FW Shop (已結業)

今日放工，經過一間賣麻糬波波既舖頭，店舖門口都有人龍，望入店舖內第一眼望見d麻糬波波好七彩繽紛。可惜係舖頭唔記得影相。。顏色好靚又見有人排隊就吸引左我去買黎試下。排隊人龍唔算長，我前面都係得8個人。大約都係排左10分鐘就有得買。每個麻糬波波都係買$7/個，如果有菠蘿皮就$8/個。我買左6個唔同口味既菠蘿皮麻糬拎走返屋企食。返到屋企急不及待即刻打開黎食。。麻糬上既菠蘿皮脆脆地，脆到一咬就會跌到成地都係😂個包個人認為好好味，比起大舖既麵包舖做得更好食。好食到覺得食麻糬波波可以進入左另一個境界。極推介⭐️⭐️⭐️紫薯菠蘿皮麻糬 ⭐️⭐️⭐️朱古力菠蘿皮麻糬

雖然呢間都算係灣仔區內麻糬嘅人氣店，不時你都會見到中午或是下午茶時間有短人龍，不過你重新睇返佢嘅食評，🥺發現其實只有三份一係好評，點解呢? 🧐我試一試，不過朱古力咖啡味，味道尚好，不算太差，中間亦都夠質感，尚算質地煙韌彈牙，不太空虛。不過另一個原味的，雖然外皮鬆軟，頂上有菠蘿皮，但查實我覺得，要吃菠蘿皮，不如吃菠蘿包，不用吃「菠蘿皮麻糬」。原來內裏其實是大大個空氣包，大大個洞，雖然外表不算太少，但是中間的大咕窿，大到佔了整個包的一半，😤難免賣得咁平，先唔講食完唔能夠充飢，作為一個麻糬，你也不會期望它口感很好吧。因此，試了兩個之後，我發覺其實都不算特別出色，如果再試可能試綠茶味，不過冇乜特別需要都未必會再試。不過以年輕男女來說，會望住你殷勤講句多謝曬，係好難得，鍾意「食服務」嘅人，係可以一試，畢竟吃兩三個，都不消三四十，淨係態度我覺得搫而可以支持⬆️！

經過灣仔呢一頭，附近好多小食店😋 少少口痕周圍睇吓有咩食，見到呢一間賣麻薯波波嘅有好多口味，而且仲有我鍾意嘅菠蘿皮，見到都幾多人幫襯，所以貪得意買咗試吓，點知原來味道一流，過幾日經過又再買多次🤭紫薯菠蘿皮麻薯 ⭐️⭐️⭐️⭐️⭐️顏色好靚，紫薯味勁濃勁香甜，配搭面頭脆脆地嘅菠蘿皮，麻薯包又煙煙靭靭，真係超好食！幾個鐘頭後我再經過呢間店，紫薯味已經賣晒😳咖啡朱古力麻薯 ⭐️⭐️⭐️⭐️入面有粒粒朱古力，面頭嗰啲應該係咖啡粉，食落感覺似摩卡味☕️ 不過相比起嚟，紫薯味更有驚喜！朱古力麻薯 ⭐️⭐️⭐️⭐️⭐️呢個係朱古力味再混合大量朱古力粒粒，如果你鍾意食朱古力，相比咖啡朱古力味，我會比較推薦呢款，食完口腔充滿甜味，好有幸福感😍

Spotted a mochi ball bakery on the way to HKCEC, and had a hard time deciding on which flavour to try. I chose the green Pandan flavour topped with pineapple crust at last. Pandan flavour was on the mild side, the mochi ball is stuffed with a lot of chocolate chips- perhaps that’s the reason for overwhelming the pandan taste. I’d prefer a stronger floral taste from the pandan. The pineapple crust was pretty nice though. Next time I ought to try out their new coffee chocolate flavour.

I am 麻糬super fans🩵之前聽朋友講灣仔有間賣好多顔色嘅麻糬，好奇就搵下試試佢🤣見係灣仔行完街見肚餓就買左5大粒麻糬做lunch😆佢哋啲顏色真係好靚㗎！七彩繽紛🥰我揀咗五粒都係普通皮嘅麻糬($7/pc)，佢哋另外有一set呢就係菠蘿皮嘅($8/pc)，但係有嘅味道都係一樣🙈以下就逐粒分享吓~1. 紫薯麻糬👍🏽每啖都有淡淡嘅紫薯味，裏面仲有少少蕃薯粒，有啲咬口，又幾得意喎😆2. 原味麻糬👍🏽原味麻糬波波嘅皮比較軟熟，而且呢個餡係一啲軟琳琳嘅芝士混埋喺麻糬入邊，好煙靭😋3. 綠茶紅豆綠茶味相比起比較重，因為唔係好食到紅豆😂4. 芝士麻糬👍🏽真心又幾好食！本身啲麻糬都鹹鹹地，但係依個麻糬包表面有啲係燒脆咗嘅芝士，好有咬口，而且唔會太鹹，正😋5. 斑斕麻糬斑斕有少少鹹鹹地嘅味，再加埋幾粒朱古力粒碎，朱古力唔會太甜，但係真係得幾粒🙈總括而言:🩵個人建議一定要試吓👍🏽原味👍🏽芝士同埋👍🏽紫薯麻糬呀😎

