GOGO 為食坊

营业中

休息中

喺朗豪坊買完聖誕禮物，過左嚟砵蘭街搵食。見到有間「GOGO 為食坊」，位於商場 1 樓，入面地方好大，設有大量座位，環境寬敞舒服✨ 今晚就一於喺度開餐。餐廳集齊中、西、日、台等多地美食，種類非常多元化，照顧到唔同口味嘅朋友仔👥點左個古法羊腩煲 ($328)，羊腩鮮嫩肥美，大大嚿又厚身，肉質腍滑多汁，入味之餘又唔會有好重羊羶味～再配埋清甜馬蹄、鮮香冬菇、吸汁枝竹、鮮爽無渣嘅冬筍同贈送嘅茼蒿，非常惹味，食完成身暖笠笠，絕對係秋冬「滋」選！+$12 可以轉套餐，配白飯及熱飲。甜品點左碗薑茶芝麻湯圓 ($28)，湯圓大大粒，渾圓飽滿，內藏流沙芝麻餡，一咬爆漿，加上薑茶夠「薑」，味道一流！另外呢碗南北杏雪耳燉木瓜 ($32)  水準亦唔錯，木瓜香甜軟糯，入口即化；南北杏生津開胃，雪耳充滿膠原蛋白，滋陰潤肺，絕對係秋冬養顏聖品！

今晚同D朋友去旺角玩下夾公仔, 最後洗左幾百蚊, 公仔又夾唔到, 又餓…..一出門口見到對面就係餐廳, 就試下囉！門面幾得意。 有D卡位好似茶餐廳， 係入少少又有幾張大圓台，茶餐廳＋酒店混合體。睇餐牌仲得意， 有餃， 有壽司， 有小炒， 有糖水真係想食咩都有。見到人地叫左個古法羊腩煲， 好香好豐富， 同埋個川芎白芷天麻燉魚頭， 好似好正。可惜，幾個朋友一個唔食羊， 一個唔食魚， 無緣了。雲吞雞呢味餸係老闆娘極力推介, 就信佢試下,而且有菜有蛋白質 又有啖湯飲，轉涼天氣岩哂。一上台, 好香雞味, 上台果下煲邊仲滾緊, 有輕輕一層雞油係面, 飲入口好香濃雞味, 似無味精, 好好飲, 煲過湯既雞肉, 輕輕一夾就鬆開哂, 好林, 雲吞都唔錯。招牌咕嚕肉咕嚕肉大人小朋友都岩食既一味菜，屋企少整, 出街食必叫。大大舊, 啖啖肉, 豬肉彈牙帶少少肥肉，我估係梅頭肉，咕嚕肉皮炸到酥脆唔乾身，而汁醬甜酸度剛剛好。啫啫芥蘭煲啫啫煲係一道有聲有色的「響菜」。啫啫係指個茶”時li沙拿”果個熱辣辣既聲音。GOGO為食坊呢個啫啫芥蘭煲完全做到啫啫個效果，而家個芥蘭無OVER COOK, 仲好脆口,正。生炒臘味糯米

今日喺旺角睇完戲想食宵夜，見到呢間GOGO為食坊。 營業時間好犀利由七點至凌晨12點😂 環境順豐闊落, 好適合一大班人食。燒鵝下莊 $148比想像中大份，色澤好靚。肥瘦均勻。燒鵝皮夠脆。金銀蛋浸時菜 $98時菜有好多選擇，我哋揀咗白菜仔。味道適中，唔會太鹹。菜洗得乾淨冇沙。孜然京蔥爆牛肉 $108牛肉新鮮大大件，醃得好入味。配菜仲有好多唔同種類嘅菇。炒得夠鑊氣。加$12就可以有白飯同埋嘢飲。加$20除咗有白飯同嘢飲，仲有時令例湯👍🏻地點好近地鐵站，餸菜即叫即整，夠熱有鑊氣。仲有好多其他唔同既野食

