FRITES Belgium on Tap (皇后大道中心)

营业中

休息中

每年總會有啲時間好想食Frites 既青口同薯條，掛住嗰種放肆咁食放縱咁飲既Moment。 之前幾年都係去鰂魚涌，今年就發覺中環鋪都好正，嗰到都俾到人放工要放鬆既感覺，Happy Hour真係要Happy。 野食方便同另一間都一樣，好有質素。雖然戰友們戰力普通，但今次食得晒所有口味，而大家一致覺得House Mussels係最正最肥最淫賤既。Marinière 都唔錯，個白酒帶出到青口既甜美。至於印象中，之前係未食過Laksa，但今次食完，肯定下次會再會佢。

✈️ 旅行同工作關去過幾次比利時，每次都一定會食當地最出名既Mussels同waffle! 而家無得出走，總會有D掛住。小妹推薦大家去Frites，一次過滿足晒你兩個願望！由於空間夠闊落，所以坐得好舒服。暗暗既燈光，配合彩繪玻璃窗，令到成個環境好有格調。餐廳每日都有唔同既promotion，大家可以因廳喜好楝日子黎食。Ribtacular Thursday醬燒豬肋骨#Ribs 好入味，酸酸甜甜既BBQ醬，再加上一大堆我愛既#薯條， 份量又夠，每人都食到4/5舊，，岩晒幾個女仔share!🥩 Classic Steak Frites 必點一定係楝Medium Rare美國黑安格斯西冷，煎得剛好，好鬆嫩，size又唔會好厚，唔會覺得好heavy。House Mussels 招牌忌廉#青口青口本身新鮮之外，最重要就係個汁。呢度個汁做得好唔錯，用黎點sourdough之外，我會當忌廉湯咁一羹羹飲！提提大家逢星期一mussels放題任食！比利時窩夫一黎到已經嘩左聲，個cream做得好實淨，入面包住朱古力雪糕，成個生日蛋糕咁！我覺得個waffle 可以再外脆內軟d😳由於我地都幾刷得，清晒以上所有野，

呢間餐廳男朋友remarks 左好耐話要試，終於喺中秋節翌日book左⋯呢間餐廳好得意，每一日嘅訂座優惠都唔同⋯我地星期三嘅係$100和牛漢堡瘋狂祭⬇️Westmalle🍺 $100/330ml⬇️Maredsous 6 Blond🍺($100/330ml)每枝酒都有佢專用杯⬇️和牛漢堡 配上蕃薯條（星期三優惠$100）5成熟漢堡料足夠，和牛好味，配上煙肉菜&蕃茄炸蕃薯條好食、好甜⬇️經典牛扒薯條 （$325 -5成熟）熟度啱啱好，但牛扒一般，配有好多細薯條🍟 ，CP值唔高⬇️海鮮扁意粉🍝（$255）抵食，大蝦爽口，相中只有一隻蝦頭 但有好多蝦肉⋯又可以試到出色的青口

FRITES Belgium on Tap (皇后大道中心) (中環)📍中環皇后大道中152號皇后大道中心地舖👉🏻Rice man burger $190澳洲和牛漢堡包配煙肉，煎蛋，焦糖，洋蔥，生菜，酸黃瓜，蕃茄，蘋果木煙燻車打芝士牛油漢堡包配薯條 及蛋黃醬個漢堡包d料好足😍👉🏻Leffe $80 Happy hour $35抵好多餐廳都多人 不過有好多沙發位俾大家坐都有一個大銀幕俾大家睇奧運😆美味指數：⭐️⭐️⭐️⭐️環境指數：⭐️⭐️⭐⭐️⭐️服務態度：⭐️⭐️⭐️.5翻兜指數：⭐️⭐️⭐️⭐️（滿分為 5⭐）#全力食｜#密密食｜#情侶檔搵食｜#小店推介｜#餐廳推介

午餐時間約了朋友行街，臨時想搵飯食，哈！又book到喎。午餐餐廳裡面都多人，要同人搭枱（有隔膠板）中環、呢個鐘數都ok 啦！上次黎係weekend,佢有weekend brunch。今次weekdays 黎就得普通嘅午餐！可以話係好難揀😂因爲唔太想食肉，而佢就有好多pasta、雞、牛嘅選擇。最尾揀咗雞肉同餐湯。餐湯好飲，係濃郁嘅，塊菜都唔難食雞肉上面啲芝士拉絲好勁，個汁都幾濃。薯蓉好味，好滑，幾match 雞肉個汁。隔離沙律都唔係難食的，不過因為唔想食生菜我淨㡳食咗幾塊。總括而言，中環中午可以食到佢，唔會嬲～

