Glasshouse Greenery (K11 Musea)

营业中

休息中

星期六睇完戲經過見到 好chill Garden 風仲有室內外位嘅落地玻璃餐廳 🌿🍃🌱見冇乜人排隊就入咗去試叫咗雞扒鐵板意粉同埋龍蝦法包兩樣都好好食雞扒意粉意粉Al dente 因為用鐵板上所以食完包再食都仲係好熱 意粉個味好似茶餐廳既黑椒雞扒意粉味 正 👏🏻👏🏻雞扒煎得啱啱好入面Juicy外面脆 配搭得好好 龍蝦法包麵包脆卜卜 龍蝦沙律好清新成件事好夾加上餐廳環境舒服 值得再次光臨 我見到menu 有 d 特飲 下次再去會試埋☺️☺️

今日嚟到K11musea睇完早場，要搵嘢醫下個肚仔先，行行吓見到呢間裝修好舒適🤩嗌左嗰GlasshouseBreakfast，有麵包、香腸、太陽蛋、薯餅、烤番茄、粟米、茄汁焗豆、煙肉及沙律🥗煙肉煎得啱啱好，好香脆😍煙三文魚奄列，煎奄列伴沙律🥗煙三文魚好足料😜煙燻三文魚味道好濃郁，配埋蛋香味😍是一個prefect 早上❤️仲加左半個牛油果🥗🥗點了一杯熱latte☕️Americano ☕️Latte香滑啡香

端午節之宅渡假，退房後在酒店附近K11逛街，J先生提議去K11 Musea內食午餐，最後選了半開放式餐廳 - Glasshouse （因天氣不太穩定，我們選擇了室內座位）每枱限時90分鐘J先生話：茶底香濃蘋果丶菠菜丶牛油果丶青檸汁丶螺旋藻及羅勒所製作成綠色凍飲！喝了一口；感覺似果汁；很清新豬扒炸得外脆內軟，配上菠蘿丶蕃茄及生菜，粒粒紅青椒加上酸酸甜甜醬汁，中和油膩感J先生話：薯條外層有點與別不同之味道！但可惜…上枱時只是微熱溫度雞扒煎得肉質嫩滑，配上紅青椒丶芽菜丶洋蒽丶菇切絲與意粉炒到熱辣辣；再加蛋漿包圍著鐵板上碟感覺到那股熱氣…食了一口，意粉軟硬適中，而配菜帶出爽口及微微黑椒辣味GLASSHOUSE 總結：值得一試！

在openrice訂了三位每人$348 的華麗寶盒下午茶還要事先比錢，到餐廳卻被告知必需要雙數訂位，臨時要將一位換了二人用的田園下午茶。這大概是因為openrice和餐廳溝通出現問題，我們也欣然接受！然而$348一位的下午茶，竟然要三人劃一飲品，不能各自選自己想飲的。而以2人合共幾乎$700這價錢，提供的是一碟在超市最多$150內絕對可以吃到cheese & ham，廣告中的pancakes原來只有5圓硬幣大小，十分不抵食！相比，$348的2人田園下午茶反而更值！同樣價錢可以到中環食到更高質環境更舒適的酒店high tea, 想訂的食家們要小心考慮！

話說工作突如其來嘅取消所以搵個地方食嘢Chill吓！見open Price 上環境不錯就去試吓！下午5pm到達場内一半入座相信大部分客人都為咗afternoon tea打個卡作吓狀！By the way… 我純粹係食嘢同嘆番杯🥂 安排入座室內座位！首先張長凳有一邊角位係凹陷斜埋一邊都算喇！反正隔離枱冇人我坐過小小都ok嘅！但係就音響嘈到拆天，唔知以為自己日光日白去咗蒲！下午茶Menu有afternoon tea for 2 $388, Daily Cake Set $88 或House Platter $268 包茶或咖啡！似乎以上嘅set 主要係提供俾2位客人選用，solo 1人就只有cake set！因為有點餓為有A la carte⋯⋯Curry Crab Baguette $138, Prosecco 1杯$108，選好食物就叫侍應點餐亦順便同佢講音響太大聲吵耳，可以調細聲少少嗎？侍應禮貌地回應：唔可以！呢個幫唔到你！我：嗄！！唔可以？！侍應：係！唔可以⋯⋯幫唔到妳！我真係好驚訝地覺得點解唔可以呢？！咁我唯有主動要求換過另外一張枱在外面對住商場店舖都總好過嘈到頭都痛埋地食個下午

