February

营业中

休息中

好有心思好特別嘅餐廳💛一入嚟就見到個大電視喺度播緊啲舊英文歌好有feel~意大利飯龍蝦汁好香濃，飯粒軟硬度適中❤️牛小排質素比想像中好，豬手上枱後會有人黎點火，手機要提早ready定😹打卡一流但係就咁食都幾咸下，建議配搭其他野一齊食。但由於豬手等得太耐最尾先黎，我地就咁就食左。。。。另外男朋友生日，知呢間餐廳有甜品畫所以remark左想畫路飛比佢，畫得好靚好似❤️男朋友好中意💕觀塘竟然有咁獨特咁窩心嘅餐廳實在太感動喇😆

之前都食過幾次February，今次終於的起心肝寫返個食評，佢嘅set dinner包左前菜，湯，主菜同飲品環境方面無論一大班人聚會定兩三知己相聚都好啱松露野菌忌廉湯黑松露味超香濃，忌廉湯好綿滑，就咁飲同配麵包食都好正牛油果芝士蟹餅蟹餅炸得香脆又唔會好厚粉，蟹肉同芝士都幾夾金槍魚配芒果柚子沙律沙律菜好新鮮，配埋柚子食相當清新，不過金槍魚味道就比較普通香煎西班牙黑毛豬鞍黑毛豬就算煮到全熟食落都好嫩滑，幾多肉汁，薯蓉好重牛油味，伴碟一流黑松露意大利飯配大啡菇意大利飯好creamy，每一啖都食到野菌同洋蔥，而大啡菇鮮甜多汁青檸梳打飲品就叫左青檸梳打同凍檸茶，酸酸甜甜嘅青擰梳打好解膩

舊同事榮休,約咗佢係佢公司附近嘅西餐廳食飯聚舊。暗暗地嘅環境,襯托出土耳其燈嘅鮮艷光彩,加上輕鬆嘅歌曲,相當有情調。適合三五知己吹下水,或者同另一半慶生、撐檯腳😁餐牌做得精美,食物選擇多,見到圖片已經有啲肚餓啦😂意大利巴馬火腿伴蜜瓜🥓🍈鹹香嘅意大利火腿,配上香甜哈密瓜,味道新鮮嘅前菜!Lychee Boom Boom &青檸梳打🍹🍸色彩繽紛嘅荔枝Boom Boom香甜中帶微酸。清新涼快嘅青檸梳打十分消暑解渴!德國火焰咸豬手配酸椰菜🔥只係咸豬手一大隻,冇咩特別唧🧐😏服務員淋上酒後點火,馬上火起"三千丈",將豬手表面嘅油燒走之餘,令到表皮更香脆。打卡後,服務員將咸豬手去骨切成一塊塊,方便食。豬手偏瘦但又腍,咸香入味,就咁食或點黃芥末醬一樣好味。配角酸椰菜令人增加食慾。果真視覺加味覺雙重享受黑松露意大利飯伴大啡菇🍄意大利飯較軟身,每一口都有忌廉嘅順滑加黑松露嘅香氣。大啡菇肉厚有咬口,同個意大利飯好夾!除咗食物有質素外,服務員專業又細心,時刻提點客人小心梯級,每一道菜式都有足夠嘅時間畀客人享用,值得推介

近來因為在觀塘附近上課的關係，都比較晚用晚餐 ，所以要找一些比較晚關門的餐廳。 才可以慢慢地用餐。 (同時建議 OpenRice可以加設營業時間搜尋）這間是比較晚收的一間，可能因為它同時亦為一間酒吧。 服務是貼心，環境不俗，是吵了一點，如要談心就不適合了。這裡沒有一般酒吧的煙味， 而且很多檯都在慶祝生日。  食物份量也是適中，但價錢是感到有點少貴。  食物味道是很不錯。點3 碟食物，2個人剛好吃完，還感覺到有點飽。 

好耐之前就Bookmark 左呢間，因為生日甜品好靚雖然今次冇人生日但都好想試下一入到去就燈光微暗浪漫氛圍配上馬賽克燈金槍魚配芒果柚子沙律金槍魚鮮配上芒果柚子甜酸,非常清新開胃牛油果芝士蟹餅擺盤靚❤️應該即叫即炸，上到枱熱辣辣牛油果MIX芝士，滋味中帶點清新香煎黑毛豬鞍超厚黑毛豬鞍非常有厚度但仍然保持肉汁,兩邊微燶而唔乾身配菜薯蓉都好好味英式炸魚薯條非主打但意外出色,粉皮薄脆口，完全沒有腥味Cappuccino &青檸梳打飲品都落心思，將平淡的飲品變得IG-ABLE

