Glasshouse Greenery (K11 Musea)

营业中

休息中

前後光顧咗3次嘅餐廳，食物水準一直都係令我欣賞嘅地方，唔只味道出色，連賣相都好精緻，價錢合理，環境裝修都好高質，但點解員工質素可以咁差！ 由入門口開始，Reception同事嘅說話技巧有待改善，如果需要客人喺門口等等，可以禮貌啲「請」客人等一等，而唔係「咁你等等」。服務性行業禮貌係最基本，反而我等你安排張枱比我，我唔該返你轉頭，究竟邊個serve邊個呢？ 入到餐廳，坐位嘅清潔已經做得好差，櫈上面仍然有好多食物殘渣，仲有疑似朱古力物體，我用紙巾抹一抹，係仲抹到有顏色，證明佢唔係固有污漬！然後開始落單，方圓十里只有一位員工，咁我哋叫一叫佢，當下佢雙手係捧著準備出餐嘅食物，但佢用一個非常之唔願意嘅眼神望住我哋，然後一聲不吭地走了，望住佢離去嘅背影，我真係調返轉頭覺得唔好意思，你拎住咁多嘢，得仲去叫你，比你啤返轉頭係應該嘅！不過既然你隻眼都可以啤住我，點解唔可以用個口嚟回應我，叫我哋等一等，轉頭返嚟幫我哋呢？ 真係令人匪夷所思！雖然我都好欣賞廚房師傅可以整到咁好食嘅食物，但你地係一個open kitchen，點解可以咁大聲係到講粗口呢？仲要係唔止一兩句，係我由頭坐到落尾都聽到十分地道嘅港式粗口

最愛這個商場可以帶埋寵物狗shopping，而最喜歡其一這間寵物友善餐廳可以與毛孩一齊食住歎，而且店內高級男經理亦對毛孩非常關愛，希望商場可以續步吸納和開放更多寵物友善食肆配合返現時香港新世代文化啦！入返正題先呢間餐廳我已經來過3⃣️次，無論午餐、下午茶和晚餐都沒有令我失望每次帶朋友嚟食完都讚因為無論食物、環境、服務態度都沒有問題，係呢段抗疫期間都不會hea做，而且食物和飲料質素keep得好好價錢又平靚正 無論情侶👫一大班朋友又或者一家大小都啱晒嚟呢度聚腳吹水慶祝🪅係呢度就唔洗講咁多美食comment 因為相信網上面不少食客已經寫咗好多齋睇相片都感覺到餐廳美食好得最重要個商場消費完仲要有免費泊車優惠真係正到爆

相信會花時間特登去比一個差評都真係食到成肚火，重點係呢間餐廳可以儲到咁多差評都算犀利，而點解咁多差評都仲係要食？全因為真係時運低鬼暗眼，唔小心喺Klook嗰度求其點咗個下午茶套票，堅係K11諗住有返啲質素就冇乜點睇清楚。今次係我第二次嚟，第一次差啲同個店員嘈交，而上次嗰個店員應該已經俾人炒咗，但今次同樣地繼續態度差，自問我講每一句都唔該前唔該後，但門口果位手戴住口罩都見到佢西面，講真唔想返工其實真係可以辭職，真係害咗間餐廳🥲 👎🏻有一位新來嘅店員睇得出有少少未係好適應，但係反而態度好好👍食物質素普普通通，但係一坐低見到枱面嗰隻叉真係嚇一條，我諗茶餐廳都洗得乾淨過佢，上邊積左D好似鼻屎硬左既跡，杯凍檸茶衰過茶餐廳，怪味👎🏻

昨天自己生日訂左位，之後睇到食評話服務不好，原本想取消的，但想想都試試，結果服務好好，野食都幾好，同老公食左最好美的脆皮疏夫里，好好食。服務好有禮貌，不停幫我加水…好好吖，所以幫佢地平反下。

好鍾意呢度，餐廳設有室內同室外，室外用餐好有氣氛，食物又高質Grilled US prime rib eye streak$348 12oz 表面焦香內裡軟淋，肉味香濃，超好食👍🏻香辣沙嗲牛肉串 $110/3串肉唔乾味道唔錯，旁邊配有印度薄餅可以點沙嗲醬食，可惜串燒份量有點小熱灸朱古力Brownies $98配雪糕食，又凍又熱咁，幾得意Five cheese pizza $188Pizza係薄脆底，芝士多到有點誇張,芝士紅啲試玫瑰草莓花茶$62可以凍飲亦都可以熱飲嘅花茶，其中一隻杯內有粒士多啤梨冰轉頭，還有一個士多啤梨糖漿，一茶兩味，超鍾意雲霧芒果$62似芒果沙冰加奶蓋人客太多，人手唔夠，叫咗好多次都冇人應

