Flames (鴻圖道)

营业中

休息中

帶完小朋友放電, 係附近搵食小朋友話想食西餐就諗到黎呢間食一坐底先來一個小食，芝士肉醬焗墨西哥脆片，份量十足香香辣辣，一流👍🏻另外，主食係16安士美國安格斯肉眼扒配忌廉薯蓉，牛扒我地鍾意5成熟～香烤火喉好夠，外層烤得好能夠鎖住肉汁，肉眼都夠淋，唔韌老公飲NUTS BOUT TELLA SHAKE，奶昔夠曬滑，夠凍，令人想再叫一杯。環境好chill，服務員態度殷勤，笑面迎人，無論兩口子拍拖，又或者朋友/節日慶祝都非常推介

今日放工又去左公司隔離既FLAMES食野，我地上次食過之後都覺得質素真心唔錯，所以今日又再去~我地今次叫左肉眼扒配忌廉薯蓉 – 呢到牛扒認真唔錯，我地叫左7成熟，煎得好香脆，肉質嫩滑，帶有豐富肉汁，生熟度岩岩好，又唔會血淋淋同太柴難咬。忌廉薯蓉綿密香滑，配搭得宜，互相提升風味。整體口感豐富，令人回味無窮。炸魚薯條配他他醬 - 炸魚外脆內軟，魚肉鮮嫩多汁，配搭香脆薯條，口感層次分明。他他醬酸甜開胃，為炸魚薯條增添一抹清新，令人胃口大開。

呢間澳式西餐廳都唔係第一次去，係週末食brunch嘅好選擇！餐廳光猛環境簡約，佢有brunch menu提供，包咗嘢飲，仲可以用優惠價加配沙律甜品嗰啲，人均百鬆啲就可以，性價比超高！佢啲手工薄餅即叫即焗🍕，出到嚟外脆內軟，另外仲有啲意粉同埋主食選擇，價錢唔貴上菜又快👍🏻！------------------------------🐟◖海鮮香草茄醬薄餅◗ $188佢嘅pizza係必點，一個薄餅可以分到六片，即叫即焗，出到嚟熱辣辣！每片都放上鮮蝦、魷魚、煙三文魚，加入蒜、意大利蕃茜、忌廉、聖馬札諾番茄同馬蘇里拉芝士，食落去微酸，幾開胃清新！薄餅外層夠脆口，咬落去鬆軟煙靭，啲芝士仲會拉絲，超正！😍🍗◖½葡式香辣燒雞配烤蔬菜◗ $128燒雞是先用香料醃製，再拎去烤焗，香料好入味，味道微辣，肉質相對上柴少少，但點上佢嘅葡式辣醬，都幾惹味～跟配烤蔬菜，蔬菜加入咗橄欖油去烤焗，好香好清甜，食落都冇咁有罪惡感🤪！🍊◖橙汁◗ +$18 ☕️◖Cappuccino◗ +$18咖啡機沖出嚟嘅質量，但飲落都幾順滑，奶泡都幾細密，都唔錯～🌟Encore指數：9/10

食物味道不錯👍🏻  喺一個星期五晚同朋友一齊嚟聚一聚，環境可能會對有些人來說比較嘈雜（因音樂有點大聲）但感覺十分熱鬧！訂座標示生日更會會播生日歌同送生日蛋糕🎂

放假陪埋屋企人去咗觀塘工廠大廈林立嘅位置入面一間裝修超靚，而且環境氣氛好好嘅澳洲西餐廳，外表出色之餘食物亦都好好味😋。10安士肉眼扒配忌廉薯蓉 $268牛扒叫咗5成熟，外表望落煎得都幾唔錯，入口外層有焦香味，肉質鬆軟多肉汁，仲有肉眼獨有嘅一層脂肪令口感更豐富，配埋個醬汁一齊食口味更突出，跟餐配嘅忌廉薯蓉亦都好香滑。巴馬火腿火箭菜薄餅 $168配料有巴馬火腿、車厘茄、火箭菜、聖馬札諾蕃茄同兩種芝士巴馬臣芝士、馬蘇里拉芝士，口味強烈，咸香味十足嘅巴馬火腿配埋酸甜蕃茄同香濃芝士一齊令人越食越開胃，餅底鬆軟煙韌加埋爽口嘅火箭菜，整體配搭好出色👍🏻。橙汁 $28Flames (鴻圖道) (觀塘)觀塘鴻圖道51號Two Sky Parc地下1號舖

