Foodbox (海光街) (已結業)

同尼班朋友食飯，每次都係要我念去邊度食，都幾傷腦筋，今次終於有個friend有idea話想食韓國醬油海鮮，因為咁巧見到社交平台介紹foodbox. 所以一於來試下。聽得最多既係韓國醬油蟹，但係尼間無醬油蟹，只有醬油鮑魚和醬油蝦， 重要係訂台時book定來到先有得食，賣相好吸引喔，蝦好大隻，鮑魚好新鮮，仲有個紫菜飯，上碟oppa先叫我地影像，之後佢就埋來把大蝦去殼剪開，及把鮑魚剪開一塊塊，所以食起來好方便。醬油蝦好似透明啫喱，而鮑魚口感比較一般， 兩者味道都偏淡，但勝在夠新鮮， 份量都幾多，所以oppa都建議可以撈埋個紫菜飯一起食。韓國炸雞，都係必食，我地點左辣味，辣醬分開上， 雞稍微鞋左少少，但都炸的很脆，辣醬偏甜。部隊鍋，其實我最不喜歡食公仔麵，但個fd仲意，就試下啦， 個湯好濃，其他配料有韓國腸仔，豆腐，大蔥，金針菇，皇帝菜，都很豐富，最後飲埋韓國桃汁，最緊要唔甜，不錯。

朋友之前在韓國吃過醬油蝦之後，對那個味道念念不忘，所以刻意在香港找一家吃醬油蝦的餐廳。我們3個人點了醬油飽魚+醬油蝦 1份，再點了醬油蝦 2份。每一隻的醬油蝦的大小都很大，雖然好吃，但吃到最後會有一點膩。醬油鮑魚則很爽口，但有一點太硬。現場會有오빠幫忙剪開醬油蝦和鮑魚，不用自己動手。👍🏻👍🏻

今日上網見到有人介紹呢間韓國餐廳，岩岩去完韓國既我，對醬油蟹既思念簡直係無法形容，而家仲要比我見到醬油蝦同醬油鮑魚，真係要去一趟會一會佢！😁😁間餐廳好細，坐位不多，不過服務員態度不錯。我地一行3人，冇預約，去到大約6點鐘，侍應話7點半前交枱就可以了。我地點了一set醬油鮑魚加醬油蝦！$328 侍應等我地相機食金完之後就幫我地剪開啲鮑魚同埋拆蝦，將啲鮑魚同蝦剪到細細粒方便我地食！個侍應仲係韓國人黎架！😍😍好好味呀！鮮味十足，醬油又唔會大咸！蝦同鮑魚都好爽口好新鮮！另外佢跟餐會有一個紫菜蛋飯！如要另加就 $28 一碗！好正呀！啲醬油加紫菜再加飯一齊食！好好味呀！我係咪去左韓國！？另外再叫左一碟無骨炸雞！$158 佢炸雞既炸粉唔算多，所以都幾好味，不過就冇咩特色啦！可能冇醬汁點既關係，覺得有啲dry!!野飲方面我地就例牌點左啲罐裝韓國果汁！有提子汁，桃汁同梨汁揀！$15 罐很滿意既一頓飯！

價境很好，是我喜歡的木系設計風格，食物用木盤盛著，整間餐廳都充滿韓劇的氣氛。服務有禮，食物價格中等價位，味道幾好，唯豬肉可用五花腩，或肥少少的肉代替全瘦肉。下次想試埋醬油拼盤！

一直同朋友去完韓國食左醬油蟹番到黎香港都好想再食多次，今次終於有機會食，不過係食醬油蝦同鮑魚。呢個醬油蝦鮑魚set係包埋紫菜飯同埋紫菜，會有個韓國oppa會幫你搣埋蝦殼，仲會幫你將啲蝦同鮑魚剪成一粒粒，仲會話埋知係點樣食，貼心到爆。醬油蝦味道好入味，食落去幾新鮮。鮑魚可能我係鐘意食熟所以我覺得口感一般般，但味道都幾好。個韓國oppa同我地講話將啲蝦擺落個紫菜飯到撈埋一齊，再用紫菜包埋啲飯一齊食。對於我呢啲鐘意食韓國料理既人黎既，真係好好食，停唔到口。我地仲叫左個年糕，年糕我覺得味道鹹左少少，同埋年糕唔係好入味，可圈可點。如果要去食醬油蝦同鮑魚，要打去同佢地講預留同埋訂位，就咁Walk-in係無得即刻叫食同埋佢地都幾多人去食，如果walk-in好大機會會無位，因為舖面細，坐既位唔多。

日日返工已經在鰂魚涌，晚飯很少會在鰂魚涌食，這一間午餐時間好多人在門外等候。今晚終於有機會試下，晚飯時間其實都不斷有客人入來。4個人叫左4個餐，睇樣似模似樣，食落都係唔錯👍🏻這個水冷面整體好味，個人只是覺得麵條硬左d這個泡菜豬肉，喝一口個湯，充滿泡菜味辣牛肉湯味道夠，但朋友嫌牛肉唔多呢個色香味齊👍🏻

Really yummy. Wish they have the soy sauce crab too. Service is great! $7xx for 4 people. Great value and quality. Highly recommanded

鰂魚涌一向都有唔少好野食，但韓國餐廳選擇唔多，依間就絕對滿足到鍾意韓國菜既人。lunch時間黎到要等下位因為餐廳唔多位，叫左辣牛肉湯、辣年糕、大醬湯同埋年糕餃子湯。因為成日睇韓劇見到人地飲大醬湯黎解酒好似好爽咁，所以就想試下。辣牛肉湯同大醬湯其實差唔多味，都係辣辣地幾爽口，辣年糕都唔錯幾煙韌，個人黎講對年糕餃子湯最深印象，因為好有住家feel，絕對係comfort food，其實湯底有d似公仔麵既味粉湯，薄薄既年糕連埋湯食好舒服，餃子足料，食完覺得好warm。

