Fish & Chick (新海旁街)

营业中

休息中

The food was great and the service was very friendly with a very reasonable pricing. Food came out very quick with very good sized portions. Very cool decor and a great view overlooking the bay. We loved that it is just a block away from our home. Will definitely go back.

放工時間，地鐵故障，九龍綫多人到不得知了，返屋企嘅時間亦都長了。約左我HONEY去食晚飯，由於唔知我幾點會返到，於是佢搵左個地方邊嘆啤酒邊等住我，佢揀左FISH & CHICK 邊嘆啤酒，邊望海景。到我黎到都8點，順便食埋個晚飯，我哋叫咗個二人套餐。 二人套餐都有幾款選擇架，我地揀左煙三文魚沙律配蜜糖刁草汁、是日餐湯、傳統英式炸魚配薯條、烤雞半隻配甜粟米、同埋凍檸茶。煙三文魚沙律配蜜糖刁草汁：菜新鮮嫩口，配上煙三文魚同酸尾尾嘅醬汁，清新開胃。是日餐湯：是日餐湯係粟米湯，此粟米湯並非一般我哋飲嘅罐頭粟米湯。粟米嘅甜味配上忌廉嘅滑溜，加埋有少少粟米嘅渣宰，有口感又唔覺得膩。傳統英式炸魚配薯條：有趣在於個炸魚表層好脆，內裡魚肉好腍，口感外脆內軟，不錯。喜愛食鬼佬薯條既我只感到脆口。燒春雞配粟米：半隻燒春雞，雞肉好滑，用香草醃製過，肉質滑而不"鞋"，雞皮唔係乾爭爭果隻。粟米既牛油味好重，十分甜。凍檸茶：唔係我哋飲開茶餐廳既凍檸茶，係鬼佬紅茶加左類似蜜糖的糖槳，好好飲。

今日嚟到呢間炸魚薯條同埋燒雞嘅專門店，朋友介紹話值得一試，又即管放假嚟試試😎平時其實好少喺出面食魚柳，尤其是係快餐店/茶餐廳，一嚟對「魚柳」嘅來源好疑惑，二嚟嗰陣雪味真係好難僻走。嚟到呢間專注做好一樣食品嘅食店，就俾到真正嘅英式炸魚薯條你，有咩魚都list哂出嚟俾你揀，有急凍有本地新鮮魚👍🏻食呢啲熱氣野都無可避免要嗌野飲，happy hour時段1664好似五十幾蚊杯，ok啦。半隻烤雞，配菜揀左甜粟米。粟米明顯係用罐頭，一般都唔會夠甜，但佢勁香牛油味又好甜，可推斷佢調味都幾重手。烤雞有淡淡嘅herbs味，層皮唔算好肥好厚，所以咬落都算香口，肉質就depends部位，雞脾梗係滑啦，雞胸係預左爭啲，但整體係唔錯嘅。點菜時問店員有咩推介，佢問我鍾意實啲定滑啲，我話要實啲佢就推介我揀monk fish。嘩！幾難遇到炸魚柳係咁厚嘅魚！即炸炸得好脆但唔會油淋淋，店鋪亦標榜每日換炸油，所以炸出嚟個金黃色都好靚，啖啖肉感覺夠實在👍🏻見隔離枱食洋蔥圈呀炸魷魚炸蝦都好鬼吸引，呢間野ok嘅可以encore😋

西環一帶，甚少踏足，地鐵確實拓寬我的美食之旅，堅尼地城站出，毫無難道到海皮，原來是外國人聚集處，星期五熱鬧得很，朋友介紹下來試試好有外國感覺既炸魚小店，果真沒介紹錯，座位不多，但坐起來還是舒服，食物當然離不開炸，既然點了炸既比目魚，就來個煎盲鰽，真的很出色，香！脆！滑！配搭薯蓉真的不得了個汁是精髓

Fish and chips 一直感覺上最無死的一款菜在朋友介紹下在這裡嘗了個不錯的晚餐。難得在平日day off , 可再一嘗這裡的fish and chips 的lunch set！。前菜是炸蘑菇沙律把蘑菇切半，想不到的juicy 和蘑菇的鮮味在口中混和，絕對是意想不到的驚喜！。之後就到主菜fish and chips 依舊的份量十足！新鮮炸起的炸魚滴下了檸檬汁，再點上沙律醬、粗鹽，絕對的滋味！新鮮炸起的真係無得輸！可惜的是，這次的薯條就相對失色，不論和上一次晚餐的薯條相比還是和這次的炸魚比較一入口的感覺：油太多！ 好似在口中湧出來似的。。。。。吃著吃著，喝著喝著，看著旁邊的海塝，這裡也是也一個鬧市中的小綠洲。。。「浪人狂奔於追逐太陽浪潮洶洶湧湧而上狂浪吞噬自由土壤」浪人－Supper Moment

Ordered monk fish. The batter is thin and crisp. Fish is well seasoned and tender. Tartar sauce is good! Fries are yummy too. Wish the portion is bigger but still highly recommended. Restaurant is small but acceptable. If this is in causeway bay or tst, the line will be long....

