層微焦酥脆這個芒果特飲，有新鮮芒果肉蓉，芒果味濃加上梳打水，消暑解渴一流這個士多啤梨特飲真是不得了，有果肉又好飲，今餐非常滿足

●果味蒜香烤雞+甜辣烤雞($218)●Goobne真係一個適合閨蜜聚會打卡嘅好地方 大部分分店裝修都明亮寬敞 加上嘢食嘅選擇非常多+好高質每次望住個menu都選擇困難 完全諗唔到應該食咩好😢😢有冇人都係咁!!好彩佢推出咗雙拼烤雞 一次滿足我兩個願望先講烤雞肉質：外皮香脆 但仍然鎖住肉汁 咬落去嘅時候雞汁咇晒出嚟 食得好狼狽但好開心非常推介果味蒜香烤雞 係一隻甜甜地嘅香蒜味味道 非常有層次甜辣烤雞反而就冇咁出色 比較似係豆瓣醬烤雞 建議大家可以試果蒜香烤雞同另一隻味💛💛●韓式雞蛋捲($148)●除咗烤雞選擇豐富之外 佢啲side menu同樣花多眼亂 今次就試咗最經典嘅韓式小菜：韓式雞蛋捲！！ 入邊有黃瓜 醃黃蘿蔔 火腿等等等 爆晒餡 蛋漿好幼滑 雞蛋皮一層一層咁包住 唔會煎得太老 配埋特製嘅蜜糖芥末汁 真係勁好食～～ 

韓國野好出名炸雞，但如果想無咁熱氣，最好就係食烤雞。呢間d烤雞超好食，叫左兩隻味，火山辣味同埋煙醺bbq味。個火山辣味勁好食，又辣又惹味，個醬汁係完全包著左d雞，真係好正呀。另外再叫左個芝士年糕拉麵，都好好食，好入味，d醬又係痴哂係年糕拉麵，好好味。不過覺得價錢都有d貴既。

之前一直食開既都係韓國炸雞，韓式烤雞就真係未試過，所以決定一試。我地初初黎到既時候好多人，但店員見我地拎好陣野就好好人甘安排我地坐4人位，位置幾闊落。一打開餐牌見到勁多款烤雞都唔知選擇邊隻好，最後就決定試下新出品啦！- 蜜糖香滑烤雞（有骨）好大碟而且幾好味，份量應該有一隻雞，有齊晒雞翼、雞脾同雞胸，雞既肉質好嫩滑，好重蜜糖味但又唔會好甜。烤雞感覺冇炸雞甘熱氣而且冇甘肥膩，但個皮又好脆，幾好食。佢仲附上蜜糖芥末醬，但個人認為不用點醬已經很好食了。 - 蟹籽沙律醬芝士雞蛋卷蛋卷是芝士味濃郁夾雜著甜甜酸酸的番茄味，味道好夾。上面鋪滿蟹子， 令到口感增加，每咬一口，中間芝士都好似滑出黎甘，幾正。另外仲叫左2杯沙冰，都好大杯，我地飲左好耐，哈哈。 其實成間餐廳既食物份量都好大份，想試多款食物應該叫多d朋友一齊先好食，同埋雞真係太大碟了，我一個人食左3/4隻雞，可能真係食得太多了。

晚上約左一班朋友聚會，平時食得太多邊爐、放題，食到厭曬，所以想換換新口味。女仔都特別中意食韓式野。而且依間店岩岩開果陣可謂大熱，次次經過都見到門口排曬長龍。見依排熱潮過左，我地都只需等左１５ｍｉｎｓ左右就入到去。1. 　蜜糖香滑烤雞我地嫌炸雞太油膩、熱氣，所以揀左韓式烤雞。蜜糖香烤雞真係好正，皮脆肉嫩，保留肉汁，好juicy。大人話食烤雞不如去ＫＦＣ，但依個烤雞同ＫＦＣ真係吾係同一個層次。肉身不厚，香口不膩。2.　韓式牛肉炒年糕普普通通的炒年糕，下面仲有好多粉絲，熱氣十足。年糕的濕度因而十足，食到最尾都仲熱熱地，不會因為變凍而變得硬口。3.　鯊魚之淚我叫左無酒精的，好有兒時飲波子汽水的味道。

