Flames (海濱匯)

营业中

休息中

第2次食😋 位於正苦耗用5000萬興建嘅觀塘海濱音樂噴泉附近🙂 飲飽食醉仲可以嚟散步消化吓😃 有得聽吓音樂玩吓噴泉，真係貼心🙂🦀 蟹肉香草忌廉蕃茄汁扁意粉 $158都真係幾多蟹肉！係幾足料嘅👍 好多醬喺pasta到，而且意粉偏大份，我哋2個女仔share啱啱好！🐟 炸魚薯條 $188新鮮炸起！炸魚都幾大份，而且炸皮好脆卜卜，配他他醬最match！ 薯條份量適中，整體份量係足夠2個人share食👍🐓避風塘雞翼 $88外皮嘅味道啱啱好，煎得好香，入面肉就淡味啲，唔會愈食愈咸👍 一碟有6隻雞翼，share就最啱！

Peri Peri Chicken (Qtr) + Rice ($80) 🐔🍚Peri Peri Chicken係用香料醃製嘅烤雞，一切開雞汁溢出，仲出晒煙，一睇就知啱啱烤好，見到都流晒口水！食落雞皮好脆，雞肉真係好juicy同好滑，香料調味剛剛好，真係正！飯佢就加香料炒過，炒到乾身，味道有啲似平時喺kebab shop食到嘅飯~醬汁好惹味，有種甜椒嘅甜味，後勁有一個辣味，但係短暫同唔會停留喺口腔，刺激得嚟又唔會辣到食唔到。.Peri Peri Chicken (Qtr) + Fries ($85)🐔 🍟 朋友叫咗薯條，本身有上咗seasoning，但有小小鹹，同埋上菜只係暖，食落係腍身唔脆，小小失望~.呢度嘅Peri Peri Chicken真係唔錯，係價錢有小小貴，間唔中食一次都OK~

之前放假去過海濱匯覓食，好喜歡那邊的氛圍，旺中帶靜，又Chill又環境又寫意。今次再試不同的餐廳，選了口碑不錯的西餐廳Flames。這裡有落地玻璃對向Megabox和海傍方向，望著藍天白雪心情特別好！另一特別之處是設有戶外座位，之後天氣涼一點的話，一邊吹著涼風，一邊享受美食，加上日落美景，真的Chill出天際！1/2KG香草白酒煮青口配黑松露薯條 Fresh Mussels plus Truffle Fries $218香草白酒汁內有大量洋葱和蒜粒，超級惹味。雖然青口不算大Size，但熟度剛好，鮮嫩Juicy無渣，令人一口接一口。薯條的黑松露味不濃(也可能是因為青口汁太惹味)，但勝在熱騰騰，炸得金黃香脆，薯蓉綿滑，就算冷卻了也不會油膩，不錯！芝士肉醬焗玉米片 Loaded Nachos $98帶一點點辣味的肉醬令本來酸酸甜甜的味道更有層次，而且肉醬和Cheese的份量多，完全能附在每一片Nachos上，邪惡又有誠意！蟹肉香草忌廉蕃茄汁扁意粉 Crab Meat Linguine $158扁意粉軟硬適中，掛汁力強。蟹肉下手大方，一絲絲啖啖鮮味，伴隨Creamy又香口開胃的香草忌廉蕃茄汁，