FRITES 是一間特色比利時餐廳同埋本人已經食超過10次嘅餐廳 它有各種各樣嘅手工啤酒同埋環境非常適合中環放工Happy Hour. 無論用什麼煮青口方法都可以講係呢間餐廳最有特色嘅名菜 雖然都有叫牛扒但係味道方面會比較失色。還有其他小食炸雞 三文治和fish ball都是送啤酒的最佳朋友。 Happy Hour 時段的手工啤酒價錢是非常經濟。唯一可惜的是餐廳嘅舊舖搬遷之前是在2樓有露台有景觀但現在是在地舖看馬路。 如果坐室外有汽車經過會比較多塵所以個人會比較建議坐室內。

點樣食推介✨⭐️環境氣氛一流連鎖店⭐️⭐️中環比利時菜⭐️FRITES Belgium on Tap地址：皇后大道中心地舖🍖House Mussels 1kg +sweet potato fries $435 (7.4/10)店員好貼心咁問我要唔要加10蚊轉番薯條，我即刻lur飯應喇🤣🤣，一上到黎就即刻食佢嘅蕃薯條，好甜好脆啊🤣，忍唔住瘋狂食忽略左d青口😂😂講返個青口，稍微嫌今日d青口調味淡口左d，面頭d青口食唔到d咩調味🙈，不過淡淡地食青口嘅原汁原味都好似嘅，但就冇特別🤣 佢跟個塊包應該係sour dough黎，朋友話好好食👍🏻🍖prawn & crab ball $70 (6.8/10)以為會好鮮味，食落好失望，一pat野好似食爛飯咁😖，食唔到蝦同蟹嘅味咁滯，得食到面頭d沙律醬味，唔建議大家嗌黎食🍖Baby back ribs, half rack $235 (7.8/10)依碟野本身就係跟蕃薯條，好開心🤣🤣，佢個rib都唔錯，肉質滑嫩，用叉輕輕一撕就可以撕開，bbq汁夠曬重口👍🏻唔錯唔錯🍖Pork Schnitzel $210 (6.5/10)依碟野搞唔掂，豬扒食落口冇咩味，肉質普普通通

入到去環境feel so good, 同fd食個飯好地方～叫左個500g招牌mussels, 必食菜，配個薯條，兩個人食都唔會多，絕對食得晒。另外叫左個豬扒，正如我social media所講，好大塊！配薯菜。豬扒好juicy，其實我想食牛多d,但因為朋友唔食牛，所以唯有下次先。餐廳主要俾人social, cocktail, mocktail都有，我叫個beer.

之前假日來過frites吃lunch 已經深深愛上呢度既食物同氛圍。差不多每晚有唔同主題既任食。男朋友就一早book好星期一晚既 all you can eat,主角就係mussels !!本人幾鐘意食青口，可惜係香港食既青口質素參差, frites 提供澳洲 Kinkawooka mussels, 仲有六種口味任試, 價錢又唔貴😋Monday Mussels Madness $225House 招牌忌廉Provencale 蕃茄Mariniere 白酒Laksa 喇沙Mediterranean 地中海Hoegarden 莞茜茴香🤍 本人最推薦 Mariniere ，最帶得到mussels 既鮮味，仲有伴碟既麵包外面好香脆，我都超鍾意!講真，有點樂極生悲，因為我最後食滯左😂

這分店搬上前一條街後我第一次幫襯。星期一12:15沒有訂位，朋友先到，直接入座，需要1:30交枱。我們與2位外藉男仕同桌，即一張四人枱2組2位客人枱面中間隔膠板坐，茶餐廳式搭枱。Menu 上寫住express lunch，我們的前菜和主菜前後不用5分鐘上齊。前菜我們叫了沙律，正正常常。主菜的魚完全無味又鞋，可以落些鹽嗎？甜品好普通，糖醬太甜。食到一點時職員提醒1:15交枱，但我們入座時講好1:30交枱呢!我們沒大理會，反正我們要返工，食飽就走。總括:價格唔平，環境嘈枱也密，服務麻麻，食物比差，唔會再去了...Caesar saladGrilled seabassCrepes