Firstly they kept saying there is no space for the baby stroller when there are plenty of space. Eventually I could park it where it wasn’t blocking anywhere but they still told me there is no space. Secondly the waitress walked away when I was still ordering and didn’t even turned back when I said I haven’t completed. The waitress just waved at me saying ok back facing me. Thirdly they said the dogs cannot come out but at the same time they didn’t let the dog cart go in. What a pet friendly pla

女帶位員態度散漫及安排混亂今日約16:15進內飲下午茶，等位時，本人請求安排露天位，她回覆：露天座位要等超過一小時，故不會安排給我們，只可安排室內座位。因此，我們坐下室內位置。隔了幾分鐘，看到有露天位有客人結帳離開，本人再請求該女職員安排一下，她今次回覆：有其他客人預約了！安排唔到比你。未幾之後見到有客人被安排此位置，反而該名客人拒絕了此位置，要求坐回室內情況下，女職員二話不說就答應他的要求。我有見及此，於是乎我再找另外男職員查詢調位問題，他說：随便。我們調位後多次嘗試落order不果，因沒職員理會。但這女帶位職員前來冷漠地說：你地唔可以坐喺度喎，有其他客人訂了枱⋯⋯我回應她：我已經問準左你地其他員工，她說：你問咗邊個啊？（我真係唔知，我以為我去咗高等法院受審中．．）（既然有客人訂左此枱，最終又比我地坐？我真係好亂，唔明白是什麼指標）。本以為事情得以解決，點知職員告訴我們menu大部份飲品已經沽清（咁今晚晩市究竟客人有什麼可以飲，可以食呢？！不如餐廳早收工，員工返去睇世界盃啦）希望英明的經理可以與有關人士溝通溝通，不要被那些害群之馬繼續影響食客心情（我們食客是無辜的）及該餐廳名聲。結論

呢次起K11 Musea覓食，去了一家充滿田園氣息既店鋪。環境裝修挻美食，營造舒適既室內環境及寬敞既天台花園。餐牌上有好多創意菜式， 主打亞洲各國既經典美饌與西方滋味熱焦糖泡沫咖啡焦糖味道超重，同時帶有濃郁既咖啡香氣。香煎法國鵝肝多士多士烤得香口，鵝肝豐膄甘香, 唔錯唔錯

約左11月生日嘅朋友食嘢見喺K11 Musea應該環境同食物都唔會太差點知就出事 伏伏伏‼️性價比極低😒食物質素差 + 員工態度呼喝 無禮貌全餐最正常嘅Big Breakfast 但$168一定有更好選擇三文魚處理得唔好 偏腥 同麵完全唔夾🤢小食拼盤完全用來貨堆砌出嚟來貨唔緊要 餐廳應該有把關 但幾樣嘢都完全唔好食 $268連兩杯嘢飲(加錢叫左手沖椰子咖啡)Salami Pizza最後到 見到感到唏噓 零散嘅salami 加極普通嘅芝士好似去左渣渣cafe😑服務🚫🚫🚫一早book左枱 對完電話號碼呼喝do完安心/通行證Reception員工帶去望望室外座位 個室外座位一地垃圾員工見到選擇拉一拉張櫈遮住就算落單員工呼呼喝喝 不耐煩追加嘢飲時員工直頭不知所措 將個托盤放喺地下😑出菜員工唔講嘢就放低 再唔係就話唔夠位擺 叫客人清枱🙃本身想叫個蛋糕慶生 點知已經隊張單黎話夠鐘最後4個人食左$1100如果有啲餐廳係可一不可再呢間建議大家一次都唔需要試😒

九流服務waitress同 waiter永遠都咁忙， 你叫佢， 未問清楚你要乜， 老鳳唔得閒應😤😤， 應你都廢事😲😲，個香港女侍應仲做埋手勢叫你唔好煩佢✋🏻✋🏻✋🏻, 你嗌佢佢舉定手示意say no✋🏻✋🏻✋🏻，（另外喺outdoor有個後生啲嘅態度就還可以）, 跟住點餐仲好笑 ， 同我哋講快啲嗌啦（澳牛咩！），快啲嗌啦唔係要等好耐（但聽講我嗌你過嚟你唔應喎🤷🏻‍♀️🤷🏻‍♀️），好似趕火車咁🚂， 價錢唔平， 我又唔係食茶餐廳， 喺得rosewood 梗係想relax， 繼續係咁嘅服務態度你聽執啦，不過都係冇下次！食完背脊骨落！仲有個菲律賓員工拉開口罩卒鼻😨😨😨， 完全冇衛生意識， 極恐怖。🤮🤮🤮感覺呢間餐廳完全冇training可言，唔知請咗啲咩人🤦🏻‍♀️。