出咗嚟做嘢好忙好少約朋友，喺友人推介之下嚟咗呢間環境比較靜啲嘅西餐廳🍴位於觀塘海濱嗰頭，近MegaBox多啲，平日可以行完MegaBox過嚟食都得，雖然地理位置係偏少少，但勝在環境夠舒服同人流唔多，相對上比較靜，好啱三五知己過嚟食吓飯吹吓水💬-💖1/2葡式香辣燒雞 配薯條 $188個燒雞就不過不失，啲肉一啲都唔會鞋仲好juicy，值得一讚係個辣醬好好味😋佢可以配薯條或者香烤雜菜，今次就配左個薯條試吓先。啱啱炸起嘅薯條好脆，表面灑咗好多辣粉，望落令人好有食慾🤤💖雞肉凱撒沙律🥗 $118個人最欣賞西餐廳嘅其中一點就係想食得惹味又得，食得清淡啲亦得！我叫佢個沙律醬另上，個沙律入面有啲煙肉粒麵包粒同埋巴馬臣芝士，就算冇點醬食落一啲都唔寡，再唔係點啲燒雞嘅辣醬食都好好味🥰💖菠蘿汁 $38佢呢度嘅飲品Menu有好多選擇，有Cocktail，Mocktail同juice；杯菠蘿汁🍹甜度啱啱好，唔會死甜，酸酸甜甜咁樣好開胃😝-本身想坐戶外位，但太搶手啦，要預先book定先💡可以黃昏嗰啲時間過嚟坐戶外位，食個early dinner，睇吓風景chill下，仲望到九龍灣嘅日落🌄好靚㗎

牛頭角海旁附近有間唔錯的Bar同餐廳，個到有露天位置可望海景，成間餐廳都好full,想食記得book位啦。黑松露薯條 ($48)好香的黑松露粉配粗薯條,薯條唔會炸到好油,黑松露粉如果比多d 就更好啦.蟹肉香草蕃茄汁扁意粉 ($158)好多蟹肉, 成個意粉每一啖都蟹肉,蟹肉的鮮甜味加埋香草蕃茄汁,醬汁口感十分creamy.燒大蝦配香草蕃茄汁扁意粉 ($158)有兩隻大蝦, 大蝦好厚肉,香草蕃茄汁好濃的蕃茄味, 酸酸甜甜好清新.佢地既扁意粉,好彈牙, 口感唔錯.

西餐lover want to cry cuz work at ngau tau kokBoth western restaurant taste normal /bull shxt but average 150 pp🤣🤣Here ge lunch around 120ppTry jor chicken pasta and fishBoth Pasta都幾好～雞有少少乾魚無咩味會推薦大家lunch黎食pasta唔算貴（係ngau tau kok黎講）但整體幾舒服又好味比起附近其他佢已經係最抵食最好😂😂

相约了朋友在這海濱商厦内的西餐店晚飯，本以為位置不在大街應該人流不多，到達時六時半仍未達晚膳高潮，那知店内已半滿，幸好朋友早著先機訂定位😊😊餐廳單邊落地玻璃向海傍，景觀甚好，天氣若佳，這裹是看黃昏九龍湾景色一好地方👍🏼👍🏼决定各選所好然後分享，我偏好海鮮點了香草白酒煮青口(一公斤)跟黑松露薯條青口斤兩十足，煮得火侯適中，入口鮮美嫩滑，我特別喜愛汁内有大量洋葱碎粒，十分惹味😋😋👏👏跟上的熱騰騰鲜炸薯條沾上黑松露粉，甘香鬆脆吃完這道菜再看堆滿一大碟的青口殼，便知足一公斤朋友好肉選了燒脆皮乳豬伴煙肉，檸檬，迷你捲心菜豬皮果然卜卜脆，豬肉則香嫩味鮮，好有咬感，伴碟的迷你捲心菜混合味濃的煙肉及清香的檸檬極配合，似食熱的沙律，有另一種口感😋😋👍🏼👍🏼有這海傍遠景更享受今晚簡單的一頓飯😀😀

黎到觀塘海濱食嘢，特別早啲到，未開始食已經可以好舒服咁欣賞一下靚靚嘅風景，有好多食客都喜歡坐室外，一邊飲嘢一邊欣賞景色我見好多食客都係提早預約過嚟食，所以預約會比較好，唔位咁耐！價錢方面，我覺得都比較貴，唔跟餐，大多都係散叫，飲品另計，所以價錢比較貴，另外加一服務費，侍應服務都唔錯！食物方面，份量中規中舉，但都食得出廚師係用心製作，意粉質感爽滑彈牙，加上配以祕製嘅肉醬汁，味道好香濃！仲有扁意大利粉選擇秘製香烤燒春雞