朝早上完堂後同朋友係堅尼地城揾野食，比我地發現到呢間面海既餐廳。雖然價錢偏貴，但舖面裝潢頗有格調，又有海景欣賞，於是就決定係呢度食lunch。晏就lunch set $88起，包前菜、主菜同飲品。前菜叫左個smoked salmon salad，頗為軟身既煙三文魚微鹹帶鮮味，配沙律菜同沙律醋好夾，惟店舖只係用左一種沙律菜，口感相對單一，菜亦比較乾身，整體而言不過不失。主菜叫左fish and chips，炸魚大件厚身，外脆內軟多汁，炸粉又唔會太厚，值得一讚。如果魚肉可以結實小小就更加好。薯條都相當唔錯，應該係用新鮮薯仔切條炸出黎，但份量太多，食唔晒浪費左。朋友叫左個half roasted chicken with corns (唔太記得叫咩名)，比我試左啖，雞肉既味道偏淡而且比較乾身，但肉質鬆軟，雞肉唔會好肥，相對比較健康。飲品揀左iced lemon tea，無咩特別，反而係店舖免費提供既檸檬水有驚喜。大多數餐廳既檸檬水都係就咁放幾塊檸檬落壺水度，杯水其實無咩檸檬味，但呢度既檸檬水飲落有好香檸檬味，似飲緊檸檬果汁，令人眼前一亮，feel到餐廳對客人好有心思。整體而言食物質素幾高，加

返完學，近近地落堅尼地城食晚飯見到呢間餐廳裝修幾特別，似水手及船上的裝飾佈置，於是入內試下先由於餐廳在海傍，入到餐廳內仿如去了外國的餐廳般休閒😃😃當晚點左佢最出名同佢鋪頭名標榜嘅Fish & Chips，同埋烤雞，仲有炸魷魚圈圈✨Fish & Chips炸得好鬆化，一d都唔油👍👍😋😋烤雞好嫩好滑，仲有磨菇伴碟，GOOD👍👍炸魷魚圈圈亦都鬆化新鮮，香脆好味😋😋仲叫埋兩杯Lemonade，感覺好fresh😋😋

新年食得多中菜，就想食下鬼佬野🤣 唔係太多鋪頭開門，經開見佢又有開門，又幾多人食，就入去試試佢～又唔錯喎，一睇鋪頭名就知出名fish & chips啦，果然炸得好薄，好脆，唔錯！驚喜嘅係隻雞好好好滑呀😋😋😋 兩人食約$350埋單！

今天是母親的生日，她之前已有幾間餐廳想試，特別去年到英國旅遊後, 愛上當地文化，所以在堅尼地城海傍這間叫Fish & Chick 就十分適合今晚和家人享受的餐廳格調很有英國小市鎮情調, 望出餐廳外可欣賞非常壯麗的夜景，真的很享受我們先來一個凱薩煙三文魚沙津, 沙津本身已有香香的醋味, 吃起來很fresh, 加上煙三文魚的囗感, 令大家開了個胃這個滋味海鮮籃我和屋企人都十分喜歡，有炸魷魚 炸蝦 炸生蠔 炸蟹球，而且味道非常 , 又不太油膩，百吃不厭來這裏，當然不少得炸魚薯條，爸爸幫我們點的是鱸魚，我很自然就先試試薯條, 無論沾茄汁或魚汁, 都非常捧, 炸魚柳當然沒有令大家失望，炸出來感覺很新鮮，完全沒有雪味最後來的是(半隻)原味烤雞配薯蓉，同之前一樣, 味道很好, 烤雞烤出來已經很香很入味, 不需配汁已經令我回味無窮想給所有服務員一個，除了經常為我們添加水外, 還問我們食物是否okay, 在附近居住嗎？ 親切的服務態度今時今日不是大多數餐廳做到的，加上能提供高質素食物更難得，希望可以繼續保持水準

同朋友補祝生日, 去D我地未去過既地方從未踏足堅尼地城, 環境不錯, 人唔多, 間店對出係個海!黎之前CHECK過OPENRICE話個蟹沙律好食, 味道真係不錯, 只係覺得, 個蟹球好似縮左水?左邊係雞湯, 入面有青豆, 味道OK, 右邊係粟米湯, 超好飲, 好香!我地既主角FISH N CHIPS, 餐牌上話如果揀第2D魚就要加錢, 由於本身佢地既野食都唔平, 所以跟餐好了魚既肉幾白幾新觧, 炸漿不厚, 好食呢個係炸雞扒配薯容, 送黎既時候認唔到佢係炸雞, 因為好似塊豬扒, 味道一般, 好硬...