觀塘一帶嘅工廈區有好多隱世美食，今日同朋友放咗工就黎到中海日升中心搵野食，上網見到環境，裝修同食評都唔錯，就決定過黎試下可能因為係平日嘅關係，餐廳人流比較少，空間感比較唔侷促，同朋友傾偈都可以大聲少少，同枱與枱之間都好寬躺，坐得好舒服我哋今日叫左兩個dinner set，主菜分別係香煎三文魚$388同美國頂級牛小排$488首先餐廳職員嚟咗麵包同埋餐湯🔥法式龍蝦湯（add on $20)鮮味十足，好濃郁嘅龍蝦味，調味做得剛剛好，唔會太咸🔥松露野菌忌廉湯松露味好突出，個湯裡面仲有粒粒嘅蘑菇，配埋麵包食簡直一流🥗金槍魚配芒果柚子沙律個金槍魚做法好特別，魚嘅外皮包上黑白芝麻，金槍魚烤到半熟，裡面嘅肉質仲好嫩滑，再加上沙律有柚子，芒果🥭令到成個沙律酸酸甜甜好開胃🥑牛油果芝士蟹餅個蟹餅裏面嘅薯仔加咗忌廉、牛油果一齊整成薯餅，個質感非常幼滑，裡面仲有一絲絲嘅蟹肉，外皮加上麵包糠，所以炸得好香脆🍣香煎三文魚個三文魚外皮煎到好香脆，三文魚本身好肥美，加上魚油非常香，肉質亦都嫩滑，再加上酸酸甜甜嘅醬汁，口感好豐富🥩美國頂級牛小排食牛扒貴少少係有原因嘅，呢塊牛扒絕對配得上「頂級」兩個字，非常之juicy ，

觀塘有好多餐廳，但酒吧真係唔算多，今個happy Wednesday就比我揾到公司附近一間有情調好啱收工happy hour嘅bar & restaurant - February！餐廳位於中海日升中心，相信去過觀塘揾食嘅朋友一定聽過或者黎過呢度。餐廳裝潢偏深色系，特別裝咗好多馬塞克燈，好有情調！金槍魚配芒果柚子沙律(set) 外層包住香料再煎香金槍魚，食落好鮮美，搭配口感清爽嘅柚子同甜芒果沙律，好適合夏天嘅開胃前菜！黑松露野菌忌廉湯 (set) 以新鮮野菌打成蓉，但特別保留少部分雜菌粒，加上雞湯同忌廉煮成，菌類爽口感加上香濃黑松露配上香脆餐包，如果有埋牛油或者黑醋比我就好啦。牛油果芝士蟹餅 (set) 擺盤賞心悅目，外面炸到金黃香脆，蟹餅薯蓉餡鮮香幼滑，牛油果嘅味道就比較淡。香煎西班牙黑毛豬鞍（$388）鮮嫩多汁，外皮脆香，配上醬汁同蘋果蓉，平衡返油膩感，伴碟仲有煎瓜同薯蓉，都幾好食！黑松露意大利飯伴大啡菇（$228）上枱超級熱辣辣，份量好大，實夠兩個女仔share食。大啡菇濃厚多汁，同黑松露嘅味道好夾，而意大利飯就咬落彈牙煙韌，夠曬creamy！MOJITO（$78）新鮮薄荷葉、青

二月是個美好的月份，春節期間，喜慶處處，人們懷著期待的心❤，等待春季的到來。中國人特別重視春節，這是團聚的日子，是美食的日子，是充滿希望的日子。帶著期待的心情，來到February, 特別的燈飾裝點，真是有喜慶的感覺，七彩的玻璃燈飾，不像中國式的，有點像歐洲的教堂玻璃，當然這不奇怪，這裡是吃西餐的。我們慕名而來，點了這裡出名的豬鞍和羊架餐。午餐很豐富，有麵包🍞，麻醬豆腐，餐湯，主菜和甜品，用一個托盤送上。厚大的豬鞍鬆軟多汁，配有薯蓉和蔬菜，羊架肥美，有芥末香味，我們分享兩個主菜，前菜，湯，甜品都小巧精致，吃完整個套餐後，還奉送一杯飲品，坐在舒適的環境裡，七彩燈光下，享受了豐富的February 之大餐。