這天專程到官塘海濱長廊一帶遊覽，由官塘碼頭出發，一直走到海濱匯為終點，然後在Flames晚餐。這裡設有室外園林座位，環境優美，可是天氣仍然炎熱，我們選擇了室內座位，室內位置也相當有氣氛，不論二人世界或放工後和同事𣈱飲一番，也很適合。南瓜湯🎃🥣 $48味道香甜，口感濃厚燒肉眼牛扒配大蝦🍤 $288牛扒肉質鮮嫩，蝦肉彈牙入味薑黃蕃茄飯🍅🍚 $48份量十足，還擔心會吃剩浪費，怎知好味到停不到口，一點也沒吃剩。食材及調味配搭恰到好處，蕃茄沒有被薑黃味蓋過。薑啤🍺 $28兒時愛喝的飲品，童年回憶返晒來😅

今日同閨蜜行山睇日落，可惜雲多景色一般，唯有轉場食好野慰藉下心靈餐廳地點有點隔涉，近觀塘海濱尾端的牛頭角區， 如果坐巴士，可以在觀塘道休憩處下車，經隧道過對面一直向海濱方向行，大約行8分鐘就到。即志明橋附近。餐廳地方不大，雖然我們訂了位及有窗口位坐，但枱與枱之間過於親密。而且二人枱略細， 勉強最多可放三碟食物主餐牌食物款式不多，也有晚市套餐，反而飲品多過食品，不過如果好食貴精不貴多是理解的。另有加一收費。我們點了：蟹肉他他焗玉米片$128 - 玉米片下是用芝士墊底，不過芝士略硬，難分開玉米片，面頭蟹肉他他有蟹肉，夾住玉米片及芝士一起食，味道不錯如果芝士可以再軟身少少就完美了香草蒜蓉包$48 - 面包口感好鬆香，蒜蓉好惹味，好食燒脆皮乳豬$318 - 乳豬4分一隻，上枱時聞到香味，切開乳豬時感到皮是脆的。可惜咬落豬皮略韌，乳豬略肥，肉無味凍了還覺得好膩 比較遜色，不推薦！是日甜品法式燉蛋$68 - 燉蛋質感比較實，口感不夠滑，無蛋香，略甜，一般strawberry lover $68 - 賣相吸引，酸酸甜甜幾開胃，可惜士多啤梨味不太突出。P.s. 差不多食到尾聲，聽到隔離枱有人投訴ope

今次book咗兩個大人同一個小朋友的位置. 一去到餐廳，餐廳就已經主動問要唔要BB櫈， 而且未埋位就已經見到小朋友餐具已經ready咗。👍👍👍跟住啱啱叫完嘢食，餐廳就好主動咁拎咗顏色筆同埋填色紙比我個小朋友填色，真係好surprised. 今次我哋叫咗一碟意粉同埋薯條，再加多個兒童餐，好好味，食得好滿足。 😋😋😋btw, 個兒童餐個份量都幾足。個餐廳環境幾舒服，都幾適合一班人一齊食，如果happy hour 去，淨係叫杯嘢飲加多啲小食，都唔錯。

去完九龍灣婚展，飛的過嚟觀塘😂一行四人嗌咗個四人餐有七五折。埋單平均每人三百幾，都幾抵食。南瓜湯套餐加$108包兩杯餐飲，可以嗌Cocktail mocktail，紅白酒之後就到啲main courses呢個乳豬脾仔好得意，皮好脆，我哋傾咗一陣計先再食，仲係出煙😋😋