堅尼地城果邊個海旁好好行，不嬲都唔算多人多車🤗而且附近仲有好多餐廳，雖然某啲價錢唔平，但係坐低食下野望下海生活都幾悠閒嫁☺而呢一間餐廳就係海旁果到，黎食個lunch飲杯啤酒都不失為忙碌生活中嘅一個小綠洲📌炸魚配薯條(set lunch)🐟💰HKD88好少食呢樣英國名物😂個炸魚都幾大舊🐟個炸漿唔太厚，而魚亦唔會乾爭爭👍🏻我就覺得炸魚冇乜魚腥味，而且啖啖肉，又冇骨，懶人一定中意嘅野😌如果大家怕腥，佢都有檸檬、粗鹽配嘅🤗好傷心我啲粗鹽比人搶晒😒而薯條呢🍟係粗薯條！新鮮熱辣呢！薯條份量都幾多，而且都幾好味😌跟餐仲有一個前菜(湯或沙律)、一杯野食。我叫左杯檸檬茶，淡而無味，中意港式檸茶多啲🍹食完成個set lunch飽到上心口❤真係非常非常飽，而且質素十分不錯，收費加一後大概💰HKD100, 有興趣嘅朋友可以黎試下啊🤗

最愛吃雞!最愛吃廚師用心弄的雞!　這裏有!難得W先生放假，特意遠步前來吃西環堅尼地城特色小餐廳。先是選了2人套餐，頭盤選了炸鮮蘑菇沙律，以及滋味海鮮籃。本以為炸磨菇是一絲絲蘑菇，但出乎意料的好吃，是外脆內一堆堆….咬啖後，蘑菇肉汁滲透出來的菇菇，滿足了愛吃”菇”的我！原來一團菇炸出來吃，更突出菇的原汁原味。沙律菜與黑醋好Match，也很新鮮。頭盤二，滋味海鮮籃，先來個炸鮮魷魚，咸咸地，又有魷魚鮮味，很開胃，是不錯的小吃啊!再夾一個蟹肉球，蟹肉是真蟹肉，絕非普通的蟹柳，味道調較適中，拈一拈、點一點沙律醬更佳!炸魚手指與食指一樣大，我和W先生每人吃一條，也很足夠，之後是炸鮮海蝦，想不到頭盤挺大份而不悶呢!主菜吃FISH(傳統英式炸魚配薯條升級黑線鱈魚)，薯條是粗直薯條，感覺很多，2人吃也吃剩2條已很飽肚。炸魚被切後，每人3塊半，點一點沙律醬、加添檸檬汁，或加點魚黑醋，更帶出魚的鮮味，又Fresh又甜又少少檸檬黑醋酸，立即令味蕾有多種味道感覺，使一條普通的魚變得不再普通！再黎一道CHICKEN，烤雞半隻配粟米。雞！在這裏，我吃到了新鮮雞、滑肉Juicy的雞、啖啖肉的雞，慢慢慘出來的雞油，更是

閒日放假，嚟到堅尼地城海傍遠離人囂，望住海，吹住風，嘆個lunch。late lunch時段(~2pm)冇晚餐時段咁繁忙，餐廳坐到一半到，餐廳色調加英文pop song，感覺非常優閒。點左個fish & chips set lunch，揀咗粟米湯同凍檸檬紅茶。粟米湯夠熱夠濃，帶點甜，有唔少粟米。味道是我喜歡的，但有幾啖稍嫌啲鹽落得唔夠均勻。炸魚味道同肉質可以，炸皮夠香脆，冇油益味，餐廳強調食油係新鮮而非再用千年油。薯條ok，整整常常。凍檸茶味道較淡。Waitress 態度親切， 做野快手。Bar同廚房感覺整潔。餐廳門口係open，難免會有一兩隻烏蠅飛嚟飛去，冷氣亦可能因為咁開得較凍，兩樣都可理解同接受。下次有得放閒日會再嚟試燒雞。FYI 平日lunch做到三點，星期六日冇做lunch set。

Hubby is a NZ Fish & Chips expert and we are always hunting for true QUALITY Fish & Chips in HK - fact is not many of them exist here.We ordered a glass of ginger ale, Fish & Chips (Hake) and fried oysters.It was quite a wait for our 2 dishes-25mins at least. Fish was ok but wouldn't be rated as outstanding. Tasted similar to common Hoke and Seabass used in fish & chips with a crispy battered. Size of the fish can be more generous. It was $140 before surcharge so slightly pricy.The fried oysters