同朋友行完街，誤打誤撞上左去呢個為食坊。Menu咩都有，小菜、刺身、丼飯、餃子、鍋貼、中西甜品應有盡有。砂鍋雲吞雞 - 湯底煮到奶黄白色，雞湯濃郁雲吞粒粒飽滿大粒，足足有8粒之多。菠蘿咕嚕肉 - 脆皮分明、皮薄，啖啖肉，醬汁較杰身，味道適中。小炒王 - 韭菜花爽脆、腰果脆口，仲有啲銀魚仔。啫啫菜煲 - 菜心嫩口，偏重蝦乾味，惹味不足，但可以空口食。生炒糯米飯 - 糯米粒粒分明、口感軟糯，而且足料，有潤腸粒、臘腸粒、臘肉、花生、冬菇等。每個小菜加$20仲可以轉套餐有白飯同湯或飲品，當日就有芥菜肉片湯，清甜冇味精桂圓紅棗水，甜甜地夠暖身。甜品都唔錯，推薦蛋白杏仁茶，杏仁香，唔會好甜。仲叫腐竹薏米糖水。

這天晚上我約了朋友在旺角吃晚飯，經過家人的推薦，我們便決定來到這間餐廳試一試，店內環境明亮和清潔衛生薑蔥桶蠔煲配GOGO小炒皇套餐($288)用薑和蔥調味，桶蠔爽彈鮮美，沒有腥味，非常大隻，非常新鮮，用瓦煲上菜，能夠保持食物的溫度，非常夠熱，一開鍋蓋，熱氣馬上散發出來，小炒皇，腰果爽口，韮菜爽脆，蝦乾彈牙，魷魚軟彈煙靭，蝦仁爽彈鮮美，車厘茄鮮甜，十分足料熱西洋菜蜜，味道清甜，熱杞子紅棗桂圓茶($8)，十分滋補，對脾胃有益，十分暖胃，十分適合冬天飲用蜜椒薯角牛柳粒($138)用紅椒做襯托，用蜜糖調味，味道清新淡雅，薯仔十分軟身和新鮮，牛柳粒稔香軟彈，肉味非常濃，非常新鮮，十分有鑊氣，份量十分多整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇非常多，價錢相對合理，而店員亦有良好的服務態度和積極，所以我認為這間餐廳是值得再去惠顧

放工經過見到旺角呢間餐廳就入去睇餐牌發現呢間都好多唔同菜式，有港式、日式、台式等等，難怪都有唔少客捧場🙌🏻 最近天氣凍，所以我地既晚餐就叫左羊腩煲同小食為主🥢.🥘古法羊腩煲店員先擺個爐係度，然後放上羊腩煲，一直開火滾熱唔怕凍左，羊腩煲裡面都幾足料，兩個人食都得，除左有羊腩肉、竹笙、馬蹄、冬菇同蔥外，仲會另外附送生菜同腐乳醬，將D生菜擺入羊腩煲索哂湯汁，再點一點腐乳醬，滋味十足! 羊腩肉啖啖肉有口感，其他配料都吸收哂湯汁，好入味，唔錯.🌮牛肉餅呢個有驚喜，一切開，已經有肉汁流出，好香既牛肉餡，夠juicy!.🫔芒果班㦸估唔到呢度既甜品都唔錯! 真係包住成片芒果咁，足料! 班㦸皮薄又軟糯，包住香甜既芒果肉同忌廉，簡單又美味

就到冬天，係時候食返個羊腩煲，去暖吓身子所以我就去咗gogo為食坊食咗個羊腩煲羊腩煲非常之豐富，除咗羊腩嘅份量好夠之外，亦都會有好入味嘅芋頭枝竹同冬菇等而湯底都好濃郁，用嚟配飯嘅話就最啱啦，佢可以加$12轉成套餐，就會有飯同飲品🥰而且仲會有菜俾你一齊煮，咁就營養均衡晒食完個羊腩煲仲唔夠喉嘅話，叫個餃子都好抵食，佢隻餃子先$40，性價比好高飲品方面，除咗一般常見嘅茶記飲品之外，佢另外亦都有羅漢果，超級驚喜，所以我就嗌咗一杯飲落去都唔錯

為食花太郎 Fafafoodblog 🍴菜遠牛肉炒河69 蚊 🐂凍飲加3 蚊牛肉足料 大大件又夠厚 河粉係幼身河粉 好爽口 有雞脾菇同冬菇增加口感 正🍴水煮魚168 蚊🐟 加20 蚊配白飯例湯 熱飲水煮魚魚肉好爽滑彈牙 有牙菜 寛粉 木耳 叫左小辣撈飯都好夠味🍴雲吞雞138 蚊🐥雲吞大隻足料 入面豬肉新鮮 湯底好濃雞味 仲有好爽口吸汁娃娃菜 正#雲吞雞 #水煮魚 #中菜 #牛肉 #小炒Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#gogo為食坊旺角砵蘭街180 號砵蘭180+商場1 樓~~~~~~~~~#fafafoodblog #為食花太郎 #fafafoodblog旺角 ====================