觀塘嘅February係酒吧西餐廳，Signature dish 德國火焰咸豬手好睇又好食！Stella $58/250ml1664 Blanc $58/250ml炎炎夏日，啤酒真係最好嘅解暑良品！和風清酒蒸鮑魚 $148鮑魚蒸到啱啱好，肉質軟腍帶清酒溉清香！醬汁香甜誘人，亦突顯咗鮑魚嘅鮮甜味，好好味嘅冷盤！水牛城雞翼 $98上菜時熱辣辣出晒，辣度同埋酸度均溫和，而且啱啱好！德國火焰咸豬手配酸椰菜 $298February嘅必點item！豬手勁大隻，上菜時店員非常樂意配合客人影相/拍片嘅節奏，加分！火焰燒盡後，會幫手斬件，服務夠貼心！豬手嘅豬皮勁爆香脆，肉質帶彈性，配甜甜哋嘅蜜糖芥末醬真係唔錯！on side嘅酸椰菜夠晒Fresh，能解去豬手嘅飽滯感！

一直有聞觀塘的工商業大廈隱藏着許多美食，這天午膳時，朋友帶我到這家February一起享用午膳。首先縱然餐廳的燈光較陰暗，置身其中，有着較舒適的感覺。可供選擇的午餐包羅萬有，而我選擇了肉醬意粉、朋友選擇了黑毛豬鞍架。當侍應送上午餐時，托盤上滿滿的碟子帶來驚喜。首先有忌廉湯及餐包，前菜就有炸雞翼及凍豆腐。炸雞翼尤其出色，外脆內嫩，咬下去時肉汁立即噴出來，不是說笑的。然後到主菜，肉醬意粉，通常在其他店舖吃肉醬意粉時，我都不能完成一客，因為總是會覺得太鹹或太濃味，但今天我竟然不消5分鐘便把意粉吃光了。意粉內的牛肉碎充滿濃濃的牛肉味，這是我意想不到的，當然滿足我牛魔王的慾望。茄醬份量適中，整個意粉吃下去甜酸甜酸的，合我胃口哦！在完成意粉後，到我喜歡的甜點，brownie，雖然它是較甜的，但由於只是一小口，能確切地滿足我對甜品的慾望。以$78 ，吃到此餐，性價比甚高！而朋友所叫的黑毛豬鞍架，吃下去像用了孜然粉醃的的，十分好吃。不得不提示他的薯蓉，薯蓉內藏有一粒一粒的薯仔碎，吃下去有口感，我真的十分喜歡這個薯蓉！若大家下次有經過觀塘時，可以到此店一試！

今晚約咗朋友去觀塘，嚟到中海日升中心入邊原來有好多唔同類型嘅餐廳選擇，我哋揀咗呢間西餐廳有得飲下嘢，環境氣氛都唔差，入面擺設好有特色嘅土耳其燈，喂餐廳增添唔少藝術格調。我哋兩個人叫咗兩杯無酒精飲品，感覺好夢幻，好有視覺效果，白桃梳打同荔枝梳打，再配埋個小食黑松露芝士薯條，上碟大大碟熱辣辣香濃嘅黑松露醬，慢慢享受。主食要做一個烤羊架，佢有三大舊，羊架烤得剛剛好，要趁熱食沒有膻味，配埋炸蒜更惹味。另一款要咗卡邦尼意粉，佢賣相好靚上面有隻半熟流心蛋，混合蛋汁好creamy!份量絕對夠兩個人食，絕不吝嗇。整體價錢公道味道都10分出色啱晒朋友聚埋一齊傾偈飲嘢加上佢又不限時可以慢慢詳談。

#ftf_觀塘 漆黑中的螢火蟲 觀塘隱世高質西餐廳 絕對有驚喜！舖位完全唔起眼，但係好彩都比我發掘到依間餐廳，裝修帶點懷舊，但有格調！試完之後，真心誠意推薦！份量比一般西餐廳多，飽到上頭殼頂！法式寶雲酥羊架 $268⭐️⭐️⭐️⭐️⭐️寶雲酥同一般羊架最大嘅分別就係，面頭有大量香草、蒜蓉同麵包糠，淨係呢個配搭你就可以想像得到呢個焗羊架係幾咁香口，蒜蓉同麵包糠令到表層口感鬆脆，內裏肉質嫩口又juicy，火候恰到好處，唔會太生，冇血水，又唔會太老太靭，厚薄剛好！驚喜滿載，呢個我比一百分！ 唔點醬汁已經夠味，點埋旁邊嘅醬味道更加退步到另一個層次！薯蓉亦有驚喜，唔係一般嘅薯蓉，帶點微酸，妹妹表示十分喜歡！黑松露意大利飯伴大啡菇 $228⭐️⭐️⭐️⭐️Portion 好大，黑松露味道唔太重，白汁creamy得黎唔會太膩，野菌比一般餐廳多，十分足料，大啡菇香口多汁！呢個一定要趁熱食！意大和巴馬火腿伴蜜瓜 $138⭐️⭐️⭐️整體味道正常發揮，呢個配搭係穩陣之選，Parma ham鹹香味稍為偏淡，可能係蜜瓜唔夠甜突出唔到火腿鹹香味，但我覺得呢個相對比較難控制，好睇蜜瓜當唔當造。LYCHEE BOOM BOOM $68⭐️⭐️

