Fun Fun 串串鍋 (已結業)

第一次去walk in,無位，於是上網book位，黎到見到地方都好細，真係要book位，walk in一定無位，我地安排係台中間坐，坐裡面的完全出唔到去拿野食，只好靠朋友幫手拿，因為隔離坐了人，岩岩好既身位，如要出去就下下叫人借，好唔方便，個爐已經占台大半，個煲上埋台都無位放野，得個二里位食野，如果「胡」低食，就貼到個爐，好危險，要拿起只碟食，唔明打邊爐唔係俾碗係碟，一有湯又瀉，又迫又窄又唔舒服，食得好辛苦呀我都係貪平去試下，唔會有下次。

又係一斑兄弟feast 嘅時間！其實每次任食有90%都中伏，但係人就係咁，就算明知高風險都係會駁。今次再挑戰任食，$138 兩小時，睇個價錢就覺高風險投資。但係經驗話我知，收得貴都係好野。今日好彩openrice 可以訂到檯，7點黎到就一堆人係升降機口等位。book 左檯就可以直入嘢食款項都ok 推介食西芹牛肉串，浸入麻辣湯後有點清新感覺。唔錯！自助型式似其他shabushabu 任食，主要肉類以外就任拎。麻辣就辣，食料refill 得快，一串串好方便！甜品櫃唔錯有朱古力雪條同mochi飲品款式都ok 唔係俾d cheap 野你。侍應會主動幫你拎單，都叫做會keep 主上，唔會落完漏你90%單。overall,抵食，好食，會再幫襯！

新張期內$138任食兩小時 真係抵食而且呢度主打串串鍋即係將食材以串燒形式打邊爐真係第一次估唔到有幾過癮！湯底有招牌重慶麻辣湯鍋花膠木瓜蟲草花雞湯鍋飄香芫荽皮蛋湯鍋同埋極品胡椒酸菜豬肚湯鍋我地貪心 選鴛鴦鍋啦自選配料方面比較推介牛梅花肉質鮮嫩可口肉花又靚安格斯牛肉都係不錯嘅選擇另外仲有豬肉羊肉至於海鮮方面更有脆鯇魚片同鯇魚骨腩食物架上食物種類繁多 可以話係要乜有乜串燒方面有麻辣牛肉 香辣可口另外仲有幾款海鮮雞翼豬腸都係必食之選！食下食下見到啲竹籤都覺得滿足整體食物質素比想像中好飲品選擇亦都比較高級性價比非常高 只係等位等比較耐

本身好鍾意食辣，收工同同事係旺角揾麻辣野食。見到呢到打邊爐啲野食係一串串咁，好似食街邊麻辣燙咁。首先揀湯底，先叫左個鴛鴦鍋 招牌重慶麻辣湯鍋 配 花膠蟲草花木瓜雞湯鍋。個雞湯用黎食菜一流，清清甜甜。麻辣湯麻香味好濃，好開胃！基本上好夠味，醬油調味料個類可以慳返。仲要揀自選配料，咩都想試下就叫左牛小排，脆鯇骨腩，黑豚肉，安格斯牛，羊片。每樣都好細碟，特別鍾意羊片，薄薄地小小羶咁。牛小排都幾重油份，安格斯就牛味濃郁，其他就普普通通！店主好窩心咁準備左 '性感'圍裙俾我地準備瘋狂食麻辣串串！終於黎到主角，就係出面任拎嘅串串。有啲食材都幾特別，有鵝腸結，牛孖筋，豬生腸和雞腳。以串串類，不停encore麻辣牛，魷魚，牛柏葉!十幾廿串一次過放落個鍋到食好有風味！當然仲有麻辣必食生根，薯粉，豆卜，篙筍，吸收哂麻辣精華！想飽肚都有芝士丸，脆皮腸，雞肉腸，公仔麵，烏冬。海鮮黎講除左頭先講過脆鯇，仲有蝦，雖然細細隻不過肉質都唔會梅！最後食埋雪糕解下辣，正！

【店員態度:1分】5點開門，諗住經過就試下串串鍋啦~4:50 walk in，招牌都仲係上一手叮叮烤魚，但門口又有串串鍋宣傳單張，即系鋪位都未霸暖啦，但店家態度就咁臭串:女店員:『冇book位吖？我地d booking已經好full喔~一係食1.5個鐘就準時交檯ok？』宣傳單張明明寫住食2個鐘，其他店如果要求客人『快閃』正常都會有優惠啦！我已經有d不滿，問佢如果1.5個鐘之後訂位的人未黎，仲有位的話，係咪可以食返正常的2個鐘呢？女店員:『我地d booking真係好full，訂位都至多keep五分鐘！』咁好啦，心諗半個鐘就豪俾佢~但真心覺得唔係半個鐘的問題，係服務態度的問題嘛！結果，一直去到六點都仲有大把位囉！又話booking好full？！之後6:30就即刻要求我地交場！！1分係俾主動加湯的哥哥仔~【食完會肚屙的食物:1分】鴛鴦湯底:加20元老公唔食得辣，唯有鴛鴦湯底啦~麻辣小辣+花膠木瓜湯湯底係ok既~本身諗住未食過串串鍋貪得意試下，但發覺其實同打邊爐冇乜分別，d竹籤仲有d阻住曬~芫茜牛肉、響鈴好快被人拎曬，fill返又極速冇曬，之後就冇再fill囉……寫紙落單的牛肉好韌……分唔出