我哋book左6點，5:55pm到，入座前講咗限時90分鐘，但一坐低，已經係咁問我哋諗定食咩未，好啦叫完嘢食後，極速上晒嘢食同飲品，我哋食咗30min左右就食完，佢見我哋食完即刻問我哋要唔要甜品我哋話唔使啦，佢就收晒我哋枱面嘅嘢，即刻拎咗張單要我哋埋單，仲同我哋講話俾咗錢先可以繼續坐。咁我哋俾咗錢再傾咗陣計，6:35pm個陣男經理就走過來同我哋講，佢話後面有客人，叫我哋走，傻的嗎，呢個價錢食快餐？仲要趕人走，但我哋去到門口嘅時候都冇人喺度等緊，絕對冇下次各位想食快餐的可以嚟食，食到成肚氣

今日同我朋友一齊食dinner，我哋book咗18:00，我哋叫咗一個意份+一個pizza+加一個薯格再+兩杯嘢飲，其實成個過程都幾舒服加上我哋坐外面又有啲風，整體感覺幾好嘅，但係我同我朋友食完一放低嗰叉啲職員就衝埋嚟收曬啲碟同所有嘢，仲抹埋枱先，又問叫唔叫dissert啊，我哋話唔洗喇，就立即衝嚟塞張單俾我哋，我嗰刻就望翻時間只係18:22，我哋入座前佢哋聲稱話用餐時間90分鐘，佢哋咁樣等同趕我哋走喇，之後我哋就問嗰職員唔係用餐時間90分鐘咩？佢話你埋咗單都可以繼續坐㗎，佢講到咁囉，咁我哋就埋單繼續傾偈，咁過程中我朋友話見到同聽到成班職員喺角落頭度竊竊私語話點解俾咗錢仲唔走啊？之後就有個男職員行埋嚟話仲有下一輪，你哋要交枱喇，嗰刻我望嗰時間係18:58，1個鐘都無啊，大佬，呢度唔係快餐店啊，食完要立即走啊，我哋都無乜點傾過計就不斷有職員衝過嚟打擾，仲要趕我哋走啊，呢個係乜嘢服務態度，我哋起身走時仲有啲職員講緊我哋㗎，咩事先，我哋食餐飯要受到咁嘅對待，仲有我哋起身都無見到有人排隊亦見唔到好爆，仲見到仲有好多位㗎，成個過程係好唔舒服㗎，下次唔會再嚟喇

咁啱平日放假，男朋友book 左呢度既下午餐，諗住去chill 一chill ~餐廳光線充足，好適合女仔打卡📸影得個人都靚(*ˉ︶ˉ*)Tea set 價錢好抵，只係$388/2。(⁎⁍̴̛ᴗ⁍̴̛⁎)仲要係港女最愛三層架(*ˉ︶ˉ*)每一層既食物都好精緻，男朋仲好滿意，我就覺得ok la 😂😂有幾樣食物都想分享下：紙米卷：清新 afternoon tea 唔常見三文魚芝士撻：味道好夾磨菇甜椒撻：放耐咗所以撻皮冧咗🥹牛肉漢堡：麵包鬆軟，肉嫩棒棒蝦：香脆可口士多啤梨慕司蛋糕🍰：香滑布朗尼：質感厚實爆爆珠奶凍：爆爆珠口感好有趣，法式馬卡龍：鬆軟，唔會過甜據open rice 資料：為Glasshouse的升級品牌，主打融會亞洲各國的經典美饌與西方滋味，把傳統精髓與現代烹調技巧結合的創意菜式。客人可於舒適寬倘的室內環境，或室外的小清新天台花園內品嚐精心準備的美食及飲品。

諗住食個下午茶，叫左個和牛burger黎到個芝士係淋係上面個包皮面（咩玩法？）成個包皮淋哂⋯已經覺得伏唔緊要，咁我移走上面個塊包皮食啦舊漢堡係overcook到又硬又實用刀都要切好多下先切得開入口仲有陣奇怪既味道本新係諗住幫襯樓上elephant 人地落場唔做熟食先落黎食點估到食物質素可以差到咁！價錢都唔係特別平飲品～$60，Burger ～$200 完全唔值！真係去食麥當勞都好過佢！！

The service is worse and worse,the dessert that we ordered at 18:30 has still not been arrived by at 19:30.The waiter says,"it is still in progress,you have to wait longer."This is my first time hearing people saying,"oh,it is still in progress."I was like Bruh!!!!!!!!!!!And then,the dessert finally arrived.The waiter said,"my mates only thought that you eat salt to sweet."Wth !OMG!The worst lie I had ever heard.