朋友相聚，想揾一個View好睇啲既餐廳，於是揀左glasshouse顧名思義，glasshouse係一間玻璃房，店內有許多精心養殖既綠色植物，整體環境非常自然舒適，我地提前預定左天台室外的位置。嗌左一個蟹肉牛油果烤麵包salad做前菜，味道很驚喜，尤其係蟹肉搭配牛油果，非常清爽。主菜我地嗌左Chinese Sausage Pizza,唔知係唔係入鄉隨俗，Topping係廣式臘腸，配上小小蝦米，非常特別，幾有層次。餅底酥脆。甜品我地嗌左香蕉火焰焦糖燉蛋，先要倒上Rum然後現場點火燒出焦糖，可謂係十分有創意，最尾再潑上coffee提味道。咖啡既濃郁和淡淡酒香，整體味道非常美味，無愧係融合菜。

選坐餐廳的露天位，到處種滿植物、大太陽傘、藤椅......頗有渡假感覺，飲一杯賣相打卡一流的特飲，一邊欣賞城市美景，一邊享受美食，感覺輕鬆自在🥰😎好多款特飲，賣相配搭都好吸引!我點了Blue sunset 藍日落$58:有檸檬草、菠蘿汁、青檸汁&蝶豆花，飲品上紫下黃，賣相一流，好清新又唔太甜朋友點了雲霧芒果sweet mango cream foam $58: 芒果味香濃，不過冇甘解渴四季薄餅Four seasons pizza$168 有四款口味：蕃茄醬牛油果、松露蘑菇及5款芝士，岩晒貪心試新款既我地😍香芒軟殼蟹紙米卷，芒果甜、軟殼蟹香口，好多蔬菜，食落好fresh 😋夜晚好正，美食美景😎

啲嘢食不過不失 但service奇差 連我呢啲一向唔寫食評嘅人都要浮上黎抒發下一開始坐低 水都冇杯 係我哋不停舉手叫人先有人肯理我哋上菜唔專業 叫左個pizza 擺低嗰陣竟然sir左落枱 算！叫左個梳乎厘諗住同朋友慶祝生日 我仲要提埋佢要寫happy birthday 都唔緊要 等左一陣先話個梳乎厘要等30分鐘 我哋仲有15分鐘交枱 所以叫我哋轉甜品 ok fine 到差唔多交枱時間 即隊張單過黎 ok 食緊甜品都即刻埋單 拿拿林食完走人！以為有好多人排緊隊啦 出到門口 一個人都冇！頂！very bad experience!

上網訂咗位，但係想同餐廳講，因為限聚令關係，用兩個名訂位，希望兩張枱坐近啲。但係完全搵唔到餐廳職員，打咗去餐廳兩個星期，不同時段打，電話完全冇人聽。去到登記時，外籍職員黑面態度，同埋你問佢問題佢唔睬你，真係想用粗口爆。朋友生日，想喺甜品加支蠟燭，同個外籍職員講，佢用好倔嘅口吻質問我點解唔訂位嘅時候同佢講，我勁想爆佢，你聽電話先講嗱，我想同餐廳職員預先講好，不過都聯絡唔到餐廳。都費事評論食物。唔會再有下次想再來。食物一般啦，可能因為態度已經影響咗心情

上次巧遇此地想吃tea set吃不到.今次一早預訂好位置..還諗著今次理應志在必得的..誰知太早來到都是吃不到的😭omg..只好再一次預訂位置下次再去😢...到此一遊.只好享受店內的其他美食🥺▪️小食拼盤$248平日花心的我.喜歡每款食物都叫.但叫了後只吃兩口的我.剛好遇上這拼盤一次過滿足了心思思的胃口🤤內裏包含了：蝦餅🍤魷魚鬚🦑春卷🫔蜜糖雞翼🍯牛肉串🐮雞肉串🐣等..款色多樣性.每款食物都是炸得香噴噴脆卜卜的😍而且又不油膩👍🏻雖然不是太特別的..但配上特調醬汁後就滋味滿載的🤪▪️香蕉配朱古力多士$88多士的鬆脆上次吃士多啤梨配雲呢拿多士時已說了便不再多提..今次香蕉配朱古力🍫簡直是令人回憶童年之選.. 吃下去的感覺就像小時候吃香蕉船的味道&回憶.令人念念不忘.朱古力味的濃郁口感令人陶醉😎是擁有少女心的必須▪️fluffy roti 🫓 $68 外表像雲朵般的油酥餅.內裡是千層柔軟的觸感.一層疊一層層次分明非常精细😍吃下是脆而不碎的充滿奶油的香味🤤另外配上特製的醬料..令味道更為濃郁豐富..不過我還是喜歡原汁原味的😏