朗豪坊附近嘅隱世多國菜～性價比高，食物選擇多得誇張！港式、川菜、潮州菜、日本菜、西餐都有得食。🌟砂鍋雲吞雞$138連皮嘅雞肉望落好完整，其實煲到好腍，啲味出晒嚟，所以個湯好濃好甜。雲吞皮薄餡靚，係好鮮味嘅豬肉餡。🌟胡鹽中蝦豆腐煲$128一煲有成十幾隻蝦，味道幾鮮甜。豆腐都唔係配角，滑捋捋又煎得香，加埋芡汁超惹味。小菜+$20有飯、湯、熱飲。是日例湯係南北杏雪梨煲魚湯，好滋潤好啱秋冬！加+$8轉紅豆冰，椰汁味道特別濃。🌟鵝掌翼$68 掌翼都滷得入味，佢哋嘅滷料香得嚟又唔會好鹹。🌟芒果西米露$38估唔到佢哋連中、西式甜品都有。平平哋但竟然有唔少芒果肉。同紅豆冰一樣都係有濃濃椰汁。

這家店特別大，佔了一層樓那麼寬敞，而且食物種類特別多，從中式的小炒，羊腩煲，到日式的壽司手卷，還有中國的傳統小吃牛肉餅，甜品西米露和飲品，歐式的蛋糕都是應有盡有。菜單看了眼花繚亂，叫人每樣都想嘗一遍！### 豉汁魚片蒸豆腐結合了鮮嫩的魚片與滑潤的豆腐，口感獨特，風味絕佳。魚片吸收了豆豉的香味，咬上一口，鮮嫩的魚肉在舌尖瞬間融化，伴隨著豉汁的濃郁，讓人感受到一種無法抗拒的美味！豆腐的口感滑嫩，富有彈性，吸收了魚片釋放出的鮮味，帶來了令人驚豔的層次感！### 醬爆野菌爽肉鍋氣十足，肉片經過醃製，更加入味，肉質鮮嫩。野菌非常爽口，釋放出濃郁的香氣令肉片鮮香四溢，增添風味與層次感！### 菜遠牛肉炒河新鮮翠綠的菜遠，嫩滑的牛肉保持肉質的鮮嫩與多汁，火候掌握的恰到好處。河粉吸收了牛肉的鮮味與蔬菜的清香，口感豐富，香氣四溢！### 熱情果芝士蛋糕濃郁的奶香，底層由餅乾形成香脆的底座，完美支撐起柔滑的芝士蛋糕！### 焦糖燉蛋蒸好的焦糖燉蛋表面光滑，底部的焦糖層則為其增添了甜蜜的層次感！### 芒果西米露西米與芒果塊混合，再加入椰奶，使這道甜品更加誘人！

這家中式食店於旺角站附近，交通方便，食店的內部環境衛生，座位亦寬敞，店員服務也殷勤。店員向我們推介了288元的GOGO優惠套餐，套餐是包括兩款主菜、兩碗白飯和兩杯熱飲品。脆皮燒雞半隻，雞皮顏色紅潤均勻，皮脆肉香，雞肉嫩滑多汁，帶少少咸味，很美味。櫻花蝦椰菜炒粉絲煲，香氣撲鼻，熱辣辣，蝦乾惹味，魷魚彈牙，椰菜鮮甜，粉絲爽口，滋味十足。白飯軟硬適中。散叫中湯12元，咸蛋瘦肉滾芥菜，芥菜新鮮，瘦肉味道正常，咸蛋的咸味適中。總結，價格合理，食物美味。