好鐘意食呢間店既芝士炸雞， 其實最鐘意係食佢既芝士粉！ 如果有得買， 真係好想買返屋企， 咩都加下😂😂😂芝士炸雞係冇得輸， 堂食即整需言比較耐， 但熱辣辣上枱， 好好味！湯年糕都唔錯， 唔係韓國咁辣， 香港人比較啱食， 而且有隻蛋。預早d 去， 通常係未滿前到會好d, 因為轉流慢。伙記都係後生仔女， 服務都算係咁。

無啦啦好想食韓國雞，於是就去左荃新天地果到食。星期六果然人多，等左差唔多唔個鐘。入座後，睇完餐牌都係決定叫佢新出既蜜糖味，仲叫咗個蛋卷。個雞一嚟到，頭幾啖覺得真係幾唔錯，但係食食吓，唔係好覺得食緊韓國嘅雞，有啲似小菜feel。另外，個蛋卷非常之難食，味道完全唔夾，我諗我唔會再嚟幫襯。

今晚好想食烤雞，我約個朋友去荃灣荃新天地 嘅Goobne Chicken烤雞店，荃灣分店是第一次來，環境開揚得來，感覺都舒服， 侍應服務細心又認真。我們點了新登場蜜糖香滑烤雞 (冇骨) 我鍾意啖啖肉， 食落雞肉嫩滑， 烤得啱啱好， 一啲都冇鞋口感覺原價$208，現做優惠價 $185，配合任食酸蘿蔔， 酸酸地好醒胃， 食多咗都唔覺蟹籽沙律醬芝士雞蛋卷鮮嫰的蛋卷鋪滿滿的蟹籽及芝士千島醬，再撒上一層薄薄的芝士粉，切開蛋卷，蛋內夾著半流心狀的芝士，一口咬下蛋卷，芝士蛋在口腔內回蕩，香濃美味，十分好吃。香桃韓式米酒，起初以為米酒一定是帶苦的，原來飲落又不是太苦，輕微米酒味，香桃味好清新。 今次我們兩人食， 所以只可點一款雞, 其實餐牌還有其他選擇， 下次一定要再來試其他。

又到左每三個月一次嘅朋友聚會，當日一齊去咗荃灣shopping，經過聞到Goobne炸雞好香，朋友又好鍾意韓風，所以今次就決定去食雞。店內環境都唔錯，以木色為主，都幾開揚，我哋被安排坐喺一個小角落，傾計都好舒服。Menu選擇都幾多，有好多唔同款式嘅烤雞，辣度都有唔同嘅選擇，仲可以自由配搭添，而且除咗炸雞，仲有沙律同麵可以揀，小食都好吸引。芒果特飲先叫一杯芒果特飲，芒果味唔會太甜，入口清涼解渴。藍莓特飲藍莓味道濃郁，比芒果特飲更好飲呢。鐵板芝士黑椒烤雞我哋叫咗鐵板烤雞，一上枱熱辣辣，小心唔好觸碰到鐵板邊緣，見到上面嘅芝士溶溶嘅狀態，急不及待立即享用。芝士味濃郁，可以做成拉絲效果，烤雞燒得外脆內軟，肉質好嫩，黑椒味令到整碟烤雞都好惹味，實在係一個不錯嘅選擇。呢度嘅烤雞整得好出色，下次想食的話必定再來這間。

話說最近要轉工了，同個好同事食番餐飯～就來了這裡食烤雞！上次記得都有不少的新產品，今次我當然都有食啦！由其係呢個芒果沙冰！超級大杯！真係超級大！我之前都冇見過咁大杯！一見到心情即刻都舒螺𣈱晒！我同同事都即刻係咁食，因怕溶掉浪費⋯沙冰唔算好甜，但有濃濃的芒果味！好不錯呢！今次我都只可以話瘋狂🤣兩個人食兩大盤雞！因太吸引了，又想食呢個味，又想試新味！最後只了兩大盤！正丫！第一盤呢個係果味烤雞！甜甜脆脆的！肉質依然嫰滑多汁！😋岩晒一家大細我人食～小朋友一定鍾意！另外一盤就係呢個新品啦！係蜜糖芥末味！我同事的最愛口味，佢一口氣食了半盤！呢個烤雞仲要另外加了一小碟的蜜蜜芥末汁比你點，真係超級正！雖然呢個冇脆的口質，但就更加多汁咁，口味濃厚！好好食丫！呢到唔會好嘈，覺得是同朋友飲下野食下野的好地方。