前幾日約左朋友仔出旺角食晚餐，難得大家都鐘意食辣野，加上呢間串串鍋好似價錢抵又有麻辣火鍋所以就試下！首先我地揀左鴛鴦火鍋同埋order咗唔同自選肉類(好多牛肉好興奮)，其他配料就可以任揀，包括一串串嘅雞翼、麻辣牛，仲有好多丸類，菜，薯粉同出前一丁🤩，隔離仲有個雪糕櫃，同埋3個飲品櫃。有好多飲品選擇：可樂，忌廉，綠茶同埋啤酒~自選肉同魚會一碟碟另上，都幾新鮮性價比唔錯，食完仲可以refill添。拎灑嘢食同飲品之後，我地就去整埋個醬料同埋戴埋得意圍裙就等食喇。湯底我地揀左小辣，唔會太辣但夠濃麻辣味又好出！另外雞湯鍋都幾清甜，我地主要用嚟放下菜同菇。雞翼落左一陣都好入味，夠辣同埋d辣油包住咗隻雞翼🤤！一串串放入火鍋好得意又唔怕揾唔返🤣另外雞湯鍋都幾清甜，我地主要用嚟放下菜同菇。食到最尾硬喺煮個麻辣出前一丁，我同朋友仔都好滿足！🤤🤤最後仲食埋雪糕！

重庆的麻辣烫来左香港啦！放工经过看到有間新開嘅串串锅,嗯！看样子不錯,于是就同屋企大小魔怪一齐去食,訂左五點半,哇！上到去已經爆曬,不过老板好好人叫我哋 等一陣大约半小时到就入到去,入去坐低即叫左鴛鴦鍋,花膠鸡同麻辣不錯不錯,烫底足料跟住係串串,本人推薦麻辣牛肉串跟鸡腎,牛肉够味點煮都不會老,小鸡腎够爽,C P 值很高大力推薦！

打電話訂位佢話6點幾walkin會有位好啦6點幾walkin，點知佢話等至少個半鐘，好喇我地一個鐘之後上返嚟佢話已經叫左喎，要我地再等過。走之前已經問左留電話得唔得，佢話唔得，依家提早左半個鐘返嚟又話叫左。 到依家9點佢話仲要等多45分鐘 總共等左3個鐘！差到極點，唔會再嚟食！。。。。。。。。。。。。。。。。。。。。。。。。。。。。。。

又比KOL雅軒吸引左黎！見佢youtube介紹(雖然明知係賣廣告），但見$$138任食，自己又未試過食串串鍋，於是衝衝衝7點，門外好多人排隊，好彩一早訂左位，所以五洗等，立即可以入。因為我地都五算係食得好辣，於是保障大家既肚仔，加$20元，叫左個鴛鴦鍋 ，我哋一邊係四川麻辣味湯底，一邊係花膠蟲草雞湯底。 麻辣湯底 我認為唔算十分出色， 食五出麻既感覺，只係得個辣。另外，雞湯普普通通啦冇乜特別！大部分食物都係自助嘅 ，選擇都ok ，最較為出眾係芫茜牛肉，但五食芫茜既朋友就好討厭 。除咗自助串串外，仲可以寫紙叫牛肉， 豚肉 ，沙白。雖然食物味道冇令人哋印象好深刻 ，但係以呢個價錢嚟講 ，都算係咁 ，都值得一試！

今晚約左好友出旺角俾手信佢，順便打邊爐！好友推介旺角哩間-FunFun串串鍋，除左有放係度夾既野食外，特別之處係佢仲有一串串既其他食物來打邊爐，感覺食多幾串，就抵好多甘⋯哩度兩小時任食，每人$152，超平！但入到去坐底，位與位空間勁窄，同隔離臺空間無一隻手距離，迫迫甘打邊爐，拎兩碟食物放臺，已經咩無位擺🙄D野食種類都算多，但好食個d..如響鈴、被人搶晒⋯re-fill唔洗三分鐘又無左⋯話食兩個鐘，佢食左個半鐘就吹您仲有幾耐夠鐘⋯😒臨尾十分鐘又再吹您⋯我地本身隔離係做兩個人臺，兩個臺埋左單，就入左4個人坐，搞到我地越來越迫，迫到去左邊個隔離臺😅雖然平⋯但都係一般般食物⋯食得甘迫⋯又俾人係甘吹交場甘⋯下次我唔會再來！