點了沙律、龍蝦包、意粉和芒果特飲。意粉和包都差不多吃完還沒見沙律影蹤，問店員愛理不理。 4人枱斜對露台門，店員顧客不斷進出，風吹不斷，向店員反映，回答：係咁㗎啦！一句講晒：人的問題。食物質素還可以，但這種價錢，選擇多的是。

約親閨蜜食飯一定係去啲有靚景嘅餐廳食飯不過當日得返outside坐 比較熱叫左好多野share串燒 Pizza雞翼佢地既服務態度就真係麻麻 野食都唔係話真係好好食純粹得個景同feel好

▪️ 酥炸魷魚鬚配韓式泡菜醬$88本來只是叫了多士的.但看見旁邊的相當吸引..所以真的忍不住了🤷🏻‍♀️ ｛極邪惡的.但必叫｝是極脆口的金黃粉漿.輕輕薄薄的一層.極酥脆不油膩.吃下肉質肥美又彈牙🦷不沾醬是原汁原味的鮮甜.沾醬是開胃的正能量😍真的引不住一條一條的遊進嘴裏🤤▪️香草雪糕配草莓多士$88好東西..真的不怕等待⌛️需時20分鐘的製作.即叫即做熱辣辣🔥厚多士較外的位置脆卜卜.刀刀切下去都是「嚓嚓聲」悅耳的鳴聲..麵包心是軟熟綿綿.微微的烘烤🥯..配上忌廉&雪糕🍦冰火交替著.甜絲絲.軟綿綿的口感🤤果然是女生的敵人..好吃得不要不要🤪不過忌廉真的是過份多.多得不想再放入嘴裏😣▪️Vietnamese Drip coffee ☕️ $58 利用椰子🥥水製造出完整一大顆冰球.再配合手沖咖啡☕️令咖啡入口清爽不苦澀👍🏻夏日炎炎消暑之選.另外還附上香甜椰漿.咖啡的甜味的根源..精神👍🏻椰子🥥的濃郁帶來清涼大海般的感覺☀️&🏖

同老友午餐，見到成兩舊水嘅叉燒煎蛋飯（加塊鵝肝）俾個價錢嚇咗一嚇，不過諗起食神飯，就姑且一試啦。滿心期待兩舊水嘅叉蛋飯一上枱。我：「⋯⋯ err」侍：「有咩問題？」我：「（攞住menu張相）好似實物唔係好似喎。」侍：「有咩問題？」我：「呢碗得四舊叉燒，張相有成九舊，好似小咗啲喎。」侍：「咁我幫你問下廚房⋯」A few moments later...侍：「（送返原本碗飯俾我，不過啲叉燒俾人抄過下）問過廚房，係呢個份量。」我：「😳 相有咁多，呢碗一半都無喎。」朋：「係喎，我上次食都唔係咁少」侍：「問過廚房，叉燒80g份量啱喎，同相裡面嘅一樣重。」我：「（又睇吓份menu)邊度寫住80g？」侍：「廚房話係啱㗎⋯」我：「咁⋯ 」朋：「叫過第樣啦。」侍：「⋯ 你係唔係唔要？」我：「咁我叫過其他啦，不過都係建議你換過張相⋯」最後叫咗Pizza，係好食嘅。👍🏻～完～

陪大人響K11 Musea 行左一段時間，行到攰決定搵間餐廳坐下，最後見到呢一間餐廳門口有唔少人排隊，應該唔會差既，所以決定入去一試。😏我哋點左兩杯飲品及一個all day breakfast 當下午茶Blue Sunset顏色配搭好靚，適合打卡用，但味道偏酸少少，完全係改版檸檬水Vietnamese Drip Coffee (Coconut)非常有特色既手沖咖啡，可以自行決定加不加椰奶，入口咖啡味十足，尾段會有椰青既味道，如果再加埋椰奶，椰子味會更加突出，而且又唔會蓋過咖啡本身既味道Big Breakfast 美中不足既地方，個人覺得有肉醬，應該要配個白飯，可惜佢無😅，煎蛋🍳煎得過左火，味道好燶，炸魚比較乾，其他都尚算過得去