🇭🇰FW Shop·朱古力麻糬$7 l 肉鬆麻糬$7 l 原味菠蘿皮麻糬$8呢間係我有朋友食過話覺得佢朱古力味新鮮出爐好好食 所以經過我即刻買嘅😎不過我覺得佢無我想像中中咁好食 因為佢係偏向似軟熟嘅麵包 中間都有啲煙煙韌韌嘅 但係就冇好mochi嘅感覺🫢佢個朱古力味都出既 不過就偏甜🍫肉鬆味相對就無咁出 我都係中意食梅窩麻糬王多啲🤭之後我自己覺得普通嘅麻糬好味過佢個菠蘿皮麻糬 因為佢個菠蘿皮放耐咗會微微有啲出油 口感冇咁好🤣🤣·#rbyeat#rbybakery#rby灣仔·📍灣仔軒尼詩道149號萬寶樓地下C號舖

平時經過，星期六日都有條小隊要等下，平日就唔駛排，今次星期六都唔駛排，就即管試下。紫色嘅紫薯味好夠濃，配麻糬嘅煙靭都匹配。咬落去唔會空氣感太重，都算有咬口。而朱古力味最普通，一般麵包店都食到更濃嘅款，斑蘭亦一般，係個菠蘿皮配麻糬先救，令簂覺得呢8蚊係值得嘅。總結：唔駛排隊的話，都可以食，但要排隊真心要唸。而價錢尚可接受，不過如有適當優惠會吸客D，而家續粒計7蚊，同有菠蘿皮8蚊，試下無妨，不過有優惠先會keep住幫襯囉。

灣仔人氣麻糬波波新店 社交平台都幾多人講呢間 但見到網上評價2極 吸引左我去試試.夜晚6點黎到 都幾多人keep住買 但唔洗排隊⭐️麻薯波波有菠蘿皮$8 冇皮$7呢次試試 比較小見嘅紫薯味 同班蘭味👌🏻佢地菠蘿皮做得比較薄 對比其他店 佢菠蘿皮唔鬆散 唔易碎👍🏻麻薯波波 做得實心 厚同軟熟過其他店👌🏻斑蘭味 比入面朱古力粒粒搶左風頭 所以冇咩斑斕味👌🏻紫薯味 顏色十分搶眼 好軟熟 但紫薯味同樣唔太出.簡單分享下 對幾間出名麻薯波波店睇法西灣河 庭昌 最平 最抵食 空心 菠蘿皮鬆散灣仔 麻薯王 做到外脆內軟 細粒啲 但凍咗會比較乾灣仔FWshop 最飽滿同軟熟 凍左都仲係一樣味 係佢哋優點.呢三間風格都好唔同 好睇個人口味而我最鍾意都係 庭昌🙈性價比最高..#FWShop (灣仔)地址：灣仔軒尼詩道149號萬寶樓地下C號舖.⭐️評分：味道：3.8/5環境：-/5服務：-/5抵食：3/5.

上一次出差入左屯門，收工搭車出番嚟灣仔，落車行去地鐵站見到呢間小店，「咦🤔️咁多人排隊既！」原來係專賣麻糬波波店，可惜當時趕時間無幫襯到。事隔三個月，又出差工作嚕，今次真係起灣仔區，食飽飯特登行過嚟碰碰運氣🍀，「正🤤唔係好多人排隊，而且又唔趕時間🤭🤭」F&W既玻璃櫃主要有六款口味，分別係超人氣朱古力味、肉鬆、芝士、原味、紫薯&斑蘭，外皮則有分普通版$7或菠蘿皮版$8。小妹好耐之前已經好想食菠蘿皮麻糬波波，仲記得當時啱啱興起食菠蘿皮，銅鑼灣某間店排晒長龍添，小妹當時都有排過隊可惜買左番嚟🥹一心以為係菠蘿皮啦，點知係普通嘢😂😂今次終於有機會食到啦，連續兩天午飯後都走過嚟買🤭🤭咁就食咗四款口味了：朱古力、芝士、紫薯&斑蘭，拎麻糬波波們上手係感受到重量，除左芝士波波內因芝士影響有少少空間外、其他都好實心，每款口味各有特色，芝士味鹹香、斑蘭味香濃、朱古力味濃郁、紫薯味淡香，相比起小妹平時食開Aeon麵包舖$10/3粒既，真係好得太過分，$8一粒真心一啲都唔貴，而且好抵食添❣️❣️❣️小店建議今日買今日食，唔好放隔夜🤭未收工番屋企已經食晒😂😂

灣仔人中午時份，大部分打工的都出去搵食，順便抖下氣。軒尼詩道的一個小小鋪位，永遠有條小小的人龍，就是這間只有一款甜點的店子。每日都有好多年輕嘅遊客慕名而來。FW 只賣蔴薯，行過撞到出爐會聞到其香味，蔴薯味道也不少，每日起碼有10 種。我買左原味和同事開心share 原味蔴薯、紫薯蔴薯$7-$8 粒和同事分享時已經過咗最好味moment , 先試原味拎起也有點重量，小小甜、入口煙靭又不會痴住牙，ok 的。紫薯蔴薯紫色超靚這個比原味更好吃，因為有紫薯蔴粒，但問題系食到個咀變成紫色。