舊同事堆裡有一個麻辣食飯 group，今次大家一齊挑戰這個麻辣火鍋餐！首先想講餐廳很甜心，為客人準備一個小圍裙，最岩成日著白色衫又成日整污糟的我，哈哈任食的邊勞，有部分食材是自取的串串鍋顧名思義是食物邊勞都是串串起來，方便食客為免有意外太辣，都是來個鴛鴦湯底好！這個麻辣都有點辣，好彩有個唔辣湯底中和返！你看，連魷魚都是串起來的啊！當整個鍋都放滿食物 脆魚片好食！！而當雞翼在麻辣湯底煮成這個顏色，實在很似滷水雞翼哈哈，這個吸哂麻辣湯的精華！正正！飲品雪櫃！仲有雪糕！

果日喺百寶利中心買野，臨走果陣搭LIFT被呢張POSTER吸引住：超便宜，仲平過屋邨打邊爐！而且仲聞到好香，反正都要食飯，就決定同朋友即興去試下～首先揀湯底，毫無懸念揀麻辣冇諗過咁平都咁足料，辣度十足（我地揀中辣）怕唔夠辣仲可以加多Ｄ辣椒～肉類方面可以落單，牛魔王自然是要吃大量牛肉啦！貝類食物都係打邊爐必食呢。自助區有好多選擇，而且REFILL得好快：蔬菜、海鮮、丸類、麵類都有。好多雀巢雪糕，童年回憶除左支裝啤酒，其他都係任飲。平時串串鍋都係一串串咁計錢，今次係任食，唔洗就住就住咁叫，特別開心！紅薯粉同埋烏冬，吸哂Ｄ麻辣湯底，超正。價錢比一般任食火鍋平，質素都唔差，性價比實在很高，學生都可以負擔，適合成班朋友仔一齊食～

香港麻辣火鍋大把，但係大部分都係調較左變成港式麻辣，少麻少辣！對於勁食得辣嘅我，平時去果啲所謂麻辣店都係點開大辣另加麻加辣！！！呢間係少數可以去到我standard嘅，我今次點大辣都絕對夠麻夠辣！除左麻辣湯底，其實木瓜花膠雞都好出色，未落嘢前一定要飲2碗先啦！另外，好多出面冇得食嘅嘢都有，例如海帶結，毛肚，鴨血，芫茜牛肉，泡椒牛肉，肥腸等等。。。飲品有支裝汽水不但止，仲有啤酒任飲。。。雪糕任食。。。價錢又勁抵！$138加一係$152!任食2個鐘，推介！

我係凌晨12點入座，入去既時候已經得反2,3枱。個店員好好禮貌，一入黎就同我地講點樣落單果d細節。 岀面有自助既野食可以仼令。最正既係佢既麻辣牛肉，中意食辣既朋友一定好中意！我地叫左鴛鴦湯底，要加20蚊既。但如果同吾中意食辣既朋友一齊去，20呢個價其實都算幾抵。除左岀面既自助，佢另外有d肉同海鮮比我地叫黎食，好細心。最後我地賣單加埋鴛鴦湯底食左326蚊，每人只係150左右。佢最近新開張先有優惠，所以可以一試

之前行街經過拎左張宣傳單,見到有串串鍋,覺得好好玩,價錢都幾抵$138/120分鐘任飲任食.今日放工就約埋朋友一齊去試試醬料唔算太多選擇,有基本既蔥,蒜,芫茜,辣油等...火鍋配料都幾多選擇,有2大個雪櫃保鮮,而且十分乾淨,店員補充食物亦好快.飲品有紙包同罐裝飲品,仲有啤酒選擇.湯底有四款選擇,而我同朋友就比較貪心,所以點左鴛鴦湯鍋(招牌重慶麻辣湯鍋及極品胡椒酸菜豬肚湯鍋)招牌重慶麻辣湯鍋:好香,唔會太辣,麻味停留於舌尖,十分刺激味蕾.極品胡椒酸菜豬肚湯鍋:胡椒味突出,豬肚沒有異味, 口感亦適中, 不會大硬或大腍.第一轉我地揀左少量既黎試試,有牛肉,雞翼,魷魚,牛柏葉,木耳,豬皮,豆卜.....除左串串之外我地揀左幾款丸類,菇菌類,蔬菜同埋青口...芝士丸一咬就爆芝,好有驚喜,而普通既丸會切成一半,好岩我呢D過下口忍,又唔想食得多既人,青口乾淨大隻,都唔錯.蔬菜同菇菌都同樣乾深清爽.豆卜唔錯,吸收晒麻辣湯,愈食愈開胃芫茜牛肉卷係咁多串串中我覺得最好味,嫩滑既牛肉捲住脆爽既芫茜一齊食,給人一種剛柔相濟既味覺感受.除左雪櫃既配料,仲可以填下單紙,有牛,豬,羊,海鮮等12款選擇...牛小排: