影片
港铁旺角站 E1 出口, 步行约3分钟
继续阅读
电话号码
26776680
26776690
营业时间
今日营业
11:30 - 00:00
星期一至日
11:30 - 00:00
以上资料只供参考，请与餐厅确认详情
食家推介
在旺角人气之地, 找到一间心水餐厅要介绍大家, GOGO 为食坊, 食物多选择, 有中菜, 西餐, 日式及中西式甜品. 餐厅在一楼, 乘扶手电梯直达好方便.玻璃柜内, 烧味多款, 看得吸引, 堂食外卖均可. 餐厅面积相当大, 有大圆台, 梳化卡座, 环境阔落. 侍应招呼好. 我们两人先叫了热罗汉果茶, 热西洋菜蜜.只要叫任何小菜, 每位加$20- 转成套餐, 有汤, 白饭, 饮品. 每日有不同滋阴汤水, 并不是坊间的例汤. 今日星期三, 粉葛猪踭煲赤小豆汤, 足料, 热热的送上, 火喉够, 浓浓粉葛猪肉味, 汤头不错.鲍汁柚皮鹅掌, 我最喜欢的传统中菜. 摆设吸引, 柚皮全去青无苦味, 焖得软稔入味, 配上巨型鹅掌, 油润软滑, 鲍汁味浓, 非常可口.姜葱鱼腩煲, 用瓦锅上台热腾腾. 卖相吸引, 有镬气. 份量颇多,鱼腩大大件, 少骨啖啖肉, 无腥味, 姜葱鼓蒜, 真系好食, 入口惹味. 送饭一流 .白饭, 口感软糯, 有品质.榄角冰梅骨 , 外表酱料比较深色.排骨脂肪含量低, 肉质稔滑, 用了榄角冰梅做酱料, 调味非常到位, 提升肉排香气, 榄角幽香再加上冰梅味, 令人吃得好回味. GOGO 为食坊, 免茶钱, 无加一服务费, 小菜有镬气, 有份量, 有品质, 真抵食.
继续阅读
晚饭在「GOGO 为食坊」，选择多、品质不错，价钱合理。先尝开胃小食：gogo小食拼盘~ 鱿鱼须、台式肉肠、炸芝士、炸薯条和沙律菜，虽然是炸物，大家浅尝分享不惧上火，也其乐无穷。惹味沙嗲三色串烧~猪、牛、鸡，都咁美味，猪和鸡肉质很嫩滑，烧牛肉串虽然略靭，但胜在够鲜味。海王珊瑚烩伊面~卖相不算吸引，滑蛋献汁味鲜不咸，伊面甘香可口，面质幼滑爽口，细细粒珊瑚蚌肉与细细粒虾肉粒，一爽一滑，美味互相呼应。古盐曲牛舌饭配台式波霸珍珠奶茶、西式餐汤~盐曲是日本常用的调味料，由盐和米曲发酵制成，风味鲜美且富含天然调味成分，厚切牛舌配合盐曲烹调，牛舌肉质味鲜软绵，热腾腾的白饭吸收肉汁，吃得很滋味。雪燕蛋白炖椰皇~雪燕、蛋白、椰皇肉，一次满足三款可口美味，十分满足。香脆窝夫配云呢拿雪糕~又是另一款的精采甜品，看到餐牌，发觉揾日来享用甜品下午茶也不错，中、西、台式都有，非常吸引！
继续阅读
系旺角一带食饭，最惊系无book枱。但有时临事有约又好难预先book定。今次呢间砵兰180+商场的Gogo为食坊，绝对系个正确选择。餐厅占左一层，空间好阔落，夜晚提供咗各种小菜之余，呢度仲可以食埋甜品，做到晚饭甜品直落，啱晒想倾计嘅朋友。餐牌选择好多，二个人点咗三个小菜。其中两个小菜送白饭和饮品。云吞鸡大大锅$148，足足有八粒云吞，半只鸡，好足料！汤底浓郁带金黄色，饮落好鲜甜！云吞啖啖肉，鸡都煲到好腍，骨肉一拆分离，质素绝对拍得上卖上海菜的餐厅。柚子一字骨说它是骨有点不正确，因为每件都好厚肉，而且肉质松化。外面的柚子酱，酸酸甜甜好开胃！超级好送饭！古法蒸斑头腩钟意食鱼嘅人，呢味又系好好送饭。斑头腩每件都系肉，唔会只得骨，简单用葱、蒜头豆豉蒸，已经好好味！最好食系鱼肉连着鱼皮部份，带点胶质，食落烟靭。又清了一碗饭。雪燕蛋白炖椰皇喺度有得食甜品系比较惊喜，唔使转场直接食埋甜品可以倾耐啲～蛋白炖椰皇比较杰身，是我喜欢的质感！因为太饱，所以只点了一个甜品，不过水准也不错，下次有机会可以试埋其他！喺旺角晚饭排惯队又要看限时，嚟到呢度食得好自在，十分推介想坐得耐的朋友嚟呢度，晚饭吹水一流！
继续阅读
一入去，环境干净企理，服务员态度都好热情，落单𠮶阵仲会畀啲好实用嘅推介。我第一时间就点咗个烧鹅双拼叉烧，哇，呢个组合真系正到痹😍！烧鹅皮脆肉嫩，咬落去「卜卜」声，油脂香同肉香完美融合，叉烧又够甜够入味，软嫩得嚟又有咬口，我一边食一边谂，点解我唔早啲发现呢间店啊！🤦♀️ 仲点咗个椒盐粟米，𠮶个香味真系隔住几张枱都闻到！粟米外脆内嫩，每粒粟米都均匀沾上咗椒盐，咬落去好惹味，连平时唔点食粟米嘅朋友都忍唔住多夹咗几啖🌽 饮品我就拣咗台式波霸珍珠奶茶，珍珠QQ弹弹，奶茶茶味浓郁，奶味又唔会盖过茶味，吸一口，珍珠同奶茶一齐入口，真系好满足！🧋 限量嘅雪燕杨枝甘露，芒果味超浓郁，雪燕大大粒又爽口，加上西米同柚子肉，口感丰富到冇朋友，一啖落去，感觉成个夏天都在嘴里啦☀️ 另外，仲有个雪燕蛋白炖椰皇（时令），椰皇嘅香味好纯正，雪燕同蛋白嘅搭配好养生，食完感觉自己即刻靓咗几分😜
继续阅读
早两日收工，去了GOGO为食坊，小炒热饭，Foo还叫了铁板牛排和糖水，各式各样都同一餐饭可以食到，真高兴。翡翠虾球带子 $148加$12转套餐有白饭热饮送热杏仁霜虾球好大只，粉白虾身圆满满的，一啖一大只，完全塞满整个咀巴。爽弹的口感，刚熟的状态，好好食。带子同样大只，弹滑的质地，份量亦不吝啬，满满一碟虾球带子，爱海鲜的朋友们一定食得很欢喜。旁边还有一大堆鲜炒西兰花，硬脆口感，翠绿色泽，新鲜又健康。澳洲草饲肉眼 240g $158黑椒汁，五成熟，再跟白饭一碗送热柠茶嫩肉香软可口，热板上的肉眼扒瞬即再熟一些，微粉状态入口刚刚好。油脂分布均匀，肉汁锁在中间，鲜嫩滋味。白饭有炒底，粒粒饱满分明。芒果西米露$38雪燕杨枝甘露$42饭后甜品，满足另一个胃的食欲。西米粒粒圆滚滚，颜色通透有咬口。雪燕杨枝甘露除了有雪燕和杨枝甘露，还有一球圆圆的芒果雪糕。
继续阅读