經OpenRice訂位set dinner for 2, 仲有75折性價比高。我覺得觀塘店適合喺附近返工去HH或者dinner。如果淨係過嚟食飯，就有啲舟車勞頓。因為附近只有食店或gym room。落的士後入大堂詢問處，只有一個恰眼瞓的姐姐，問佢1樓喺邊，佢指一指Pret(左)嘅方向，我連停車場電梯都搵埋都冇辦法上1樓，原來扶手電梯喺另一邊（右）俾間Cafe遮住咗。當我再經過詢問處，姐姐仍然喺度瞓覺💤。去到餐廳，當日客人唔多，但所有客人就被安排坐喺一條長枱，枱同枱中間只有一個人位距離，大家都在聽隔離枱傾偈，好擠迫。直至用餐完畢，其他枱都係冇乜客人。晚餐有沙律、湯、一個main、一個pasta和甜品。除咗湯同甜品其他都係share嚟食。Caeser Salad - dreassing 味道OK，係啲菜邊有啲氧化，可能切完之後擺得太耐Pumpkin Soup - 正正常常，唔熱有d稀Crab Meat Linguine - 係真蟹肉，份量幾多，嗰醬掛到喺個pasta度Rib Eye Medium + Fries - Rib Eye做到五成熟，但係唔香無乜牛味，仲有把刀唔夠利，中間條筋要切好

前幾日天氣又熱又焗，難得今日星期六再加上有少少風，做足防曬措施就去左觀塘海濱行下～行到咁上下lunch time就上openrice睇下附近有咩餐廳🥳本來仲以為要出返觀塘或者牛頭角先有野食，點知原來附近有楝海濱匯，入邊都有幾間餐廳可以選擇👍因為朋友想食西餐，而且都見幾多人食，所以就揀左呢間flame~~佢嘅menu選擇唔算多，但係雞牛豬海鮮都樣樣齊👍咁就唔洗咁眼花撩亂，又唔洗選擇困難症發作😊因為兩個人都幾肚餓，所以就叫左一個小食加兩個main~點知佢嘅食物份量都偏大😍食到好飽~-叫左一個蟹肉他他焗玉米片$158、雞肉凱撒沙律$118同埋炸魚薯條配塔塔醬$188😍呢個醬好creamy😋亦都有好多蟹肉😍再配搭埋紅葱頭更添一番風味～而且醬同玉米片嘅份量都好多。呢個凱撒沙律嘅份量都偏大，而且啲菜都好新鮮爽脆～佢仲有煙肉碎同埋麵包粒，好脆同增添一個口感👍炸魚薯條～係最期待嘅主菜😍果然冇令人失望，魚非常巨型，而且炸漿好薄，外脆內軟，仲有淡淡嘅啤酒味😋仲有薯條都好好食～每一條都係炸到脆一脆💯

見佢munchies同mains有折就試下先。第一次食，都算係中規中舉。知客好好禮貌。入到去都好心機講下今日有咩推介。叫咗個蟹肉他他粟米片佢話啲蟹肉係用殺他他醬入面有就係有嘅但係我就唔好食得出蟹肉嘅味道不過至少唔係仿蟹柳味整體黎講叫ok嘅～粟米片黎講又叫咗白酒青口配黑松露薯條薯條上左先，無乜好講，中規中矩青口就叫做有啲心機大部分青口嘅毛都抆曬你知啦好多餐廳都以為要有執毛先係食緊青口但係呢個青口煮得有啲過咗龍冇殼嘅話我以為自己食緊淡菜啲青口味同牛油蒜洋蔥味就調亂晒最後仲點咗一個乳豬髀佢盆菜係用小椰菜稍稍讓我有啲驚喜(因為我鍾意食小椰菜)但其實小椰菜處理得唔好都可以好難食不過其實佢都處理得算係咁㗎喇我自己就鍾意佢有少許澀味而又可以掛汁至於乳豬髀咗反而有啲失望因為實在太平庸另外唔知係我睇漏眼定係點我明明就見到佢去寫烤乳豬以唔係烤乳豬髀結果嚟到嘅時候呢個髀唔知係我點嘅菜式咁啱係順住咁去定係佢真係有諗過出菜次序見到順住咁出都係感覺良好不過如果大家係諗住食快餐就唔建議去呢間呢度真係畀客人一邊食一邊傾計嘅地方每道菜這間隔時間都比較長淨係青口同乳豬嘅距離都差唔多有35分鐘(已經未計我落單開始起計嘅時間