今天放假休息，同朋友三個人黎左荃新呢邊行下商場，一早就聽講呢邊有韓國嘅goobne烤雞分店，行完街趁人少唔洗排隊嘅時候就黎食啦。我地就比較喜歡韓國料理，佢地嘅韓國小食都幾多，本來想點埋炒年糕，但係專門黎食烤雞怕食唔落就無叫到。先點左一個果味蒜香烤雞，蒜香味好香，加上有點蘋果嘅清新味，超好食囉，而且一d都唔硬，入面雞肉係嫩架，我地兩個大胃王一下就食完啦。然後另外再點左個蜜糖咖喱烤雞，呢兩個菜單都是goobne人氣款，只係微微有d甜，反面咖喱香味好濃。上次同呀媽去吃goobne佢就特別鐘意呢個口味，而且係脆皮嘅口感好好。呀媽話呢個烤雞比炸雞健康，仲好食D。哈哈呢個韓式雞蛋卷每次都要叫架，做到同紫菜包飯一樣，雞蛋的口感是無得頂，雞蛋有種入口即滆嘅感覺。入面有黃瓜、蘿蔔、午餐肉、海苔等等 如果鐘意淡口味的直接吃就很好吃了，鐘意有D味道嘅可以點埋個醬食仲爽。我朋友叫左杯鯊魚之淚，上次去尖沙咀店就想叫啦，一直心掛掛咁。我點就叫左個藍莓特飲，新出的凍飲都無飲過，平時又比較鐘意食藍莓。味道都算OK，以為會好酸但其實甜甜地，加冰之後仲好飲。下次仲要黎試埋藍莓沙冰，個樣都好OK岩打卡架。反正三個人印食到捧

上星期過年放左好多日假，又唔日日有年拜，係屋企悶悶地就叫埋屋企人落街行下啦~可能都係過年關係，商場人流都唔係咁多，我地行行下咁岩見到呢間韓式烤雞就入去試下啦!韓國野平時一定好多人排隊，今日唔洗排真係好XD 原來Goobne唔止有雞食，仲有好多side menu好多選擇，但我都係想試新野，所以叫左個蜜糖香滑烤雞試下~ 一上枱就聞到好香嘅烤雞味，望落個樣都好得，食落仲得!!!一d都唔乾，仲有好多肉汁，味道又甜甜地，仲有個醬可以點住食，真係好好味!因為過年呢幾日太熱，忍唔住叫左杯芒果沙冰，配埋烤雞一齊食真係好爽架，又可以解啖啖肉個種油膩感，好清新好舒服。

上星期同幾個朋友一齊去左荃灣行街，街又行完，戲又睇完，就梗係餓啦，咁就搵下附近有咩食，跟住就搵到荃新天地有間韓式烤雞， 都唔洗點諗就揀左佢啦。呢排都好鬼熱呀，完全唔似冬天，一坐低一人叫杯野飲先，芒果特飲、士多啤梨特飲、藍莓特飲同檸檬特飲，生果味好開胃，又唔會係d好假嘅味，都幾好飲。跟住叫左個鐵板芝士黑椒烤雞，黎到嘅時候以為佢發生咩事，唔係烤到咁都拎出黎呀，跟住waiter oppa解釋話係用秘製黑糊椒烤嘅先會咁黑，嚇死人咩..哈哈仲叫左個真係好好食嘅雞蛋卷又厚又滑嘅雞蛋入面仲包左好多料，一啖真係咬唔哂，煎到咁厚都唔會老，真係好好食呀。