Yum,clean,a lot of choices restaurant @MK..My families and I went to a restaurant called "GOGO Place" (GOGO 為食坊) located in 1/F, Portland 180+, 180 Portland Street, Mong Kok旺角砵蘭街180號砵蘭180+商場1樓..there are a lot of different cuisines like Chinese,western ,Japanese, dumplings,Taiwanese cuisines and desserts...etc..this restaurant open til mid night ,go place to go when you are craving food in late night!..stir fried prawns with egg滑蛋炒蝦仁HKD$108.the prawns are jumbo sized.the prawns are very fresh an

餐廳好近旺角站E1出口一出行3分鐘就到👍喺夾公仔機鋪對面👾呢度勝在地方夠哂大，仲有卡位添🥰情侶/朋友/家庭飯局都🆗而且有好多唔同種類嘅嘢食可以選擇中式炒菜/燒味/串燒/刺身/壽司/炒粉麵飯/甜品/台式 咩都有😍😍😈不適合選擇困難症既人😈➖➖➖➖➖➖➖➖➖➖🐮澳洲草飼牛柳200g (黑椒汁+蕃茄意粉) $1️⃣5️⃣8️⃣係用傳統鐵板上枱♨️淋黑椒汁嗰下滋滋聲架♨️我叫咗五成熟，肉質好香嫩，好重牛味，好好味👍蕃茄意粉份量都好足，一定夠飽👍👍🔥即炒小菜 - 蝦醬通菜炒鮮魷​連白飯 $1️⃣4️⃣0️⃣🦐鹹香惹味既蝦醬➕🥬翠綠脆嫩既通菜➕🦑爽口彈牙既鮮魷送飯一流🍚🍚😋😋🍫心太軟配雲呢拿雪榚🍦 $6️⃣0️⃣切開心太軟朱古力流出嚟嗰一刻，好治癒呀😍而且甜度啱啱好，好滿足呀🥰🥰🧋台式波霸珍珠奶茶 🧋跟餐$8️⃣珍珠軟身得嚟又好咬~口感層次豐富，甜度適中😋

在旺角朗豪坊附近有一間「GOGO 為食坊」。見到門外的餐牌貼著古法羊腩煲🍲十分吸引！剛好入冬，最適合吃個羊腩煲暖暖身。★古法羊腩煲★古法羊腩煲的羊腩煮得非常入味，肉質軟嫩，湯底濃郁，帶有淡淡的香料氣味。鍋中還配有炸枝竹、冬菇、馬蹄，增添了不同的口感與層次。炸枝竹亦非常吸汁。冬菇味道鮮香。店家還特別提供生菜，清爽的口感為整體增添了清新感。★鹽麴牛舌飯★鹽麴牛舌飯的牛舌薄切，口感滑嫩，鹽麴令牛舌更鮮美。牛舌上還帶有一層輕微的焦香，非常過癮。伴隨的甘筍湯清淡可口，可以解解膩。【GOGO 為食坊】📌旺角砵蘭街180號砵蘭180+商場1樓

👨🏻‍🍳旺角深宵街坊食堂👨🏻‍🍳-聽同事講旺角呢間街坊食堂 食物選擇非常多 中西日韓泰通通都有 而且價錢實惠 營業時間夠晒長 好啱深宵聚餐🎉🤑 所以有一晚諗唔到食咩就舂咗入去一探究竟啦😝 職員見我地對住本厚厚menu選擇困難 好好客咁推介咗個抵食雲吞雞同焗飯比我地😆-🐣雲吞雞 $138一煲上碟打開蓋啲蒸氣好有feel🤣 雞有半隻 都幾多肉 而且雲吞講明有八粒 都幾均真😂 雲吞係行大大粒扎實路線 皮有少少似餃子嘅流派🤓 湯底清清地 唔會太重口味🍜-🐮焗鮮茄芝士牛脷意粉 配餐湯 $70芝士都幾多 拉絲冇難度😋 而且牛脷份量唔少 橫切面好大 啱啱好鋪滿個面 食落淋身好吸芝士同蕃茄味😝 意粉煮得偏淋身一啲 仲有啲配菜添-🍢惹味沙嗲三色串 $66有齊豬牛雞 同樣有預先用黑椒醃過 好夠味 作為宵夜好有feel-🥭雪燕楊枝甘露 $42最後叫多咗個甜品 雪燕加上偏椰奶多啲嘅楊枝甘露 仲有一球雪榚 古早味出哂嚟🥥-📍GOGO 為食坊 (旺角)旺角砵蘭街180號砵蘭180+商場1樓