喺FB見到介紹呢間由韓國人主理嘅餐廳，介紹咗醬油蝦同鮑魚好吸引(要預訂先食到），約朋友一齊去試,知道呢個預訂，所以訂位時已訂埋，我哋約7:30，去到已經滿座咁滯，只剩四個位，店面三人忙過不停，Oppa老闆細心為order醬蝦鮑魚嘅客人搣蝦殼同剪開鮑魚方便客人食用，老闆娘不停接電話及收錢，忙過後就安排我哋入座，我哋決定加多一個辣牛肉湯拌飯，老闆娘落單時同我哋講先嚟醬蝦同鮑魚先，你哋食到咁上下，先幫你地落牛肉湯啦！因為湯凍咗冇咁好飲（超細心），眼見差不多枱枱都叫醬蝦同鮑魚，Oppa就不停為客人搣🦐殼，終於到我哋啦！蝦好新鮮，蝦頭仲有羔𠻹，Oppa問剪唔剪蝦，我哋緊係話好啦！剪好哂佢就攞咗小部分蝦肉放喺個餐跟個碗飯到，然後用手按住碟上食物倒咗D醤油落碗飯到，同我哋講呢個飯入面有麻油撈好就可以食或者包紫菜食，蝦好入味同爽口，鮑魚反而冇乜味得個爽字。我哋叫咗兩罐梨汁，好味真係估佢唔到有梨肉喎！辣牛肉湯到啦！真係好辣不過加埋白飯一齊食又辣得好好味，我成碗白飯送湯食哂，飽到唔想坐。end up 行咗去吉之島shopping 一個鐘先返屋企

造訪 側魚涌 揾美食醬油蟹及醬油蝦食得多 鮑魚就第一次 相當．吸引食之前要預訂的 醬油鮑魚 第一次食 用醬油淹制 韓式做法 味道剛好 口感爽口 另外 醬油蝦亦相當出色 值得一讚 老闆(韓國人)會 食前 將 蝦同鮑魚 剪成一片片 方便客人食用 另外亦 會將醬油倒入 伴飯內 然後撈勻 最後把飯 放左紫菜上包黎食相當好食 。最後係韓式豆腐湯 亦係必食推介 送飯一流

十週年，試下近年受歡迎既韓國菜，睇完報告，預訂食醬油鮑魚同蝦2人份量，果然同個報導一樣😋😋😋，老板係韓國人，味道當然正中，也有其他熟食啦!下次一定要再試其他野👍🏼！P.S. 女兒話好鍾意唔願上鏡既老板娘，話因為佢好靚女✨，仲唔捨得走要做佢個女tim😂！老闆很好人知道我地十週年慶祝，特別走來送上祝福（佢識廣東話架）。

朋友生日，在FB看見foodbox的介紹超吸引...但一看地址--鰂魚涌對我這種新界人來說，真的很遠不過，為左食出面無得食既醬油鮑魚，我地排除萬難咁去左真係好值得我山長水遠咁搭車去我地叫左三樣野1, 牛肉火鍋唔知係咪韓國火鍋比較偏甜，我食過好多間既韓國火鍋都係比較甜不過，佢啲牛肉好味，切得薄，唔騷，無雪味再叫左一個泡菜海鮮湯因為我地叫左一個鍋，所以個湯都放涼左但店家好好人，主動問我們洗唔洗翻熱不過朋友怕熱，所以都唔洗麻煩佢地個湯好足料，勁多蜆肉魷魚，好正，無味精味登登～之後係重頭戲！醬油鮑魚+醬油蝦！！鮑魚有四隻，蝦有五隻鮑魚同蝦都好爽口，佢蝦頭有膏架OPPA好好服務，佢會問客人需唔需要幫手你要既話，佢會幫你搣蝦殻，又會幫你剪碎啲蝦、蒜頭、辣椒去撈飯下面係撈完之後店家仲驚我們唔夠飽 特登比多啲飯我地唔講唔知 原來我地睇起嚟咁食得謹記：醬油鮑魚+醬油蝦係要預約先有得食架！

今晚第一次去依間韓國餐廳用饍，大家都非常滿意！有別於其他貴價韓國餐廳，它沒有華麗嘅裝潢，但門面非常之光猛，坐得亦舒服。食物種類唔算多，冇泡菜餅，餃子之類嘅食品，主要係湯類，拌飯，炒年糕等等。樓面嘅侍應非常友善，主動提供有圖片嘅餐牌以作參考，又立即提供茶俾我地解渴。我地叫咗四個餐，有三個都係跟飯，另外一個係炒年糕。上圖係大醬湯泡菜海鮮湯好足料，又多豆腐，仲有隻蛋添😝😝😝👍👍 (可選正常 or 小辣 ) 俯個牛肉湯好有鮮味，亦好重牛肉味！正！隻桃汁幾好，個有少少偏甜***** 其實我覺得係香港食韓國野好貴。下下都要去百幾蚊先食到湯 係加拿大讀書嘅韓國野反而好抵食，一直都好渴望香港會有又抵食又好味嘅韓國湯飲。今次終於俾我等到！每個餐68 至 80 不等，好味過 food court。唔好睇佢好似好少野，個其實好飽！不過如果可以有多少少泡菜就好🙈