.📍 𝙵𝚁𝙸𝚃𝙴𝚂 𝙱𝚎𝚕𝚐𝚒𝚞𝚖 𝚘𝚗 𝚃𝚊𝚙..呢間係比利時餐廳，夜晚去暗暗哋嘅燈光令到個環境好有情調😚 入到去氣氛好好，個個staff都係講英文嘅，好似置身係外國嘅餐廳咁🤣 當日都有幾枱慶祝生日，所有staff都會一齊唱生日歌，而個氣氛都會令到全場食客一齊唱一齊拍手😆.⚫️ 龍蝦意大利飯 Lobster Risotto - HK$295✏️ 龍蝦飯嘅賣相好吸引，真係砌翻隻龍蝦出嚟咁😋 廚師將所有龍蝦肉拆晒出嚟，我哋唔洗自己剝殼😍 龍蝦肉質彈牙鮮甜，幾新鮮🤤 除咗龍蝦肉之外仲有幾隻蝦仔😆 意大利飯用咗番茄醬做base，都幾重蕃茄味😆 不過變相龍蝦味冇咁出，我會鍾意佢個飯龍蝦味重啲🤣.⚪️ 任食美國USDA 1855黑安格斯扒配法式伯那西醬配薯條 - HK$295✏️ 我哋星期日光顧餐廳，當日每位客人只要俾一份牛扒嘅價錢，就可以任食牛扒 😍 如果想任食埋薯條就要額外俾多$30🤤 但係同枱又冇叫牛扒嘅客人係唔可以偷食🤣店員極力推介我哋叫Medium Rare，因為熟啲生啲都會太韌😆 牛扒好juicy好嫩，煎得好香🤤 而且塊牛排都算厚😋 不過成碟擺盤嚟講淨係得牛扒同薯條，冇其他拌菜，比較普

星期日做完嘢, 梗係搵啲好嘢食🤣今次試比利時菜呢度嘅裝修好寬敞，而且乾淨明亮 ，仲有好靚嘅彩繪玻璃窗，玻璃喺日頭嗰陣陽光能夠透過窗花玻璃，射入建築物內部，展現出好靚嘅光效果🥰嚟到比利時餐廳當然唔少得叫番杯LEFFE Brune 比利時啤酒🍻🥂招牌忌廉青口煲 當然唔少得 Mussels白酒,忌廉, 牛油,番茜,蕃茄, 雖然材料簡單單但青口肉質肥美鮮嫩，已經好好食配埋即炸🍟薯條同麵包🥖 青口汁可以用來拌麵包 😋👍🏻👍🏻🥰炸雞上面有薄薄嘅炸粉而且肉質juicy，有點點酥脆感，真係好滿足～

The experience was bad.On arrival, the reception guy blame us for arriving 15 mins earlier (it was was at 5:45 pm and there are many seats available!) and reminded us will need to return the table before the said time.When we want to order, the waitress next to me hear us but we have only name one dish and she keep walking away and even not stop for a second we are not able to even name the other dishes. And have to speak loud in order to stop her for 3 more seconds and we can see she is not ha

十一點幾去到餐廳仲未有人。幸運地可以walk in 裝修好靚，但坐位同坐位之間比較近，唔係好敢喺到食晚巿（尤其weekend ）午巿就都ok，入座率未算好高，坐得鬆動。嗌咗餐等咗約十五分鐘先到，少慢。但理解可能啱開鋪廚房仲ready緊，啲野好味就得啦～我地嗌咗牛油果多士同炒蛋。avocado on toast served with a lot of cherry tomato, so yummy. 炒滑蛋伴有smoked salmon，蛋本身亦夠味。 會再黎食午巿

佢哋每日都有唔同嘅優惠比顧客，而係星期一晚我就去咗佢哋嘅餐廳食晚餐，星期一就有任食澳洲青口嘅優惠，只需要$225一位，就可以食晒佢哋6款青口，可以食到飽為止，包括佢哋嘅招牌忌廉青口、蕃茄味、白酒、喇沙味、地中海風味同Hoegaarden。而且當中都配左薯條同蛋黃醬，仲有麵包可以俾你任點。我基本上都試晒佢嗰6隻味，個人最鍾意就係佢哋嘅招牌忌廉青口，當中有蕃茄、洋蔥、蒜蓉、忌廉同蒽係入邊，有濃濃既忌廉味，配合佢哋嘅新鮮青口真係好好食，本人最推薦就係呢一隻味，用嚟沾麵包同薯條都好正。第二隻味我鍾意嘅就係佢哋嘅地中海風味，由西班牙臘肉腸、辣椒、洋蔥、芫荽同埋黃燈籠椒，有少少辣味，又唔會搶過青口嘅味道。我最後可以食到佢哋5兜青口😋🤤9:00之前佢哋都仲有happy hour，啤酒只需要$35起！最後，因為每逢星期一都有好多人會過去食，所以上菜同落order都有啲慢。不過，我一定會再返嚟食佢其他嘅嘢食同比利時啤酒☺️