只要每位最低消費$350，就可以畫畫免費！❣️畫咩寫咩可以預約時同店員提出😛🔥最推介係火焰豬手🔥-<德國火焰咸豬手伴酸椰菜薯仔沙律>💰$298上菜之後店員會過嚟點火🤣D油脂出晒嚟，所以食落口唔漏！配菜酸酸地幾開胃～回頭率：🔥 🔥🔥🔥🔥/5幸福感：🔥🔥🔥🔥🔥/5飽肚感：🔥🔥🔥🔥🔥/5性價比：🔥🔥🔥🔥/5不專業評分：9/10👉🏻簡而精咁形容：個皮勁脆，d火好吸睛🤩-<美國頂級牛小排>💰$288牛扒七成熟，食落正常啦，但係呢個價位真係細份左啲……我應該要食三碟先飽lolllll回頭率：🍴🍴/5幸福感：🍴🍴🍴/5飽肚感：🍴🍴/5性價比：🍴🍴/5不專業評分：7/10👉🏻簡而精咁形容：好食但太少，唔抵食-<朱古力心太軟(+畫碟服務）>💰$78朱古力苦苦地唔錯，朱古力醬好濃郁，做到外脆內軟～回頭率：🍫🍫🍫🍫/5幸福感：🍫🍫🍫🍫/5飽肚感：🍫/5性價比：🍫🍫🍫🍫/5不專業評分：9/10👉🏻簡而精咁形容：正常發揮心太軟，畫碟加分🥹🫶🏻超適合慶祝活動～-Btw間餐廳唯一扣分位係啲音樂真係好格格不入……………..好似變咗卡拉OK房咁，成個格局low左好多…………

今日去觀塘探朋友，唔想去APM 食野，佢話帶我去一間有karaoke 風餐廳🤣黎到環境唔錯，同埋真係對住個電視📺餐廳會播一d 經典廣東話歌，真係好耐冇去過卡房，感覺好特別同埋好耐無聽過咁有回憶既歌。呢度坐落都好舒服，職員反應好快同埋好有禮貌，好快就幫我哋落單。呢度都幾多扒餐可以叫，我哋叫咗法式羊架，美國豬肋骨。佢等10分鐘左右都上菜，新鮮熱辣辣！我係揀咗羊架，好入味！啲薯蓉都好好食，其他伴菜都豐富。我朋友就揀咗豬肋骨，佢就要燒耐少少，都係12 /3分鐘鬆啲睇個樣都好似好好食，我都試咗佢少少，啲豬肋骨燒得好香☺️我哋個人枱好鍾意佢嘅薯蓉餐飲都係普通叫咗凍檸茶同埋紅茶最後埋單都算合理嘅價錢，而且我哋坐左差唔多兩個鐘，職員都沒有催促我們離開，感覺好舒服，好難得喺觀塘可以坐咁耐食嘢，因為好多餐廳都好迫好多人，呢度都值得下次再嚟❤️

平時觀塘放lunch hour，都是去地鋪的茶餐廳嗱嗱臨搞掂，難得今次約齊腳，我們決定試吓茶餐廳地舖樓上的西餐一入到去，先知道原來這裏有得飲酒，下次試吓放工來happy hour午市套餐有肉有包有意粉，我們決定每人叫一個，跟住再share嚟食。原來每個set都已經有一個主菜，一個湯，一個餐包，一個豆腐，一個甜品。在一小碟一小碟裏面，最吸引我的是這個炸雞翼，炸雞翼香脆，裏面又不會太乾，而且很大隻，即刻就可以滿足lunch time的肚餓感湯落足料香草，蘑菇，不是一般開粉的，而是真正打磨出來的， 10分滑，又有忌廉的感覺跟餐的餐包會烤過，表皮脆卜卜，最適合加入忌廉湯裏面吃 吃完雞翼最好就是有這個芝麻醬豆腐來調味，清淡的感覺醒一醒神。Burger入面好像熔岩一般流出來，而且漢堡扒做得非常多肉汁，不會太乾。豬鞍好大塊，適合大家分享，而且下面的薯蓉是一粒粒的，不是開粉。 最後的提拉米蘇細細舊，滿足一下食甜品的心，又不會怕肥。