一向都知道朋友好鐘意食西餐，難得今日入觀塘接收工，於是就特登搵左人氣爆登嘅Flames來食晚餐，我地叫左😈Shelter Chicken Wings💰78即叫即炸嘅避風塘雞翼，一上枱已經俾香味吸引住，食落鮮嫰多汁，一定要encore😈10oz Rib Eye Steak💰268擺盤好靚，岩哂鐘意打卡嘅我，另外佢牛扒肉質好細嫰，表面燒到焦香，入口仲有少少焦味，我地叫左Medium，食落勁有口感❤️😈Seared Tuna Salad💰138第一次食呢個組合，吞拿魚超新鮮同嫩滑，蕃茄鮮甜可口，再加上薄荷汁做點綴，食落好fresh😈Lychee Lemonade💰68荔枝加青檸同梳打水，飲落甜甜地，吾錯😈Nuts Bout Tella💰78個樣勁邪惡，但入口濃郁，雖然知道卡路里好高，但都冇問題🫣餐廳名稱：Flames (鴻圖道) (觀塘)餐廳地址：觀塘鴻圖道51號Two Sky Parc地下1號舖

澳洲菜「Flames」有多款特色Pizza😍今次去試下另一款口味先😬.10安士肉眼扒配忌廉薯蓉🥩牛扒煎到外啡內粉嫩🔥咬落啖啖肉汁，牛味香濃😋點少少醬汁就更好👍🏻但略嫌韌咗啲🥺薯蓉香滑🥔帶淡淡牛油忌廉味🧈☁️.新鮮黑松露蘑菇薄餅🍕有大量新鮮黑松露片🖤蘑菇🍄‍🟫意大利奶酪芝士🧀忌廉、馬蘇里拉芝士 🫕黑松露同芝士味道濃郁又平衡🤤批底好重麵粉香🌾口感鬆軟又有咬口😆😆😆

💛Flames (鴻圖道) (觀塘)觀塘鴻圖道51號Two Sky Parc地下1號舖Happy Friday ! 今日黎到觀塘the flames同朋友食晚餐，本身見到餐廳入邊環境暗暗地，覺得好有氣氛，好適合同同事或者同朋友一齊嚟聚餐，再加埋傾偈，氣氛應該會好好。今次得我同朋友兩個人嚟食，所以就唔係叫咗好多嘢食，不過都覺得好有驚喜。我哋叫咗葡式香辣燒春雞，雖然佢個名話係香辣，但係其實都唔算好辣，相反我覺得佢外皮燒得啱啱好，勁惹味，而且雞髀就好嫩滑，就算係雞胸，亦都唔會太過乾，無論係色香味我都覺得好吸引。 蟹肉巴馬臣芝士蕃茄忌廉汁通粉香噴噴得黎又好味，通粉汁食落好開胃，而且芝士味都幾出位。最有驚喜，居然係呢個蒜蓉包，估唔到上菜嘅時候係一個Pizza咁嘅樣，佢已經幫你切好晒咁多片，食起上嚟10分方便，而且蒜蓉味超級突出，軟硬適中，所以呢一個真係驚喜同埋美味我都比10分。#hkfoodie#hkeats #flames #flameshk #西餐廳#澳洲餐廳 ＃鋸扒 ＃意粉 #香港好去處#香港打卡 #香港必食 #香港探店 #香港必吃＃香港美食攻略＃香港必喝 #觀塘探店 ＃香港好去處 ＃觀塘

香港多元化的飲食文化，讓我們擁有美食之都的名銜。中西日韓泰各有所愛，相信有睇開我嘅飲食blog嘅朋友都知道我係一個西餐狂迷😂西餐裏面，有意大利菜、法國菜、西班牙菜、美國菜、英國菜等等。今次呢一間西餐會合咗多種國家嘅飲食文化及美食其中佢嘅手工薄餅亦都相當出名！上次去咗海濱匯食佢嘅分店今次嚟到鴻圖道都要試下佢嘅招牌嘢！🐔Roast Peri peri chicken 春雞熟成嘅程度啱啱好，外皮鬆脆配合烤蔬菜油而不膩，蔬菜更加灑上椒鹽粉，增添一絲絲香味。最好食嘅春雞就係連雞胸都會嫩滑嘅雞，加上秘製嘅醬汁，叫人胃口大開🥰🦐King Prawn Linguine 香煎虎蝦釀入飛魚子，口感相映成趣，虎蝦肉質彈牙，鮮味無比🥰以龍蝦汁慢煮嘅闊條麵，煮得剛剛好，咬落去煙煙靭靭，見得廚師非常有功架。🌸Strawberry Mousse Cake草莓口味嘅切件蛋糕，細膩嫩滑，creamy唔會太甜，奶味香濃🥰🥤ice latte ， apple juice餐廳嘅咖啡非常值得一讚，除咗咖啡味香濃沒有帶一絲酸味，係用心焗嘅好咖啡！