FW Shop早幾日放工第一時間趕去，終於都試到最想試嘅紫薯麻糬，同斑蘭菠蘿皮麻糬買嘅時候仲係熱辣辣架，即刻試食左個紫薯麻糬（$7)。超好食，入邊仲有d 紫薯蓉😍 外層又做到好乾爽，入邊軟綿綿，好喜歡。 留返個斑蘭菠蘿皮麻糬（$8)同朱古力（$7)第二朝早餐慢慢嘆。用氣炸鍋加熱返兩分鐘。出邊更加脆身。有淡淡嘅斑蘭味，加埋菠蘿皮，口感十足。朱古力之前已經食過，all time favourite 嘅味道，冇理由唔買，可惜賣哂菠蘿皮。朱古力都係有一粒粒嘅朱古力係個麻糬度。朱古力滿載。呢間嘅麻糬包CP 值真係好高。大家快d 去試下啦。

🎀灣仔。私心推介超軟熟麻薯波波 必食菠蘿皮😍🎀🪄店名* #FWshop🔮地址* 灣仔軒尼詩道149號萬寶樓地下C號舖🔮🗾分店地區🗾 沒有分店💰價錢$32➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_灣仔剩系食呢一類👉食物類型搜尋🔍🍜#pickyme_甜品➖➖➖➖➖➖➖➖➖➖➖➖➖🎵餐廳環境🎵小店經營 做外賣店～淺藍色外觀已經好靚 玻璃櫥櫃會展示曬所有今日可以買既麻薯波波 價錢實惠 而且勁好食😍🍽️食物質素🍽️呢一間麻薯波波雖然開業無耐 但係由佢第一日開業到而家 我已經幫襯左超過五次 真心超好食☺️經過必買😍曾經都試過大熱銅鑼灣bonbon同埋梅窩麻薯 但真係好麻麻地😂不過提示朋友實測過第二日食味道會無甘好食的 即日最正😬👀評分💖💖💖💖💖🪄朱古力菠蘿麻薯$8鍾意食朱古力嘅唔可以錯過 因為佢外皮係朱古力味之外 入面都食到超濃嘅朱古力味 比起其他內餡系偏濕潤 但係又唔會太甜 因為平時食開嗰啲呢通常都係淨係外皮係朱古力 所以食呢一款都係好驚喜😍如果系出面食會有d呢hea😗👀評分💖💖💖💖💖🪄原味菠蘿麻薯$8完美就比朱古力普通少少 但係佢都係勁好食 因為佢做到入面嘅麻薯好煙韌

當日大概係6pm去到，就只係剩返班蘭味🌿但店員就話咁啱有一盒有整哂6隻味，就梗係買啦！當初仲好開心，但真係有啲後悔🥹🔹麻糬波波 （$7@1）（朱古力、抹茶、芝士、紫薯、班蘭、原味）.朱古力味已經係入面最好食嘅一款，但對比起其他鋪頭都麻麻地🥲啲朱古力有啲似係cheap cheap朱古力粒咁🥹.其餘嘅麻糬波波都冇咩味嘅，由其是芝士&原味😀 真 係 唔 知 自 己 食 緊 啲 咩 ( ºﾛº)好似食緊粉糰咁😀😀一pat野咁.抹茶+紫薯+班蘭都食得出嘅，但食落個味都有啲奇怪🥵🥵 個外觀睇落好似落咗好多食素咁🥶🥶.無論係即食/焗熱都試過，焗返熱係好食啲嘅，但都唔算好食🫠唯一優點就係佢係軟糯煙韌嘅，但真的不值得買👎🏻

午飯時間經過這家麻糬波專賣店時常排隊！現烤出爐，散發陣陣香味，麻糬波有多種口味，可以單顆買，自選喜歡的口味排列整齊，不同顏色的麻糬波看了很療癒拿到手上還是熱的！忍不住先吃班蘭朱古力菠蘿皮麻糬波熱熱的咬下去有黏黏、煙韌的口感，不是空心的融化的朱古力與淡淡的班蘭味很搭菠蘿皮帶點甜，增添了酥酥的口感，十分好吃隔天回烤當早餐，口感明顯沒有剛出爐好紫薯和芝士味都正常，不是很驚艷另一次還是回購菠蘿皮的朱古力和原味建議現買現吃！

中午經過見到人氣麻糟波波店，人龍還好，等候5分鐘內就到了。今次買左三款試一試佢！估唔到咁平都咁大舊同好味！朱古力麻糬 $7三款中我覺得最好食呢個 濃濃學朱古力又唔會膩 麻糬好軟糯😋 上面仲有朱古力粒粒芝士麻糬 $7冇影到相🙈 都不錯 面表都有啲芝士粒粒好好咬原味菠蘿麻糬 $8 （圖左前)好似雪山叉燒包個面咁 表面是脆脆的 不過菠蘿味唔算好出