Godiva Chocolatier (已搬遷) 新店位置

無論情人節、生日、聖誕節都會收到Godiva 朱古力, 最愛黑朱古力味。聖誕節d 包裝盒好靚, 有兩個包裝盒仲有keep 住...但係蛋糕就唔係好掂, 試過綠茶味、草莓味同Tiramisu 等..除o左Tiramisu 係幾好味之外, 其他食一啖就放棄, 又鞋又唔軟~__~, 從來都未試過咁差o既蛋糕, 我已經同晒d 朋友講生日咪送Godiva o既蛋糕比我!

貴，真係貴。一定會有人覺得呢度Ｄ朱古力咁貴，值吾值呀？如果對朱古力迷o黎講就值o既，因為超級好味！我的至愛係白色心形o個隻，外面係白朱古力，中間仲有三層，一層白朱古力，一層黑朱古力，好正～(^(oo)^)！另外，朱古力粉都好好味，沖牛奶，好滑，好香～！買得多可以申請VIP咭，週不時有優惠的。上o左Godiva癮的人可以留意一下！

試過Autant Lait, Caraques,Cerisette...... 等等好多款,同o係比利時食o既一樣唔掂.得個樣,唔好食!

有個損友o係我減肥個陣送盒Godiva 朱古力俾我, 對朱古力我唔crazy, 甜得滯o個D 直情驚, 但Godiva o既口感好好, 好鬼滑漏, 不過又係甜o左D..... 用佢害減緊肥個D sweet tooth 最正, HeHe, 舊年聖誕我送o左幾盒俾人啦....

朱古力之中我都覺得呢間好過see's candies, 我就最喜歡酒心和內有果仁, 它的各款酒心都不同"干邑"那味比較好....可能口味各有不同啦, 我就最怕食see's 的拖肥, 實在唔好食.但我就喜歡到銅鑼灣利園那間多些^^

我唔係好同意之前兩位網友話See's Candies好過Godiva, 佢地話Godiva 只係得個甜字,如果佢地試過Nippon, Cascade 呢d 朱古力就會發覺除朱古力香同滑之外,仲有榛子味或者其他香味!!

第一次自己去買Godiva o既朱古力o黎食果時都好肉痛。雖然好滑，但都幾甜，十幾蚊一粒好似好唔抵咁..但係好奇怪，之後自己又會成日心郁郁、死死地氣咁走去買o黎食。因為佢有種獨特o既味道，係其他朱古力無辦法代替o既！無可否認，Godiva o既朱古力係幾貴o下，但每次食完之後，我會有o的好幸福、好滿足o既感覺。(不過呢d 好個人o既！)我最鐘意佢o地用Hazelnuts Cream 或朱古力醬做朱古力心，食落好滑、好正。其中Truffe 系列亦係我o既至愛~P.S. 若果想食平d 又同Godiva 有得比o既朱古力的話，TST City Super 入面果間Leonidas (Truffe、Pralines & Fresh Cream) 都幾好o架！