今次再訪呢間餐廳，因為上次覺得環境好靚呀，同埋食物質素非常高質。決定嗌啲隔籬枱度嗌嘅嘢，但係真係冇令我失望，尤其是係意粉！真係好滿足呀！🦀 蟹肉巴馬臣芝士脆脆蕃茄忌廉汁通粉$158一上枱就聞到陣陣芝士同埋番茄嘅香味，真係好吸引！個汁好香濃，唔會太膩，蟹肉又多又鮮甜，通粉煮得啱啱好，每一啖都充滿驚喜。🍕 夏威夷薄餅$158呢個係經典嘅組合，菠蘿同火腿嘅味道互相配合，再加上香濃嘅馬蘇里拉芝士，真係好正！薄餅嘅餅底有手工餅底的感覺，而且唔會太乾，真係好出色！🍟 黑松露薯條$58 就係驚喜，薯條炸得脆卜卜，黑松露味好香，而且唔會搶咗薯條嘅味道，真係好正！呢間餐廳嘅食物質素真係好高，而且價錢都唔算貴，真係好值得推介！下次一定要再嚟試其他菜式！因為係星期六下晝嚟個餐已經包咗兩杯凍檸茶，真係幾抵！

觀塘新開商廈低層有餐廳，環境都幾好～餐廳氣氛好好，有情調。食物方面質素高，避風塘雞翼唔會太咸，適合鍾意食煎炸食物的朋友～意粉煮得岩岩好，每條都好入味！肉眼扒點左5成，唔會太熟，同埋薯蓉一齊食就非常好🔸SHELTER CHICKEN WINGS ($78)🔸 BEEF CHEEK MUSHROOM LINGUINE ($148)🔸 GRILLED RIB EYE STEAK (10oz) ($268)Flames (鴻圖道)地址: 觀塘鴻圖道51號Two Sky Parc地下1號舖電話: 28976618

🔸 NZ Angus Rib Eye Steak with Potato Puree and Red Wine SauceThe meat is incredibly tender and flavorful, with a perfect medium-rare doneness that melts in your mouth. Potato puree is silky smooth and acts as the perfect base for the steak, while the rich, velvety red wine sauce adds a delightful savory element that ties the whole dish together.🔸 Chicken Pesto LinguineSlow-cooked chicken breast is moist and bursting with flavor, complemented beautifully by the fragrant basil pesto. The pasta is

前2日約左朋友去依間餐廳食晚飯，入到去已經坐滿人，環境氣氛好好！之後叫左火腿火箭菜pizza同一個main dish既長通粉，2樣食物都好好食。當日仲有好多客人生日，有服務員幫手拎生日蛋糕出黎，餐廳會有生日歌，氣氛好好👍🏻，推介食生日飯既人可以考慮呢間餐廳。

Flames有個🦀長通粉Melo已經想食好耐，上星期日終於揸咗車去觀塘同媽咪食brunch。我哋叫咗Set，所以有埋餐湯，沙律，咖啡同蛋糕。🍄‍🟫餐湯超多蘑菇蓉！飲落個味同landmark cafe差不多，係有驚喜嘅！🥗沙律比我想像中大份好多，菜好新鮮，一啲都唔求其！🦀蟹肉巴馬臣芝士蕃茄長通粉真係冇令我失望，都幾大碟，好多蟹肉！好Creamy好Cheesy! 個長通粉煮到啱啱好！呢個推薦！🍳煙三文魚Egg Benedict都好食嘅，不過冇個長通粉咁驚艷！☕️咖啡好飲！唔會有酸味🍰蛋糕係士多啤梨mouse，個味似士多啤梨雪糕🤣💰埋單人均$200

🌚呢度環境幾昏暗，好有情調💕係專食意大利菜式嘅叫咗一個Pizza Pizza嘅size大概夠二至四人分🍕辣肉腸醬再加埋辣肉腸 非常惹味配菜嘅分布令到每一塊pizza都有足夠嘅餡料🍕有大量嘅芝士 好飽肚🧀🧀🧀仲有呢度嘅Pizza餅底好似麵包咁樣咁鬆軟又熱辣😙🐣避風塘雞翼 有好多避風塘嘅蒜蓉同埋配配料 雞翼大大隻 炸得夠香👍🐟嗌多個半kg嘅青口 份量都幾多青口排得好靚，成朵花咁樣口感係比較林 係啱啱好煮熟嘅感覺再加埋黑松露海鹽薯條 正👍星期六日仲有嘢飲半價 全日happy hour